الشك بيذبحني

[بيبي لوشن]

السلام عليكم ورحمة الله وبركاته...

الصراحه ماعرف كيف ابتدي وشو اكتب :icon1366:

بدت علاقتنا بصداقه عاديه واطورت هالعلاقه الى حب وغرام وشوق ووله
والحمدلله يا اليوم اللي خطبني فيه وبعدها ملجنا ولله الحمد وصارلنا على الملجه تقريبن جريب السنه
كانت ملجتي العام تاريخ 12-12-2008

كانت علاقتنا الحمدلله مافيها اي شي وماكنت اشك بأي شي والله العالم

بس بعد الملجه طلعت وياه وقلتله ودني عند اهلي ف راس الخيمه

وداني وماعترض بالعكس استانس

وطول الدرب سوالف وضحك
بس اول ماوصلنا راس الخيمه شي قالي شالي فونه وشوفي شو فيه
والله العظيم ياخواتي قبل الملجه وقبل الخطبه كنت اشوف تيلفونه من بعيد وماأفكر اني اشله وانا مب من طبعي اني افتش
المهم شليت الفون وشفته اعتفس وارتبكت , انا ماكنت اعرف كيف استخدم تيلفونه بس عقب عرفت المهم قبل ماأدخل فالصور قالي اتصلي على هالرقم
دقيت الرقم طبعن اتصل حق ولد خالته تم يكلمه واصلن ماشي سالفه يرمس فيها بس كان يبا يضيع الوقت عشان نوصل
المهم عقب سكر ودخلت مكان الصور ماشفت شي , بس قلبي كان يقولي دخلي مكان ثاني
دخلت مكان المسجاااااااااااااااااااااااااااااااااااات:no: وياليتني ماااااادخلت
وشفت المسجاتتتت
وكل مسج رقمه غير عن الثاني وافتريت على المسجات الصادره ودخلت مسج كانت صورة وحده فالمسج بتقولولي كيف كان شكل البنت بقول والله العظيم اني ماشفت مالامحها

والمشكله يوم راويته اني شفت هالشي عصب وفر التيلفون وكسره وانا تميت اصييييح وانهرت واييد واايد

ويوم رمسني قال ان هالشي ف رقمه القبلي اللي غيره بطلب مني وان هالشي كان جديم
بس المشكله ان المسجات كانن بعد مسجاااااتي يعني المسجات اول شي وانا تحت
يعني هالشي جريييييب والحينه

وعلى فكره انا غيرت تيلفوتاني كمن مره ماجد ف عمري مسج من المسجات ينتقلن فالتيلفون والبطاقه غير ؟!!!

كيف بيوصلن المسجات على تيلفون يديد وبطاقه يديده ؟!!!!!

وبعد هالشي هو وعدني انه مايعيد هالشي وانه هالشي كان قبل الملجه وان خلاص مايفكر ف هالشي

بسسسس قلبي يحس ان في شي
اخر مره طلعت وياه واتعمد اني اخذ فونه احيانن يحرج واحيانن يرتبك

واخر مره قالي كلاااااام كان من اسبووع والله اني مابنسى هالكلام لين ماأموت

قال هالكلام وهو محرج

قالي انا من جيييييي ماأحب ايي عندج يوم اتقولي تعال وكل مره اتهرب بس عشان ماأييج

( انا وعدته اني ماأشك فيه مره ثانيه) بس مااأقدر
يوم اكون ويا هالانسان احس انه شخص ثاني بس يوم اكلمه فالتيلفون يكون انساااان غيييير عن اللي اكون معاه ويه بويه

اسبوعياً لازم اضارب وياااااااه وعلى اسباب تافهه:icon1366:

ساعدوني الله يخيللللللللللليكم

مابا اوصل لمرحلة الطلاق وانا بعدني ماعرست :no::icon1366:

 

[جنون الشوق]

ياااعمري الله يعينك ياقلبي..

انا ماعندي فكره كيف ممكن أساعدك..

بس ياقلبي ..

انسي تليفووونه ولاتقربين من تيلفووونه..

عوووضيه عن كل شي..

احتوووويه ..
خليه يحبك ومايطآلع لغيرك..

خليه يستغني عن بنات الحرآآم..


صدقيني هو اذا مالقى الشي اللي يبيه عندك رح يدووره عند غييرك...

عشآن كذا انسسسيييي كل اللي صااار..
وابدي معآه صفحه جديده..

وكأنكم تووكم مستوووين حبايب..
شوق ووله ورسآيل ومكالمات بين فتره وفتره..


بس لا تخليييينه يممممل منك..


وادعي ربي في صلآتك..انه يحصن فرجه ويغض بصره عن غيرك من النساء..ويصب محبتك بقلبه..
واستغفري بالنيه اللي تبغينهآ..


لا تقووولين ما اروووووم..

حآآولي ياقمر..

هذا مستقبلك..
وحرآآم يندمر عشان بنات حرآآآم وعشآآن شكـ..

هم الكسبانين وانتي الخسرآآنه..

الرجآل كلهم يمرووون بهالفتره..



والرجال مايبي وحده تشك فيه لأن هالشي يجرحه..
آعطيييه الثقه.وحسسيه انك معطيتنه الثقه..



موووفقه يالغلا..

والله يسخر لك زوووجكـ..

 

[طرايف]

لا تخلين نفسج في تيلفوناته اهم شي خطبج انتي وملج عليج انتي هذا شي كبير بعد انه حبج وخذج والباقيات لا يلعب او صداقات مع العشره والزواج بتقوى العلاقه خلاص لا تتحكمين من الحينه وتحكرينه وتاخذين تيلفونه تراقبين ادري صعبه بس حاولي انج تخلين لنفسج قدر كرامه قدامه يسويلج الف حساب دام انج لحقتي على كل شي من الحينه واكتشفتيه شو اللي بيخبيه عليج بيقول خلاص عارفه عارفه بس خليه يحط في باله لو عرفت شو بيستوي ماردي اطيح من عينه روحه مع العشره والحب الكبير بيمسحهم من عنده لا تخلين الشك والشيطان يلعب بج حتى لو فيه شي وعنده صدقاات شي طبيعي كل رجل بس المميزه غير واكسبي حبه كل يوم بس لا تهددين او تكشفين تواجهين وتخربين على عمرج

كل ما تطلعين وياه الهييه باشيا حلوه ذكريات بينكم لانه الشك ينفر

 

[joumana]

متل ما تفضلت الاخت اللي قبلي
هي اكيد نزوة وتروح لا تخربي على نفسك وتخسري عريسك
لا تدققي عليه وخليك من جوالو
لا تبحثي حتى تجدي ما لايسرك
وادعي له الله يهديه
وحسسي انك واثقة فيه
وان شاء الله خير

 

[بيبي لوشن]

شكراً خواتي وماقصرتن على هالردود اللي تسر وتفرح الواحد لو ان ف داخله جرح مايندرى بيبرى اول لأ.

وان شاء الله بسوي كل اللي اقدر عليه اني اغير من طبعي وان شاء الله اقدر اغير حبيب قلبي

 

[جنون الشوق]

شكراً خواتي وماقصرتن على هالردود اللي تسر وتفرح الواحد لو ان ف داخله جرح مايندرى بيبرى اول لأ.

وان شاء الله بسوي كل اللي اقدر عليه اني اغير من طبعي وان شاء الله اقدر اغير حبيب قلبي

ايوووا حبيبتي..
تممممام علييك..
الله يوفقك يااارب ...

ويهدي زووجك..​