(الشله)قصة 8 بنات تابعوني بقلمي الأدبي (مغروره بس معذوره) كتبتها بلهجتي العمانية/ "مقدمه"¿ كل شخص في الحياة يريد شي اللي يريد يطلع الأول ع صفه واللي يريد يروح الجامعه واللي يريد يشتغل واللي يريد يتزوج واللي يريد تجارته تزيد ووو بس يا ترى إذا الشخص تحقق له شو يريد هل هالشي بخليه يعيش سعيد وإلا لازم شي يكدر صفو حياته أعتقد الحياة فيها وايد صعوبات والشخص رغم كل شي لازم يتوجه لربه لأن كل شخص عنده هموم ومشاكل لا الفقير مرتاح ولا الغني مرتاح لا تحسبوا إن الدنيا إذا صار شو تبوا بتكونوا سعيدين السعاده الحقيقية إن الشخص يذكر ربه دووم ويحافظ ع صلاته وبيحس براحه وبيحس إن مشاكله تنحل بإذن الله قصتي هذي عن 8 بنات جامعيات بس يا ترى هل الإنسان إذا كان عنده شهاده بيكون أحسن عن اللي ما عنده؟صح يا ترى لما يقولوا إن الحياة أكبر مدرس لنا؟شو قصة هالبنات يا ترى؟وشو سبب هالجمعه الحلوه بعد سنوات؟لكل وحده قصه تريدوا تعرفوا أقروا قصتي . "الجزء الأول" العنود:بعدها أريج وغدير ما جوا شو سالفتهم وإلا تدخل أريج وغدير: السلام عليكم يا حلوات مروج وندى ونور وجمان والعنود والأصيل:وعليكم السلام والرحمه ونشن البنات يسلموا ع ربيعاتهن العنود:والله وناسه أخيرا إجتمعنا بعد سنوات الأصيل:البركه فيج جمعتينا وقعدوا ضحك وسوالف وكل وحده تتكلم عن أخبارها وشو صار لها خلال هالسنتين كانوا مقربات وايد من بعض بس مروا بظروف فرقتهم في منهن ما شافن بعض من سنوات وحبت العنود تجمعهم معاها فعزمتهم عندها في بيتها الكبير كانت تعيش بروحها مع ولدها وبنتها وجوا من العصر واللي عندها عيال حطتهم عند أهلها أو زوجها والعنود حطت ولدها وبنتها مع أمها فكان البيت ما فيه إلا الصبايا كانت العنود حابه تستعيد ذكريات الماضي الحلوه كان كل الصبايا عمرهن 28 الأصيل:وينج مروج من زمان ما أعرف عنج شي مروج:إنتي ما تسألي عنا باين الدكتوراه اللي عندج خلتج متكبره علينا الأصيل:الله يسامحج يا مروج بعد ما خلصنا جامعه كنت اراسلج بس إنتي ما تردي فقلت كرامتي أهم شي مروج:آه يا أصيل في هذيك الفتره كنت أمر بظروف صعبه وما كان لي خلق لأحد الأصيل:يعني لا تعاتبيني لأن أنا ما قصرت أريج:شفيكم إحنا جايين نستانس العنود كانت رايحه تجهز ميلس الحريم وحطت الأكلات الحلوة اللي جهزتها لربيعاتها العنود:يلا يا حلوات تعالوا فالميلس وقت الطعام يم يم ضحكوا البنات وراحوا وياها ندى:ياي والله بيتج روعه العنود وستايل وايد العنود:كلج ذوق ندوج تفضلوا موو لازم أعزمكم البيت بيتكم وهي تقلد السوريين وتقول ولو صبايا أعدوا ضحكوا البنات على أسلوبها ندى كانت ملقوفه وايد وما تحط شي في خاطرها وأي شي في قلبها تقوله وكانت طيبه وايد ندى:العنود وين نوف ونواف خاطري أشوفهم العنود:وديتهم عن أمي شوي أرتاح منهم هاها ندى:كم اعمارهم ألحين العنود:3 سنوات فديتهم ندى:العنود محد تقدملج فهاللحظه أطالعت غدير ندى بنظره معناها إسكتي ندى:آسفه عنادي العنود بإبتسامتها الحلوة:عادي فديتج وبعد ما كلوا قعدوا مع بعض فالصاله خلوني أوصفلكم علاقة الشله العنود والأصيل صديقات الروح بالروح ومع بعض من لمن كانوا فالمدرسه وبعدها دخلوا الجامعه وكانوا في نفس الغرفه ونفس التخصص وهو هندسه نووية ومروج ونور بعد صديقات وتخصصهن إدارة أعمال وكانن مع العنود والأصيل في نفس الغرفه أما أريج وغدير وندى وجمان كانن في نفس الشقه بس في غرفه ثانية لأن شقتهم عباره عن غرفتين وصاله وكل وحده تخصهها يختلف عن الثانية جمعهم القدر وتعرفوا ع بعض فالسكن الخارجي للجامعه وبقوا مع بعض 5 سنوات بس بعد الدراسه كل وحده صار لها حياتها والعنود كانت قريبه من الكل صح ما وايد بس تعرف أخبارهن وترسل لهن دوم وحبت اليوم تجمعهن وهدفها تنسى شوي حزنها وطبعا تشوف ربيعاتها وتعرف أخبارهن.كان أنواع الضحك فالصاله والوناسه بس لاحظوا البنات شي غريب قاعدات من نصف ساعة ألحين مع بعض بس في وحده كانت في عالم ثاني كانت ساكته جمان وكانت قبل تسولف وتضحك مع الجميع بس ألحين تغيرت وصارت هادية جمان كانت أطول وحده فيهن يميزها بشرتها البرونزية الصافية اللي عاطيتها جمال خاص وكان جسمها متناسب مع طولها كانت طيبه وكتومه وما إجتماعية وايد وما تحب تكون صداقات بس البنات غيروها خلال دراستهم بس يمكن السنوات اللي ابتعدوا فيها عن بعض خلتها ترجع لهدوئها الأصيل:جمان شفيج ساكته جمان:ماشي بس قاعده أسمعكم ندوى:عاد جمون وساكته صدق غريبه أريج:وأبو الغريبه نور:وأم الغريبه وضحكن كلهن غدير:بلا إستهبال بنات . جمان فديتج شفيج عسى ما شر جمان:بدت دموعها تنزل وبغزاره كانت جمان بس تريد أحد يقولها شفيج كانت متضايقه وهمومها وايد كانت تبى ترمس وتقول شو في خاطرها صح أهلها وزوجها معها بس الصديق غير وجمان من تزوجت إبتعدت عن الشله بس كانت تتواصل أحيانا مع العنود أما البقية لما شافوها إبتعدت إبتعدوا عنها كان مشكلتها في أغلى اثنين في حياتها كانت تفكر كيف بتتصرف معاهم كانت مصره تحل هالمشكله وتقول في خاطرها في أمل وكانت دوم تدعي الله سبحانه يفرج همها يمكن هالجمعه الحلوه فيها حل لمشكلتها غدير بكل حنان تتقرب من جمان وتحط راس جمان ع صدرها:شفيج جمان إحنا هنا نسمعج جمان:ما ابى أضيق بصدركم وإنتو ياين تستانسوا العنود:إحنا نسمعج جمان وتأكدي إحنا متجمعين عشان نونس بعض ويمكن نقدر نساعدج جمان:تذكروا يعقوب ولد عمي تزوجته بعد ما خلصت جامعه والله أحبه يعقوب وايد بس صعب نستمر مع بعض نور:جمان أنا أتذكر إن ولد عمج كان يحبج وعندج ألحين عيال منه ليش تريدوا تنفصلوا جمان:بخبركم قصتي بالتفصيل
شو قصة جمان؟؟وليش هالحزن في عيونها؟؟شو قصص الصبايا معقولة قصصهم بتبكينا؟؟والعنود شو سرها؟؟!!
السموحة منكم بس أنا تعبت وأنا أكتب القصة ولو ما شفت ردووود ما بكمل
شكرا شكرا لكل من ردت علي بس عبالي ما عجبت أحد قصتي لأن دشيت أول ما نزلتها وما شفت ردوووووود,,,فديتج نبراس الشرق بكملها ألحين وفديت كل من ردت علي شكرا للمشرفة إنها كبرت الخط
الجزء الثاني(مشكلة جمان) جمان:بعد ما خلصت من الجامعه توظفت بسرعه عشان طبعا تخصصي رياضيات وبعدها تقدملي يعقوب ولد عمي وكنت رافضه لأن عارفه إن وايد أمراض فعايلتنا وكنت ما بسلم منها بس الأب:جمان إنتي لازم تزوجي يعقوب جمان:يبه الزواج ما غصب الأب:بس يعقوب ولد عمج أفضل عن تزوجي الغريب جمان:بس يبه إنت عارف شكثر أمراض فعايلتنا أنا عارفه يعقوب ولد عمي وأعرف أخلاقه وإنه محترم بس يا يبه أنا خايفه ع عيالي الأب:ما يهمني شو تقولي وجواهر إختج متزوجه نادر أخوه إطالعي شكثر مرتاحه جمان:أيوا مرتاحه والدليل خالد ولدها فيه هشاشه فالعظام وما راضية تحمل خايفه الأب:ملكتج بعد أسبوع وإحنا سوينا فحص طبي لكم والنتايج تبشر بالخير كان أبو جمان عنيد وايد وبعد كلامه طلع عن جمان وبقت جمان ودموعها بس بعد أسبوع ملكت ورضيت بقضاء الله وحبيت يعقوب بجد وايد وبعدها ب3شهور تزوجنا كنا نحب بعض وايد وزاد حبنا بعد الزواج وبعد شهر من زواجنا حملت وبعدها يبت مازن ألحين عمره 4 سنوات بعد مازن جبت لؤي عمره سنتين طوال 3 سنوات كنت مرتاحه وعشت أحلى حياة مع عيالي بس فجأة يعقوب:جمان يا قلبي هذي إراده الله سبحانه وتعالى جمان وهي تبكي:كنت عارفه كذا بصير وقلت لأبوي بس ما سمع كلامي يعقوب تضايق بس حاول يهديها:جمان ما يفيد هالكلام ألحين جمان:خايفه ع لؤي أخاف فيه نفس مرض مازن وشو بنسوي يعقوب:ترى باكر بتطلع النتايج وإن شاءالله خير جمان ساكته وتبكي ومضى يوم ثقيل ع جمان وبالباكر الصدمه الكبيره جمان:لا حول ولا قوة إلا بالله ليش كذا يصير لنا وقال الدكتور إنتو فيكم كمان بس متنحي وأي طفل بيجي بيكون مريض ياليت أموت ولا أشوف عيالي يموتوا قدامي يعقوب:إستغفري ربج العلم تطور جمان:تكاليف العملية لمرض الثلاسيميا وايد غالية ويبوا متبرع أكيد شو بنسوي ومازن ولؤي مصابين يعقوب ساكت كان ما قادر يتكلم وحس إنه غلط بتهوره ورغم إن جمان كلمت إخته قبل الزواج وآثار هالزواج كيف ممكن تكون بس عاند وأصر ع الزواج وخلال سنة كامله وإحنا ننقل حق لؤي ومازن دم والله أشوفهم يتقطع قلبي وشو الحل من وين بعالجهم عيالي بيموتوا فعز شبابهم وأنا أعرف ولا قادره أسوي شي وقعدت تبكي هدوها البنات وقالن لها هذا حكم ربنا سبحانه وإن شاءالله بنساعدج إحنا الأصيل:عدنان يشتغل فالديوان وتأكدي إحنا بنساعدج وأنا بكلمه عشان يسفروا عيالج ع حساب الدوله جمان والإبتسامه ع وجها:والله يا الأصيل ما بنسى هالجميل لج ندى:إذا السالفه واسطه تأكدي إن عيالج بيحصلوا المبلغ الأصيل:هاهاها فديت عدنان ما يقصر مروج:يا عيني ع الحب العنود:إن شاءالله بتنحل مشكلتج جمان جمان:إذا صار وشفوا عيالي مستحيل أستمر مع يعقوب العنود:جمان يا قلبي هدي نفسج وأهم شي إنتي لا تحملي هالفتره لين يشفوا عيالج جمان:والله إنتو ريحتوني وايد العنود:صبايا أذن المغرب نروح نصلي وبعدها نرجع راحوا يصلوا ورجعوا فالصاله جات شغالة العنود بالعصير والشوكولاه أريج وهي تآخذ الشوكولاه:تسلمي يا العنود والله ما قصرتي العنود:مشكوره يا قلبي ندى:نور كيف حياتج بعد الطلاق نور:الطلاق شي مو سهل بس الحياة تمشي غدير: وهي تشرب العصير نور شو سبب الطلاق الأصيل:غدير لا تضغطوا ع نور نور:فديتج أصايل عادي بقولكم قصتي وإنتو حكموا العنود :إحنا نسمعج الجزء الثالث(الشك) نور:بعد ما خلصت جامعه تقدملي شخص عن طريق حرمه جارتنا سألنا ومدحوه الناس لنا وكان مهندس وطيب وايد وخلوق وحلو وكشخه وكان جاسم حلم أي بنت ع قولة الحرمه وتمت الخطبه والعرس في صباح عرسنا كنت ارمس امي ام نور:إشحالج يمه عساج بخير نور:بجد يمه أنا بخير تو أكثر عن عشر مرات سألتيني أم نور:يمه أباج تكوني سعيده وتسمعي كلام زوجج نور:إن شاءالله يمه أم نور:بخليج يمه ألحين وسلمي ع جاسم نور:طيب يمه وسلمي ع ابوي وإخواني وصكرت نور السماعه جاسم:منو ترمسي من الصباح نور:هذي أمي وسلمت عليك جاسم:وليش صكرتي لما شفتيني نور:كانت امي تصكر لما إنت صحيت جاسم:طيب كان إذا دق تلفوني هو يشيله يحطه سبيكر ولما يسمع الصوت يعطيني كنت أتضايق من هالحركه وفي