الشرقي ابي اسلوب

[*ساكن قلبي*]

السلام عليكم بلقيسات بدخل بالموضوع صبري نفذ انا زوجي شرقي شمالي بس يميل كثير للشرقي ابي اي وحده عندها خبره بالشرقي تدلني على الاسلوب الصحيح معاه أحس اني جربت كل الاساليب اللي عندي ومانفعت ابي حل للعنـــــاد يعني لو ابي اي شي يدري اني ابيه بقوه على طول لا بدون تفكير واناني وحقود ماينسى ويدور علي الزله
واذا شافني اضحك ينكد علي والله يابنات انه يسوي اي شي يقهرني اذا شافني مبسوطه
صراحه هو كل حياته نكد× نكد ماحسيت بالاستقرار معه ابد مع اني صارلي متزوجه 5 سنين
عيشني المر والعذاب انا مابي اطول عليكم الاشياء الي ابيها من الخبيرات بالشرقي:

1_ابي الطريقه اللي تنفع معه في الطلبات لو ابي اطلب فلوس مثلآ
والسفر يعني لو ماابي يسافر لوحده هل فيه امل ابعده عن السفره

2_ابي احس اني حره يعني كيف ابعد من تسلطه علي وش اسوي مثل الطلعات ابي اطلع مع صديقاتي ابي اروح للسوق ابي اروح للمنتزهات
وفيه اشياء ثانيه بس ابي تفاعلكم
وعلشان تستفيد كل وحده زوجها شرقي شمالي متسلط

 

[دلوعة بكين]

زوجي شمالي شرقي

وصفة العناد انسي انسي انسي يغيرها حتى لو مجنون بحبك

وطبعا هذي صفه يفتخر فيها

شوفي امدحي عناده ..قوليله احلا شيء فيك عنادك واضحكي <<يعني ماتقدرين تغريه اكذبي علي نفسك وقولي حلو حتى لو ذابحك فيه

بالنسبه لكلمة ((لا ))عند الطلبات ..خاصه لما شيء ابيه بقوه هههههههه كنت غبيه ازعل وانام

بعدين عرفة وش السالفه ..بالعربي هو يبيك تدلعي موت ..تدلعي موت كنك بيبي بوسيه زي البيبي تكفي وبدلع

هو يقول لا يبغاك تترجينه وعادي ترجيه انتو بين اربع حيطان محد شايفك هههههه

وبعدها اذا سكت وبطل يقول لا قولي موافق يااااي وطيري سوي اللي تبين

طبعا لا تطلبين اول مره طلب مره قوي يعني حبه حبه ..

بنسبه لصديقات والطلعات <<الشمالي الشرقي ع ماتعوديه من بداية زوجك

مااقدر افيدك بهنقطه

اللسان الحلو والدله ورائحه الشعر اهم شيء <<كلها تجب راسه

انتي بطلي تشدد وارخي حيييييييييييييييل وبس اضحكي اضحكي خليه يتعود ع ضحكتك

ولما يزعلك بشيء ويشوفك متضايقه<<متضايقه مو مكشره ترا التكشيره خراب بيوت

راح يغيرها من نفسه لانه تعود ع ضحكتك

وهذا اللي عندي

ويارب يوفقك ويسعد حالك

ع فكرره فيه مثل او جمله بالمنتدى تتردد ..اللي هي

اذا تبين تغيري زوجك ابدي بروحك

 

[*ساكن قلبي*]

شكرآ لك حبيبتي دلوعة بكين الله يوفقك بحياتك ويسعدك
بس انا حاليآ افكر بالانفصال سوى اليوم مشكله وصراحه مليت وتعبت منه ومافيه حل
بس محتاره افكر بعيالي عندي طفلين

 

[شيخة النسوه]

مرحبا أختي قبل لاتفكرين بالانفصال تذكري انك بتروحين إلمريخي ثاني يعني ترا الرجاجيل تقريبا يتشابهون في المضمون ولا راح يتغير انت اللي تقدرين تغيرين الرجال بذكائك وحكمتك وكيدك ومدحك له المستمر وقبل كل شي الدعاء المستمر الله يوفقك

 

[ريحان الورد]

حبيبتي انا ما انصحك انك تنفصلي انتبهي يبيلك وقت اليمن تتعودو على بعض انا لي متزوجه من الشمالي

