السلام عليكم..هل من تجربه مماثله لتجربتي؟

[tomi]

بسم الله الرحمن الرحيم
السلام عليكم ورحمة الله وبركاته
على إني كتبت المشكله توني وانمسحت
بس راح ارد اكتبها لحاجتي الشديدة لمشورتكم

توكلت على الله​

بدت مشكلتي من عقد القران..قبلها كانت الدور الشهرية متأخرة علي..بس ماكانت مأثرة كثر ماتأثرت بثاني يوم من عقد القران..من زارني زوجي وانا احس بكآبه من غير سبب " زوجي مملوح..طيب..دين..خلوق..يموت فيني..من اهلي " !! بس ماادري ليش ماحسبت إن قلبي مال حق هالانسان لمن شفته صج..أيام الخطبه كنت احس بمشاعر اتجاها..!!! من عقد القران اعتفست حياتي !! مر جم اسبوع وانا ساكته وخاشه هالمشاعر..!! لين يا اليوم الي انفجرت عند امي وقتلهااااااا مااحبه اكره زياراته من ايي عندي وانا اقو متى يمشي..واحياناً اكون جريئه واقوله الوقت تأخر لأن اكون مكتئبه لدرجة الاختناق ومااتحمل زياده..وهم كانت ليلحين الدوره ماشرفت..الي قال منها والي قال عين والي قال سحر وألخ..مشيت عى الرقيه رحت المستشفى نزلت الدورة..هم نفس الشي..وبديت سلسلة المقاومه..الي كانت مشاعري اتجاها جافه تماماً واحياناً يعاتب على هالشي واحس مو من حقه " لا تسألوني ليش" .. مرتين كلمت الوالد يروح وينهي الموضوع..لأن ماابيه..بس بعدين انا الي اغير رايي..لأن الريال ماضرني بشي..!!

المهم لين يا وقت العرس.."ليلة ...." طبعاً نفس الحالة الدورة يايتني..وسافرنا ومااتعسها من سفره:s..ماكنت اسمحله يقرب صوبي طبعاً بحكم العذر الشرعي..كان عندي قرار..وكنت لمن اشوف ويها اشوف سواد..اول 3 ايام كنت مااكل هناك ولا اضحك ولا على طول صياح ابي ارد ديرتي..وحنه إن من نرد يطلقني..اهوا موراضي..ويحاول يتشى الطرق يقنعني إن نصير ونعالج الموضوع..وإن اهوا مستحيل يفرط فييني,,!!! لمن يأست منه قتله " كيفك انت راضي تعيش مع وحده ماتحبك كيفك"!!! تحملنني

ردينا من السفر..الكل يقنعني إن اصبر على الاقل سنة..! وهذي الايام تمر 5 اشهر ..نظل بالشهر يمكن اسبوعين مستقرين بس هم مو ذاك الاستقرار "امشي على النصايح وادعي ربي" بس انتكس مره وحده ..واكتئباكثر من المره الي طافت..رحت عند طبيبة النسا يمكن من الهرمونات يمكن الدم نازل..وعطتني برنامج غذائي ورياضي وابر فيتامينات..وحسيت بتحسن اتجاه نفسي بس زوجي مشاعر ماتغيرت ناحيته..احياناً امثل الحب اتباعاً " إنما الحب بالتحبب" !! بس مااسرع مايوضح إن كله تمثيل..!!

لين قبل اسبوعين..بدى زوجي يفقد صبره..على إن تغير الوظع عن قبل إني انام معاه وكلشي..ولمن انام معاه احاول اتفاعل معاه قد ماقدر..! بس من انخلص اصد عنه مكتئبه.."عذراً على الجرأه"..توقعت إن يحمد الله على هالتغيير..بس مادري الي قام يبدر منه طبيعي ولا لاء..قام يرفع صوته ويصرخ..ويمكن 4 مرات ليلحين..وانا لمن شفت إن بدى يفقد صبره..الوظع بدى يخوفني..لأن الي فيني مو بيدي..وحاولت اوصل حق كذا استشارية بس ماقدرت ومن ظمنهم الاستاذه ناعمه على اساس موقفين استشارات الحين!!!