يوم إتصلت مروج وكانت ترمس عن حمد اللي تحبه وهو كان يسمع لأن مروج كانت تبكي وتقول مروج:يا ليت ما حبيته وهو حاطه سبيكر نور:مروج حبيتي برمسج بعدين مروج هذاك اليوم زعلت بس ما كنت قادره ارمسها قدام جاسم أبدا جاسم:عاد ما صديقه تحب وإنتي يا حرمي المصون كم واحد حبيتي نور:تشب بجد ما تستحى وأطالعه بنظرات إحتقار وفجأة أشوف إيده ترتفع ويصفعني كف ع وجهي إنصدمت منه وقال:عشان تعرفي لمن تقولي تشب وهالنظرات لو كررتيها مره ثانية يا ويلج ورحت الغرفه وقعدت اجمع ملابسي وجا لي جاسم:نور أعتذر بس ما ارضى زوجتي تقولي تشب وأنا كنت أبكي:وأنا ما ارضى واحد يسبني فشرفي جاسم أنا تعبت إتصالاتي إنت ترد عليها ومسجاتي إنت تشوفها قبل ألحين من 6 شهور وإنت نفس الحاله وآخرتها تسبني فشرفي ولمن تكلمت صفعتني أنا لي كرامه وكنت صابره بس أحس خلاص صبري نفذ وسألته إنت شايف علي شي جاسم:لا بالعكس والله إنج محترمه نور:ليش تسوى كذا جاسم:وإنتي ليش متضايقه نور:متضايقه لأنك تدخل في خصوصياتي إنت ترضى أشوف مسجاتك أو أرد ع إتصالاتك جاسم:في فرق أنا ريال نور:وأنا عندي خصوصيات و6 شهور أكدت لك إني محترمه وعلاقتي بس فأهلي أنا ما أمانع إنك تعرف من ارمس بس ما بهالأسلوب أنا اريد ثقتك جاسم ليش تدمر حياتنا بسبب شكك جاسم إسمع أنا بروح بيت أهلي وإختار يا إنك تتغير وكذا برجعلك أو تبقى ع حالك وتطلقني جاسم:نور اوعدج بتغير نور لا تتخلي عني والله أحبج حسيته صادق وحبيت أعطيه فرصه ومضى شهرين وكنا أحسن ما يكون نور:حبيبي محمد أخوي عازمني ع العشاء اليوم جاسم:وشو المناسبه نور:نجح بإمتياز وكنا متراهنين إذا نجح يعزمني ع المطعم جاسم:طيب روحي إستغربت قال روحي بدون نقاش زياده بس حسيت إن الليله ما بتعدي على خير وبليل كنت كاشخه لأني كنت مستانسه عشان بطلع ويا أخوي وبدون جاسم لأنه كان دوم إذا طلعنا أحس نفسي مقيده ليش تطالع فلان عن يكون يعرفج وليش تريدي تدخلي هالمحل بالذات وايد غيره جاسم:أي مطعم بتروحوا نور:.... حبيبي أنا بجيب عشى من برا وأنا جايه جاسم:لا مو لازم أنا بطلع مع ربعي نور:أوك ها محمد يدق بروح أنا جاسم:أوك ورحنا المطعم وكنا قاعدين أنا ومحمد وفجأة أشوف إيد ع عيني نور:منو إنت محمد منو هذا محمد:سر وهذي مفاجأتي لج الليله ولمن شفت عماد نطيت احضنه وابوسه وكلي فرح فهاللحظه راح محمد شوي الحمام الله يعزكم وفجأة جاسم:بجد إنج نذله واطية قاعده مع ريال غريب وبعد تبوسيه وتحضنيه قدام أخوج عماد:من هذا هجم جاسم ع عماد وضربه ضرب وجا محمد وفك بينهم محمد:إنت انهبلت جاسم:تشب يا عديم الشرف فرحان تدلل ع إختك هنا محمد جن وهجم ع جاسم وفكوهم الناس وكانت حالتهم بجد صعبه وينزفوا دم محمد:تحلم تشوف نور مره ثانية يا حقير جاسم:تخسي ادخل عاهره ف بيتي وكنت أبكي بدل الدموع دم جاسم:إنتي طالق محمد:أبركها من ساعه يا واطي وكانوا الناس متجمعه وحسيت إني عن جد تعبانه وأغمى علي بعد فتره عرف جاسم إن عماد أخوي من الرضاعه بس كان مسافر من 5 سنوات وكانت علاقتي بعماد نفس اخواني بالضبط وكان جاسم يعرف عماد بس بالإسم أما الشكل أبدا ما شافه وقعد يترجاني أرجع له بس أبدا ما وافقت لأن جاسم أصلا مريض بمرض إسمه الشك الأصيل:طيب ليش هو كذا نور نور تسترجع لما جات امها المستشفى وقالت: أحسنلج يمه تطلقتي منه نور:ليش يمه تقولي كذا أم نور:جاسم لما كان صغير كانت أمه تجيب ريايل بيتهم وكان يشوفهم وكانت أمه تدخله غرفه بروحه وتقفل الباب وفي يوم ابوه عرف وطلق امه وخذ جاسم وتزوج وحده ثانية نور:أنا مره سألت جاسم عن أمه الحقيقية وعصب وقال إذا جبت طاريها ما بيحصل لج خير أنا ع بالي عشان تركت ابوه بس يمه إنتي كيف عرفتي أم نور:تعرفي أم أنور جارتنا هي خبرتني إختها جيران أهل جاسم وتقول ما خبرتكم عن أم جاسم لأنها صفحه وإنطوت بس شكل الولد متأثر نفسيا من أمه نور:الله يسامح إخت أم أنور يمه جا جاسم واترجاني ارجع بس ما وافقت أم نور:أحسن يمه ندى:سبحان الله مع إنه طيب ووايد صفات حلوه فيه بس هذا ما شفع له نور:تصدقون هو تزوج وحده ثانية بعد 4 شهور وقبل أيام سمعت إنها رافعه عليه قضية عشان ضاربها وتريد تطلق العنود:أكيد لنفس السبب الله يهديه يارب وكيف ألحين نور وضعج نور:في شخص فالدوام يحبني وكان يريد نتواصل عن طريق التلفون بس رفضت تو تقريبا من 5 شهور وأمس تقدملي رسمي البنات:مبروك ندوج هذي لازمها حفله نور:بس أنا خايفه يتكرر لي نفس الشي غدير:مو كل الناس واحد وإن شاءالله هذا أحسن توكلي على الله وافقي نور:سألنا عنه والجميع مدحه حتى فالدوام وايد محترم بس حاسه بخوف مروج:صلي إستخاره أكثر عن مره والله بيهديج للصواب ندى:ناس تزوج أكثر عن مره وناس ولا مره وضحكوا البنات نور:بتحسدني صلي على النبي البنات:اللهم صلي وسلم وبارك على سيدنا محمد الأصيل:ندى معقوله محد خطبج ندى:خليني ساكته أحسن والله متضايقه العنود:ندوج قولي شفيج جمان:كلنا قلنا شفينا وحسينا براحه ندى:نزلت دمعه من عيونها وبدت تحكي
