الشمالي الشرقي..تحت الضوء..*_^رحلة استكشاف*_^

[الفنوديه]

وفيه نقطة جدا مهمة
الطاعة
خصوصا للي عنده ناحية شرقية قوية
تعني لهم شيء كبير
لاتطلعي عن طاعته لأنه يعتبرها غلط كبير
ويبدأ بحركات التملك

انا عندي ناحية شرقيه بما اني جنوبيه شرقيه بس كيف نقدر انطيع الشمالي بدون ما نتاثر بمبادءه ونحافظ ع مبتغانا فنفس الوقت....

اللي عرفته ان الشمالي مايحب زوجته تستخدم معاه اسلوب القوه بس نحن نقدر نستخدم القوه ونحن نتكلم بهدووووء

انا ما ارضى بالتملك ولا اباه يمشيني دايما ع رايه كيف اقدر احل هل المشكله ....اذا مشينا ع رايه بنرجع للتبعيه

 

[kraooo]

بنات خلونا بموضوع الاحترام الله يسعدكم
نبغى نفصل في هالموضوع ...

 

[أندلسية]

بنات خلونا بموضوع الاحترام الله يسعدكم
نبغى نفصل في هالموضوع ...

أي شيء تحبي تسفسري عنه بخصوص الاحترام أطرحيه

أتفقنا نراجع أي نقطة سابقة:msn-wink:

 

[لازورديه]

الحين بعد كلام الأستاذة الرائع استخلصت التالي:
**لابد أن أحتوي الشمالي مع تجنب الالتصاق..
اول كنت لزقه نمبر ون.. وين رحت من وين جيت.. ومن هالكلااام لكن بعدين.. تغيرت نظرتي للموضوع

وصرت ابتعد عنه.. اقوم بكل واجباتي.. واروح .. ولاحظت انه هو قام يدور علي.. بس الاحتواء..

احسها صعبه.. صعبه انج تعطين.. وماتلقين.. مقابل.. فلازم بين فتره وفتره.. تشحنين نفسج..


**الحفاظ على الصورة الرائعة لك
لأجلك أولا-فالأنثى إما ملكة أو عاملة وأنت لا ترتضين الا الدور الأول
الحمدلله.. احاااول.. لكن مع هبوط الموجه.. يكون مالي نفس اني اتزين.. واتعدل

اكون طفرانه حدي.. والحل؟؟ حاولت اضغط ع نفسي.. بس والله اتعب.. احسه.. مثل

الواجب اللي علي.. وساعات يكون واجب ثقيل..


**مراعاة حساسيته التي ربما لا نراها!!
والله تعبنا من مراعاه حساسيته.. لانهم مايراعونا .. ويراعون حساسيتنا..

بس .. من واقع تجربه.. اذا داريتيه يداريج..لكن انتي بشر.. والصبر .. له

حدود.. يعني مب كل يوم شاقه الحلج وسعيده.. ساعات يمكن تكونين متضايقه..

مب شرط يكون منه.. يمكن من ضغوط الحياه..

**الانتباه لنقطة الشرقية عندهم ،
اكثر نقطه صعبه .. عندهم.. انا غربيه..ساعات احس نفسي .. مب قادره اتقبله

وساعات.. امشي معاه .. واتماشى مع طبعه.. طبعا كل هذا يعود للمزاج.. والنفسيه

**أن تجعلين من نفسك (حورية)زوجك، متى ماألتفت لحاجاته يلقاك
ان شاءالله وبعونه..

**قضاء (فترة الانتظار) بالاهتمام بحياتك وطموحاتك
اكبر علامه استفهااااااااام.. كيف.. اذا هو شمالي شرقي.. كل شي عنده لا.. لا.. لا

كيف انتبه لنفسي.. واهتم بحياتي وطموحاتي.. يقتل الطموح اللي فيني.. انا شماليه

غربيه.. طموحه لابعد الحدود.. لكن مافيه تجاوب.. يباني.. زوجه وام.. وربه منزل..

