&&& الشرقي رجل الأصالة ( 3 ) &&&

الحالة
مغلق و غير مفتوح للمزيد من الردود.
UP
والله يهون عليك أميرة الألماس ويفرج عليك يالغلاا
 
حوار حوار حوار اممممم افكر

اهم شي الهدوء والثقه عند الحوار مع الشرقي المصون و الابتسامه
فلما انا اكون هادئه و مرتاحه هو بيكون مثلي واذا نرفزت بيتنرفز بس الحمدلله هدوئي يخلي حوارنا ناجح بس الله يهديه لما يكون مشغول انا مالي وجود يعني يادوب يكلمني او يجي يشرفني اشحت منه وقته لول بس لما أصر واقوله أني أريده في موضوع مهم يطلعلي وقت من تحت الارض ويجيني ... بس الله.... حاولت بس عشان خاطرك يا أميرة الالماس وربي يعلم بحالي من كثر ماهو بارد المخلوق
 
تجربة حوار ناجحه

مره تناقشنا عن موضوع المصروف زوجي حريص من ناحية الماده ومايشوف احد يدبر ويصرف بحكمه غيره مع انه بعيد كل البعد عن هالنقطه
في يوم تناقشت معاه وطلبته يخلي مصروف البيت معاي بالاول رفض قلت ليش قال انتي الريال مايجلس بيدك
لازم تصرفيه قلت على اي اساس قلت هالكلام قال اشوف لمايجي بيدك فلوس على طول عالسوق قلت طيب انا
متى انزل السوق شهريا ؟ قال لا قلت كل شهرين قال مادري امكن
قلت طيب متى اخر مره نزلت السوق سكت قلت قبل ست شهور صح ؟ قال ايه قلت اجل كيف تقول كل ماجا في يدي فلوس نزلت السوق عندي مبلغ 300 ريال وانت عارف عنها وماطلبت السوق مع انه ناقصني شغلات كثيره لاكن مراعاة لظروفك ماطلبتك قال المقصود من كلامك قلت القصد واضح الا اذا انت مانت واثق فيني فهذا شي ثاني كنت حابه اساعدك واحاول اوفر من المصروف بس براحتك قال خلاص ابشري وفعلا لما استلم الراتب اعطاني مصروف البيت

حوار فاشل

حبيت اقدم على وظيفه واستشرته فيها طبعا بالبدايه سأل عن مميزاتها وعيوبها فكانت مميزاتها مررره حلوه
بعد ماتناقشنا عنها وعرف طبيعة العمل جينا عند الاولاد قلت ااثنين الكبار بالمدرسه والصغير في الحظانه
قال طيب من يوديك ويجيبك قلت السواق وبما انه غيوووور قال بالاول يصير خير قلت في نفسي حلو معناته بداية موافقه لما جا اليوم الثاني وسألته قال انسيييييي انا تجننت ليه وايش صار ماعاد لك عذر كل شي له حل اذا عالعيال
قلت لك ايش راح اسوي اصلا الكبير يدرس وبندخل الوسطانيه بالروضه هذا وقتها والصغير بالحظانه وانا اللي حادفع قيمة الحظانه والسواق قال لا قلت طيب وضح ايش السبب قال احس حياتنا كذا راح تتلخبط وانا مابغى هالشي
حاولت بس صراحه ساعتها كنت معصبه فزاده هالشي عناد ورفض النقاش فيه بالمررره وراحت علي الوظيفه
 
من خلال تجربتي مع النمط الشرقي الشمالي
الاحظ بإن الهدوء لحظة غضبه في اي حوار ممكن يقلب الحوار في صالحك ويسمع منك
هو محاور ممتاز لكن مايحب العناد ويكره الجدال بشدة لان اغلب اراءه مبنيه على اساس قوي بنظوره وهي كذالك
 
اممممممم من ناحية إنه محاور ممتاز فهو ممتاز جدا ويمكن هذي النقطه اللي تخليني فجأه ألقى كلامه ورأيه هو اللي مشى!!!
UP
 
حمستيني يالاميره
للطريقه الصحيحه لمناقشته
مع اني استخدم اسلوب الهدوووء معه لان هذا طبع فيني
الاحظ مرات يوافقني على الحلول الي ابيها فقط لتسكيتي مع اني ما اجبرته عليها ابدا
يعني ماينفذ منها شي
ولما اقول ليه يقول بس ابي اسكتك
 
بحاول احلل قصة ميار وماجد وهي نفس قصتنا

الشرقي من خلال عشرتي معاه متقللللللللب جدا

يعني ياخذ شهور مهتم اهتمام شديد با اخته يصحى وينام على مشاكلهم واحتياجاتهم وتستمر معاه 6 او 7 شهور وتبدا تخف من غير اسباب واضحة

ثم يطلع اهتمام جديد وهذي المره بامه يوميا معزومة عندنا او احنا عندها ونشوف طلباتها وتدري عن كل مشاكلنا ويومياتنا وتفاهاتنا حتى

والان طلع اهتمام اصحابة يسهر معاهم ولا حاول يسافر معاهم لكني كنت له بالمرصاد وهون عن الفكره