الجزء الثالث(تسلط الآباء)
إنتو عارفين إني ألحين نائبة مديره وعارفين إن مرايم وطيف خواتي أكبر عني مرايم ألحين 32 وطيف 30 وما تزوجن وأنا بعدهن
ندى:ليش أبوي كذا والله حرام عليه
مرايم:أرضى بنصيبج
ندى:لو ما احد يتقدملنا بقول بس ابوي لازم يوافق نتزوج اطالعي مرايم نفسج وشوفي طيف يعني ينتظر توصلوا الأربعينات خلاص ما لازم نسكت
مرايم:ندى حبيبتي هدي نفسج وصبري
طيف:صدقها ندوج عاد ربيعاتي عندهن 3 أو 4 عيال
ندى كانت معصبه ع أبوها وايد:خلاص مؤيد ينتظر طيف من زمان ولد إخته ليش ما موافق من وين مؤيد بيجيب 20 ألف شو منو بيتزوج تراها إلا طيفو
بس ابوي يسوي تعجيز
طيف:ياليتني ما كنت دكتوره ولا إشتغلت وبدت تبكي
ندى:ابوي لازم يوافق ع هالعريس المتقدم لمرايم إحنا سألنا وهو سأل بس طالب مهر 15 ألف وهو بس مدرس من وين له
مرايم إختي طيبه وهادية ودوم تسكت عن حقها وطيف تقول أستحي أناقش ابوي فهالموضوع
مر أسبوع ع هالكلام وكنا قاعدين أنا وابوي وامي وطيف وناصر اخوي طبعا ناصر عمره 20 ويدرس في كلية خاصه وعنده سياره كانت أمي تتكلم عن زواج حمد ولد عمي
ابو ندى:وعقبال ناصر من يخلص دراسه بنزوجه
أم ندى:آمين وعقبال البنات بعد
ندى:يبه شو صار ع موضوع مرايم
أبو ندى:بعدنا ما حددنا المهر
طيف كانت حاسه ان بتصير مشكله واطالعت ندى بس ندى واصلت
ندى:يبه وكم المهر
ابو ندى:15 ألف
ندى:يبه إحنا المهور عدنا 5 و6 و7 وهو مسكين مدرس من وين له
أبو ندى بدى يعصب:خلاص ماشي زواج عيل
ندى:وليش عبالك مرايم عمرها 20 أصحي يا أبو مرايم بنتك عمرها 32 وبعد فتره بتوصل الأربعين والحمدلله في احد يتقدملها لتو
أم ندى:ندى بس إسكتي
ناصر وطيف كانوا يتابعوا بصمت
ابو ندى:شكلي ما عرفت اربيكم
ندى:الرسول عليه الصلاة والسلام وصى بالإسراع في تزويج البنت وإنت بس طمعان بس فرواتبنا تحطى شروط تعجيزية صرنا نستحي من الناس بسببك إنت مستحيل تكون أب
قام أبوي وصفعني كف بس ما سكت
ندى:تعرف يبه ألحين بس عرفت إنك في حياتك ما حبيتنا وأشك إنا بناتك وروح إسأل شيخ في حكم الشرع يا يبه اللي تسواه حرام إحنا بشر فاهم ورحت عنه
وسمعت أمي تقوله
أم ندى:بعدها صغيره ما تعرف شو تقول
ابوي ظل ساكت وطلع بعدها
كان هذاك اليوم أول مره احد يكلم أبوي بهالأسلوب وأنا كنت أصغر بناته بس أبدا ما حسسني كذا كان دايم متسلط حتى أمي ما تناقشه بس حاضر وإن شاءالله حتى في حياتنا ما تدخلت وما هان علي أشوف خواتي كذا وأسكت صح ابوي أبد ما قصر معانا بس رواتبنا ألحين أكثر عن النص معاه وشو يبى بعد ابوي كان متسلط بمعني الكلمه طيف وناصر وأمي جوا لي كنت أبكي
أم ندى:إنتي انهبلتي احد يكلم أبوه كذا
ندى وهي تبكي:اللي قلته الصح لازم ابوي يفهم إنا إحنا كبار ما صغار عشان كذا يتسلط في حياتنا
أم ندى:الكلام ضايع معاج إنتي وطلعتي
ناصر:تصدقي ندوج بصراحه اول مره اعرف إنج قوية لهالدرجه
طيف:ندوج صراحه اليوم إنتي بطله ويبالنا نسويلج تاج
مرايم كانت قاعده ع النت: شو صاير سمعت بس صريخ
طيف:فاتج وخبرتها كل شي
مرايم فاتحه عيونها:والله ما أصدق ندوووج بصراحه قوية
ناصر كان يحب خواته بس ما كان قادر يعلي صوته ع أبوه أو حتى يفتح هالموضوع معاه
بعد هالمشكله صرت أتجنب أبوي وبعد مرور إسبوع جا ناصر عدنا بليل
ناصر:ما بتصدقوا ابوي قال لفراس المهر 7 ووافق فراس وحددوا الملكه بعد شهر وسمعت ابوي يتصل لمؤيد ولد عمتي وقاله بعد السلام والكلام مهر طيف نفس إختها والملكه في نفس اليوم
وإلا تدخل أم ندى تنادي طيف ومرايم
أبو ندى:أنا كلمت فراس ومؤيد وبإذن الله ملكتكم مع بعض بعد شهر مبروك يا بناتي
طيف ومرايم:الله يبارك فيك يبه وباسوا راسه وراحوا
طيف ومرايم:فديتج ندى لولاج ما صار كذا
ندى:مبروك يا خواتي بس ابوي من هذاك اليوم ما يكلمني
