الشمالي الشرقي..تحت الضوء..*_^رحلة استكشاف*_^

[الفنوديه]

وردة توليب


ما شاء الله عليج فعلا الاكل الصحي مفيد للصحه اكثر ......وفكرة هل التعلم حلوه بعد ....


يعني حلو لما الزوجه تبين لزوجها الشمالي الشرقي انها انسانه فاهمه ومطلعه على هل الامور وبالاخص انه من النوع اللي يحس انه فهام وعارف بكل شي..

 

[Moslemma]

مبروك عودة الموضوع
انامع لازورديه خلى هنا لنقاط محدده ومرتبه واىمشاكل و فضفضه او استشارات فىموضوع فروشه:shiny:

 

[تــولــيب]

اعيد واكرر ...... رجاء خاص..

خلو هالموضوع للنقاط اللي تشرحها لنا اندلسيه.. واحنا نكتب تجاربنا واستفساراتنا على ضوء النقاط اللي تكتبها لنا

اندلسيه.. وحبه حبه.... واتمنى انه كلامي مايزعل حد..

اظــم صوتي لج !!

ياليت نحترم اندلسيه وتعبها ..
نمشي عالنقطه .. ونتكلم فيها .. تجاربنا .. واللي عندها مشكله تتعلق بالنقطه تذكرها ..
المشاكل الاخرى ,, نتمنى تركها للاخير !!

 

[لازورديه]

نقاط مقترحة:

التغذية

الاهتمام بالشعر والبشرة

اللبس/الاكسسورات/المكياج



بنات بقولكم سر:
وأنا أكتب وأحيانا وأنا أقرأ
أرى جوانب تقصير وأحيانا خطأ في حياتي:surrender:
فعلا الطرح الجماعي يفتح أبواب لنا جميعا للاستفادة

التغذيه...... صراحه وايد مهتمه في غذائي اخاف امتن.... صراحه يمكن ساعات اتبع انظمه غذائيه

مب صحيه بس المهم عندي اني اضعف... ادري ان هذا غلط..واحاول اشرب ماي كثير :icon30:

اما الشعر والبشره... ماشاءالله بشرتي صافيه.. بس صراحه ماسوي ماسكات بس اسوي كريمات

يعني اهتم بترطيبها ونظافتها.. وشعري ماشاءالله زين .. بس احسه جاف من الصبغات ومو وايد اهتم

فيه من ناحيه الزيوت وحمامات الزيت.. بس اشتريت حمام زيت جديد وبسويه ان شاءلله واليوم

دهنت شعري .. وقلت لازم ادهنه بالزيت في الاسبوع مرتين لانه جاف.. ورحت عند الدكتوره الجلديه

عشان اعالج التساقط.. :clap::msn-wink:

اما عن اللبس والمكياج والاكسسوارات..

كنت البس لريلي اخر الليل ..بس اللحين من يوم مااقوم الصبح صرت البس بناطلين او قصير او بجامات

المهم ودرت عني الجلابيات.. اللي كنت دايم البسها.:icon30: وصرت احط ماكياج يوميا .. طبعا مكياج

خفيف.. واحيانا وسط.. اما الاكسسوارت صرت اطقم مع الملابس.. ع فكره من يوم مابطلت لبس الجلابيات

صرت اهتم بالاكسسوارات والمكياج يعني التغير صار كله مع بعض وطبعا هذا بفضل الله ثم موضوع اندلسيه

والبنات اللي في بلقيس الله يجزاهم غير:icon30:.. والله العظيم لاحظت ان زوجي كان ينبهر يوم كنت كل يوم البس

لبس..:clap: واطقم عليه اكسسوار وماكياج.. وعطووور... وطبعا غيرت تعاملي معاه صرت هاديه.. وماازعل

مثل قبل .. ويوم يزعل اخليه لين يهدى وارجع اناقشه في الموضوع .. على كم حركه دلع.. والله انه تغير

خلال فتره بسيطه.. الحين صرت افهم عليه.. وافهم انه اذا سكت وماتكلم:shutup: انه في شي تحت راسه

مو زين... خلاص اقتنعت انه هو طبعه كذا وبديت اتاقلم معاه ... انا وايد تعبت معاه لين ماتعرفت عليكم..

