الشك راح يهدم حياتي ارجوووكم ساعدوني مالي احد غيركم

[وحيدة في الغربة]

السلام عليكم ورحمة الله تعالة وبركاته

راح ابتدي على طول في قصتي انا فتاة جميلة :32: والحمد الله وبشهادة الكل كل من شافني يقول لزوجي يابختك بزوجتك الله عوضك فيها وزوجي يكبرني بخمسة عشر سنة.... زوجي كان متزوج والحين مطلق ....مشكلتي يالغاليات تكمن في الشك افظل الطلاق على العيش دائما في شك ابسط الحاجات اشك فيها المشكلة الكبيرة اني يوم خطبني زوجي حكالي كل شي عن ماظيه بالتفاصيل قال لي انتي حب حياتي الي انا ادور عليه وماابغى يجي يوم واخسرك فيه والشهادة لله من يوم تزوجت زوجي وهوا شايلني فوق راسه امن لي مستقلبي الله يخليه لي اشترى لي بيت باسمي في بلدي
واي شي اطلبه مايقصر نهائيا صراااحة حتى لو يقصر على نفسه اهم شي انا عنده اكون مبسوطة في بداية زواجنا كان مثله مثل اي زوج يسهر برا لوقت متاخر وصارت مشاكل بينا شوية لاكن قدر يغير نفسه عشان يرضيني صار يروح الشغل ويرجع البيت من وقت وخصص يوم في الاسبوع لصحابه لاكن المشكلة فيني انا مو فيه والله المشكلة في الي سمعتو منو على ماضيه حكى لي انه اتزوج صغير كثيير في العمر وتزوج من وحدة مايحبها كان اخوها صاحبه وهوا تزوجها رغبة لاخوها وانجب معاها 3 اولاد ماشاء الله لاكن وللاسف بعد عشرة اكتشف انو ماعاد يقدر يكمل معاها واكتشف عليها حاجات واجهها بها وقررت هيا الانسحاب من حياته من غير مايفظحها قدام اهلها طبعا مااقدر احكي عنها اعود بالله اكيد انتو فهمتو
وفي فترة الطلاق تعرف على بنت وتمت علاقته بها لمدة 3 سنوات وخطبها من اهلها لاكن مارضيو بحكم انه لسة متزوج وبحكم انه عنده اطفال على العموم تمت العلاقة في السر بينهم الى اليوم الي يخطبني فيه قرر ينهي علاقته بيها وهيا رفضت قالت له اتزوج وخد راحتك لاكن لاتتخلى عني انا احبك ومن هدا الكلام.... ويوم حكالي عن القصة وعن البنت قال لي انا كل الي اطلبه انك تعطيني وقت عشان امسحها من حياتي قلته اوك كنت غير مهتة لماضيه ومرة فترة نسيت كل شي وجا يوم زواجنا طلعنا شهر عسل وطبعا مثلي مثل اي زوجة دورت في تلفونه ولقيت كل رسايلها لمدة 3سنوات لسة محافظ عليها ولقيت بعض الرسائل عليها تاريخ قريب من يومين بس قبل زواجنا وتاكدت انو لسة ماخلصت علاقتهم وسئلته قلت له حبي وش اخبار البنت الي .....قال خلاص لاتشغلي بالك اي شي تبغينه بيصير وعطاني وقتها صورتها وعطاني رقمها وقال لي خدي جوالي انا كنت ابغاك انتي تمسحين كل شي منه وقال لي انا مااحبها احبك انتي ومستعد اسوي اي شي عشانك وقال مااجاوبها ولا اتصل عليها بس هيا الي للحين مومصدقة اني خلاص انهيت علاقتي بيها قلت له حبيبي اي وقت ازعجتك عطيني انا بكلمها على بالي راح تختشي على وجهها لاكن للاسف كلش ماتختشي المهم مرت الايام وهيا تزعجه وانا كدا مرة كلمتها من جوالي وارسلت لها رسايل اكلمها بادب تعبت في النهاية قلت لها ترا صورتك عندي اقدر اسوي الي مايخطر على بالك مرت سنتين على زواجنا وزوجي مايقصر معاي مع اني وااايد عصبية ودلوووعة كثيير عليه طلباتي ماتخلص لاكن مامل مني وانا كل يوم اسئله عنها وهنا تبتدي المشاكل هوا يقول انو خلاص خلصت علاقتهم وانا مو مصدقة هوا يقول لو يبغاها ماعطاني رقمها وماحكالي كل شي
وانا اقول يمكن هيا للحين تتصل وانت حن قلبك عليها لاني اعرفه قلبه وااايد حنون ومن فترة جاني وقال لي عشان تعرفي اني احكيلك كل شي امس اتصلت علي مرتين وماجاوبتها ووراني مسكولات مالها وقال اقسم بالله اني مااجاوبها الحين قفلنا ثلاث سنوات من زواجنا وهيا مو راضية تنساه وبين فترة والثانية تتصل عليه وانا مليييت من الشك صااارية واايد شكاكة في كل شي وانكد على زوجي حياته وكل يوم خناقة شكل وهوا صابر الى امس قال لي ادا انتي مش مرتاحة معي راح احررك واخليك اتعيشين حرة ومرتاحة قال لي انو مافي شي راح يهدم حياتنا غير شكي وتصرفاتي معااه وللعلم اني اغلط عليه وازعل وهوا الي يصالحني لاكن انا خايفة يمل مني ارجوكم ساعدوني كيف اتعامل معاها مع العلم اني عندي صوررتها ورقمها والله يابنات ماتسوى ظفري بس انا شكاكة وغيورة ماادري من شنو في فرق بيني وبينها كبيير ايش اسوي عشان ارتاح من مرض الشك واريح زوجي وايش اسوي معاها الله ياخدها
ارجوكم ساعدوني وسامحوني كثرت عليكم لاتقولو لي زوجي يغير رقمه لانه مستحيل كل شغله فيه وكل زباينه من انحاء العالم يعرفون هدا الرقم وشكرا