غدير:إن شاءالله بيرمسج
وطبعا زواج مرايم وطيف بعد شهر ولحد ألحين علاقتي بأبوي نفس ما هي وقعدت تبكي واللي ضايقني زود
أم ندى:عقبال ندى بعد
أبو ندى:هذي بزوجها اول واحد يتقدملها حتى بألف خاطرها فالزواج وايد وألحين تزوجن خواتها
حسيت بسكين داخلي وحسيت بحقد تجاه ابوي ولحد اليوم وأنا ما ارمسه أبدا
وفجأة يسمعوا ضحك بصوت عالي وإلتفتوا ع غدير شافوها تضحك من خاطرها
غدير:آسفه ندوج بس كلام ابوج ضحكني هاهاها
الأصيل:غدير شو هذا
ندى قعدت تضحك بعد رغم حزنها وكلهن ضحكن
غدير:ندوج بصراحه إنتي قوية وايد وأحس اللي قلتيه حق أبوج صح
الأصيل:والدليل بعدها وافق ع زواج خواتج
مروج:وأنا بعد مع غدير والأصيل
العنود:وأنا بعد معاكن بس أنا أعتقد إن لازم تروحي لأبوج وتعتذري أول شي لأن عليت صوتج عليه ثاني شي هذا أبوج ورضاه بعد رضى ربنا سبحانه
ندى:بس ابوي متسلط والهداوه ما تنفع معاه
جمان:إنتي جربي عشان إذا متضايق منج أو شال في قلبه عليج يروح
العنود:حاولي ندى وأنا أعتقد خوفكم من أبوكم ما خلاكم تناقشوه بهداوه جربي
ندى:إن شاءالله ومعاج حق عنود بس يمكن حساسية الموضوع ما خلتنا نجرب نناقش ابوي
أريج:فقررت ندى تفجر قنابل هاها وضحكوا كلهن ع كلام أريج
مروج:أريج كم ولد معاج ألحين
أريج:قولي كم بنت هاها عندي بشاير ومناير عمرهن 3 سنوات
العنود:ماشاءالله وحلوات نفس أمهن
الأصيل:أروج كنتي دبه وألحين ضعيفه أعترفي تسوي رجيم
أريج:هاها عاد ما رجيم أنا وأسوي رجيم
غدير:وشكلج وايد متغير حتى لون بشرتج تغير
العنود:اريج إهتمي بشرتج وجسمج والله كان جسمج روعه
أريج:الدنيا ما تخلي أحس بحاله وعمري ما حسيت براحه
الأصيل:شو يا قلبي مكدرج ومضايقج
أريج بدت تقول قصتها
بكمل في وقت لااااااحق وبعد ما خلصتها كلها أنتظر ردودكم يا حلوات
(الشله)قصة 8 بنات
الجزء الخامس (الخيانة)
أريج:تقدملي شخص ما عايلتنا طبعا كلكن حضرتوا زواجي من حاتم كان حاتم فنظري الإنسان الرومانسي الحنون كنت أشوفه مثال للأخلاق والطيبه كان محترم في فترة الملكه كنت حاسده نفسي ع حاتم وكنت أحب ارمسه وبعد الزواج تغير كل شي
حاتم:تصدقي يا قلبي إنج بجد أحلى بنت شفتها في حياتي
أريج:هاها فديتك وإنت اطيب قلب شفته
حاتم:اروج قلبي خلينا نروح السينما نطالع فلم رومانسي
أريج:اوك حبي بس آممم خاطري اروح بيت أهلي قبل
حاتم:تآمري أمر اروجي
مضن الأيام كنت أشوف حاتم أحسن ريال فالدنيا بس تجري الرياح بما لا تشتهي السفن صح يمكن أنا قصرت في حقه أو يمكن إهتمامه الزايد فيني خلاني أحس إن مهما تعاملت وياه ما بيتغير
في يوم كنا طالعين مطعم وكب الكتشب ع كندورته حسيت بالإحراج ما كنت أحسه إتكيت وايد ومهمل ف نفسه أحيانا أحس بقرف منه بس هالموقف ضايقني هو لمن كب كتشب ع كندورته ضحك وقال
حاتم:صدق إني ياهل هاها
أريج تطالعه بإشمئزار:وقرف بعد
حاتم:قرف!!!
اريج:أيوا
مع إن حاتم كان ما مقرف ولا شي بالعكس بس أنا خليت هالشي في بالي ماشي إنسان كامل كنت أتضايق إذا ما حط عطر أو جاني الوزاره (أريج تشتغل باحث قانوني )بجلابية مع إنه بس يقعد فالسياره أنا في نظري هذا إهمال ودوم أجرحه وما كان يرد وحسيت بمرور الأشهر إنه ما حاتم القبلي ما عاد يهتم فيني ولا صرنا نطلع مطاعم ولا شي حتى بيت أهلي كنت اروح فسيارتي وطوال اليوم برا او ع النت قاعد
اريج:حاتم حبيبي شرايك نروح نتعشى برا
حاتم:أنا مقرف جدا سوري احسن نتعشى فالبيت عن تتفشلي
أريج:كنت امزح
حاتم:مشغول روحي لبناتج شوفيهم أحسن
اريج:راقدات عاد
حاتم:روحي حطيلي عشى
اريج:حبيبي إنت زعلان
حاتم:آوف حق شو ازعل من أشكالج يلا روحي حطي عشى بجد بس تضيق بالواحد
اريج حسيت بسكين داخلي ورحت وحطيتله وتعشى وقام
صرت بالنسبه له فقط حق العيال وفي يوم إستخدمت لابتوبه هو كان برا وطبعا يرجع 1 أو 2 وقبل عن اصكره قررت أفتش عشان أعرف ليش هو تغير علي ورحت من وين يحفظوا محادثات المسن وقعدت تبكي اريج وجاتها أصيل وحضنتها وقالت لها أشربي عصير وهدي أعصابج
الأصيل:إذا ما تقدري تكملي خلاص لا تقولي شي أهم شي نفسيتج
هنا البنات أطالعوا أصيل بكل حقد وكراهية هاها عشان تقول لأريج لا تكمل
أصيل:شفيكم كذا تطالعوني البنت وايد متضايقه
أريج هنا ضحكت ع شكلهن
غدير:إحنا ملقوفات نبى نعرف شو شافت اريج
العنود:نروح نصلي المغرب وبعد اريج بتحس براحه وبعدها نرجع
البنات:يلا نروح
راحن وصلن ورجعن وقعدن