فقط.. لااطلع ولااروح ولا اجي.. حتى .. دوره..icdl يقعد يماطل فيها.. بالاول وافق..

بعد ماطلعت روحي.. والحين رافض.. صراحه احس عقليه الشرقيين متحجره.. اتمنى

حد يجاوبني..


**تقبل شخصية (ش/ش) أكثر وأكثر،ففهمه يعطي تصور أوضح عن شخصيته ومعرفة جزء من (خريطته)>>على رأي توليب

حاولت اتقبلها .. واستفدت.. لما تقبلتها.. بس ساعات تجيني .. حالات

مااقدر اتقبلها.. وهالشي ينعكس ع .. افعالي.. وتصرفاتي..

سنبدأ بالنقطتين:

**لابد أن أحتوي الشمالي مع تجنب الالتصاق..

**الحفاظ على الصورة الرائعة لك
لأجلك أولا-فالأنثى إما ملكة أو عاملة وأنت لا ترتضين الا الدور الأول بغض النظر من يكون زوجك
وتفضلوا هالرابط تستفيدوا أكثر
http://www.niswh.com/vb/showthread.php?t=68978

...................................

 

[العروس الاسيرة]

مساء الخير يا حلوات
مشكوره يا أندلسيه على هذا الابداع الله يحرسك يارب
عندي سؤال طرا على بالي بعد ما قرأت مشاركة جود الربيع :
لماذا (ش/ش) يحب ان تكون زوجته بارعه في كل شي
يعني سبع صنايع ؟؟!! واتمنى ان البخت يكون مو ضايع عنده !!!
لأن زوجي الحين مخليني أتقن أشياء عديده ما تتقنها من كانت بمثل عمري او مثل خبرتي في الأطفال
الحين ولله الحمد استطيع تشخيص الحالات المرضيه للأطفال ووصف العلاج سواء كان طب حديث أو شعبي ههههههه:icon30:
وسؤال ثاني :
ليش الشمالي شرقي صعب الأقناع ومتحجر ؟؟..
كيف اقنعه أدخل ولدي للروضه ؟​

 

[الفنوديه]

**قضاء (فترة الانتظار) بالاهتمام بحياتك وطموحاتك
اكبر علامه استفهااااااااام.. كيف.. اذا هو شمالي شرقي.. كل شي عنده لا.. لا.. لا

كيف انتبه لنفسي.. واهتم بحياتي وطموحاتي.. يقتل الطموح اللي فيني.. انا شماليه

غربيه.. طموحه لابعد الحدود.. لكن مافيه تجاوب.. يباني.. زوجه وام.. وربه منزل..

فقط.. لااطلع ولااروح ولا اجي.. حتى .. دوره..icdl يقعد يماطل فيها.. بالاول وافق..

بعد ماطلعت روحي.. والحين رافض.. صراحه احس عقليه الشرقيين متحجره.. اتمنى

حد يجاوبني..

صح صح صح ابسط شي عنده قعدي فالبيت وربي عيالج ...! ولو الزوجه تشتغل لازم بيي يوم وبيقول لها ليش تشتغلين يلسي وربي عيالج

اختي حاولي تاخذين icdl بس تاخذين الكتب وتدرسين فالبيت وبعدين تسيرين بس تمتحنيين...!

لنا طموحات بس لازم ندور ع الف طريقه وطريقه لتحقيقهن

القلب المفعم بالرغبه في تحقيق المستحيل لا يستحيل عليه شي

 

[لازورديه]

صح صح صح ابسط شي عنده قعدي فالبيت وربي عيالج ...! ولو الزوجه تشتغل لازم بيي يوم وبيقول لها ليش تشتغلين يلسي وربي عيالج

اختي حاولي تاخذين icdl بس تاخذين الكتب وتدرسين فالبيت وبعدين تسيرين بس تمتحنيين...!