 

[وحيدة في الغربة]

سامحوووني بنات طولت وااايد عليكم ارجوكم افيدوني وانصحوني

 

[منيره.]

اسمعيني يالغلا..
اتني كل يوم استودعي الله بصره وسمعه وقلبه ..
وكرري هذا الدوعاء وربي انه غيررت حيااتي180 درجه ,,
اللهم أني أعوذ بك من الهم والحزن, وأعوذ بك من الجبن و البخل , و أعوذ بك من العجز و الكسل , وأعوذ بك من غلبة الدين وقهر الرجال ..

 

[سحر البرآءة]

ياحيااااتي انتي
انا هالايام اعيش نفس مشكلتك
وشوفي موضوعي امس كاتبته
لكن ماااستسلمت للشك وابليس احاااول ماعطيه
مجال يوسوس لي ويدمر حياتي
كل الي ماشية عليه حاليا اني اراقبه من بعيد لبعيد
وعاااطيته الثقه لا امسك جواله عشان مايقول تفتش يعني لسه شاكه
بالتالي راح ياخد حذره لا بالعكس عااطيته الامان عشان يااخد راحته واقدر اصيده
وهذا اللي ابيك تسوينه كل ماشكيتي استعيذي من الشيطان ولاتبيني له شكك
شفتي اشلون مالكم غير 3 سنوات متزوجين خليتيه يمل من شكك ويقولك باحررك
عشان ترتاحي يااقلبي ترى الرجال مو مثلنا صبورررين بالعكس بسررعه يملووون

 

[وحيدة في الغربة]

اختي منيرة وسحر البراءة جزاكم الله كل خير ياررب وجعله في ميزان حسناتكم
يااارب مشكوورة اختي على الدعاااء
ماقصرتو

 

[باونتي سعد]

ياقمورات والله اني عانية من الشك قرابة السنتين نكدت على زوجي عيشته وكيف تخلصت منه لزمت الاستغفااااااااار وكل ماخرج زوجي وبدا الشيطان يوسوس لي رحت صليت ركعتين وطردت الوسوسه الاصح لاتفتحون جوالات ازواجكن لانها اول طريق للشك ولتمكن الشيطان منكن والاخت صاحبة الموضوع لاعاد تجيبين سيرتها قدام زوجك وساعديه ينساها وحطي في بالك لو كان يبغاها ماباعها هوه شاريك ويحبك فتوددي له والزمي الاستغفار والدعاء ان الله يباعد بين زوجك وبينها كما باعد بين المشرق والمغرب وموفقه غلاتي

 

[وحيدة في الغربة]

وينكم بنااات معقووولة بس 4 مشاركات

 

[عــذاري]

يا حبيبتي حافظي على زوجج وخلييه في عيوونـج
احمدي ربج على النعمه هذه انسان صريح وواضح من البدايه
ويكفي انه غير امور كثير عشان خاطرج

الرجال ما يبي من الحرمه غير انها تعيش مرتاحه وتريحه
انتي فتحتي ابواب للشيطان من خلال الشك
شنو بتستفيدين ترا الرجال اخرتها بيمل والله

استغفري ربج واستودعيه الله سبحانه وتعالى
ولا تسئلين عن البنت ولا خرابيطها
احتوي زوجج قد ما تقدرين وعوضيه عن علاقاته السابقه
حولي حياااتج الى جنه بدل االشك وعذابه
زوجج محتاج لج والدليل سلمج كل اسراره الشخصيه ومو مقصر معاج في شي