قدمت شغالة العنود عصير لكل وحده
غدير:آمم أحلى شي كوكتيل بارد تشرب
العنود:بالهنى ع قلبج غدور
مروج:اريج يلا كملي شو شفتي
جمان:بسرعه عن يصير لها شي
ضحكوا كلهم
اريج:شفت عنده محادثه مع وحده كان يخبرها كل شي حسيتها قريبه منه وايد عني وعن بناته كانت تسأله شخبار زوجتك وعن بشاير ومناير كانت كل المحادثات محفوظه كان مسمنها روح حاتم وأنا فجهازه كان إسمي حبيبي بس بعدها غيره لأم بشاير ومناير لما مره سألته
اريج:حاتم شفت تلفوني مادري وين حطيته
حاتم:لأ
اريج:طيب جيب جهازك بدق عليه
حاتم:خذي
اريج:كتبت الرقم وانصدمت أم بشاير ومناير قبل حبيبي إنت غيرت إسمي
حاتم:ايوا
اريج:ليش
حاتم:جهازي وبكيفي
اريج:حتى أنا ببدل إسمك
حاتم:بكيفج
اريج:شفيك إنت ليش كذا صرت
حاتم:ما فيني شي بس هكذا بعاملج من ألحين
اريج:انت تغيرت
حاتم:روحي صارخي بعيد عن راسي آوف
المهم فالمحادثات كل الكلام اللي كان يقوله لي يقوله لها
أتذكر محادثه
حاتم:مياسه ليش تقسي علي
روح حاتم:حاتم حبيبي لازم تفهمني
حاتم:قلبي ألحين أعرفج من 4 شهور وبعدج قاسية علي
روح حاتم:حياتي إنت دنيتي كلها بس تعرف مجتمعنا وإنت متزوج
حاتم:أصلا ما اطيقها لو ما بناتي كنت بطلقها
روح حاتم:عمري أنا ما البنت اللي تخرب حياة أسره
حاتم:أصلا في أسره هاها ما أحس تجاها بأي مشاعر اسلوبها كرهني فيها
روح حاتم:فديتك قلبي أنا معاك إنساها مادري شو من البشر هاي والله حاتم من دخلت حياتي وأنا احس ان الدنيا صارت حلوة
حاتم:كيف مياستي
روح حاتم:تصدق اسلوبك وحنانك اذوب فيه وانت يا قلبي حساس ورومانسي زوجتك سوري عيوني بس ما عندها نظر
حاتم:عادي حبيبتي قولي شو تبي
روح حاتم:حبيبي لازم أطلع باي حبي
حاتم:باي
وكنت دايما أشوف محادثاتهم كلها حب وغراميات بس أبدا ما قلتله عنها أثر في نفسي وصحتي وقعدت تبكي
العنود:كل مشكله ولها حل
الأصيل:إنتي جرحتي مشاعره وخليتيه يبتعد عنج وحاتم طيب ولقى وحده تعوضه حنانج وحس إن مالج لزوم
غدير:حاولي تكسبيه وترجعي نفس قبل
جمان:هدي نفسج ولا تبكي كوني شجاعه وضحيله إنج تحبيه ولا تذكريله الماضي
العنود:لبسي وكشخي وتقربي منه هو إذا ما عزمج ع مطعم او سينما انتي عزميه وسويله مفاجأة فعيد زواجكم او عيد ميلاده
غدير:أنا مره رسلت حق زوجي هدية وباقة ورد في الدوام وإستانس وايد جربي إنتي
العنود:سوي شو قالولج البنات وإن شاءالله بيتغير
اريج:إن شاءالله
غدير:الحمدلله لما سمعت مشاكلكم حسيت إن زوجي غير وحبيته زود زود
الأصايل:هاهاها عن تحسدي نفسج
غدير:هاها تعرفوا أحس الحياة وايد مصاعب فيها صح زوجي عسل وطيب بس
الجزء السادس(أهل الزوج)
يا ترى شو مشكلة غدير ليش بالرغم من سعادتها مع زوجها إلا إنها متضايقه راحوا الصبايا يصلوا العشى ورجعوا عاد هنا العنود ودتهم ميلس الحريم وكانت حاطه كل أصناف الأكل محاشي ومشاوي وبيتزا وأصناف السلطات كان بجد عشى سبيشل والعصاير وغازات
غدير:اليوم بسبب العنود أعتقد بزيد 5 كيلو
الأصيل:بصراحه العنود وايد متعبه نفسج
العنود:لا تعب ولاشي هذا شي بسيط من واجبكم
جمان:العنود اشوفج ترمسي نفس الحريم هاها
العنود:تراني حرمه لاه هاهاها
أريج:عنود دومها غير وابدا ما قطعت علاقتها ويانا نفس الأصيل
الأصيل:والله ظروف سفري الدايم مره ماستر ومره دكتوراه من خلصت وأنا دوم برا وكنت دوم أسأل العنود عنكم فديتها وتخبرني
العنود:بأمانه كانت تسأل عنكم إعذروها يلا بنات تعشوا
وقعدوا يتعشوا ويسولفوا عن دواماتهم ويضحكوا بعد العشى قعدن يشربن شاي
ندى:يلا غدير أحكيلنا شو صار لج ليش ما سعيده
غدير:أنا عايشه في بيت أهله ألحين من تزوجنا وعندي سعود عمره 3 سنوات وساكنه في غرفه وحده تصدقي العنود أحسدج بيت كبير وبروحج تعرفوا يا ليت كانت بس ع الغرفه أمه عصبيه جدا ودوم تجرحني أنا كنت مدللة ماما وبابا وكانت عدنا شغالة وعندي إختي غيداء واخوي فيصل بس وما كنت اسوي شي ابدا في بيت بابا وفجأة تنقلب حياتي بسبب أمه
اريج:وليش وافقتي أساسا ع الزواج وفي وايد فروق بينكم
غدير:إنتو عارفين إن فهد يحبني من كنا فالجامعه وخبرني بهالشي وبادلته نفس المشاعر وكنت ارمسه فالفون ما كنت مهتمه وأقول فالحب ما في حواجز وكان تخصصنا هندسه بس هو كهربائية وأنا مدنية ومن خلصنا جامعه بسنة تقدملي ووافقت وبابا كان معارض فالبداية بس أقنعته ورضيت بزواج بسيط
بخبركم التفاصيل
يتبع....................