الشرقي 18 سنة في بدايت الامر تعبت معاه واايد عذبني بعد 13 سنه بديت افهمو بديت اغير اشيااء كثيرة بحياتي هذا النوع من الرجاال يبيلهم وقت او صبر انتبهي اختي الغالية لا تهدمي بيتك والبنات مالين الديرة
على قولتهم لحظي ان الشمالي الشرقي او ما دخل علينى الجوالات بدى يعترض ويقول ان المراءة الي عندها جوال مو كويسه او بل اصح مو مضبوطه هذا وجهة نظرة بعد فترة من الزمن عندما اصبح الجوالات عادة للمجتمع اصبح الصغير والكبير الغني والفقير معاه جوال فتئقلم هذا الرجل على الوضع او رضخ للامر الواقع فصار ماعنده مانع انو يجيب جوال حق زوجته وهكذة الانتر نت اصبح صدمة له ومن يكون في حوزتها انتر نت امراءة لا تستحق الاحترام الى ان مر عليه 9 سنوات واصبح الانتر نت عادة للمجتمع فقبل بالامر بدون تردد
هاكذه هو الرجل الشمالي الشرقي رجل صعب التعا مل هكذا عقله ولا كن من التي تدخل حوزة قلبه من هي المراءة الذكية.......؟كون انت اختي ولا ترمي بنفسك الى التهلكة فمااجمل نار الرجل الشمالي الشرقي
فهو رجل عظيم يستحق الاحترام والتقدير دلك الرجل الحنون الخدوم المخلص العنيد الصارم الشديد الكريم نعم الزوج هو تحياتي لذالك الرجل العظيم................

 

[دلوعة بكين]

اقول اركدي

ترا الشمالي الشرقي مايخون واحلا صفه فيه هذي

ثانيه يتكل عليه يكون لك ظهر طول العمر

تعقلي وفكري مزبوط

 

[SoO CuTe]

كلامهم صح مليووووووووون بالميه صدقيني هو رجل العمر ورفيق دربج
الشمالي الشرقي

 

[*ساكن قلبي*]

شكرآ لكم اخواتي شيخه النسوه؛ ريحان الورد:دلوعة بكين؛soocute؛
انتم تقولوا انه يبيله صبر انا خلاص مافيني طاقه علشان اصبر
والله اني مااحس اني متزوجه مايجلس في البيت ابد ولا عنده مشاعر ولاعنده اهتمام واذا طلبت شي لا
انا ابي حل جذري يتغير بسرعه لأني مااقدر اصبر اكثر

 

[أميرة الالماس]

اقرائي موضوعي عندما نطقق الشرقي وراح تلاحظي وين الغلط ومن مين

 

[ورود ماتت]

انا مثلك زوجي شرقي جنوبي متسلط عنادي الله يعيننا وانا مثلك ما قدر خلاص نفد صبري:icon28:

 

[مون لايت]

انا مثلك زوجي شرقي جنوبي متسلط عنادي الله يعيننا وانا مثلك ما قدر خلاص نفد صبري:icon28:​

 

[حصريا في بلقيس]

أجابت عليك العضوات ببراعة ... لكن أشعر أنك تقفلين عقلك بمفتاح ... إذا قررت الطلاق .... يجب أن تكوني متأكدة أنك لن تتزوجي أبدا .... وربما يحدث ذلك مصادفة... لكن الوضع لن يختلف كثيرا عن زوجك ... فأنت تعيشين في دولة معظم رجالها من نمط زوجك ...فإما أن تغيري نفسك وإما لن يتغير شيء في حياتك

 

[صمت الجرح]

انا زوجي شرقي بس لازم نتحمل هالعناد الله يعين

 

[*ساكن قلبي*]

اقرائي موضوعي عندما نطقق الشرقي وراح تلاحظي وين الغلط ومن مين

مشكووووره اميرة الالماس
واذا سمحتي تقدرين تحطين الرابط وجزاك الله خير

 

[ŜϸϱćіɚḼ]

لا ترى الانفصال موب حل تخيلي للحظه واحده زوجه له مكانك والله توتين قهر ..وصبرك على هالعيشه ارحم من الحره اللي بتاكل قلبك

ومن ناحيه تراه مايخون اهم شي فيه..وكل شي يهون الا الخياااانه استهدي بالله

ومن ناحيتي انا صرت ما اهتم له وكل وقتي تقريبا لنفسي وبيتي .. صدقيني بتاخذين وقت وراح تلاحظيه وهو اللي يلاحقك ويدلعك ويطلب رضاك بس اهتمي بحالك ونفسك كثيييييييييير

 

[*ساكن قلبي*]

لا ترى الانفصال موب حل تخيلي للحظه واحده زوجه له مكانك والله توتين قهر ..وصبرك على هالعيشه ارحم من الحره اللي بتاكل قلبك

ومن ناحيه تراه مايخون اهم شي فيه..وكل شي يهون الا الخياااانه استهدي بالله

ومن ناحيتي انا صرت ما اهتم له وكل وقتي تقريبا لنفسي وبيتي .. صدقيني بتاخذين وقت وراح تلاحظيه وهو اللي يلاحقك ويدلعك ويطلب رضاك بس اهتمي بحالك ونفسك كثيييييييييير

مشكوره اختي بس منو يقول مايخون انا خانني مرتين
لا والمره الاولى كانت مع صديقتي