لنا طموحات بس لازم ندور ع الف طريقه وطريقه لتحقيقهن

القلب المفعم بالرغبه في تحقيق المستحيل لا يستحيل عليه شي

فديتج يالفنوديه.. والله فيني غصه.. كل شي لا.. وهو اقترح علي اني ادرس

بالبيت.. وبس.. يعني ماقالي.. روحي وامتحني..لانه مايبا يكون عندي شهاده

خايف بكره اطالبه بالوظيفه..لاني جامعيه..حتى الماجستير يوم كنت ابا

اكمله رفض... وناعمه الهاشمي تقول.. اذا كان الزوج شمالي شرقي.. يشوف

ان الحرمه لازم تقعد في البيت.. ومب مفروض انها تطلع وتشتغل.. يعني شو

الحل انا مابا ادرس بدون شهاده..ابا شهاده تنفعني بكره..

العروس الاسيره.. حتى انا بنتي ابا ادخلها روضه.. مب مقتنع.. ابا ادخلها روضه

خاصه.. عشان اقوي الانجليزي عندها.. تعبت وياه.. وكل مااقرب صوب الموضوع

مثلا اقول فلانه دخلت ولدها الروضه الفلانيه.. طبعا تكون هالفلانه من اهلنا.. والروضه

تكون خاصه.. ينقلب ويه.. مايباني اجيب طاري الموضوع..مع انه الحمدلله

ماشاءالله مقتدر.. بس يشوف انها مصاريف مالها داعي.. كيف مصاريف

مالها داعي..وهو تعليم بنته.. اذا ماستثمرنا فلوسنا.. في تعليم عيالنا

وين نستثمرها..اونه شو يقول اذا ياني ولد بدخله روضه خاصه.. اما البنت

مدرسه حكوميه.. مع انه يموت ع بنته.. بس تفكير غير شكل..


ياليت تحطون لنا .. طرق اقناع الشمالي الشرقي.. لانه راسه يابس وعنيد.. ولازم


يمشي كلمته.. ع اشياء تافه..

 

[lila]

اختى الغاليه اندلوسيه عندي كثير من الاستفسارات عن الشمالي الشرقي واريد مساعدتك ضروري انت وبنات المنتدى حيث اني لاعارف كيفة التعامل معه وماهي نقاط ضعفه لاتقول اولاده لان زوجي ليست نقطة ضعفه وشكرا

 

[ذوق*]

بنات على سالفه مشغول انا لاحظت ان خطيبي ممكن مايرد علي بس مستحيل يعطيني مشغول

وينجن اذا عطيته انا مشغول الحركه هذي يكرها كره العمى وتوني اكتشف من هالموضوع انها من سمات ش/ش

ياربي منهم صعبين جدا .

 

[ظلال]

وأخيرا لقيت وحده نفس حالتي أناشماليه غربيه وزوجي
شمالي شرقي خلينا نطرح أهم نقاط التصادم بيننا؛
لأن الحياة بالنسبه لي مع زوجي بصراحه صارت متعبه لي
كل واحد منا عنده نفس الكبرياء والانفه وهذي بحد ذاتها مشكله
لكن صرت في الفتره الأخيره عشان أريح نفسي أتنازل كثير وأعتذر
إذا كنت غلطانه وأطنش إذا الحق معي , بس عندي نقطه وحده اللي منافيه للنمط الغربي وهي حب الإلتصاق لكن من زمااان وأنا مسيطره على نفسي بعد ماعرفت إن هذي النقطه تضايق ال ش ش وما يرتاح لها وأنا كنت أحسبه ينفر مني بس عاد بعد مافكيت عنه في البدايه صار يتشره علي كثيير ولا رجعت لعادتي, والآن ألاحظ عليه بدا يشك فيني يتجسس علي في الليل إذا جلست عالنت وأنا مسويه نفسي ماأدري, ومره قلت أبرجع ألزق فيه عشان يخف الشك بس لاحظت إني إذا سويتها يبدا يحقر فيني بالتصرفات طبعا وأنتوا عارفين الشمالي إذا حقر أعوذ بالله من شره , وإذا طنشته يبدا بالقلق ويقلب وراي إحترت فيه بس والله الشمالي الشرقي لا يطـــــــااااااق يجيب الجلطه.

