السلام عليكن ورحمة الله وبركاته
انا ابي افضفض معكن لان راسي عورني من التفكير انا زوجي متزوج ثانيه بعد 7سنوات زواج بدون عيال وصار لي سنه وزياده عند اهلي رافض الطلاق بحكم حبه ليه (خرطي ) خخخخخخ
ورافض السكن عشان هو وحيد امه ورجال البيت ومايقدر ينام برى البيت في يومي صارت مقابله امس معي
وقال انا بسوي لك شقه داخل البيت لان زوجته في نفس البيت ويقول ابي العدل يعني لي غرفتين وصاله وحمامين وانتو بكرامه ومطبخ وهي مطبخها مع امه ويوم لي ويوم لها ويدفع 30 الف كاش بس تبون الصراحه الجاره مشاكل ولا بعد في نفس البيت قلت ابي اقطع المشاكل من الحين واهم شيء راحتي موراحتك بس قال اذا شفتيني مقصر في حقوقك ومعطيها اكثر وقفي بوجهي ولك الحق تتكلمين اما بس كذا تتكلمين قلت مايحتاج اتلكم اذا من قبل مشاكل والحين عندك ثانيه يعني انت اخبر ولا بعد جاه ولد يمكن يرفع راسه علي وانا احس من تصرفاته متغير ان شاء الله للاحسن بس انا خايفه ارجع يابنات واسكن في نفس البيت طبعا بتكون شقتي مستقله ولاتشوفني ولااشوفها بس للحين استخير ربي هو الي يعلم بالخير وبالشر لي بس ابي الي نتزوج عليها زوجها كيف عايشه مع الضره في نفس البيت من كل ناحيه انا طبعا قلت له باستخير واذا ربي موكاتب ارجع بتطلق قال لا انا اعزك ومن هالكلام قلت لو تعزني كانت ماتزوجت علي قال انتي طلعتي من البيت ورفضتي ترجعين تبيني اقعد عزابي صحيح الرجال انانيين همه نفسهم وبس حاليا انا ادور وضيفه ومالقيت الله يعين وبدرس دوره يمكن تنفعني بعد الله على اني احصل وظيفه بس احاول كل مادخل الشيطان وحاول يعكر مزاجي ويخليني اقول في نفسي زوجي تزوج علي والحين جاه ولدويمكن ينساني ويميل لها بس اتعوذ من الشيطام واقول اللهم لك الحمد وهذا قضاء وقدر وربي اذا اراد لي الخير بيرزقني اياه فاليش اتعب عمري بالتفكير دام المستقبل في علم الغيب فاقراري لازم يكون من نواحي كثيره منها كبف اتكيف مع الضره واي مشاكل تسببها لي وكيف ادافع عن نفسي واكون قويه بالله في الدافع عن حقي بس ماخاب من استخار الخالق ثن=م استشار المخلوق فانتوا شنو تنصحوني فيه وخصوصا الي عاشت مع ضره ومع زوج شمالي والله يجمعني واياكن في الجنه ويوعوضنا بالجنه ان شاء الله وربي سبحانه اذا احب عبد ابتلاه ولله الحمد .
