حبيبتي إحساس ما ينداس الله يعطيك العافيه ويلبسك الصحه والعافيه على كل ما تبذلينه لنا لترويض الشمالي وبالأص الشرقي
حبيبتي أنا جنوبيه غربيه وزوجي شمالي شرقي وبالعموم كل شيء فيه رائع وجميل الا العصبيه ما استحملها ولا أحبها
حبيبتي أنا صار لي 6 أيام ما أكلم زوجي وأهو طلب إني ما أتصل وأنا كنت أخلي عياله يتصلون فيه واتصل فيني وقالي لا تخلين أحد من الاطفال يتصل
والقصه بدات زوجي طول عمره ما يحب المطاعم اللي موجوده بالمولات وقبل اسبوع قالي إنه بيروح المول بيتغدى مع ربعه لانه هو وربعه مو شايفين المول أنا وافقت والنار تغلي بقلبي (حلال له ولربعه وحقي وحق عيالي حرام) وبالليل لما رحع ما سألته عن طلعته ولا غداها وهذا طبعي جا يصارخ ويعصب انه اتصل فيني وأنا مسكره الموبايل وأنا مطنشته ورديت عليه بكل برود أنا مستأذنه منه يوم طلعت ولا سويت شيء أخاف منه عشان اسكر موبايلي والظلم ظلمات يوم القيامه وخليته ورحت نمت
بعدها بيومين اتصلت فيه الصبح على الموبايل ما رد علي فاتصلت برقم الدوام ورد علي (اهو يسوي هالحركه اذا ما رديت على الموبايل وبعدها يتصل بالبيت) ويوم رجع البيت عصب علي ليش اتصل اكثر من مره رديت عليه انه السكرتيره بتقولي انك باجتماع
طلب انه يسافر لوحده ليتطان على ام صديقه الوحيد يوم الاجازه ويرجع بعد يوم (شيء لا إرادي لانه قبل 3 سنوات كان ناوي يسافر مع وحده معاه بالدوام لنفس الدوله) سالته غذا الغرفه سنجل والا دبل وخلها غير يوم الجازه وروح وقت الدوام عشان ما يكون زحمه بالمطار وكنسل الروحه
الاسبوع اللي بعده قلته ان اليهال يبون يروحون المطعم اللي موجود بالمول وأنا قلت لهم انه ابوكم راح يوديكم يوم الاجازه ما علق وقت الاجازه قعد يتحلطم أنا ما احب المطاعم اللي موجوده بالمول وانت عشان انا رحت مع ربعي غنت بتروحين قلته ايه لان العقده انفتحت وقمت تحب المولات
بعدها ابيوم اتصلت فيه المسا اسال اذا حاي الحين والا بيتأخر لقيت عنده خط ثاني وسكره وكلمني وسكرته بعدها بنته اتصلت فيه واخذت تعيد الرقم اكثر من مره اهني قامت القيامه غنتي تشكين فيني انت ما عندك ثقه فيني فهمته القصه يابلي هاللي سردته كله وانا ما تكلمت ولا كلمه(وهذا طبعي مااعرف اتكلم لما الواحد يعصب علي وينكسر خاطري على نفسي اشلو يجرح فيني ) وعقب ما خلص غيرت ملابسي و رحت أنام وانا قاعده على الفراش جن جنونه وأخذ يرميني بعلبة الكلينكس وانتي ما تحترميني وقام يحلف انه راح يادبني وبريني شيء عمري ما شفته
ـنا بصراحه اختي احساس مليت من هالطريقه واقعد واسمع هالكلام القبيح وانقهر على روحي منه ومن كلامه وبعده ما اتصلت فيه لحد الحين
هل طريقتي صح أنا ما ني قادره اشوفه