 

[نظــ جديدة ــرة]

هلا وغلا بالحبايب ...والله اشتقت لكم ...

بس الضروف اقوى مني ...

لاني تعرضت لحادث >>> صج تعروت اي اي

بس الحمد الله كان بسيط

اضطريت ابات في الفراش دون حراك...

والله لكم وحشه ...راجعة لكم ..بس اقرأ اللي فاتني

لي رجعة

تحياتي :

نظرة جديدة​

 

[ذوق*]

وأخيرا لقيت وحده نفس حالتي أناشماليه غربيه وزوجي
شمالي شرقي خلينا نطرح أهم نقاط التصادم بيننا؛
لأن الحياة بالنسبه لي مع زوجي بصراحه صارت متعبه لي
كل واحد منا عنده نفس الكبرياء والانفه وهذي بحد ذاتها مشكله
لكن صرت في الفتره الأخيره عشان أريح نفسي أتنازل كثير وأعتذر
إذا كنت غلطانه وأطنش إذا الحق معي , بس عندي نقطه وحده اللي منافيه للنمط الغربي وهي حب الإلتصاق لكن من زمااان وأنا مسيطره على نفسي بعد ماعرفت إن هذي النقطه تضايق ال ش ش وما يرتاح لها وأنا كنت أحسبه ينفر مني بس عاد بعد مافكيت عنه في البدايه صار يتشره علي كثيير ولا رجعت لعادتي, والآن ألاحظ عليه بدا يشك فيني يتجسس علي في الليل إذا جلست عالنت وأنا مسويه نفسي ماأدري, ومره قلت أبرجع ألزق فيه عشان يخف الشك بس لاحظت إني إذا سويتها يبدا يحقر فيني بالتصرفات طبعا وأنتوا عارفين الشمالي إذا حقر أعوذ بالله من شره , وإذا طنشته يبدا بالقلق ويقلب وراي إحترت فيه بس والله الشمالي الشرقي لا يطـــــــااااااق يجيب الجلطه.

قلبي لاتعتذرين انا قريت مره لاندلسيه او وحده من البنات والله مادري منهي منهن الله يجزاهن خير كلهن قالت ان ش/ش مايحب احد يعتذر له يعني اذا سويتي خطاء لاتعتذرين صلحي خطائك ولاتتكلمين معه عن الخطاء او تناقشينه فيه زالالتصاق ابتعدي عنه شوفي مشكلتي الحين مع خطيبي بدايتها بسبب الالتصاق خنقت الرجال لين هج مني :icon1366:الله يرده لي
صدقيني ش/ش يجنن بس مشكلته انه يبي له فن في التعامل تابعي معنا والله بتعرفين له وبتجيبين راسه .

 

[ذوق*]

هلا وغلا بالحبايب ...والله اشتقت لكم ...​

بس الضروف اقوى مني ...​

لاني تعرضت لحادث >>> صج تعروت اي اي ​

بس الحمد الله كان بسيط ​

اضطريت ابات في الفراش دون حراك...​

والله لكم وحشه ...راجعة لكم ..بس اقرأ اللي فاتني ​

لي رجعة​

تحياتي :​

نظرة جديدة​

بسم الله عليك
الحمد لله على السلامه وماتشوفين شر ياقلبي اجر وعافيه يارب .

 

[لازورديه]