يا ترى شو قصتها وشو قصة مروج والاصيل وأهم شخص العنود,,
غدير:فهد أنا تعبت من أمك
فهد:إستحمليها عشان خاطري
غدير:إنت عارف إشكثر أمك تضايقني وما تحب تشوفني قاعده روحي نظفي روحي طبخي أنا ما شغالة عندها يا إنها تحترمني يا إنا نطلع فبيتنا بروحنا حتى لو أجار وأنا بشتغل وبنقدر ندفع الأجار بس إني أبقى مع أمك مستحيل
فهد:أنا بكلمها عشان ما تضايقج وإنتي عارفة إشكثر الأجارات عندنا غالية وتعرفي غدور إشكثر أغار عليج وما أحبج تشتغلي مع ريايل
إبتسمت غدير وقالت:إنت كل بعقلي حلاوة أون أغار عليج وألحين ألف مره قلت بكلمها وما شفت شي
فهد:غدور هذي أمي واللي ما فيه خير لأمه ماله خير لأحد وتعرفي إن أبوي متوفي وأنا أكبر واحد فالبيت وخواتي 4 متزوجات وباقية هديل وألحين مخطوبه كيف أترك أمي بروحها
غدور:آسفه فهد بس إنت تشوفها كيف تدخل فخصوصياتي حتى فمعاملتي لولدي ولبسه طلعاتنا مع بعض حتى موعد نومنا تدخل وبدت تبكي
فهد:أوعدج بكلمها وإن شاءالله خير يا قلب فهد إنتي
غدور:فهد إنت تحبني
فهد: قعد يغني"تعال وأنظر فخفوقي وطالع الصبر طال وخايف يتلفه ياس
عجزت وأنا مع خفوقي اصارع حبك ولذة شوفتك وأجمل أحساس
شديت أحساسي بأسلوب بارع وخليتني من الناس وماني من الناس
دقات قلبي تقارع قرع الطبول لاحتمى الدم بالراس
غدير:صوتك حلو فهودي
فهد:أعرف
غدير:أبو الغرور
فهد أبتسم لها
غدير:شكثر تحبني
فهد:أحبك كثر ما هز البحر وامواجه النسناس
واحبك كثر ما تزهر غصون الشوق من بوحي
واحبك كثر ما تطري علي عيونك النعاس
عيون تلتحف ليل السهر وتبات في روحي
كتبت ابكحلها حرفي وسطرته على القرطاس
يلهب شفة الذكرى وقلب الليل مجروحي
عرفت أن الزمان اللي عطاني ما يعل الكاس
مدام انك بخيل وكل ماجا طيفك ايروحي
وانا مالوم غيمك لا همى وامطر قلوب الناس
أنا اللي ما رويتك والمطر ما بلل اسفوجي
ولو غبت ووصلت ابعد من احدود الجفا والياس
أنا ما انساك ودموعك تضمد لهفة اجروحي(حده رومانسي هالرياااال هاهاها)
غدير:ربي لا حرمني منك يارب
فهد:آمين ولا منج غناتي وكلم فهد أمه وأحسها تغيرت بس أحيانا ترجع نفس قبل بس صابره ع حالي عشان خاطر فهد
جمان:يا عيني على الحب هاهاها
غدير:خمسه وخميسه وقعدت تسوي بأصابعها وضحكو البنات
العنود:غدور طيب ليش تقولي لج غرفة وحده ترا خواته متزوجات ووحده مخطوبه معناها بيفضي لج
غدير:في غرفتين فاضيات لخواته لما يجو وغرفه لهديل وغرفه لي وغرفة أمه البيت كبير وأقول لفهد بنبني بعد كم سنة فبيت أهله قسم خاص بنا بس أمه أعرفها ما بترضى
الأصيل:إن شاءالله خير وصدقيني غدير أمه تحبه وكلمها وتغيرت بس إنتي حاولي تكسبيها وتقدميلها هدايا وتطلعيها وياكم وطاوعيها هالفترة ومن تقولج شي روحي سويه وإنتي مبتسمة ترا البيت فاضي وما وايد شغل فيه وهذي أمه اللي ربته
غدير:بسوي شو قلتي أصيل وأتمنى تتغير
البنات كلهن:إن شاءالله بتتغير
الجزء السابع(بطاوعك يا قلبي)
قالوا تحبه قلت مانتم بصاحين..!!! احب يالعذال حتى تــــــــــرااااااابه
الأصيل:مروج دورج وتغمزلها خبرينا عن شغلج
مروج:أنا شغلي أوك وحياتي بعد ماشية وفاهمه غمزتج ترا.وأحب حمد من أيام الجامعة لهاللحظه ولين أموت وأهلي رافضين أتزوجه بأسباب أنا فنظري سخيفه وقلتلهم يا أتزوج حمد يا ما أتزوج أبدا وطبعا ابوي قال عادي عندي ما تزوجي ولا أشوف عيال بنتي واحد أبيض واحد اسمر بس إنتي بدون عقل ولحد ألحين أنا على رآيي وما أحب احد يتدخل فهالشي
العنود:فكري فعيالج مروج. أنا مع أبوج
مروج:رجاء العنود
العنود:أنا ما آبي أناقشج بس بخبرج وجهة نظري
مروج :تفضلي
العنود:أحيانا لازم نحكم عقلنا قبل عواطفنا وقلوبنا ولازم نفكر فمشاعر غيرنا تخيلي عندج ولدين واحد يشبهج ماشاء عليج واحد يشبه حمد هم بروحهم لما بيكبروا كيف بتكون نفسياتهم أنا ما قصدي أفرق بين الأبيض والأسمر أو إني عنصرية بالعكس ها شي لصالحكم أثنينكم ولصالح عيالكم
قعدت مروج تصيح بصوت عالي وتقول:محد حاس فيني أبدا أنا بموت بدون حمد
العنود:عيل بعدج عايشه بدونه
مروج:أنا ما يمر يوم ما أكلمه هو يفهمني وبس وقعدت تبكي ما قدرت تكمل كلامها تأثروا البنات بس فضلن الصمت لأن شخصية مروج صعبه شوي
العنود:تذكروا فاطمه ربيعتنا هي أبوها أبيض وأمها سمرا وهي تشبه أمها حالتها النفسية سيئة خاصة بعد ما أبوها طلق أمها وتزوج وحده بيضا وإخوانها كلهم بيض ودايما صايره عصبية وحساسة وتبكي ع حالها تعتقدوا لو فاطمه نشأة عند أب وأم سواء كانوا إثنينهم بيض أو إثنينهم سمر بتكون كذا نفسيتها(قصة فاطمه حقيقية بكل تفاصيلها أنا ما عندي تحيز لأحد بالعكس لا فرق بين عربي ولا أعجمي إلا بالتقوى هالنصيحة للطرفين سواء أبيض أو أسمر فكروا ف مستقبل عيالكم ونفسياتهم ترا أحيانا نهاية هالزواجات يا الدمار يا أطفال حساسين جدا) مروج أنا قلت كل شي والقرار لج