طبعا لاني شماليه غربيه... وهو شمالي شرقي.. الله يجزاكم الجنه .. ويحطه في ميزان حسناتكم..

اسفه اذا طولت عليكم.. بس حبيت اشاركم تجربتي.. لعلكم تستفيدون.. وترى كله في صلب الموضوع:shiny:

يعني مو تجي وحده تتفلسف..:no: وتقول لازورديه تقول تكلمو عن النقاط المقترحه.. وهي تتطلع برا الموضوع

كله كلامي كان داخل الموضوع.. :msn-wink:

 

[أندلسية]

هلا بحبيباتي

لازورديه
وردة توليب
الفنودية
ميمي

شكرا حبيباتي
وأنا أضم صوتي لصوتكم
نبغى الموضوع يمشي على مسار واحد
كل عنصر بمكانه الصحيح
نطور معه أنفسنا
لحد مانصل للغاية بإذن الله
وإن شاء الله الكل راح يحترم منهجية الموضوع

وردة توليب

شكرا لأضافتك الرائعة والمفيدة بخصوص التغذية

 

[أندلسية]

الفنودية

أستاذنا الأستاذة ناعمة فتحت لنا منتدى متكامل وراعت فيه التخصصية
روحي قسم التغذية
وأسألي عن اللي ينفع حالتك
واهتمي بنفسك

ولما تسوي تحليل ويطلع فقر دم
عالجي نفسك ولا تهمليها
مو حنا نحب ونحترم ذواتنا أكثر من أي شيء ثاني

 

[الفنوديه]

لازورديه كلامج صحيح 100 %

وانا آسفه فعلا لاني اعرف اني كاتبه رد وطلعت عن الموضوع حبتيين وماسيطرت ع نفسي ....

 

[الفنوديه]

الفنودية

أستاذنا الأستاذة ناعمة فتحت لنا منتدى متكامل وراعت فيه التخصصية
روحي قسم التغذية
وأسألي عن اللي ينفع حالتك
واهتمي بنفسك

ولما تسوي تحليل ويطلع فقر دم
عالجي نفسك ولا تهمليها
مو حنا نحب ونحترم ذواتنا أكثر من أي شيء ثاني

تسلمين اختي اندلسيه وجزاها الله الف خير استاذتنا ناعمه فعلا ماقصرت....

وبهتم بنفسي اكثر لان مثل ماقلتي حب النفس والذات فالمرتبه الاولى

 

[أندلسية]

التمازج الرائع بين التنظيم والطلة البهية


كلما كنت منظمة أكثر كلما كانت طلتك أبهى


:idea:أحصري جميع متطلبات خلطاتك وعنايتك الشخصية وأكتبيها
وفريها
ومااحتاج منها لتحضير حضريه
ضعي كل شيء بمكانه الصحيح
خلطة الوجه بالثلاجة ، صنفرة الجسم والوشن بالحمام-أكرمكم الله- ، كريم الليل وكريم الترطيب بجانب السرير ، كريم ترطيب القدمين والواقي بالمغسلة ، وهكذا

:idea:أستخدمي تقويم الجوال للتذكير بمواعيد العناية:
الرابعة عصرا تمارين الشد والتنحيف
ماقبل العشاء تمارين التسمين
وقت تناول الفيتامينات>>حدديه بالساعة
يوم الأثنين والجمعة حمام زيت للشعر>>حدديه بالساعة
3 أيام لخلطة الجسم
وهكذا


:idea:أفرزي ملابس الصباح عن ملابس المساء
لكل واحد منهن رف خاص به


:idea:أكسسوراتك أجعليها بارزة بتعليقة جميلة حتى تكوني أكثر عملية
ضعي عطرك بأقرب مكان لك حتى لا تهمليه

 

[Moslemma]

التمازج الرائع بين التنظيم والطلة البهية


كلما كنت منظمة أكثر كلما كانت طلتك أبهى


:idea:أحصري جميع متطلبات خلطاتك وعنايتك الشخصية وأكتبيها
وفريها
ومااحتاج منها لتحضير حضريه
ضعي كل شيء بمكانه الصحيح
خلطة الوجه بالثلاجة ، صنفرة الجسم والوشن بالحمام-أكرمكم الله- ، كريم الليل وكريم الترطيب بجانب السرير ، كريم ترطيب القدمين والواقي بالمغسلة ، وهكذا

:idea:أستخدمي تقويم الجوال للتذكير بمواعيد العناية:
الرابعة عصرا تمارين الشد والتنحيف
ماقبل العشاء تمارين التسمين
وقت تناول الفيتامينات>>حدديه بالساعة
يوم الأثنين والجمعة حمام زيت للشعر>>حدديه بالساعة
3 أيام لخلطة الجسم
وهكذا


:idea:أفرزي ملابس الصباح عن ملابس المساء
لكل واحد منهن رف خاص به


:idea:أكسسوراتك أجعليها بارزة بتعليقة جميلة حتى تكوني أكثر عملية
ضعي عطرك بأقرب مكان لك حتى لا تهمليه

ما شاء الله عليكى اندلسيه فعلا انا ينقصنى التنظيم كريم الليل مش بانساه رنى حطاه فى الحمام اتوضا للعشا واحطه

 

[ازهار مبعثره]

كل شي متوفر عندي
كريمات خلطات
وقت
كــــــــــــــــــــــــــــل شي
بس الكسل مشكله


بجرب طريقتج بالتنظيم يعني اوقت لكل شي بجوالي
ان شاء الله تنفع

 

[(7ssasa)]

شكرا على الموضوع الرائع

 

[أندلسية]

ليلة مباركة على الجميع

نقطة سريعة:blow:

مظهر أطفالك عنوان لك.. ولزوجك

منال تزوجت من فهد الذي هو دون أهلها من الماحية المادية
لكنها تعلمت كيف تسخر المستوى المعيشي الذي وهبها القدر بحسن تدبيرها
والملفت أنها تنتبه جيدا لمظهر ابنتها دلال
سواء بنظافتها أو لبسها المناسب لكل وقت
ولا تنسى أن تلبسها أجمل ماعندها حينما تخرج ولو إلى أهلها
فلا يعني أنهم أهلها أن تترك عنايتها بنفسها وبابنتها والتي جزء منها

بذلك كسبت:

1/الطلة البهية لها لابنتها
2/إعجاب زوجها باهتمامها
3/احترام أهلها لها ولعائلتها الصغيرة

ونستطيع أن نقول أن الاهتمام بالطلة إنما هو جزء من احترام الذات

 

[العروس الاسيرة]

مبروك اعادة فتح الملف والله فرحت من قلبي
الاهتمام بالشعر والبشرة

انا بصراحه احط قناع حلو للشعر نصحتني فيه الكوافيره ومررره حلو
زيت طبخ ( عافيه ) + بيضه ... انا ازيد معهم فانيليا عشان يقلل الريحه
مره واحده بالاسبوع واول ما اغسله ارجع واحط بخور ودهن عود على شعري ..
جربوووه وادعوا لي ...

البشره/
احيانا اسوي اقنعه واحيانا اطنش لكن اهتم بتنظيف وجهي قبل النوم وازيل كل الماكياج حتى لو ما حطيت ما كياج لازم اغسل وجهي بالصابونه ... مع ان بشرتي متغيره صاير فيها حبوب صغيره من بعد ما اجهضت قبل سنه وما رجعت بشرتي مثل اول ما ادري شنو السبب .. وزوجي دايم يعلق على هذي النقطه !!!

اللبس/

انا احب البس في بيتي التنانير والبناطيل واحااااول اني ما البس قمصان البيت ( الدراريع العاديه ) الا نادرا او اذا كان عندي شغل بالمطبخ كثير .. واحيانا البس البيجامااات

الاكسسورات/

اذا كشخت في البيت احاول البس اكسسوارات غريبه وملفته ( خلخال - اكسسوارات للبناطيل ... )
واحيانا ذهب لان الشرقي يحب الذهب كثيرررر

المكياج/

احاول اني دايما احط روج ... واحيانا كحل كامل ..
ومره او مرتين بالكثير اسوي ماكياج ناعم مو ثقيل ... لانه ما يحب الثقيل ..

التغذيه /
بصراحه انا نفسي اخفف وزني صحيح انا مو متينه حيل لكني روياااانه .....
مليت من كثر الريجيمات ..... التمارين فادتني بشي واحد فقط هو اللياقه ؟؟
يمكن لأن أكلي غير صحي كله نشويات × تشويات
السلطات كرهتها بسبب اني ركزت عليها كثير في الرجيم ....
نفسي اوازن تغذيتي ...
ادري اني مقصره في حق نفسي لكن شنو اسوي ؟؟؟

بنات بقولكم سر:
وأنا أكتب وأحيانا وأنا أقرأ
أرى جوانب تقصير وأحيانا خطأ في حياتي:surrender:
فعلا الطرح الجماعي يفتح أبواب لنا جميعا للاستفادة

اكيد يا اندلسيه حتى احيانا تطري على البال افكار بسبب الطرح الجماعي
ما عمر الواحد فكر فيها .....وبالتالي يستفيد من نفسه ومن اللي حوله ...

 

[أندلسية]

ملاحظات على الطاير من تجاربي>>أخاف يخلص وقت التعديل:

:idea:الوجه لاتغسليه بأي صابونه
أستخدمي صابون الغار-بمحلات المنتجات السورية أو العطارين-

:idea:علشان سواد الركب و بثور الساق والمؤخرة لا تحرصي تجلسي عليهم مباشرة
أجلسي على كنب مريح
ولو أضطرتي تجلسي على الأرض حطي مخدة تحتك ولا تركي على ساقك ولا جنب القدم خليك على باطن القدم>>فهمتوني؟

:idea:وأهتمي يترطيب الجسم بعد الحمام راح تختفي البثور واللي غيرها خلال شهر ونص استخدمي بيبي أويل والمؤخرة استخدمي الجل من جونسون

:idea:لا تكثري فرك ولا تكوني عنيفة مع جسمك علشان ماتتدمر البشرة بس استخدمي صابون معقم مثل جل الاستحمام من ديتول أول بعدين معطر أنا أستخدم جل الاستحمام بالكرز الياباني من بدي شوب

 

[أندلسية]

النقطة التالية من نقاط الإعجاب


سنناقش نقطتان معا-لتقاربهما


الأتكيت و الدلع والغنج:cupidarrow:



هذان السحران العجيبان لا ينبعان إلا من الأعماق

ربما للوهلة الأولى الكل يمارسهما


لكن مع تبدل الانفعالات تبرز على السطح الذات الحقيقية:sad_1:


:thumbdown:لا أدري كم أكره صوتي حينما يرتفع بالضحك ، وحينما أنتهي أدرك كم كان ذلك ساذجا

:thumbdown:أحيانا أدخل على زوجي بسرعة في أحد الغرف..وأجده في وضع لا يحبذ رؤيتي له على تلك الحال

:thumbdown:الفضول (يحك) لساني ، فانهار بالأسئلة عما لا يعنيني، والمؤسف أنني قد أقع في موقف سخيف

:thumbdown:كنت مرة أتحدث مع زوجي ، فلمحت المرآة وأنا أتكلم.. إن يدي تكاد تصفعه من الانفعال غير صوتي الذي لاأدري إلى أي جار وصل أما رأسي فلرما دار أسرع من دورة الأرض حول الشمس:surrender:

:thumbdown:رأيت في السوق مرة أمرأة تلبس نظارة شمسية فبدأت أحاول صد زوجي عنها كي لا يراها>>هنا لاأدعو لفعل ذلك في السوق ولكن أشبعيه في البيت ولن تثيره في السوق

:thumbdown:كنا نأكل سوية وفي عجلة من أمرنا، فانتبهت لنفسي وإذ بالفطيرة تملأ فمي والبقية تتنظر بالخارج-ههههههه مبالغ فيه أدري بس علشان تنتبهون-

:thumbdown:لا أستطيع تجزيء كأس الماء ولا إلى جزئين




مواقف كثيرة قد تمر بنا نفتقر خلالها للذوق واللمسات الأونثوية

ليس نقصا إنما أحيانا يأتي جهلا أو عدم انتباه
تعالي لمجلسنا الخاص
لنجلس على أرائكنا الوردية الناعمة


فنتعلم سوية بكيف نؤصل ذلك في أعماقنا ليخرج تلقائيا على ظاهرنا:cupidarrow:


ملاحظة مهمة: المواقف ليست لي-بسم الله علي-وإن كنت لا أخلو .. هي مجرد تنبيهات وأمثلة وبعضها واقعية رأيتها

 

[تــولــيب]

النقطة التالية من نقاط الإعجاب


سنناقش نقطتان معا-لتقاربهما


الأتكيت و الدلع والغنج:cupidarrow:

واللي ماعنده اريكه ورديه ... وش يسوي !! يوقف !! :bleh:

نبهتني بنتي اختي .. تسولف صديقتها .. وقالت .. بعدين قامت تبكي..بكاها حلــــــــــو ياخالتي !!
كانها ضربتني على نافوخي .. لاني في بدايه حياتي الزوجيه كله بكى ودموع .. واذا شفت شكلي الا هو مو حلو .. مو انثوي ..يا شيني !! :no:

تعلمت ابكي بدلع !! :tears:
الدلع .. يجي من حب الذات ..
دلوعه وماتاكل الا والصحون نفس الشي !!
دلوعه وماتشيل الاشياء الثقيله !!
دلوعه وصوتها واطي !!


اذا سويت عشى لزوجي !! سندويشات مثلا .. له 3 ولي 1 !! يازيني وانا بطني وبطنه كبر بعض !! واذا جوعانه .. اكل قبل مايجي !! بلفيت ان بطني صغير :blush-anim-cl: !!
واكل شوي شوي .. ما اصير مفجوعه ومطفوقه !! لقمه !! لقمه !!

لكن !!
دلوعه .. بس جيده !!
يعني الدلع الايجابي .. مو السلبي
انا دلوعه وعلي نقش الحنى ماتحرك من مكاني :crazy:

مو الدلع اللي ماتحرك ولا تشيل صحن !! :crazy:
دلوعه بيتها مرتب .. بس صعب عليها تحرك الكنبه من مكانها !!
دلوعه وناعمه وريحتها حلوه .. بس اكلها حلو وعالوقت !!
دلوعه وتحب نفسها .. وحمامها فيه كولكشن من اغراض الاستحمام !! مرتبه ترتيب حلو !!

تعرف الاتيكيت .. والسنع والذرابه !!
اذا الباشمهندس موجود .. اذا الجوال يزعجه .. تسكره !!
استقباله .. بيامرحبا ويامسهلا وريحه الدخون الهادي !!
اذا تضايق وقال لها : خليني .. تنسحب بابتسامه ونظره حانيه ,, بكل حب !!وماتاخذ السالفه شخصيه !!
في السوق .. ماتنابح وتكاسر بالسعر !! خليه يشوف شغله !! شوراه بلله !!
في السياره .. ماتلتف مني ومناك وتحذف الفاين على العيال !!وتاشر عالمحلات .. وما تقوله هناك موقف وقف فيه !! مالج شغل .. عيني خير واسكتي !! هو السواق مو انتي !!

واللي مايعرف يتدلع ... يقلد حد دلوع .. ويمثل لحد مايركب عليه الدور !!
واللي مايعرف للاتيكيت .. تخيلو انكم مع ناس اول مره تشوفونهم .. ولا مع الشيخ ,, شلون بتكونين !!
اللي يحر .. اني اعرف ناس مايهذبون نفسهم الا عند الغرب والاجانب .. والاهل .. الله يعينهم !!

 

[العروس الاسيرة]

الرجال كلهم يموتون في المراه الدلوعه ...
بس انتبهوا مو الدلع الثقيل اللي يوصل للغرور وثقل الدم
ابحثي عن الدلع والغنج المصحوب بخفة الدم
ومثل ما قالت توليب قلدي احد دلوع ...
مثل نانسي عجرم ... قلدي حركاتها ...
انا بصراحه الصراحه ... دلوووعه حبتين
واكثر ما يلفت انتباه زوجي فيني حركات عيوني وحواجبي او طريقة نطق بعض الكلماات
ويبين عليه انه معجبه هذا الوضع !!!
سوي نفسك بريئه وطفوليه احيانا ...
اتدلعي باسلوب ... وحده اعرفها قبل ما تتزوج تقولين ما فيها انوثه ابداً ...تذكرني بالصعايده
بعد الزواج :: ياااي ... واااو
شنو هذا ... من وين جت المياااعه هذي ...
لدرجة انها تقول ما تعرف شنو شكل العقرب ؟؟؟ ( وين راحت المدرسه والكتب والتلفزيون ؟؟)
الله يرحم ايام قبل تلاحق البساسه بالحوش !!!
على طااري البساس او القطاوه وحده اعرفها بعد ما تزوجت اذا شافت القطو : يمه ؟؟؟ وتنكمش وتدلع قدام زوجها ... وتلصق فيه ..
وهي قبل عربجيه نمره واستماره .....
لما قالت ام زوجها : وش دعوه تخافين من القطوه وهي برى بالحوش ؟ ماراح تدخل ...
تخيلوا شنو رد زوجها :
خليها يمه وش عرفك يمكن انا تعجبني طريقة خوفها هذي ؟؟؟؟

تعلمواااااا يا حلوات​

 

[فراشة جريئه]

مشكوووووره اندلسيه... ع هالموضوع الحلو... واكيد اشكر المشرفه اللي ردت الموضوع.. لانا بحاجه له..

بنات الله يخليكم.. هالموضوع خلونا نتعلم منه.. يعني اي نقاط تطرحها اندلسيه.. نتم نحللها..

ونحط تجاربنا فيها بس.. يعني السوالف اللي مالها دخل في الموضوع.. او مشاكلنا اللي مالها دخل في الموضوع

ياليت نحطها في مكان ثاني.. عندنا ماشاءالله موضوع فراشه جريئه.. وموضوع الهوى الشرقي....... يعني فضفضو هناك

وهنا خلونا نتعلم...

اعيد واكرر ...... رجاء خاص..

خلو هالموضوع للنقاط اللي تشرحها لنا اندلسيه.. واحنا نكتب تجاربنا واستفساراتنا على ضوء النقاط اللي تكتبها لنا

اندلسيه.. وحبه حبه.... واتمنى انه كلامي مايزعل حد..

اضم صوتي لكم ولازم نرااااااعي جهود الغاااااااليه اندلسيه ويصير الموضوع اكثر تنظيم

وانااااااا موضوعي مفتوح للكل

واكيد ياااااالازورديه محد يزعل وهذه للمصلحه :icon30:​

 

[فراشة جريئه]

بشااااااارك بصوره سريعه ومختصره واكيييييييييد لي عوده

عن الاتيكيت والدلع والغنج هم سر جاااااذبية الانثى

سواء بالنظرات او الاسلوب او التصرفات

وللحديث بقيه ​