وأخيرا لقيت وحده نفس حالتي أناشماليه غربيه وزوجي
شمالي شرقي خلينا نطرح أهم نقاط التصادم بيننا؛
لأن الحياة بالنسبه لي مع زوجي بصراحه صارت متعبه لي
كل واحد منا عنده نفس الكبرياء والانفه وهذي بحد ذاتها مشكله
لكن صرت في الفتره الأخيره عشان أريح نفسي أتنازل كثير وأعتذر
إذا كنت غلطانه وأطنش إذا الحق معي , بس عندي نقطه وحده اللي منافيه للنمط الغربي وهي حب الإلتصاق لكن من زمااان وأنا مسيطره على نفسي بعد ماعرفت إن هذي النقطه تضايق ال ش ش وما يرتاح لها وأنا كنت أحسبه ينفر مني بس عاد بعد مافكيت عنه في البدايه صار يتشره علي كثيير ولا رجعت لعادتي, والآن ألاحظ عليه بدا يشك فيني يتجسس علي في الليل إذا جلست عالنت وأنا مسويه نفسي ماأدري, ومره قلت أبرجع ألزق فيه عشان يخف الشك بس لاحظت إني إذا سويتها يبدا يحقر فيني بالتصرفات طبعا وأنتوا عارفين الشمالي إذا حقر أعوذ بالله من شره , وإذا طنشته يبدا بالقلق ويقلب وراي إحترت فيه بس والله الشمالي الشرقي لا يطـــــــااااااق يجيب الجلطه.

ياهلا فيج اختي.. بقولج شي.. هم صدق مايحبون الالتصااااااااق.. بس عاااد حبيبتي..

مو تحقرينه.. لانهم.. ماينفع معاهم الحقران والعناااااااد... يزيدون الطين بله.. انتي قومي

بكل واجباتج.. اتجاها.. يوم تخلصين.. اقعدي ع النت شوي.. او امسكي لج كتاب.. المهم

بعيد عنه.. يعني خليج بعيده وقريبه بنفس الوقت.. ولاتبينين له..انج حاقرته..سوي نفسج

عااادي..يعني مو قاصده انج تحقرينه.. وهم صدق قلبهم قاسي.. ولاتمين تنتقدينه.. ع طول

حاولي تمدحين بقدر ماتقدرين طبعا بالحق.. وبتشوفين كيف بيكون معاج.. انا شماليه وهو مثلي

ووايد تعبانه.. نفس العناد .. والعصبيه.. الله يعينا

 

[الفنوديه]

فديتج يالفنوديه.. والله فيني غصه.. كل شي لا.. وهو اقترح علي اني ادرس

بالبيت.. وبس.. يعني ماقالي.. روحي وامتحني..لانه مايبا يكون عندي شهاده

خايف بكره اطالبه بالوظيفه..لاني جامعيه..حتى الماجستير يوم كنت ابا

اكمله رفض... وناعمه الهاشمي تقول.. اذا كان الزوج شمالي شرقي.. يشوف

ان الحرمه لازم تقعد في البيت.. ومب مفروض انها تطلع وتشتغل.. يعني شو

الحل انا مابا ادرس بدون شهاده..ابا شهاده تنفعني بكره..

العروس الاسيره.. حتى انا بنتي ابا ادخلها روضه.. مب مقتنع.. ابا ادخلها روضه

خاصه.. عشان اقوي الانجليزي عندها.. تعبت وياه.. وكل مااقرب صوب الموضوع

مثلا اقول فلانه دخلت ولدها الروضه الفلانيه.. طبعا تكون هالفلانه من اهلنا.. والروضه

تكون خاصه.. ينقلب ويه.. مايباني اجيب طاري الموضوع..مع انه الحمدلله

ماشاءالله مقتدر.. بس يشوف انها مصاريف مالها داعي.. كيف مصاريف

مالها داعي..وهو تعليم بنته.. اذا ماستثمرنا فلوسنا.. في تعليم عيالنا

وين نستثمرها..اونه شو يقول اذا ياني ولد بدخله روضه خاصه.. اما البنت

مدرسه حكوميه.. مع انه يموت ع بنته.. بس تفكير غير شكل..


ياليت تحطون لنا .. طرق اقناع الشمالي الشرقي.. لانه راسه يابس وعنيد.. ولازم


يمشي كلمته.. ع اشياء تافه..