صرت احلم بالطلاق..واتمناه..! واتمنى إني افقده اليوم قبل باجر :")..شسوي !!؟!!​

 

[tomi]

يمكن كلامي مو راكب.. بس هذا اللي قدرت عليه..
بضيف شغله اني كلمت استشاريه وقالت لي ان سبب المشاعر اللي احسها اتجاه الزوج (مشاعر عدم الحب او الكره او النفور)
ان ابوي متزوج على امي.. مع ان امي مو مقصره بشي.. وضحت بكل ما عندها عشانه..
وقبل عرسي باسبوعين عرفت انه متزوج من ثالثه بعد..
وتقول ان هالشي مخليني اخاف اني احب زوجي؟!

طبعا انا داخلي ما حس ان في ريال يستاهل احبه واضحي عشانه واخرتها يتزوج علي!!


وايد متشتته ومشاعر الكآبه والخنقه ما تفارقني الا فتره قليله جدا..
لدرجه اني ساعات اطيح مخنوقه واحتاج اكسجين لان ماكو نسم!

محتاجه مساعده!

 

[just4uae]

اللع يشفيج ان شا الله...حاولي تتواصلين مع الدكتوره بأي طريقه ممكنه قبل لا تتطور الامور
وفي النهايه اقولج العلاج الاول والاخير بالرجوع الى الله عز وجل والتوكل عليه

 

[لمسة حنان2000]

مرحبا اختي تومي
الله يفك عنك ضيقتك يارب
بس انا من رأيي انك تروحين شيخ يقرا عليكي
يمكن فيكي عين او شي من هذا القبيل

وماتشوفين شر ياقلبي

 

[بيالة شاي]

لا حول ولا قوه الا بالله

اثرت فيني كلمتك ((اتمنى اني افقده اليوم قبل باكر ))!!!!!!!!!!!

حبيبتي عالجي نفسك بنفسك ...اقعدي وفكري انت مالذي تريدينه من الزواج ؟؟؟

واللي سواه ابوك حاله خاصه ولو انه ماسوى شي يغضب رب العالمين

لاحول ولا قوة الا بالله

كسر خاطري زوجك

 

[tomi]

اللع يشفيج ان شا الله...حاولي تتواصلين مع الدكتوره بأي طريقه ممكنه قبل لا تتطور الامور
وفي النهايه اقولج العلاج الاول والاخير بالرجوع الى الله عز وجل والتوكل عليه

الله يسمع منج..
حاولت اتواصل لكن ليلحين الاستشارات متوقفه.. من ملجت وانا احاول ادق بس ماكو استشارات..
يا اختي تطورت المشكله وخلصت شنو باقي عشان ما تتطور..
فكره الطلاق ملازمتني على طول.. ابي ارتاااح!! عرفت معنى الضيقه والكآبه والخنقه والغصه من بدايه ملجتي!
الله المستعان.. توكلت على الله وسلمته امري..

مشكوره على الرد

 

[tomi]

مرحبا اختي تومي
الله يفك عنك ضيقتك يارب
بس انا من رأيي انك تروحين شيخ يقرا عليكي
يمكن فيكي عين او شي من هذا القبيل

وماتشوفين شر ياقلبي

من بدايه الملجه وانا ارقي عمري..
استعملت زيت مقري من شيخ
وشربت ماي زمزم مقري..
وهالاشياء كنت اسويها يوميا..
وتنقعت في ماي وزعفران.. الخ
والحمد لله على كل حال

يزاج الله خيير

 

[tomi]

لا حول ولا قوه الا بالله

اثرت فيني كلمتك ((اتمنى اني افقده اليوم قبل باكر ))!!!!!!!!!!!

حبيبتي عالجي نفسك بنفسك ...اقعدي وفكري انت مالذي تريدينه من الزواج ؟؟؟

واللي سواه ابوك حاله خاصه ولو انه ماسوى شي يغضب رب العالمين

لاحول ولا قوة الا بالله

كسر خاطري زوجك

تصدقين ان الكلمه نابعه من داخلي!؟ ما ابالغ فيها..
انا ما يأست من ربي لكني عايشه في ظلام!
يا اختي قعدت مع نفسي قعدات مو قعده وحده..
وحطيت ورقه وقلم
وكتبت كل الاشياء..
وكتبت ايجابيات زوجي وسلبياته وقطعت ورقه السلبيات..
وحاولت بكذا طريقه..

اريد الاستقرار! حاليا بس ابي الاستقرار من هالحاله اللي فيني..

ومن ناحيه ان اللي سواه ابوي حاله خاصه فأنا مو مقتنعه في كلام الاستشاريه اللي قالته لكن كتبته عشان ابين اني سويت وايد اشياء وهذي من الاشياء اللي قالتها لي الاستشاريه!

شكرا على مرورك..

 

[vip]

لا حوووول ولا قوة الا بالله العلي العظيم حبيبتي انا مريت مثل ما مريتي انتي بالضبط مع

ان ماخذين بعض عن حب وهو يموووووووووت فيني وياتني نفس حالتج اكتئاب وصياح

طول اليوم واحس ماباه يقرب مني وحسيت اني اتعس انسانه على وجه الارض وندمت

على الساعه اللي تزوجته اااااخ حتى شهر العسل كانت كلها هم وخوف وكله اصيح في

الحمام لحد الفجر وما باه يقرب صوبي وهو كان حاس لدرجة وداني عند مطوع يقرا علي

وعطوني ماي مقراه عليه اغتسل فيه وكان وايد متفهم وصابر علي وايد وايد كنت

دفششششششه معاه وانا مب فاهمه ليش مع ان ماخذتنه مع اقتناع ويقربلي...بيني وبينج

كان ودي اطلق اليوم قبل باجر ومن يطلع برا البيت احس باحه بس من اشوف سيارته

اتضاااااااااااااااايق واختنق ايام يا رب لاتردها علي ولا ابا اتذكرها ومع الوقت هديت شوي

وكنت كل يوم اصلي قيام الليل وادعي تعالي شوفيني الحين ندمت على كل لحظه ضيعته

ا وانا في هم وحزن ندمت على ايامي الاولى معاه والمفروض تكون احلى الايام وندمت اني

ماعشت شهر العسل والله ماتدرين اشكثر ندمانه وقلبي يعورني عليه كان يسكت ويتحمل

كل شي مني والحين احبه امووووووووت فييييييييييييييه ماتخيل حياتي بدوووونه فديته

ربي يطولي في عمره ولا يحرمني دخلته عليه



حبيبتي طولي بالج وابعدي فكرة الطلاق عنج واصبري السنه الاولى اصعب سنه في حياة

المتزوجين اتقربي منه شوفي ايجابياته انا حاسه انه يحبج ولا يبا يفرط فيج والله حرام

تعيشين بعذاب جذيه وباجر تصحين وتقولين كيف انا سويت جيه اتاكدي انا مريت نفسج

بالضبط والله والله في كل كلمه قلتيها حسيتها قبلج استغفري الله ولاتخلين الشيطان يغلبج

ويوسوس لج اصبري وخليج مع ربج ربي يسعدج ويوفقج ويشل عنج الهم ولاغم

ياااااااااارب

 

[SUGAR AND SPICE]

لازم بيفقد اعصابه واقولج احمدي ربج انه صابر عليج لانه لو ريال غيره كان طلقج من البداية وهاذي هي الحقيقة المره
تتوقعين زوجج مخسر فلوس ودافع مهر دم قلبه عشان ياخذ وحد تنكد عليه عيشته !!
غيري تصرفاتج قبل أن يتخذ قرار وينفصل عنج لانه لصبر حدود والظاهر بدا صبره ينفذ وينهيج من حياته
هو يمكن الله يوفقة بعد كم شهر مع وحده ثانية بتسعده وبتهنيه ....
لكن شو بيكون مصيرج تنظرين عريس أخر يمكن أيي ويمكن ما أيي !!
أختي اعرف كلامي قاسي لكن مب أقسى من تصرفاتج مع زوجج
أبالج تراجعين نفسج الي تسوينه يرضي الله ورسوله !!

 

[SUGAR AND SPICE]

اسمحيلي على الاخطاء المطبعية

 

[tomi]

لا حوووول ولا قوة الا بالله العلي العظيم حبيبتي انا مريت مثل ما مريتي انتي بالضبط مع

ان ماخذين بعض عن حب وهو يموووووووووت فيني وياتني نفس حالتج اكتئاب وصياح

طول اليوم واحس ماباه يقرب مني وحسيت اني اتعس انسانه على وجه الارض وندمت

على الساعه اللي تزوجته اااااخ حتى شهر العسل كانت كلها هم وخوف وكله اصيح في

الحمام لحد الفجر وما باه يقرب صوبي وهو كان حاس لدرجة وداني عند مطوع يقرا علي

وعطوني ماي مقراه عليه اغتسل فيه وكان وايد متفهم وصابر علي وايد وايد كنت

دفششششششه معاه وانا مب فاهمه ليش مع ان ماخذتنه مع اقتناع ويقربلي...بيني وبينج

كان ودي اطلق اليوم قبل باجر ومن يطلع برا البيت احس باحه بس من اشوف سيارته

اتضاااااااااااااااايق واختنق ايام يا رب لاتردها علي ولا ابا اتذكرها ومع الوقت هديت شوي

وكنت كل يوم اصلي قيام الليل وادعي تعالي شوفيني الحين ندمت على كل لحظه ضيعته

ا وانا في هم وحزن ندمت على ايامي الاولى معاه والمفروض تكون احلى الايام وندمت اني

ماعشت شهر العسل والله ماتدرين اشكثر ندمانه وقلبي يعورني عليه كان يسكت ويتحمل

كل شي مني والحين احبه امووووووووت فييييييييييييييه ماتخيل حياتي بدوووونه فديته

ربي يطولي في عمره ولا يحرمني دخلته عليه



حبيبتي طولي بالج وابعدي فكرة الطلاق عنج واصبري السنه الاولى اصعب سنه في حياة

المتزوجين اتقربي منه شوفي ايجابياته انا حاسه انه يحبج ولا يبا يفرط فيج والله حرام

تعيشين بعذاب جذيه وباجر تصحين وتقولين كيف انا سويت جيه اتاكدي انا مريت نفسج

بالضبط والله والله في كل كلمه قلتيها حسيتها قبلج استغفري الله ولاتخلين الشيطان يغلبج

ويوسوس لج اصبري وخليج مع ربج ربي يسعدج ويوفقج ويشل عنج الهم ولاغم

ياااااااااارب

والله اني صابره وادعي ربيعلى طول..
الكآبه تهد الحيل.. خاصه قبل لا تييني الدوره بفتره اسبوعين ولا 10 ايام ينقلب حالي اكثر..
المره الاخيره ضغطي كان مرتفع.. وليلحين اخذ ادويه وابر..
الله المستعان وتعدي هالايام احس اني عايشه في كابوس..
مشكوره على الرد اول مره اسمع ان في حد مر باللي انا مريت فيه.. عطيتيني بصيص امل=)

 

[tomi]

لازم بيفقد اعصابه واقولج احمدي ربج انه صابر عليج لانه لو ريال غيره كان طلقج من البداية وهاذي هي الحقيقة المره
تتوقعين زوجج مخسر فلوس ودافع مهر دم قلبه عشان ياخذ وحد تنكد عليه عيشته !!
غيري تصرفاتج قبل أن يتخذ قرار وينفصل عنج لانه لصبر حدود والظاهر بدا صبره ينفذ وينهيج من حياته
هو يمكن الله يوفقة بعد كم شهر مع وحده ثانية بتسعده وبتهنيه ....
لكن شو بيكون مصيرج تنظرين عريس أخر يمكن أيي ويمكن ما أيي !!
أختي اعرف كلامي قاسي لكن مب أقسى من تصرفاتج مع زوجج
أبالج تراجعين نفسج الي تسوينه يرضي الله ورسوله !!

والله يا اختي هذا الكلام ماينقال لي!
اولا انا لو لا مخافه ربي جان ماكتبت الموضوع هني ودورت على حل..
لان هالشي مو بيدي..
ثانيا انا تراني مو مقصره بشي.. كل اللي تسويه الزوجه لزوجها وكل حقوقه عطيتها اياه
لكن من غير مشاعر.. وفوقها هم وحزن وكآبه..
انا اللي امر فيه الحين ما اتمناه لعدو.. فما بالج بتفكيري بالطلاق شلون راح يكون؟!
وانا مثل ما بينت وكتبت ما انكر ان في ايام اكون فيها شبه مستقره وقادره اضحك واسولف بس تنعد على الاصابع يعني بالشهر يمكن 5 ايام بس!.. وكل ما قربت الدوره كل ما صارت حالتي اسوأ..

الله المستعان

 

[catgirl55]

اختي شكلك حساسه مررة وماتقبلتي التغيير اللي صار بحياتك ورفضك لزوجك هو من رفضك للتغيير اللي صار لك ومن كل هالافكار صار فيك اكتئاب
حاولي تروحين طبيب او اخصائي نفسي والله راح ترتاحين كثير وتستقر حياتك طبعا مع القراءة والاستغفار

(وحده قريبتي حالتها قريبه من حالتك وكانت ماخذه حبوب منع حمل وهذا اللي زاد عليها سببوا لها اكتئاب وتعالجت والحمد لله حياتها كل يوم للاحسن )

 

[tomi]

جربي تبتعدين عنه فتره وشوفي هل ترتاحين او تشتاقين له ؟؟

لا تقنعين نفسك انك كارهته

وفكري : تتوقعين لو تتزوجين غيره بتصيرين سعيده ومرتاحه ؟؟

ابتعدت عنه وسافرت ولا حسيت اني مشتاقه له!