وانتي يا ريماس وقت الاهتمامات هذي محطوطة على الرف لين يتذكرني واناما انكر ان اخذت سنة بكامها كل الاهتمام لي بس نفسي اعرف هو ليش يسوي كذا ؟؟؟؟

احس اني دائما في قلق لتطلع لنا اهتمامات بناس ثانين وينسانا

ولمن قرات قصة ميار وماجد . قلت الله يعين ميار الظاهر زوجها طلع له اهتمام بس هي لسه ما لاحظت هههه



______________________________________________________________



سبحاااااااااااااااااااااااان الله - زوجك نسخه من زوجي بالكربون

وأنا أؤيد رأيك المزاج المتقلب هو السبب , واعتقد ايضا انه لا يستطيع ان يركز في امرين مختلفين , ولانه مهتم بالجوده يكون اهتمامه وتركيزه حول الهدف بكل حواسه , مما يجعله ينسي الطرف الاخر تماما....................
 
حوار مع الشرقي فاشل حاولت اقنعه نتصور بزواجنا وهو رافض اول سبب لانه مايحب التصوير قلت له حلو تبقى لنا ذكريات حتى اولادنا يشوفنها قال الذكريات بالعقل تبقلى احلى قلت له طيب العقل مع مرو الوقت تنسى قال والصور ممكن تتلف مع مرو الوقت نفس الشي قلت الصور نقدر نحافظ عليها بس الي بالعقل الزمن غصب مهما حاولنا نحفظها راح يمسحها قال ليش تصورين بزواج اختك احنا ماراح نتصور بزواج نبي شي ماسويناه شي مميز وقلت انت بتتصور فديو بالجوال وعادي وانا بتحرمني اذا ماتبي انا بتصور لحالي ورفض ومدري ايش راح يصير بس ماراح استسلم له وبس اتذكر اي موقف برجع اكتبه
 
والله حواراتي اغلبها فاشلة على مدى سنيين لانه مسبقا حاط في باله اني سيئة واكره اهله على اني خدمتهم في كل شئ لكن الحمدلله ربي عالم ومطلع والحياة كلها مسشاكل ونعم الله علينا كثيرةوربي اعلم بي وحسبي الله على اللي يخرب بيتي بس الحمدلله انا اليوم اقوى
 
شرقوق ياذا النمط الغثيث
حواراتي الله يسلمك<<تتنهد
صمت من طرفه اقول اللي عندي وبس وبكيفه بس لاحظت انه شايف نفسه على حق دايم
crazy.gif

وبيركبني الخطا غصب منقهر مني لانه دايم يخطي واوضح له خطاه ويسكت
وصاير مايعتذر مدري احد وازه؟؟!!
detective2.gif

بصراحه بحط قلبي بالفريزر :10:
 
بقول شويه من المكنون
الشرقي في الحوار لزم من الهدوء و اغلب الوق المناسب في الليل او العصر على دلة قهوه قديمه طبعاً دوي في المتاحف تلاقي هههههههههههههه يحب الكلام الحكيم وحتى لو تبغين تطلبي اعطيه مثل ولابيتين شعر .
وعند الزعل ازعلي بالعيون الشرقيه عبي العين كحل اسود واحرميه من نظراتك الحلوه واذا سألك اش فيك امسكيه واسردي المشكلة بأسلوب حلو مهم عند الزعل ازعلي بعيونك
بعدين باسرد الافكار بترتيب لاني طفشت من بنتي تشد شعري اي
 
مو كل الشرقيين يحبون التراث زي الدله وكذا يعني فشي وشي ممكن يحب المسلسلات القديمه بس مايحب التراث
فووق
 
امنيتي اعرف الطريقة الصحيحة لنقاش الشرقي

وليه يحص نفسه دايم على حق وهو الصح حتى لو قدمتي له ادله وبراهين ان معك الحق انتي

ننتظرك يااميرتنا

وعسى ربي يرزقك ويحقق لك احلامك على الوقت اللي تعطينا منه ونستفيد من خبرتك
 
انا بطبيعتي مستمعه اكثر من متحدثهـ و بعد اهو ماشاء الله عليه عنده تجارب و خبرات تبهرني فا انا لا شعورا انبهر و ابدا اساله و اهو يبدا يتجاوب معاي و اذا حبيت افتح معاه موضوع افتحه عادي مثل اذا قالي وش سويتي اليوم اقوله رحت هالمكان و شفت كذا و ايش رايك لو كذا و احس مره يتجاوب معاي و حتى اذا لي راي غير رايه اقوله و اذا حسيته عصب اغير الموضوع
 
لوتقول اللي المفارق هذا دربه وجــــاك .. <<< الله يرضى عليكم وحده اتقولي ايش عنى هالجمله؟!!! الله يهدي لي هالشرقي اخرتي الطب النفسي على ايده :"(((((
 
غالياتي انا احس ان الشرقي يكون شايف حاله (على ايش مو عارفه )
واحسه مسوي شخصية وفعلا في باله ان نفسه دائم على صواب مو غلطان ابد
والغالب صح ما يخطي يطلع لك الف عذر
ولكن اللي قاهرني الغموض اللي فيه والصمت
اتمنى تقبلوني صديقة جديده لكم
دمتم برعاية الله موفقات

​
 
الحالة
مغلق و غير مفتوح للمزيد من الردود.
عودة
أعلى أسفل