السمار ليس نصف الجمال

[راجيه الرضا]

قصة تربوية جديدة بعنوان (السمار مش نص الجمال)
تكتبها بوسي
سهل اوي كل واحد فيكم يعطي دروس عن سمرة البشرة وهو ابيض....?بس يقعد يفهم السمر انهم حلوين وقمرات ?انا واحدة من سمر البشرة عمري ما اقتنعت ....
ازاي كنتم تريدون مني الاقتناع بجمالي الموهوم...وانا شايفة امي منبهرة باختي البيضا...والناس كمان !!!!
اولا انا اسمي بسنت
ومشهورة ببوسي اكتر بكتير من بسنت
ماليش صور كتير وانا طفلة لاني كرهت اني اتصور لكرهي لشكلي....
ابدأ معاكم حكايتي من الطفولة
ماما...
وبابا اتجوزوا بعد حكايات...
ماما فاتها القطر زي مبيقولوا...واتجوزت كبيرة نسبيا
وبابا...كان متجوز قبلها....ومراته ماتت...وسابته مع بنته ...اللي هي اختي الكبيرة....مروة....واتجوز ماما.....
ماما كانت مرات اب بالمعني الحرفي للكلمة....
تضرب مروة وتهينها...طيب ومعايا انا كانت ايه معرفش!!!!
كانت ايه وانا بنتها من لحمها ودمها معرفش...
عموما انا ومروة كنا بنتضرب
ونتشتم....
وبابا اتصدم فيها
بس كان سلبي اوي للاسف....
ماما كانت دايما تناديني يا زفتة.....او يا هبابة..حسب مودها..
اما مروة فكانت للاسف الشديد تناديها شاتمة الاب يا بنت ...
ماما فعلا كانت حد ...مش سهل??
بعدها اتولدت اختي رانيا....الصغري
ماما طارت من الفرحة
رانيا بيضا
مش طالعة سمرا لبابا..زيي انا ومروة
اخيرا اكتشفت...
ماما مش بتكره الاطفال
اااه دي بتكره السمر بالذات
?
وتدليلها لرانيا كله جاي من بياضها...
يا بيضا
يا حلوة ..
وهكذا...
??
طبعا ده قرب جدا بيني وبين مروة
كنت باكره سماري جدا ...
كره غريب...
والعجيب ان ماما كانت عاملة نفسها متدينة...
?اسفة اني باقول كده..
بس مستحيل حد بيحب ربنا من قلبه وعطوف....يكره عياله بالشكل ده...لمجرد فروق اللون!!
رانيا هانم واحنا خدامات....
عموما الكره ملأ قلبي. ..
كرهت عصبية ماما وشتايمها...
كرهت سلبية بابا
كرهت ألاطة رانيا....
كرهت حتي مروة...لانها سمراء زيي
كنت بألاقي سعادة اني اسرق اقلام صاحباتي والصلصال
ولما اتعرف...
ماما بقت تقول سودا وكمان حرامية!!!!
مكنتش بابكي..
بس كنت حرفيا حاسة انه ماليش لازمة...
بابا مات..وانا في اولي اعدادي
ومروة انتقلت للعيش مع خالتها بعد موتها
ربنا نجاها من امي?
كنت بازورها...
خالتها انسانة محترمة جدا ...
عشان عمرها ما شتمتها ولا شتمتني....
دكتورة اسنان....