هذا دليل على انه شارييج من بد كل البنات
فـ حافظيه عليه يا اختي

 

[وحيدة في الغربة]

مشكووورة اختي عدااري ريحتي قلبي كثيير بكلامك بس والله مو بخاطري
الشك في دمي احااااول قد مااقدر لاكن يرجع لي وابتدي في النكد والخناقات

 

[الجده الصغيره]

في الصحيح من حديثه صلى الله عليه وسلم أنه قال

" إنّ الشيطان ينصب عرشه على الماء ثم يُرسل أتباعه في الأرض فيأتون إليه فيقول لأحدهم ماذا فعلت ؟

فيقول مازلت به حتى شرب الخمر فيقول : يوشك أن يرجع

ويقول للثاني وأنت ماذا فعلت ؟ فيقول : مازلت به حتى سرق فيقول : يوشك أن يتوب .

ويأتي أخر ويقول : مازلت به حتى طلّق امرأته فيقول : أنت أنت أي أنت الذي فعلت ما تكافأ عليه " أو كما قال النبي صلّى الله عليه وسلّم

وفي الحديث الذي أخرجه مسلم في صفة القيامة والجنة والنار، باب تحريش الشيطان وبعثه سراياه لفتنة الناس (2813) من حديث جابر رضي الله عنه بمعناه .

(( إنّ الشيطان ينصب عرشَه على الماء ، ويبثّ جنوده فيأتيه الواحدُ ويقول : ما زلتُ بفلان حتى فرّقت بينه وبين أبيه أو بينه وبين أمّه أو أخيه ،

يقول : ما فعلتَ ، يوشِك أن يُصالحه . ويأتيه آتٍ ويقول : ما زلتُ بفلان حتى فرّقت بينه وبين امرأته ،

قال : فيُدنيه ويضمّه إليه ويقول : أنتَ وأنت وأنت ))


هل رأيتم كيف يفرح الشيطان بهدم الأسر المسلمة

ألا تستحق الأسر المسلمة سعة من الصبر من جانب الزوجين حتّى تكتمل الحياة

صرخة أُطلقها إلى كل ذي عقل (( اتقوا الله وحافظوا على بيوتكم يرحمكم ربكم ))

تأنّوا وترّوّوا أيها المسلمون فالأسر المسلمة في حاجة إلى تماسك لا إلى هدم

 

[مــــرح]

شوفي ياعسل اشغلي نفسك بالقراءة وبالبيت وشغله واذا زوجك رجع انشغلي بيه وانسي انه عنده جوال وغيره ... لكن اذا حابه تخسري زوجك واستمريتي في هالتصرفات صدقيني حتندمي وقت ماينفعك الندم .. حيجي اليوم الي تكوني فيه مثل هالبنت تدورين وراه بعد مايتركك لانك طفشتيه بشكك ويتزوج غيرك .. في رجال اهم شئ عندهم الحب والحنان وراحة البال يعني اذا انتي كنتي مصدر قلق له بيمل ويتزوج غيرك ... وبعدين ترى هو انسان محترم المفروض ماتشكي فيه .. لانه حتى هذيك البنت طلبها بالحلال ولما شاف انه مافي مجال تزوجك ولو انه يفكر في الغلط كان استمر على البنت ويكلمها ويقابلها وخلاص لكن هو يبي قرب وحب مو شك وطفش وحياة نكد ..

 

[رندا كووول]

بشكك وعدم ثقتك كأنك تجبريه للعوده لها والتحدث معها .
امنحيه الثقه فهو صادق معك وحكى لك الماضي مع انه غير مجبور ع اخبارك ..
ولكي ترتاحي لاتفتشي وراءه .ولا تسأليه عنها او تجيبي سيرتها .
واستودعيه الله..وهي الله يشغلها بنفسها وتتزوج وتفك الناس من شرها..

 

[جــنــاا]

في بعض الرجال مايعرف يبين حبة لزوجته إلا عن طريق الشك..
أنا بعد أعيش نفس حالتك وكثير يضايقني الموضوع ..بس مستحيل أخلي الشك يفرق بينا
وأنتي بعدلا تستسلمين ..وأتمنى أنك تسمعي نصيحة الأخوات وتكثرين من الأستغفار..

