السوق ومواقف الامهات ...؟

[هواها شرقي]

بسم الله الرحمن الرحيم
كيفكم ان شاء الله تكونوا بأتم صحه وعافيه ..
راح اقلكم على موقفين صار امس بالسوق موقف فعلا احزني ..وموقف عجبني وشوفوا الفرق واحكموا
كنت جالسه استنى زوجي يجي ياخذني وأشوف طفل عمره تقريبا 4سنوات الله يحفظه..أمه واخته جالسين جنبي والطفل كل شوي يروح لرجال الامن يلعب ويضحك معاه ويرجع لامه ..وامه بس تصاخ على اخته تطلب منها تجيبه الا واسمعها تدعي على ولدها وتقول ياماله الكسر ان شاء الله .. هذا الكلب روحي يابنت جيبيه ....
صراحه انصدمت من الموقف ليه تدعي عليه بالكسر الموقف ما يستاهل الولد كان هادئ وما يصيح بس يروح يسلم ويضحك ويرجعلها ..
اعوذ بالله في ام تدعي على ولدها وتسبه والله هي اللي يبغالها الكسر ويبغالها تدريب في كيفية التعامل مع الاولاد ..خاصة في التخلص من الكلام البذئ والنطق به امام الاطفال ..مره واحده كلب ..
وسبحان الله موقف ثاني عكسه تمام طفل طول الوقت يصيح ويبكي حتى ازعجنا بالمحل والام ما شاء الله عليها طول الوقت تطبطب عليه وتهديه وشوي من الكلام اللي ينقط عسل وشوي من الابتسامات وشوي من اللمسات الحانيه ما شفتها تصارخ ولا تضرب الولد ...حتى صراحه عجبني جدا تحملها وصبرها على ولدها ...

اللي انا مستغربه من الام اللي تسب اذا هي قدام خلق الله وفي مكان عام كذا تعامل عيالها شلون في البيت تربيهم.. شكلها سب في سب ودعوه ورى دعوه ..الله يهديها بس والله لو صار شي لعيالها لا تبكي بدل الدمع دم ..ويمكن هي السبب من كثر ماتدعي على عيالها ما تدري ان دعوة الام مستجابه ..

ارجوا التفاعل و انكم تشاركوني بأرائكم واذا في مواقف مرت عليكم قولوها حتى نستفيد من اخطاء الغير ...
وجزاكم الله خير

 

[وســــــن]

موضوعك رائع جداا واحببت اشاركك فيه

موقف بالسوق ايضا طفل عمره 3 سنوات تسحبه امه مع يده ورجلية تسحب بالارض

يعني شايله كل جسمه على يده ويبكي ويصارخ بالسوق كل السبب ماتبي تشتري له

البالونات الطائره صح ممكن لها سبب او ماتقدر تشتري ماندري عن ظروف الناس

لاكن الطريقه الوحشيه الي تسحب بها طفلها محزنه جداا وامام الملاء

اما الموقف الثاني ..

خالتي الله يهديها عصبيه حيل وشديده على عيالها بنتها بالمتوسط تضربها بسلك شاحن

الجوال على ظهرها لما يزرق وفرشة الشعر الي فيها دبابيس تضربها براسها ووجها

الله يهديها مع انا نحاول نساعدها بس تقفل الباب وتضرب في بنتها لما تبرد حرتها

تخيلو

انشالله اكون حنونه على اطفالي مستقبلا ... يارب لاتبلانا ..

مشكوره لموضوعك بس والله محزن :8:

 

[أسماء زكي الدين]

نعمة ولم يقدروها

بل تبتروا على الله الذي رزقهم إياها ​

 

[هواها شرقي]

مشكوريين حبيباتي على المرور وما قصرتوا وفعلا احنا مو حاسيين بقيمة النعمه اللي عطانا الله نعمة العيال ..والله يعينا على تربيتهم التربيه الصالحه..

 

[ℓάⓝόό]

يا ويلهم من الله

الله يهديهم


مرره امي شافت في السوق ام بنتها ضايعه وشوي الا البنت جايه عند امها وهي تصيح خايفه
وامها معطت شعرها بقووه وتشده لفوق ودورتها على نفسها كم دوره ورمتها على الارض
قد شفتوا وحشيه اكثر من كذا !!

 

[هواها شرقي]

حرااااااااااااام عليها ليه هالضرب صراحه الطفل يتأثر اذا انضرب قدام الغير ..ونفسيته تتأزم احنا ما نحس بهالشئ ..وبعدين فيه امهات الله يهديهم يضربون العيال بمنتهى القسوه ومن غير رحمه ..
شكرا حبيبتي لمشاركتك وجزاك الله خير

 

[امل بكره]

والله اليوم شايفه طفل صفير يبكي بكاء مش طبيعي لدرجة اني فكرت ادخل ف الموضوع (بس خفت وشردت)....اللي لفت نظري ان ابوه كان يضربه,
عندهم نعمه مو حاسين بقيمتها

 

[كيم كردشتان]

حسبي الله علي اللي يسوي باطفال ابر ياء واللي عندهم اطفال موحاسين بهنعمه غيرهم يدورها