وارملة بلا اطفال...
بس كان بابا متقاطع معاها ..مع وفاة ام مروة .
فرحة مروة بالرجوع لخالتها واهل مامتها كانت كبيرة
استغفرت لبابا..بلاش تكونوا زيه سبب في قطع رحم الايتام..
المهم دكتورة بثينة خالة مروة ..
كنت بحترمها اوي...
كانت تعلمني انا ومروة بعض سور القرآن الكريم
ومعانيها
وكانت تشعر بقسوة ماما عليّ
فكانت تدعوني للاقامة عندها
وماما تقول احسن غوري?....
مع خالتو بثينة حسيت بالاحترام...
بس كنت باسرقها...سرقت فلوس وشوكالاتة...وخاتم..
مكانتش بتتكلم ...ولا تبين انها ملاحظة.
كانت بتطبطب عليّ عموما...
وتحكي لي قصص...
مروة نفسيتها اتحسنت....
لكن انا لأ
لاني بارجع لماما دايما....
خالتو بثينة
كانت دايما...حنون...
لكن مرة مروة...
شافتني باسرق من شنطة خالتها
وقالت لها
وانا ارتبكت...
رد فعلها أذهلني...
اخدتني علي جنب...
وقالت لي اطمني متخافيش....انا مسامحاكي علي اللي فات ..وعارفة انك هتسيبي السلوك ده....
ساعات كتير اما نفسيتنا بتتعب بنعمل حجات مش صح....
اول مرة يتكسر جمودي واعيط...
وصرخت..انا زعلانة....انا زعلانة.....
واغمي عليّ
لما فقت...
لقيت خالتو بثينة
بتشكر الدكتور
وهو خارج...
وجاتلي....اتكلمي وفضفضي يا بوسي ...
قلت ..انا زعلانة ...اوي من ربنا ليه خلقتي سمرا....لما كل الناس بتحب البيض.....ليه ؟ ؟ ؟??
عيطت كتير....
خالتو سمعتني وبس....
وهي بتطبطب..
حكيت كل اللي جوايا..
عن تريقة الناس واولهم ماما...
مروة كمان كانت بتعيط
وصعبت عليها وقالت لي كل ده جواكي?كنت فاكراكي مكبرة دماغك....
د بثينة سمعتني وطبطبت عليّ...
بعدها لقيتها جايبالي...قصة مالكوم الكس.....او مالك...الكس .الامريكي الاسود الشهير الذي عاني من اضطهاد السود....ودخل الاسلام....لمساواته...بين البيض والسود....وانهائه العنصرية ..
زعلت اكتر
وعيطت
انتي بتأكدي لي اني سمرا
بتأكدي لي اني وحشة
تقيأت كتير جدا..
لكن خالتو بعد ما ادتني العلاج
قالت لي انا بأكد لك..نقطة تانية....العنصرية موجودة فعلا....
كنت في اعدادية
مفهمتش
قالت لي....اسمعيني يا بوسي
مسمعتش....كنت تعبانة اوي ....
للاسف الامر معادش نافع معاه كلام
خالتو اصطحبتني لدكتور نفسي
واخدت ادوية اكتئاب
ماما بدل ما تشكرها زعقت لها.....هتجنني البت..
لكن انا قلت لها خالتو معها حق..وضربتني وانا راجعة من الدكتور. .ورانيا قاعدة بتسرح قدام المرايا
بعد الدوا اتحسنت
خالتو رجعت تكلمني...
بصي يا بسنت
فيه...تطرف في كل شئ ..مثلا الفلوس اللي بيصرف كتير اسمه ايه
قلت مسرف
قالت واللي بيمسك ايده
قلت بخيل..
قالت لي (برضه لون البشرة فيه تطرف في النظر له .. كره اللون الاسمر اسمه...عنصرية.....وده كان موجود....في الجاهلية وجاء الرسول صلى الله عليه وسلم الغاه وكذلك كان في امريكا وكان مؤدي لحروب )
قلت في تعاسة وانا ذنبي ايه..انا مخترتش...
قالت لي (بصي الفكرة هنا عميقة....انتي مش مذنبة اساسا...لكن عنصرية الناس يعني مخهم اللي مش مضبوط هو اللي مخليهم شايفين ده خطأ فيكي
..(
قلت لها مش فاهمة
قالت لي (بصي ...اي سلوك ...زي الاسراف والبخل ده بايدينا احنا فعلا غلطانين..
لكن شكلنا مش بايدنا يبقي النظر ليه كده....ده...وجهة نظر ناس متطرفة في مخها...)
قلت لها وتفرق ايه؟ ؟ دي امي
قالت لي ?تفرق فرق كبير.....الغلط هنا مش فينا ده فيهم...في نظرتهم....
قلت لها بس هم اذوني انا...
قالت (ايوة فعلا...اذوكي....بس آن الاوان تفهمي...انك مغلطيش والغلط عندهم...في نظرتهم المختلة.....ومش الحقيقة انك وحشة الحقيقة انهم هم الوحشين....)
تفكرت...
ثم سألتها (بس ربنا خلقني سمرا..مش بيضا.... )
تنهدت...
قالت ? (بوسي...
المشكلة ان احنا فاهمين الدنيا بسطحية اوي....
فاكرين انها كل شئ..
ربنا خلقنا ....مش عشان الدنيا وبس...
احنا فيه جزء من حياتنا لسة مجاش اسمه الاخرة...
المسألة عميقة..
دنيا بنتصرف فيها ..واخرة بنتحاسب فيها..
طبيعي جدا في الدنيا تتفوات ارزاقنا...من كل شئ...نعجب ناس وناس لأ....ناس تظلمنا وناس لأ... رأيي في السمار والبياض...ان المشكلة ظلم الناس ....مش خطأ فيكي....يبقي ده ظلم خالفوا بيه ربنا . وهيتحاسبوا وده مش غلط عندك اصلا يبقي متزعليش ....اراؤهم..تعبر عن ظلمهم.....بس انا ممكن اتفق معاكي ان فيه من الناس بترتاح للبياض اكتر ..وفيه ناس بترتاح..للفلوس اكتر وفيه ناس بترتاح للاكل اكتر.....الناس انواع...بعض الظلمة ميمثلوش كل الناس)
قلت لها...?يعني ربنا مبيكرهنيش؟ ؟
قالت (ربنا امر ان محدش يضايقك..بسبب لونك اللي هو خلقه بس الناس خالفته...يبقي مين الغلطان ؟ ؟)
قلت لها (الناس)
قالت (ومن هيتحاسب علي الغلط ده)
قلت (الناس بس انا اتأذيت...علي شئ معملتوش.)
قالت (معاك حق....وانا كمان اتأذيت علي شئ معملتوش ..بس ده نوع من الظلم موجود كلنا بنقابله في حياتنا. الظلم بسبب اشياء معملنهاش ...عندك....الشكل...عندي اشياء اخري...وعند غيرك ...حجات تانية...لو اخترنا نستسلم لرؤية ظالمة..ونبقي ناس كارهين ومنفعلين...هنبقي غلطانين )..

اول مرة ابص للامر بصة عميقة كده....
فعلا قرأت عن مالكوم الكس ....وعن .....فكرة العنصرية..
فعلا ماما عاملتني بعنصرية...
اول مرة وانا مراهقة افهم الامر...
اتغيرت اوي...
هدأت
فهمت اني معنديش خطأ
وان ظلم الناس لي هم مسؤلين عنه
واني مش هسلم مخي لظلمهم...
فعلا اتغيرت...
ماما مندهشة من هدوئي
بطلت سرقة خالص.....
انا مش هظلم زيهم
باقضي وقت كتير مع خالتو
ماما
..بدأت تفضفض لي عن زعلها من رانيا وانها مصاحبة ولد مش محترم ...
انتبهت لدراستي..
اتحسن مستواي
اشفقت علي الساخرين مني وظلمهم ...
ثقتي في الله ثم في نفسي زادت..
لكن...?
مروة.
.كانت في رحلة مع المدرسة....للعين السخنة
وللاسف لم تعد....
مروة ماتت في حادثة الاتوبيس اللي كتبت عنها الجرايد....
?مكنتش اعرف اني باحب مروة كده....
فعلا اتقطعت
مروة....كانت شريكتي في كل شئ
لكن خالتو بثينة ثبتتني
كانت فعلا حزينة
لكن قالت لي مروة سبقتتا للحياة التانية اللي كلمتك عنها....لازم نصبر عشان ربنا يصبرنا.....
ماما اتهزت من موت مروة.. الطفلة بتاعة زمان اللي يا ما اذتها..
اغلب وقتي مع خالتو...
خالتو مؤمنة من جوة اوي
مقصدش الصلاة والصوم بس
لا..
الجزء اللي جوة...
خالتوفعلا مؤمنة......
حكت لي انها كانت بتحب جوزها جدا...ولذلك عمرها ما فكرت تتجوز من بعده...
قلت لها بتلقائية احسن عشان ميبقاش ليا جوز ام...
اتأثرت هي اوي (قلتي ايه...?)
قلت لها (جوز ام....)
ابتسمت...وعينها دمعت......
دخلت كلية طب الاسنان زيها....
اغلب عيشتي وحياتي معاها.....
مش بسببها
ماما تغار...
وخصوصا مع معاناتها من مغامرات رانيا العاطفية....
اشعر ان الجرح اللي جوايا خف....وباحب الناس فعلا..وبساعد زميلاتي...من قلبي....اتفوقت.....ومعروفة لدي الاساتذة...
بأصلي ..لاني مش ممكن اقطع اللي بيني وبين اللي خلقني
خالتو فهمتني كتير
انتي ابيض قلب في الدفعة
السمار الجمال كله...
ابتسمت....?ده الكلام اللي كنت بسمعه.....
الان....انا في عامي النهائي....وخالتوتأخذني للعيادة....اما رانيا....فتتردد علي طبيب نفسي....
ماما تدعولي....
وتتحسر كلما رأت رانيا
المشكلة مش ان رانيا بيضا
المشكلة انها اتربت غلط...?
كان فيه مشكلة معذباني..
انا مبحبش ماما خالص
بسأل عليها ولكن مش بحبها....
هل ده ذنب؟ ؟
سألت خالتو
ناولتني المصحف
دوري مرة علي ...(وبالوالدين حبا)
قلت لها مفيش
قالت الاحسان سلوك يا بوسي....لكن الحب اللي في القلب مش بايدنا.....احنا بنحب ونكره غصبا عننا....لكن سامحيها...
..
ازاي اسامحها؟ ؟
كلامها وقسوتها دمروني....
لكن انا عارفة ان التسامح أمر امره الله ..يبقي اكيد خير ليا...
دايما باقول لنفسي متزعليش يا نفسي...انت احسن من كل اللي فات....اتصدقي علي ماما في شيخوختها من جواك بالعفو عنها.......من جوة....
كل ده صراع داخلي هي لا تعلم به...
اتخطبت ...واتكتب كتابي ...
ع احمد ..
زميلي...
اللي شايفني احلي واعقل بنت ..
السمار مش نص الجمال ده الجمال كله
متخليش خطأ الناس يحكم حياتك ..
#ايناس_و_الاطفال

