الشروط اللي قبل العرس؟؟و المؤخر ؟؟؟زين ولا شين

[غزالة_ماتصاد]

حطيت موضوعي فهالقسم
لأني احس موضوعي قريب ...........لزوج و الزواج .............>تفلسف

المهم

السلام عليكم ورحمة الله وبركاته
امممممممممم
اول شي مبروك عليكم الشهر
بس اريد اعرف؟؟العرايس شو المفروض يحطون شرط قبل الزواج؟؟؟

و سؤال ثاني؟؟؟هل بعد الزواج تؤثر هذي الشروط بشكل سلبي؟؟؟

بلييييييييز بنات اريد تفاعل؟؟؟؟

انا بصراحة اشوف الشروط تأثر بشكل ايجابي مثل بيت خاص ..وظيفه جاهزة..خدامه فالمستقبل..سفره حلوة..يعني اظني انها بتريح الزوج و الزوجه من كثرت التفكير

بس اعتقد ان المؤخر هو اللي يظايق الزوج..................يعني مثلا يقول: انتي مب واثقة فيني؟؟
او مثلا يقول من باب اللقافة: شو بتسوين فيهم لا سمح الله؟؟؟؟؟؟؟؟؟؟؟؟؟؟؟
عشان جي انا افكر ان شالله اذا الله رزقني الزوج الصالح ما اطلب مؤخر...شو رايكم؟؟

اصلا الوحدة بعييييد الشر عني و عنكم اذا اطلقت طاري الزوج ولا اسمه ما طيييقه مابالكم؟؟؟بفلووسه؟؟

بلييز بنات للمرة الثانية خبروووني شو رايكم باشروووط و المؤخر؟؟؟
​

 

[كلام الورد]

احسن شي انك تنازلين عن المؤخر لأنه بالغالب ينقلب ضدك تلقين الرجل مهين البنت وهي تطلب منه الطلاق بس يعلقها عشان ماعنده قيمه مؤخرها
الافضل ان تشرط (بيت منفصل عن أهله ) و( تكمل دراسه مع أحقية التوظيف اذا جاته وظيفه ) وبس

 

[تعبت من دنياي]

هلا حبيبتي كلامك مررررررره مو واقعي؟؟؟ وشو سفرة او شغالة وشو مؤخر ؟؟ غلط
تدرين وش اهم شي تطلبينة؟؟ غسالة اتومتيك وبس هذي اهم شي خخخخخخخخخخخخخ
(( وحدة محششة)) تدرين اطلبي من الله التوفيق وبس..

 

[الشوق وبس]

وليش تهلكون الزوج بالشروط..الزواج ستر..مب شروط وبس..!!
ودامج واثقة منه وسألتي عنه ووافقتي عليه .. فليش الشروط في الأشياء الكمالية..؟؟!!

ولكن إذا بتشترطين تقدرين تشترطين في الأشيتء المهمة للغاية مثل:إكمال الدراسة..!!

بس أشياء ثانية كمالية..لا وألف لا..!!

 

[بدون مدح]

الصراحه استغربت شلون سفره حلوه المفروض مايكون شرط لان لو كان شرط ماراح تكون حلوه اهم الشي التوافق والتفاهم ووظيفه جاهزه اذا كان مدير شركه اشترطي عليه انه يوظفج خخخخخخخخ والباقي من حقج انا احس اهم شي بيت ابروحج وانج تكملين الدراسه والخدامه ان شالله بيجيب لج فالمستقبل مايستاهل انج تحطينه شرط الريال مايحب الشروط مثل خدامه ووظيفه جاهزه وسفره لانه بيرفض واذا مارفض بيحس انه مجبور حلاته يسوي هالاشياء حبن فيج مب اجبارا موفقه ان شالله

 

[*رنا*]

انا عن نفسي ماطلبت ولا شئ ابدا

بس شرطي الاول والاخير اسكن بعيد عن اهله يعني بشقه منفصله

لانه ولد عمي واهو كل حاجة مميزه فيه بس امه الله يهديها

فحبيت ابداء حياتي معاه اهو وبس بدون اهل زوج

وغيره ماااااااااااااايهمني

*رنا*

 

[يارحيم ارزقني]

وشو مؤخر وخرابط...

اسمعي اللى كاتبة ربي بيبي يصير..ولا تتشرطين ...

والرجال ما يحب الحرمة اللى تتشرط يبي يقول ذي طامعة فيني اللهم الا اذا كنتي موظفة او طالبة وتبي تكملين دراستك اما غيرة لالا اذا سفرك من نفسة خير وبركة اما انك تتشرطين نو..

 

[qwqw]

شوفي ما أشوف أنه شيء سيء لو تطلبي مؤخر خصوصا الزمن هذا
كثر الطلاق والمشاكل بعدين الوحده ماتدري عن الدنيا طيب لو تطلقتي لا سمح الله وش يظمن أن أهلك موجودين؟؟
وش يظمن أنك تلقين أحد يساعدك؟
وبعدين عشان ما تحتاجي لأحد

هذي وجهة نظري
وممكن تقولي للزوج أنو ما قصدنا شي بس هذي طبايعنا أننا نطلب مؤخر

بنفس الوقت لو عندك فلوس أصلا وعندك رصيد ومتأكده أنو ما راح تحتاجي أحد فلا تطلبي

ـــــــــــــــــــــــــــــــــــــ
البيت المستقل مهم

والشغالة والله حسب إذا الرجال وظيفته حلوه أطلبي

 

[غزالة_ماتصاد]

مشكووورين على التفاعل خواتي

بس برايي ان لو في مؤخر .... الرجال بيفكر اكثر من الف مرة اتخاذ قرار الطلاق لا سمح الله

انا والله ما ابي اتطلق,,,,,,و لا افكر فالطلاق ولا طامعه ففلوس الزوج

بس هذي الدنيا......لازم نتحذر منها

الله يرحم الحال,,,,,,,,,,,وفالنهاية الزواج قسمة ونصيب