الطلاق العاااااااااااااطفي

ح

حياتي ملك لربي

New member
إنضم
2010/06/07
المشاركات
42
السلام عليكم

بنات انا مكتئبه جدا ومهما مثلت السعاده احسها مجرد وهم بالنسبه لي

انا عمري 25 سنه متعلمه ومثقفه تزوجت من 6 اشهر

ايام الخطووووبه حاربب الكل عشاني والملكه عيشني ملكه يدق بالدقايق علي

وكان ينتظرر اليوم اللي يجمعنا فيه سقف واحد

تزوجت منه عمره 36 سنه يكبرني ب11 سنه انسان ملتزم وداعيه الى الله وحافظ لقرانه

مشغول كثير بالدعوه ومثقف جدا رومانسي لابعد حد وشخصيته شمالي شرقي

الحين من تزوجنا بس ست شهور واحسه مايبغاني طبعا انا الزوجه الثانيه وساكنه بنفس

العماره مع الاولى هي فوق وانا تحت انا اشوف حياتهم متجدده وفيها حب وانا ماحسه يحبني

برغم اني اسوي كل شي حلو وطيووووووبه مره مع زوجته وعياله وهذا اللي كان يتمناه

طبعا اتفقنا انو الحمل يتاخر لسنه قدام عشان نستمتع بالحياه ولكن اراد الله ان احمل بعد

3 اشهر من زواجي تضايق مرررررره وزعل ولا اخفيكم فكر بالانفصال يقول انتي السبب

متغيره معاملته معي مرررره والسبب الطفل الحين حامل لي4 اشهر وحياتي مقلوبه فوق تحت

مره قالي ماحبه ولا ابغى اشوفه بعدين قال كنت امزح معك للعلم انه يموت بعياله

وانا متاكده انه راح يحبه لانه حنووووون بس قاسي علي ويعترف ويقول انا اقسو عليك كثير

امس صدمني وقالي بيننا طلاق عاطفي ماحس ناحيتك بشي ومن فتره ينام بغرفه وانا بغرفه

يعني عايشه لوحدي بينا حواجز كثير جدا نتكلم بالموضوع ونتناقش مافي فايده

دايم النقاش عقيم بيننا انا اقنعه وهو يقنعني واحس الحياه بينا صارت مستحيله

الحين اخدمه واطبخله وانظف البيت ومنتبهه لنظافتي وبالمقابل يصرف علي ويحترمني

وينفذ كل طلباتي ويطلعني لاهلي مايرفض لي طلب

بس مافي مشاااااااااااعر انا تعبانه نفسيا حتى الجنس يابنات يصير بينا كأنه تفريغ فقط

مافي حب مافي اشواق لبعض

انا احس بنقص لأنه كان غير كذا كان يعبرلي عن مشااااعره ويموت فيني وعطول يشمني

ويبوسني والحين وربي البوسه ماعرفها من فترررررررره واحبك ما عاد اسمعها والرسايل

انقطعت بينا كان يرسلي الحين بطل صارت الحياه ممله واللي متعبني اشوف العكس

مع زوجته الاولى يقولي الحياه صارت رتيبه ممله وانا قاعد امشي بس الحياه بينا

ولا ماعاد في شي يستاهل.....


اللي صدمني جد الطلاق العاطفي........

يقولي انا ماتحمل الحياه كذا قلت ولا انا اتحمل قال نشوف لوين نوصل...

وش اسوي صار يدقق ع سلبياتي ويتجاهل ايجابياتي..​
 
الله يعينك اختي ماعليك من كلامه خليك بتعامله وتصرفاته وحافظي عليه وبحكم انه متزوج زوجه ثانيه حيكون فيه مقارنه عشان كذا اهتمي اكثر فيه
 
الله يفرج همك ارقي نفسك وبيتك وزوجك يمكن بينكم حسد تقربي منه اكثر واكثر دلليه ودلعيه وتوددي له والله يسخر قلبه لك
 
لا حول ولا قوة الا بالله
حبيبتي التزمي بالتقرب الى الله
وقراءة سورة البقره فهي بركه وتركها حسره
وان شاء الله أمورك تنقلب للأحسن
وبعدين يمكن انتي صايره حساسه بزياده مع الحمل
حاولي انتي تتقربين له وتبادرين بالكلام الحلو والرسايل
ونصييييحه لا ينام بغرفه منفصله ابدا لا تسمحين بهالوضع يا قلبي ابدا حتى لو نام وعطاك ظهره مش مشكله اسمكم انكم بغرفه وحده
لا تخلين الشيطان يدخل بينكم
والفتور و الملل يصير مع اغلب المتزوجين
اهم شي لا تيأسين من محاولة اصلاح نفسك ثم اصلاحه بعون الله
وربي ييسر لك ويوفقك
 
الله يكون بعونك ويرده لك رداجميلا
حاولي تصبري يمكن بعد الولاده يتغير
 
بداية الحياة الزوجيه قد يحصل مثل هذه المشاعر

ربما لأن الزوج يصطدم بالمسؤليات التي وجبت عليه

خصوصا في مثل حالتك "زوجه ثانيه" ربما يشعر أنه ظلم زوجته الأولى

أو يشعر انك كلفتي عليه مال وسكن لا تستحقينه..


الصبر غاليتي وطول البال والتعامل معه بما أوجبه الدين..

وبما يناسب شخصيته

سيفتح لك أبواب قلبه..

وربما المولود القادم يكون سببا في إذابة الجليد
 
مساء الحب..
كلامك كتير متناقض عزيزتي..
تقولين داعية وملتزم وحافظ القران الكريم..و يرفض رزق زقدر الله بالاولاد !!!
غريب ..
وكيف تحول من الحب و الدلال الى الجفاء والطلاق العاطفي..
هناك حلقة ناقصة ابحثي عنها ...
 