بس شخصية مروج العنيدة خلتها تفكر بس فنفسها وما كانت تعرف عواقب هالزواج
مروج:مستحيل أتخلى عن حمد طبعا ما ناقشوها زياده(بينجلطوا إن ناقشوها) وصكروا الموضوع
الجزء الثامن(الأصيل دايما أصيل)
وبعد فترة صمت حبت العنود تغير الجو لأن الهدوء ساد عليهم بعد سالفة مروج وقالت
العنود:الأصيل متى زواجج
الأصيل:بعد 28 يوم إن شاءالله
غدير:عدنان وايد عليه قعد ينتظرج هالسنوات ولا تزوج
الأصيل:فديت ولد خالوة يحبني لاه وإنتي شفيج حاسده
الأصيل:عدنان أطيب إنسان شفته ما عشان إنه ولد خالتي لا بالعكس لأنه عن جد رجل بما تعنية الكلمة من معنى
البنات:قعدن يصارخن يا عيني جمان :وأخيرا شفنا الأصيل أم النظارات تحب أحد أكثر عن الكتب
الأصيل:تشب سخيفات خلاص ألحين ماشي نظارات هاهاها وبعد فترة صمت قالت كنت بتزوج عدنان من خلصنا جامعه
البنات منصدمات من كلامها
نور:معقوله إحنا اللي نعرفه إنج رافضة الزواج لين تخلصي دراسة
الأصيل:من كنت صغيره الكل يقول عدنان حق الأصيل والأصيل حق عدنان وعمري ما تخيلت نفسي لأحد غيره وكنا مقررين نتزوج بعد الجامعه مباشرة بس وتنهدت بصوت عالي وبعدها
قالت:كنا في آخر كورس لما عدنان تعب وايد وكان يترد ع المستشفى وإكتشفوا عنده السرطان كان أصعب شي علي بس كان سرطان حميد وبقى سنوات يتعالج بس أتذكر لما عرفت إنه مريض حالتي النفسية سائت وتعبت وايد وبعد ما عرفت بمرضه بأسبوع دق فوني كان عدنان متصل وفي حياتي ما رمسته فالفون بس رقمه حافظته عندي فحسيت بإحساس غريب جدا
عدنان:السلام عليكم
الأصيل:وعليكم السلام
عدنان:عرفتيني
الأصيل:أكيد
عدنان:شخبارج
الأصيل:بخير وإنت عدنان
عدنان:عساج دوم بخير وأنا حالي يسرج بغيت أقولج شي
الأصيل:إنت ما تقول إنت تآمر
عدنان:أصيل إحنا كانت خطوبتنا بعد أسبوع وأنا ألحين مريض وما أعرف بعيش أو بموت عشان كذا
الأصيل:أنا عارفه شو بتقول بس والله يا ولد خالتي إني محرمه ع نفسي كل ريايل الدنيا إلا إنت والمرض الناس كلها تمرض وبإذنه سبحان بتشفى وبتكون أحسن عن قبل
عدنان:الأصيل لا تتسرعي وأنا علاجي بيستمر سنوات
الأصيل:وأنا بعد دراسة ماجستير ودكتوراه بتستمر سنوات بس أخاف إنت تزوج ولا تنتظرني
عدنان:والله إنج إسم ع مسمى يا بنت خالوة والله إذا شاء ربي وشفيت لنتظرج لآخر عمري
الأصيل:كنا طولنا لاه
عدنان:سلم من رباج ربي يحفظج
وبعدها بدى مرحلة العلاج تعب وايد وحالته دايما تدهور وكانت حالته صعبه ودوم أمي تخبرني عنه كنت لما أروح بيت خالتي أقابله أحيانا لما يجي يسلم ع أمي بس بعدها سافر برا يتعالج بالكيماوي والحمدلله ألحين تشافى نهائيا وأنا خلصت دراستي والحمدلله على كل حال
إبتسموا البنات للأصيل لأنهم ما كانوا عارفين شخصيتها وعبالهم تكبرت عليهم بس هي كانت تعاني وهم ما حاسين فيها
الأصيل:ألحين أكيد فهمتوا ليش كان تواصلي وياكم شوي ياليت بس كان ع الدراسة بس كنت نفسيا تعبانة عذروني
ندى:معذوره فديتج
الأصيل:وف زواجي مره كلكم تجوا
البنات:أكيد
الجزء التاسع(تحطيم أنثى)
ندى:العنود بصراحه إحنا صح نحتك فيج وإنتي ويانا دايما وما قطعتي علاقتج فينا أبدا كنتي دايما تسمعينا بس ولا مره فتحت قلبج وبجد فيني فضول أعرف قصتج بالتفصيل
جمان:صح العنود إنتي خبرتينا زوجج مات بس ما شفنا عزى وما سمعت احد أكد هالكلام
نور:اللي نعرفه إنه سافر ومات هناك بس كيف ما نعرف
مروج:خبرينا السالفه عنادي
العنود:هاهاها هالأسئله كلها عندكم آممم قصتي غير عن قصصكم قصتي مأساة فيها صرت بلا إحساس وبدون قلب خاصه تجاه الريايل مشاري كرهني في جنس الرجال بشكل عام أحيانا أشوف نواف أتذكر أبوه يجيني حقد بس بسرعه أستغفر وأروح أحضنه وأقول نواف ولدي وجزء مني وعيالي عياله أنا متندمة إني جبت عيال منه والله أحبهم وأموت فيهم بس اللي صار لي ما بنساه فحياتي أكبر غلطة إني عطيت مشاري قلبي وعاطفتي كلها ولمن سوى فيني كذا تأثرت بشكل فضيع بجد أكره من سنتين ألحين وأحس كأن اللي صار أمس ومشاعري كلها كره وحقد له
عامان ما رف لي لحنٌ على وترٍ
و لا استفاقت على نورٍ سمواتي
أعتق الحب في قلبي و أعصره
فأرشف الهم في مغبر كاساتي
أريج:سبحان الله كيف الحب ينقلب كره إحنا نسمعج عنوده
الأصيل إكتفت بالصمت لأنها كانت تعرف تفاصيل قصة عنود
عنود:تمام بخبركم قصتي أو مأساتي
وصارت تسترسل فالأحداث والبنات يسمعوه كانت قوية وهي تقول ولا طاحت منها دمعه وحده البنات كانوا منصتات بشكل فضيع متأثرين بقصة صديقتهم
قصة العنود
(تحطيم أنثى)(تحطيم أنثى)(تحطيم أنثى) خلصن قصة سبع بنات بقت العنود شو قصتها ليش ساكنة بروحها مع عيالها نوف ونواف فبيت فخم جدا وين زوجها وين أهلها وإذا موجودين ليش سمحولها تسكن بروحها ليش الحزن دوم فعيونها شو السر اللي مخبته ويا ترى بتخبره صديقاتها