 

[حبيبه الوجد]

الله مررررره قصه رائعه وتربويه حقيقه
حبيت اضيف معلومه مهمه

احيانا نور ربنا يقذفه بقلب المؤمن فا يستنار وجهه كالبدر رغم سماره
وهذا سهل جدا الحصول عليه وبمتناول القلب مو بمتناول اليد!
من خلال ركعتين في جوف الليل
ينور الله فيه وجه المؤمن كالبدر
ومن خلال ذكر الله على كل حين

ساعات يوم اتفحص بعض من بشرتهم سمر تشوفي هاله من نور لايراها الا المؤمن ومن هنا تعرفي انه صاحب قييام الليل
وساعات اشوف من بشرتهم فاتحه ولاكن فيها شي من ظلام لايراها الا المؤمن

العبره مو بياض ولا سمار
نور الله يوم يقذف بوجوه خلقه يصبح منير كالبدر من جماله

اذكر في شيخنا العلامه عبد العزيز الطريفي فك الله اسره
رغم انه لونه حنطي ومو ابيض حتى
اقسم بالله كل ماتأملت بنور الله الي يشاع بوجهه لاشعوريا اسبح واذكر الله واقول سبحانك ياااارب !!


فا العبره مو بياض ولا سمار
العبره ابحثو عن نور الله في وجوهكم
ايام الصحابه كانو يعرفون اهل قيام الليل من خلال النور بالوجه
اسأل الله ان يجملنا بنور وجهه الكريم

تسلمي حبيبتي راجيه اختيارك رائع للموضوع

 

[حبيبه الوجد]

الله مررررره قصه رائعه وتربويه حقيقه
حبيت اضيف معلومه مهمه

احيانا نور ربنا يقذفه بقلب المؤمن فا يستنار وجهه كالبدر رغم سماره
وهذا سهل جدا الحصول عليه وبمتناول القلب مو بمتناول اليد!
من خلال ركعتين في جوف الليل
ينور الله فيه وجه المؤمن كالبدر
ومن خلال ذكر الله على كل حين

ساعات يوم اتفحص بعض من بشرتهم سمر تشوفي هاله من نور لايراها الا المؤمن ومن هنا تعرفي انه صاحب قييام الليل
وساعات اشوف من بشرتهم فاتحه ولاكن فيها شي من ظلام لايراها الا المؤمن

العبره مو بياض ولا سمار
نور الله يوم يقذف بوجوه خلقه يصبح منير كالبدر من جماله

اذكر في شيخنا العلامه عبد العزيز الطريفي فك الله اسره
رغم انه لونه حنطي ومو ابيض حتى
اقسم بالله كل ماتأملت بنور الله الي يشاع بوجهه لاشعوريا اسبح واذكر الله واقول سبحانك ياااارب !!


فا العبره مو بياض ولا سمار
العبره ابحثو عن نور الله في وجوهكم
ايام الصحابه كانو يعرفون اهل قيام الليل من خلال النور بالوجه
اسأل الله ان يجملنا بنور وجهه الكريم

تسلمي حبيبتي راجيه اختيارك رائع للموضوع

 

[راجيه الرضا]

مرحبا اختي الحبيبه حبيبه الوجد الموضوع نور.كلامك صحيح فكم من ابيض اللون باهت الروح والملاحم.وقد سمي ابو لهب بهذا الاسم من شده وضاءه وجهه.وكلن سيدنا بلال رضي الله عنه اسمر البشره لكن هو من سمع الرسول صلي الله عليه وسلم خشخشه نعله في الجنه..العبره ليست بالالوان ولكن بالارواح والقبول.شرفني مرورك وتعليقك اختي الحبيبه لا حرمتك

 

[دانسميز]

​رائعة القصة.. رائعة راجية كروعتك.. حقا استفدت منهاكثيرا.... شيء مؤلم كثيرا ان تكون نبع الحنان الأم هي مصدر الظلم..

 

[راجيه الرضا]

ياااه رابيا عود حميد افتقدت وجودك .كيفك حبيبتي. الدكتوره ايناس عندما اقرا لها استفاد كثيرا احيانا توقفنا عن خطا تقع فيه ربما اعود له في غمار الضغوط ولكن سجله عقلي أنه خطأ فتحاول تجافيه.فعلا الام قد تكون هي سبب العقد الأساسي للأبناء ورأيت وسمعت .نحن لا نعلم حساسيه أبناءنا الا حين ينطقون بتاثرهم بكلمات لا نلقي لها بألا .فاللهم أمر بصيرته.تعىفي القصه ذكرتني بموضوعك عن تأثير الآباء السيء ع الابناء تنتظرك لتكمليه.سعيده بعودتك حبيبتي نورتيâ‌¤â‌¤â‌¤â‌¤

 

[~UniQuE~]

الله سبحانه و تعالى قال : (" وَمِنْ آيَاتِهِ خَلْقُ السَّمَاوَاتِ وَالْأَرْضِ وَاخْتِلَافُ أَلْسِنَتِكُمْ وَأَلْوَانِكُمْ ۚ إِنَّ فِي ذَٰلِكَ لَآيَاتٍ لِّلْعَالِمِينَ ")

لو فهمنا معنى هذه الاية ما راح يكون عندنا عقد و لا عنصرية و كلنا بنكون عباد الله متساوين لا فرق بيننا الا بالتقوى ! ​

 

[~UniQuE~]

مرحبا اختي الحبيبه حبيبه الوجد الموضوع نور.كلامك صحيح فكم من ابيض اللون باهت الروح والملاحم.وقد سمي ابو لهب بهذا الاسم من شده وضاءه وجهه.وكلن سيدنا بلال رضي الله عنه اسمر البشره لكن هو من سمع الرسول صلي الله عليه وسلم خشخشه نعله في الجنه..العبره ليست بالالوان ولكن بالارواح والقبول.شرفني مرورك وتعليقك اختي الحبيبه لا حرمتك

و احب ازيدك يا جوجو الصحابي بلال بن رباح الحبشي رضوان الله عنه تزوج من هالة بنت عوف القرشية اخت عبدالرحمن بن عوف رضي الله عنهم رغم عدم التكافؤ اللي بينهم فهو كان عبد سابق اسود اللون و هي بيضاء صاحبة نسب عظيم لكن سبحان الله لما الاسلام و الايمان يدخل القلوب يتغير المجتمع كامل و كل مفاهيمه السابقة ...

و هذا اللي احنا محتاجين له حاليا لانه للاسف نرى المسلمين يعايرون بعضهم البعض بسبب لون او شكل او حتى مستوى معيشي و المصيبة صاروا يغذون اطفالهم بهالافكار الرجعية المتخلفة لين ما طلع لنا جيل بلا اخلاق و بلا دين ينفث حقده على باقي البشر ! ​

 

[راجيه الرضا]

unique الحبيبه مرحبا مرحبا. نعم افكر متخلفه ثم يتهمون اسلامنا بالرجعيه و التخلف.فيالعظمه دين مرجعيته كتاب الله تعالي .وقد قال المولي ...إن اكرمكم عند الله أتقاكم.....وقال لا يسخر قوم من قوم عسي أن يكونوا خيرا منهم....نسال الله هدايه لمن ضل فكره وعوده لدينه.جزاك الله خيرا يونيك سعدت جدا بمرورك

 

[صدقه جاريه]

قصه جمييييله فعلاً شكراً لك

 

[رهف 88]

شكرا رجو على النقل
القصة فيها عبر كتيرة أهمها أن الأم لازم تكون واعية بدورها الجوهري في تكوين شخصيات أبنائها والعبرة الجميلة فيها أن حتى إن أخطأت الام في تربية أبنائها وكونت منهم شخصيات سلبية إلا أن الوقت لا يفوت ابدا لاستدراك الوضع بدليل أن بسنت صارت شخصية جميلة لما وجدت من يفهمها ويحتويها ويوجهها وان لم تكن امها الحقيقية

 

[راجيه الرضا]

صدقه جاريه بل شكرا لمرورك ومرحبا بك حبيبتي

 

[راجيه الرضا]

رهوف عفوا حبيبتي.نعم الام دورها عظيم وممكن تصحيح الأمور احياناالامور احيانا ولكن الآباء لابد أن يحاولان أن يبدأوا صح لا أن يحاولوا التصحيح بعد الخطأ. لان احيانا تتفاقم الأمور .طبعا كلنا نخطيء ولكن لابد من محاوله التعلم لمن هو مقبل علي الانجاب ليبدأ صح