 

[سماء المحبة]

في الإسبوع الماضي في السوق كان رجل الأمن يعلن عن طفلة ضايعة وشفت رجل الأمن ماسكها ويهدئها فجأة جاء أبوها وصرخ /تعالي قال له رجل الأمن /صح أنتوا دورتوا عليها صرخ الأب / لا هي ماتسمع الكلام وجلس يصارخ ويمشي والبنت وراه تصارخ وتتفجع والله مامسك يدها ولاضمها يكفي مسكينة روعتها ويجئ هذا ويكملها حسبي الله ونعم الوكيل ..​

 

[اوتار الغلا]

الله يعين انا مره شفت وحده تضرب بنتها بحذاء الله يكرمكم ابو كعب عالي اللي يجي كعبه كامل وعريض
والسبب ان البنت بس ازعجت شوي وبدون اي محاولات سابقه من الام تهديها على طوووووول رمتها فيه
الله يعافيهم ولا يبلانا
وفيه موقف مضحك
مره وحده ساكنه في قريه وطلعوا لمنتزه في مدينه
وولدها عمره 6 سنوات ويوم شاف المزروع قال لامه
"ماما هذا الثيل يصلح نجيب غنم جدي فيه"
خخخخخخخخخخ
ياحلو براءة الاطفال
​

 

[النواعم]

وجعتو قلبي ..أنا استانت لما أشوف اب يلعب اولاده بكل حنينه..

 

[الما حساسه سه]

يا ويلهم من الله

الله يهديهم


مرره امي شافت في السوق ام بنتها ضايعه وشوي الا البنت جايه عند امها وهي تصيح خايفه
وامها معطت شعرها بقووه وتشده لفوق ودورتها على نفسها كم دوره ورمتها على الارض
قد شفتوا وحشيه اكثر من كذا !!

يووووه هذا اناااا كنت بسوق متفقه انا واختي ان نتقابل في السوووووق وبنتي من فرحتهااا ببنات اختي:6: تستعرض قدااامهم تختفي عناااا وانا ادورهاا انهبلت مااالقيتهااا:39: اخرشي جتني تركض وتلعب واخر مره رااااحت طولت وقلت لشغااالة اختي روحي دوريهااا جتني الشغاااله اتقول مااادري وينهااا انااا خفت مرررررره الا اختي راحت دورتهااا وجااابتهااا وانااا من القهرررررررر الي فيني مسكتهااا ورجفتهااا رجف منغيرررررررر شعووور ومعطت شعرهااا والله قهر رااااح علي الوقت وانااا ماااتقضيت شي كله مطااامررر وراء البنت

 

[كلي فداك يابوي]

ولله عورتوا قلبي
فيه موقف شفته بحديقه
شفت ولد صغير يسحبه ابوه ويضربه ضرب وجلسه عنده تخيلووو وييين جلسه والله تحت ارجوله يعني جلس ومد رجوله عليه وهو يضربه ويسحب شعره والحديقه مليانه ناس طييب ليش جايبه عشان يضربه ولا عشان يونسه والله لما شفته شوي ولا ابكي

 

[لليل الشتاء]

ترى بعض الاطفال ينرفز يبكي بدون سبب انا اكره اخذ الاطفال معي يفشلوني ويحرجوني خصوصا عند الالعاب والبالونات والملاهي ويجلس يبكي
اعرف وحده اذا راحت واخذت ولدها يرجع منكد ابو الطلعه تقول حتى ابوه يحط الحره فيها من دلعه الزايد وبكاه اللي يرفع الضغط

 

[لليل الشتاء]

يووووه هذا اناااا كنت بسوق متفقه انا واختي ان نتقابل في السوووووق وبنتي من فرحتهااا ببنات اختي:6: تستعرض قدااامهم تختفي عناااا وانا ادورهاا انهبلت مااالقيتهااا:39: اخرشي جتني تركض وتلعب واخر مره رااااحت طولت وقلت لشغااالة اختي روحي دوريهااا جتني الشغاااله اتقول مااادري وينهااا انااا خفت مرررررره الا اختي راحت دورتهااا وجااابتهااا وانااا من القهرررررررر الي فيني مسكتهااا ورجفتهااا رجف منغيرررررررر شعووور ومعطت شعرهااا والله قهر رااااح علي الوقت وانااا ماااتقضيت شي كله مطااامررر وراء البنت

اسلوبك رهيب اتخيلك بالسوق :31:تلقين بنتك حرمة تتميلح عند اح:30:
عساك راضيتيها:7:

 

[أم ايلانه]

موضوعك رائع جداا

 

[شمعة وثلج]

اكبر غلط اخذ الاطفال للسوق يملوا ويتعبوا من المشي لان الام تتسوق ومو حاسه بالتعب والملل

 

[هواها شرقي]

ياويل ويلاه ...اه يالقهر كتبت رد ايش طوله واخرتها انمسح علي ....
لي عووووووووووووووووووووووده ان شاء الله بوقت لاحق
كل الشكر لمن تفاعلت مع الموضوع وجزاكم الله الف خير