 

[tomi]

اختي شكلك حساسه مررة وماتقبلتي التغيير اللي صار بحياتك ورفضك لزوجك هو من رفضك للتغيير اللي صار لك ومن كل هالافكار صار فيك اكتئاب
حاولي تروحين طبيب او اخصائي نفسي والله راح ترتاحين كثير وتستقر حياتك طبعا مع القراءة والاستغفار

(وحده قريبتي حالتها قريبه من حالتك وكانت ماخذه حبوب منع حمل وهذا اللي زاد عليها سببوا لها اكتئاب وتعالجت والحمد لله حياتها كل يوم للاحسن )

حاولت اوصل حق اكثر من استشاريه لكن كلهم مشغولين ومنهم أ.ناعمه و أ.موزه!
هل تعرفين استشاريه اقدر اتواصل معاها؟!؟
انا ما اخذ حبوب منع الحمل بالعكس انا اتعالج من الاكتئاب عند دكتوره نسا!!
واخذ ابر للاكتئاب لكن المشكله انها فتره وترد حالتي مثل ما كانت..

 

[tomi]

يليت وحده من الاستشاريات ترد على موضوعي.. لاني محتاجه الاستشاره..
اختي vip جيكي الخاص

 

[catgirl55]

اختي مااقصد استشاريات مملكة بلقيس
لا روحي طبيب نفسي عادي
بعدين حبيبتي انتي قلتي اساس المشكله بنفسك انك تعالجين عن الاكتئاب عند دكتورة وصدقيني الاكتئاب يقلب حياتك فوق تحت وكل شي بحياتك يكون ماله طعم وحزين
انتبهي اختي ولاتهملين نفسك والله راح تخسرين زوجك وحياتك
وواضح ان زوجك طيب ومتحملك بالحاله هذي
الله يعينك ويوفقك

 

[أحلى فراشه]

حاولي تغيريين نظرتك له انتي قلتيها بنفسك عقدتك ابوك وتزوج على امك والثالثه بالطريق مع انه امك مو مقصره

علشان كذا انتي خايفه خايفه يكسر قلبك ويدوس عليه وحتى لو تزوجتي غيره بظل نفس المشكله على مااعتقد

حاولي ماتفكرين بهالطريقه السلبيه اذا ظليتي على هالتفكير صدقيني ماراح تعيشين

حاولي تكسرين نفسك وتقربينه منك تخيليه الحين يروح لوحده ثانيه ويكلم غيرك اويعرس عليكي ماراح تنقهرين

حاولي تروحين لااخصائيه باسرع وقت تحل لك مشكلتك وحاولي هالفتره تقربين منه

وركزي على الايجابيات ولا تخلين افكارك سوده وسلبيه

باختصار انتي الوحيده اللي تخلقين لك الجو اللي تعيشين فيه

يعني طالعتي الدنيا حلوه بتشوفينها حلوه طالعتيها سيئه بتشوفينها سيئه

طالعتي زوجك احسن واحد بهالدنيا بتشوفينها احسن وااحد بهالدنيا والعكس صحيح

غيري افكارك وقعدي مع روحك تبين ترجعين بيت اهلك وقعدين وتكونين مطلقه

ولا

تتحدين نفسك وتحبينه وتعيشين اسعد وحده غصب عن عين العذال وتعيشين معاه احسن حياه

فكري زين وانا اشوف ان الحل الاول تحذفينه وتختارين الطريق الثاني

انت الوحيــــــــــــــــــــــــده اللي تقدرين تغيرين حياتك



لاتنسين الصلاه والدعاء وكثري الاستغفار وشغلي في بيتك سورة البقره علشان يبعد عنك الشر واهله

واتمنى اني افدتك حياتي

وطمنينا عليكي

دعواتي لكي....

 

[MP3]

واناانصحك تشتركين بدورتحفيظ قراااان وان شاء الله بترتاحين شوي شوي والله يصرف عنك الهم والغم