سبحان الله نفس المشكله ونفس المنطق....مايعيبه الحرمه تشتغل او تدرس :thumbdown: وصعبه تدرسين منازل وبالاخص اذا كان انجليزي وشهاده عاليه مثل الماجستير والدكتوراه واذا لقيتي بعد جامعه تقبلج ويمكن تكون مختلطه وهنيه صدق بيقول لاتشبرين شبر واحد

وبالنسبه للروضه صح صح صح انا ناويه ادخل بنتي الحضانه بعد ماتكمل 3 سنيين واباها فمدرسه خاصه بس تعرفين منطق الشماليين الولد يدخل مدرسه خاصه والبنت فحكوميه وانا وانتي وكل الامهات مهتمين لهل النقطه اباها فخاصه عشان الانجليزي يكون عندها بيرفكت وهذا بيساعدها بعد ماتخرج وتدخل الجامعه بتقدر تتخصص اي تخصص تباه وتحصل اعلى الشهايد فاقصر وقت وبدون صعوبه<<<< شكله الشمالي من اتخرج البنت من الثانويه بيوزها:thumbdown:

 

[الفنوديه]

ليلا....ذوق ...وظلال

نصيحتي اخواتي ولاني انا وجميع العضوات المشاركات فهل الموضوع استفدنا وايد من هل الموضوع اتمنى تقرون الموضوع من البدايه لانه فيه نقاط كثيره ناقشناها ولاني انا استفدت واحب انكن خواتي بعد تستفيدون من الموضوع وبالاخص الاخت ذوق بما انج فالبدايه بتستفيدين وااااايد

والشمالي مايحب الالتصاق ... حاولو تجربون تبتعدون عنه شوي وبدون التصاق هوه اللي بيدورج....وغلط تعتذرين من الشمالي الشرقي اذا غلط فحقج او تركضين وراه وتراضينه لانه بيتعود وكل مايزعل بيترياج تراضينه وبيذلج لين مايرضى عنج اما اذا انتي الغلطانه فالواجب انج تعتذرين منه

 

[أندلسية]

تحت أي نقطة تتكلمون!!!

 

[أندلسية]

النقطة التالية:

أسلوب الطلب والشكر

ماراح أحط مقدمة
لكن مالأسلوب الأمثل للطلب؟؟
وما أساليب الشكر؟؟

 

[ظلال]

معليش أندلسيه بس ودنا نتكلم عن الإحتواء شوي ونتعمق فيه,
يعني كيف ممكن أحتويه؟ وفي نفس الوقت أكون محافظه على
شخصيتي ,هل مثلا قصدك بالإحتواء الرعايه؟ من مثلاََ كوي ملابسه وترتيبها والإهتمام بأكله ومشربه والسؤال عنه وعن حاجاته
وفي نفس الوقت أظهر عاطفتي تجاهه وبصراحه هذي النقطه
اللي ودي أضبطها عندي دايم مشتته ودايم متقلبه ,أبيه يتقبل مني تصرفاتي وطريقة تعبيري عن حبي له أبذكر الحركات اللي أنجن فيها:
أحب أمسك يديه إذا كان جنبي بس ماأطول ,أحب أسند راسي على صدره عند التلفزيون أحب الإحتضان بين فتره وأخرى؛ أبي مره يجي يلمني لحضنه بدون مايكون قصده تمهيد للجماع,
وهذي الأمور ألاحظه مايهتم فيها نهائيا وزي اللي مايرتاح لها أبد
إلا إذا كان يبي شي!!! فقطعت الحركات هذي نهائيا لأني أطلع كني راميه نفسي عليه بالغصب..
وبالنسبه لي الشخص اللي ما أقدر أعبر له عن إحساسي بطريقتي
اللي أشوف فيها الرومانسيه كلها وأكون صادقه من قلبي وأنا أظهرها له
ماأقدر أحتويه عاطفيا أشوف إنه حاط بيننا حاجز ومع هذا يتشره
هل الشماليين كذا كلهم ؟؟!!

 

[لازورديه]

النقطة التالية:

أسلوب الطلب والشكر

ماراح أحط مقدمة
لكن مالأسلوب الأمثل للطلب؟؟
وما أساليب الشكر؟؟

اتمنى القى جواااب على هالنقاااااااااط

لاني وايد محتاره فيها.. واذا قريت .. شي يمكن يطلع

معاااي شي.. واضيفه..