الشروط الأساسية في التعامل مع الشغالة الجديدة

[ظلام الليل]

اشحاكم يا بنات
البارحه وصلت شغالتي الجديدة عقب موووووووووت
المهم بغيت أسأل اللي مجربة شو الأشياء الأساسية اللي لازم الشغاله تعرفها
مثل : النظافة الشخصية والتركيز على غسل اليدين بعد استخدام الحمام، وهي على قولتها انها مسلمة بس مب مبين، لا صلاه ولا حجاب بس تبون الصراحه نادرا ما اتيج وحده تقول انها مسلمه وتصلي بس بعد بسألها. وذكروني شو بعد؟

 

[سفيرة السعداء]

وأنا بعد بانتظاار تجاربكم

لأني ما عندي خبرة في التعامل مع الخدم

للعلم أني ما اثق فيهم وما احبهم :tears:

غصب عني والله

بس ابغي استفيد من تجاربكم

ابغي اعرف كيف تتعاملون وياهم

لأني ميح بعدني ما تعاملت معاهم
بس ابغي اتعامل معاهم على اساس قوي مدروس عشان ما اتبهدل ,, ايام ويكونون معاية :thumbdown:​

 

[خبيره ومتخصصه]

والله انا اشوف التعامل الطيب معهم يكون افضل شي
والحمد لله جربتها كم مره والحمد لله مشي الحال معاي

 

[وردة وردية]

شوفي حبيبتي انتي لا تتعاملين معها كانها خدامة . اتعاملي معها كشخص .. يعني في اشخاص ما ينفع معاهم الطيب وفيه ناس ينفع معاهم .. انتي اول تعاملي معاها بالزين والمعروف .. ولازم تفهميها كل شي من ثاني يوم .. وتاخذينها معاج السوبر ماركت وتشترين لها ادوات النظافة كاملة من شامبو وصابون ومزيل الرايحة وفراشاه ومعجون واليونيفيرم وغطا للراس عشان يوم تطبخ وحتى فرش يديد للنوم .. وبعدين تفهمينها كل قوانينكم وعاداتكم لانها عاداتهم تختلف عنا .. وحاولي دايما انج تحطين حدود بينج وبينها ما تتعداها .. انا حاليا عندي فلبينيه وايد احسن من الاندنوسيات .. نظيفة وحبوبه وتطبخ حلو ومرتبة . .الحمد لله ..

 

[ظلام الليل]

أنا بصراحه أركز على النظافه الشخصيه ، البارحه ما كنت متفيجيه لها بس اليوم بعطيها الفرشاه والشامبو والديودرنت وبأكد على غسل اليد بعد الخروج من الخلاء، وبعد شو تنصحوني

بنات أنتظر ردودكم

 

[مريت أمون]

طبعا ... بعد السلام ..
لازم ادلي بدلوي من تجربة شخصية ناجحة
اهم حاجة .. مافي داعي تختلط بالشغالات سواء من اقارب او جيران ... لا للأختلاط مع السواق او صاحب البقالة واذا كنت مضطرة احسبي لها بالدقيقة ... لا لدخول غرفة نومك ..اعرفي موعد دورتها الشهرية وهذا ضروري جدا حتى تتجنبي ان تطبخ لك في هذة الفترة ... اكتبي جميع اوامرك في ورقة وعليقها لها بالمطبخ حتى لا تدعي النسيان ويفضل ان تكون بلغتها سواء ( تقالوا او اوردوا او انجليزي ).. ايضا عليك ان تنبيهها بعدم الدخول عليك او التمشي امامك وانت بصحبة زوجك واخبريها ان هذا مخالف لعاداتنا وتقاليدنا وهذا مهم لان الشغالات شر لابد منه ... واخيرا تأكدي ان شعرها يخلوا من بعض الكائنات الحية ... واتمنى ان اكون افدتك

 

[روح نجد]

هلا اختي ظلام الليل الشغاله يبيلك ما اتحطينها في راسك على كل صغيره وكبيره تسألينها عنه تنتقدينها كل اشوي لا كذا تتعبين وتعبينها علميها شغل البيت اول ابأول تبين شي اتنظفه ما نظفته زين قوليلها تعالي نظفي هاذا المكان من غير ما اتقولين ليش ما نظفتي ؟ لانها راح ترد ونتي ماراح تستحملين عشان كذا طنشيها اشوي وخليها بين فتره اتكلم اهلها مهما كان هاذي انسانه

 

[دلوعة مملكتنا]

انا رايي اهم شي المعامللة الطيبة


وخصوصا اول ماتجي حني عليها

تراها تكون جاية متوقعة ناس بيعذبونها

او بتنذل

فانتي غيري فكرتها عطيها تكلم اهلها ببداية شغلها كل اسبوع بالويكند


الين ما تتطمن نفسيتها


وحددي لها الاولويات عندج

مثلا انا عندي اهم شي العيال تراقبهم وتهمتم فيهم

وتلبي لهم اللي يبون وتخاف عليهم


يعني اقول لها خلي اللي بيدج تعالي قعدي مع الصغارية


تشوف معاهم التلفزيون او تسوي اي شي حولهم

بس تحت عينها


وتعودت على تنظيف ووالترتيب ماشالله عليها

هي بروحها تنكش البيت

كل فترة

تقلبه فوق تحت تنظف

لان ما اثقل عليها بالطلبات

ومهمممممم جدا

انج تخلينها ترقد رقاد العافية

يعني مو تخلينها تسهر لين تالي الليل
وتبينها تقوم من صباح الله خير
ولاتقيل ولاترقد وقت الضحى


الين تاالي الليل


لانها هذا يهد حيلها ويخليها تتوتر

انا نظامي اخليها ترقد عقب ما يروحون عيالي المدرسة

الين قرب الظهر تقوم تطبخ


ومرتاحين على هالجدول


وعلى فكرة كانت بتروح وما بترد بس على معاملتنا قالت برجع الحمدالله


ومرتاااحين معاها

ونشتري لها اي شي ما نحاسب ونعطيها راتبها كامل

لان هالعطايا

تحنن قلبها علينا وعلى عيالنا

وماتاثر بميزانيتنا


والله يوفق الجميع

 

[دوشه بلقيس]

حبيباتي بقول شئ لكم بس لاتزعلون ولاتتحسسون......ززانا انسانه ما اقدر اكتم شئ بصدري اذا عندي نصيحه اوتعليق فرجااااااااااء لاتتضايقون
سؤال ليه تخلون الشغالات يطبخون+ينضفون+يغسلون+يرعون اطفالكم؟
بالذات الاطفال حطو تحتها مليون خط
تراهم امانه من الله وكل راعي مسؤول عن رعيته فيه اطفال يتعلمون شغلات من الخدم تأثر عليهم مستقبلا
حتى لو كنتي حريصه اختلائها بهم نص ساعه يكفي ؟
واتمنى ماتاخذون الموضوع بحساسيه