 

[احساس صعب]

أختي كلام الأخت رندا صحيح أنتي بشكك كأنك تقولين له روح لها وتذكرينه فيها كل يوم امسحيها من عقلك ما تستاهل تفرق بينك وبين زوجك اللي يحبك وما يبغى إلا رضاك



كلما جاء ذكرها على بالك ادحريها بالإستغفار فهذه أعوذ بالله منها من شياطين الأنس أحد مراسيل الشيطان فلا تتركي لها المجال تفرق ينك وبين زوحك استعيني بالله




أولاً ثم انتبهي باقي تفتحين جوال زوجك وإذا باقي قال لك عنها شيء قولي طز فيها أنا ماهمني إلا زوجي حبيبي وبس وما بترك لها تبعدك عني وقوي صلتك بربي




وبدل ما أنتي كل شوي تغضبين زوجك انتبهي تراه جنتك ونارك لا عاد تغضبينع واستعيذي بالله من الشيطان باستمرار وخليك على وضوء دايم وأكثري من الدعاء في السجود أن يصرفها الله عن زوجك

 

[دانة الشام]

عزيزتي رب العالمين منّ عليك بالزوج المحبّ والحياة الهادئة لماذا اذا تبحثي في دفاتر عتيقة وتقلبي في صفحاتها ؟؟ الدفاتر العتيقة اتركيها هنااااااك بعييييييدا حتى تهترئ ويعلوها غبار السنين إلا أن يأتي اليوم الذي تتعفن الأوراق وتتساقط وتحملها الرياح وتذروها في غياهب الزمن !! ركزي في الحاضر ولاتجذبي بطريقة تفكيرك تلك ماأنت تخشيه .. فحتما قد سمعتي بالمثل الذي يقول << يلي بخاف من البعبع بيطلعلو >> لاتفسحي المجال للبعبع أن يدخل حياتك بكثرة ذكره وترديد سيرته .. الزمي الاستغفار والدعاء وربي يطمّئن بالك ويشرح صدرك.

 

[ريشة حنان]

اختي انتي بشكك راح تجبريه يروح لها

لا تكلميه في الموضوع لأنه ماراح يرجع لها

وهي خرابة بيوت وإذا تزوجت راح يخترب بيتها وكما تدين تدان

إذا تقدري تروحي لأهلها روحي

لأن هذي قليلة أدب باسم الحب

إذا كلمتيها وش ترد عليك ؟ قولي لها راح أدعي عليك في صلاتي

لأنها خراااابة بيوت

 

[وحيدة في الغربة]

اشكركم كثيييرا على النصااائح الي ساعدتني كثيير وان شاء الله انفد كل نصيحة وكثر الله خيركم
الله لايحرمني منكم ماادري لو ماكنتو في حياتي وش اسوي
والله يجعل نصائحكم في ميزان حسناتكم ياارب ياقادر ياكريم

 

[احساس صعب]

الله يهدي بالك ويصلح حالك

وانشاء الله تبشرينا بصلاح أحوالك

 

[ام اسامة وابي]

استعيني باله حبيبتي ولا تحسبي انك بقواك الذاتية تستطيعين التغيير توكلي على الله وادعي الله عز وجل ان يزيل الشك من قلبك والله مالك الا هو حاولي ان تشغلي نفسسك بما خلقت من اجله انت لم خلقت ؟؟ما الهدف من خلقك ؟انت خلقت لاعمار الاض وعبادة الرب فلاتجعلي زوجك والدنيا همك فيشتت الله عليك شملك فالزوج من الدنيا والله "مَنْ كَانَتْ الْآخِرَةُ هَمَّهُ جَعَلَ اللَّهُ غِنَاهُ فِي قَلْبِهِ
وَجَمَعَ لَهُ شَمْلَهُ وَأَتَتْهُ الدُّنْيَا وَهِيَ رَاغِمَةٌ
وَمَنْ كَانَتْ الدُّنْيَا هَمَّهُ جَعَلَ اللَّهُ فَقْرَهُ بَيْنَ عَيْنَيْهِ
وَفَرَّقَ عَلَيْهِ شَمْلَهُ وَلَمْ يَأْتِهِ مِنْ الدُّنْيَا إِلَّا مَا قُدِّرَ لَهُ".
أخرجه هناد (2/355) ، والترمذي (4/642 ،
رقم 2465) وصححه الألباني في "السلسلة الصحيحة" (2 / 670).من الله عليك بزوج محب حنون كاشف اوراقه كلها لك من الله به عليك ليختبرك ويبلوك كيف تعملين اتشكرين الله على هذه النعمة ام تكفرين (واذ تأذن ربكم لئن شكرتم لأزيدنكم ولئن كفرتم إن عذابي لشديد )(هذا من فضل ربي ليبلوني أأشكر أم أكفر ) فلا ترفسي النعمة بطاعتك لشيطانك وقرينك الذي لن يهنا له بال حتى يراك حزيينة في بيت أبيك وحينها يزين لك أزدية المعاصي وفقك الله لما يحب ويرضى وأخذ بناصيتك للبر والتقوى

 

[ام اسامة وابي]

استعيني بالله أقصد