وعليكم السسلام والَرحمممه ..


آختيَ آلله مآكتب شيَ آلأآ وفيه خيرآ للآنسآن
وآن شآءالله ربيَ يرجعه زي مآكآن
اذ انتي تقولين خير ودآعيه ..
الرجل اذ انضغط بكل مكآن يكون مهموم ولآيتحمل شيَ
يعني انصصصحك بالصصبرَ وطولة البآل معه
وصدقيني كل مآتصبرين كل مآتنفرج ..
ولآتنسين الاستغفآر بكل حآلآآتك ..

وآلله يوفقكم ويسسعدكم ويرده لك يــآربَ
 
لا حول ولا قوة الا بالله

وربي ذكرتيني بايام سودا عشتها مع زوجي السابق الله لايرده

هذا هم المطاوعه ناشفين وفرحانين بمعلومه (الطلاق العاطفي) بس يحبون يبينون انفسهم مثقفين ويعرفون كل شيء وان احنا المثاليين

ياشيخه الله يكون بعونك
اول شيء: ألجئي الى الله .. والله عمري ماطلبت ربي شيء ماحققه لي والله يامشاكل اني ادعي ربي تنحل في اقل من ساعه ,,
ثاني شيء: روحوا استشاري علاقات اسريه .. اكيد راح يفيدكم .. او اسألي بالنت واقري عن المشكله اللي انتم فيها .. اتوقع انها فتور بالعلاقه .. او ملل ..


وربي يوفقك ويسعدك ويحقق لك امانيك​
 
ربي يكون بعونك

الزمي الاستغفار واللجوء الى الله​
 
حبيبتي الحياة لا تعطينا كل شى فكري بلاشياء الايجابية في حياتك واكيد يوجد ولا تملي من زوجك عامليه بكل حنية وعطف لانه ومن خلال كلامك انه انسان ليس بلسيء وتقربي من ربك واكثري من قراءة سورة البقرة والله يهنيك
 
انا اتوقع ان زوجك ماخذك متعة سنة سنتين ويطلقك ...ويوم حملتي انصدم حتى لو انة يحبك
لاني مريت تقريباً بنفس تجربتك تزوجت زوجي الاول وكان يحبني واحبة ويقولي مانبغاء اعيال الا بعد
سنتين ولما خلصت السنتين قال بعد ثلاث سنوات انا رفضة وقلتله اذ ماتبغاء مني اعيال طلقني وطلقني على طول بدون سبب ......وندم في الاخر انا قصدي من الكلام الي اقولة لك ان زوجك كان يبغاك للمتعة فقط وتضايق يوم حملتي
ادعي ربك انه يسخر لك زوجك والزمي الاستغفااااااار وسترين عجباً​
 
انا الومك من اول ليش تتزوجي من رجل متزوج ؟؟؟
ما فكرتي قي زوجته الثانية المسكينة؟؟؟؟ وبعدين تستكثرين عليها انها قدرت تكسبو لجانبها وقدرت تتفوق عليكي لكن معليش اللي صار صار انا اقول لك بس لازم تصبري وتتحملي وما تعملي اى مقارنات مع ضرتك لانو الرجال طبعه واحد مع الاولى والثانية وبس تهيات شيطان انو معاها غير ومن هالحكي لا هو هيك طبعه ولازم تصبري وتتحملي لغاية ما يتعود عليكي في حياته زوجة زوجك يحب يعيش حيات العشيقوما يحب الحياة الزوجية اللي اغلبها التزامات ومسؤوليات ومن هالحكي ما اقول غير الله يارب يقدرو على العدل ويزرع محبتك انتي وضرتك في قلبو ويثبت قدمك في قلبه وفي بيتك وحياتك وربنا يوفقك يارب
 
امممممممم بقولج شي لاحظته واتمنى يفيدج لاحظت انج تتكلمين عن مبادرته لج لكن وين مبادرتج له..يمكن هو يجب انتي تتقربين منه مو بس هو ..حبيبتي اول شي تسوينه تكسرين هالحواجز..وتنامين معاه بغرفه ..عوديه ينام في حظنج ..واذا كان جنوبي الجنوبي يعيش على اللمس..اهتمي بنفسج واهتمي فيه حاولى تفتحين مواضيع هو يحبها ..دام هو ملتزم اساليه عن الدين..خليه يتحاور معاج..حاولى تتجنبين النقاش معاه في قراراته لان بقولج شي عمرج ما راح تقنعين اي رجل في العالم انه غلط..حببيه في حملج والبسي ملابس حمل كيوت بيجامات مع شباشب الوانها فاتحه خلج انثويه بزياده دوم حطي يدج على بطنج وابتسمي..قولي له اذا جبت ولد ابيه يطلع مثلك ملتزم ويبرك ويبرني..تكلمي عنه خل يبتدي يفكر فيه ويتعلق فيه قبل لا يطلع..خلي لكم نشاطات معروفه مثل العصر سوي شي حلو وقهوه وشوفو برنامج مع بعض..قربيه منج خلج متفهمه له ..وتحملي تايدينه في كلامه عن الطلاق العاطفي..زوجج تعلق فيج لانج كنتي غامضه قبل لا ياخذج وشهيه بالنسبه له ..خلي هالشعور متجدد..لا تياسين وحاولين ما تخلين نفسيه الحمل تاثر عليج..وتوكلي على الله والله بيكتب لج الخير وبيسخره لج ان شاء الله..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل