الشمالي الشرقي الخائن"فضفضه"

سلام كيف اعرف انا من اي نوع شماليه جنوبيه او او او .....
بعد زوجي كيف ارجوكم ساعدوني
 
فيه مره .. اكتشفت انه يكلم وحده.. وكنت توني.. ياايه من عند اهلي.. لان اهلي بديره ثانيه .. وقعدت

عندهم.. شهر ونص.. وشوشو .. طفر .. ومل.. قام تعرفلج على وحده .. اي ثينك عن طريق المااسن

الموووووهيم.. وقلت خليني اتاكد اكثر.. وقعدت اسبوع اراقب تلفونه... طبعا ماافي مسجاااات.. لانه يمسح

كل شي.. بس كنت اراقب .. المكالمات.. لاني حفظت رقمها.. وطبعا خلال هالاسبوع.. انا كنت قااايمه بوااجباااااته

على اكمل وجه.. يعني نفس العاااااااااااده.. الموهيم.. وبعد اسبوع.. كنت انا وياه قااااااااااااااعدين .. عند.. التلفزيون

وامسك تلفونه.. طبعا ذيك الاياااااااام.. ماكان مسكره برقم سري.. واشوف هالرقم.. واساله .. رقم منو هذا؟

قالي رقم واحد من الشباب.. وكان يطالع التلفزيون.. واقوم وادق ع الرقم.. واحط السبيكر.. وردت.. هي

مااااااالت عليها بس.. وتقول الو الو .. واقوله رد.. واحد من الشبااااااااب.. هههههههههههه

وتفااااااااااااجاء.. وانقلب وجه الواااااان.. وعلى طول سكر التلفون.. ......


؟
؟
؟







تبوني اكمل.. ولا محد بديخل وبيقرااااا .. ههههههههه.


يلاعاااااااااااد.. الحين خذلك .. بتييك بعض الردوووووووود.. تسم البدن.. ههههههه

كيفي .. اللي ماتبي تقرا .. لاتقرا..​
 
شوقــــــــــــــــــــــــــــــتينا
كملي القصة يعطيك العافية
 
الشمالي الشرقي

انا الي عندي يقول لو بيدي احرق كل الورد الي موجود لانه سخافه والهدايا عنده تفاهه ولا يحب اني اهدي له تخيلو يزعل :31:وانا عادي عندي في كل مناسبه ماكاني ادري انه يزعل خخخخخخخخخخخ اجيب له هديه ويزعل هههههههههه بس عادي انا اقول له انا احب اهدي يقول اهدي امك ابوك انا لا قلت ليه قال ماعندك سالفه خلاص مالها داعي انا ماحب هالحركات :2: بس انواع الطناش حتى اني كنت احطها له على الطاوله واخليها واروح خايفه من ردة فعله خخخخخخخخخخخخخ واتكشخ والبس واجيه ماكاني سويت شي يقوم يتأفف :30:بس اعجبكم جابت نتيجه بعد سنه من زواجنا وفي ولادة ولدي جاب لي صحن شكولاته من باتشي وكانت بالنسبه لي ولاده ثانيه فرحت اكثر من فرحتي بولدي خخخخخخخخخخخخ بس الصراحه مانسى هذاك اليوم ومره ثانيه جاب لي جوال عاد انتو تخيلو فرحتي بغيت انجن والله الجوال مافرحت فيه فرحت في الخطوه الثانيه وتفكيره في الهديه بس لحد الحين يزعل اذا جبت له هديه ماعرف كيف يقتنع يقول انتي لاتجيبين شي خلي مصروفك لك بس انا احب اهدي له :18:
هذا بالنسبه للهدايا اما عن الخيانه سمعت انو الشمالي مايخون الا اذا خلص كفاحه ومشاريعه ودراسته وووووووو وعجز ولقى عجوزته:23: ماتهتم في نفسها تزوج عليها

وش بعد انو الشمالي عصبي ومتسرع ويندم على الي سواه بس بعد مايخرب الدنيا
يحب الماركات ومستحيل يحط فلوسه في حاجه رخيصه او مو معروفه
كريم جدا بس في حاله يسير بخيل اذا حس انك تلعبين في فلوسه مثلا تحطين فلوسك في محلات ابو ريالين او صيني اوتشترين اغراض للبيت من مصروفك هنا ماعاد يهتم في مصروفك ولا يعطيك شهر بشهر انا كذا الشمالي حقي
مستحيل يسافر ويتمشى وعليه ديون ماله داعي
السفر عنده مضيعة وقت الحرمه الصح الي تحافظ على فلوس زوجها عشان نعيش ونعييش عيالنا
طبعا الرومانسيه يحبها بس مايسويها بس لازم تهتمين فيها عشان ماتكونين مقصره
يحب انك تدلعينه بس هو مايدلعك يحب الخدمه يعني اخدميني ولا تزعلين كثرت الهرج افتح مجال لغيري :20:
 
زوجة شمالي شرقي بقووووووووووووه
ماأقول الا الله يعيننا على طبعهم فيهم الزين وفيهم الشين وعلى سيرة الهدايا جيتي على الجرح والله اليوم كنا حنتخاصم والسبه هدية الولاده ولدي عمره سبع شهور والهديه في علم الغيب كل يوم بكره والله انسدت نفسي منها يا يجيبها بنفس طيبه ولا خلاص ماابغى منه شي حاسه نفسي اشحتها منه اه ياقلبي لاتحزن ......!
حبيبتي الله يكون في العون وتصرفي بذكاء وحكمه في مسالة الخيانه وطمنينا عليك.
 
اوكيك بكمل.. محد جبر بخاطري.. الا .. ديانا 2007

فديتج.. والله.. هههههه

قام تلعثم.. قالي .. وحده داقه بالغلط.. وتسيف رقمها.. في المكالمات المستلمه..

عاد .. قلتله انااا.. وكنت اكلمه بكل هدؤؤؤؤؤؤؤؤؤؤؤؤ وثقه.. وترى .. مب من عادتي.. لاني

اصلا عصبيه .. وصوتي دايما يعلى في النقاش.. .>>>>> شماليه خخخخخ

قلتله .. انا صار لي اسبوع اراقب فونك.. وهي تتصل وانت تتصل.. قام تلعثم.. وقال.. خلاص

هذي غلطه وماراح تتكرر.. ومن هالكلام.. طبعا يبا يسكتني.. بس على مين.. الموهيم

قعدت اقوله.. احمد ربك... انك اخذت وحده نفسي.. بنت صغيره وجامعيه .. وحلوه.. عندي طفلين..

وشوف جسمي.. ولا كاني مخلفه.. واخلاقي.. قمه .. اخوانك كلهم يقارنون حريمهم فيني..

وبيتي.. وعيالي... وانت .. مااقصرت معاكم.. ومع ذلك تخون.. شوف.. خلاص.. انا بقعد .. مب رايحه بيت اهلي

بس خلاص.. رضاااك ماعاااد يهمني.. احس يوم قلت هالكلمه.. ويه اعتفس اكثر.. وقلت .. وانا ماراح امنعك مني..

لكن.. انا ماابكون شراااه اول .. ويااااك.. ورحت وخليته..

والله يابنات .. جا يركض.ز ويترجى.. وانا اسف.. وانا مااابحصل حد شراتج ومن هالكلام.. الموهيم طول على هالحاااال..

قلتله .. احلف... انك ماتكلم حد بعدها... وحلف على القرااان.. وقلتله من اليوم ورايح.. مالك خص بلبسي ومكيااجي..

ونعولي.. لانه يقعد يتفلسف.. ووافق..

بس بعدين سالني.. قالي كيف عرفتي .. ان هالرقم رقم وحده.. تدرون شو قلتله.. هههههههه .. مابتصدقون...

قلتله كنت نايمه ... وحلمت .. ان ناصر الفراااعنه.>>>>>>> اكيد تعرفونه الشاااعر المعروف

جا وقالي في الحلم.. رقم هالبنت.. وقالي انها بنيه.. ههههههههههه.. حسيته ماابلع السالفه.. بس ماقدر يتكلم..

وبس.
 
هههههههههههههههههههههههههههه الله يسعدك يا لازورديه من جد ضحكتيني وانا ضايق خلقي تخيلي اكتشفت انو زوجي عنده حساب بالنت لوق وعنده بنات ضايفهم الله لايوريك على الصور الغير اخلاقيه الي حاطينهم من جد انقهرت تخيلي ماصارلي 9 شهور متزوجه انا شاكه فيه من فتره تغير علي حتى تليفونه حط له باسوورد هو حط من هينا باسوورد انا حطيت من هينا باسوورد انقهر من هالحركه قلتله مثل ماعندك خصوصيات انا بعد عندي خصوصيات
 
بالعكس الشمالي الشرقي هو الرجل بحق :شخصيه قويه ,انسان مسئول ,كريم وشهم,طموح ويبحث عن الافضل ,ذكي وصعب خداعه,يهابه الرجال ويحسبون له الف حساب,يعبر عن حبه بالافعال واذا مر الوقت وصار خبير صار رومانسي قول وفعل واحسن مافيه لا يحب الخيانه لانه يترفع عن سفاسف الامور...ياليت كل الرجال شماليين شرقيين
كان الحريم بخير
 
:29:مرحبااشكرك ع هدا الموضوع جدا مهم وانا زوجي شماليودايما نايم ومايعرف شي بس عندي وبرا يسلام يازين لسانه
 
للأسف اغلب الرجال الا من رحم الله جرب الخيانه مااقول الا الله يصبرنّا

مع ان زوجي جنوبي شرقي
 
حبيبتي زوجي شمالي شرقي بس ما يغثني الا بتبذيروووووووووووووووو
مبذر بشكل ما ينطاق...... بس الحمدلله لمصلحتي

بس الاشياء المهمممممة مرة مرة ينساها

زي مثلا اقساط مدرسة الاول تمر السنة وهو ما دفع

يصرف على اهله ببزخ محتاجين او مومحتاجين حتى اخوه علمه وتخرج وتزوج

مازال يدفعله بعض الاشياء... واخوه الثاني سفره يتعلم بره وهو يدفعله

يعني احسه ما يهمه المال بس علينا الله المستعان ما يقصر بس مو زي اهله

يعني اهله اولا ثم انا واولاااده

هذا اكثر شي يضايقني فيه

لكن هو الحمدلله كريم وطيب وحنون ونظيف ومرتب وما يحب الحريم ( غيري طبعا)

بما انه الموضوع للفضفضة >>>>>>>>>ما صدقت الاخت

مرة كنا في السوق ودخلت انا محل ملابس اطفال وهو راح عند الكاشير يخلي الكيس عشان ممنوع يدخل بالكيس

المهم دخلت انا جوا اخر المحل وفي حرمة واقفة تشوف الملابس عند المدخل

فجأة الاقي زوجي ورايا ويناديني ووجهه احمرررر >>>>> البندورة الحمرا

قلت له ايش فيك.... قال




حسبت الحرمة انتي قلتلها ايوا حلو خذيه

وهو يا حرام منعفس على الاخر ومحمر وخجلان

قلتله طيب عادي ما يحتاج عادي

بس قهرني انه خجل مع انه موووووو خجووووووووووول ابدا

بس حبيب قلبي الله يخليه لي يارب

اسفة طولت بس كتبت اللي بخاطري


ايوا بموضوع الهدايا ... عودته يجيب لي هديه حتى لو اطلبها بنفسي

المهم تيجي وتعود الحمدلله صار يجيب بس في المناسبات

وخلص يكفي قرقرة
 
بنات واذا اكتشفت خيانته رغم انه كان ذكي مررره بالتستر عليها وبالصدفه ربي فضحه والحين مو قادره اشوفه قدامي كيف اتعامل معه الحين كرهته من قلب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل