السفر رااح يجنني

[بنت الربيع]

السلام عليكم
عندي مشكله رااح تجنني:busted_red: زوجي الله يهديه يبي يسافر مع عمه وربعه هاليومين وانا مو موافقه لانه لسى مسافرقبل 5 شهوروطبعا وانا بالنفاس وكنت باشد الحاجه له والحين امتحاناتي قربة وهو ملزم على السفر انا مو رافضه هالسفره انا رافضه المبدء بالسنه عشر مرات طبعا انا مادري وش اسوي هو كان يقول بالسنتين مره هالحين اشوف العكس وانا ماراح اخلي هالموضوع يمر على خير بس مو عارفه كيف اتصرف ؟؟؟؟؟؟ايش رايكم بنات كيف اخليه يحرم؟؟؟؟بصراحه مليت موحاله .واللي عندها نفس نوع زوجي كيف اتصرفت وهل اقلع عن السفر؟؟؟
راح ابكي من القهر

 

[ذكريات جميلة]

عزيزتي ... مشكلتي نفس مشكلتج .. ريلي يهوى السفر مع الربع .. وماني قادرة أغيره للحين
بس بصراحة .. آخر مرة من شهر تقريبا قال بسافر .. بس قلت له .. ( سافر عادي بس إذا رديت من السفر ما بتلقاني وعيالي في البيت ) وانت حر
عصب طبعا .. لكن بعد اسبوع قال ماني رايح ..
وقلت الحمد لله.. مادري هل عشاني بطل على كلامه ولا لا .. لأن سلمج الله ميزانيتنا أصلا تعبانة شوي عشان نبني بيتنا .. بس هو كان يقول انه يبي يسافر على حساب الربع..
هالمرة بطل والله يعين المرات الياية..
الله يصبرنا عليهم بس.. الريال ما يتأمن يسافر بروحه مع الربع حتى ولو كان يموت على حرمته..

 

[بنت الربيع]

والله ياأخت ذكريات كانك تتكلمين عن زوجي احنا مثل ماقلتي الحاله الماديه وسط ويقول على حساب ربعي ومشكوره حبيبتي والله يصرفهم عن السفر الفاضي عاجلا غير اجل

 

[الــحــلا]

الله يسخره لك ويكره السفر عاجلا غير اجل
ماعليك الا الدعاااء وربي سبحانه راح يغيره ان شاء الله مع كثر الاستغفار وبما انه مع عمه الحمدلله قولي ان رجعت بتسافر فيني!!
انا ابي اسافر بعد الامتحانات

 

[تعبت من الألم]

ياقلبي مافيها شي لو سافر ودام مع عمه وناس اقرباه مافيها شي يعني لو ان اخلاقهم زينه ماعليه خلاف
وانتي تقدرين تخلين مايسافر او يأجلها بأسلوب موب اسلوب بروح لأهلي طلقني ذا مو حل
لأنه ممكني يعند ويسافر وبعدين وش تستفيدين زوجي انا يحب يروح البحرين يعسل والحمدلله انا موب شاكه بأخلاقه لانه يروح من المغرب حده 4 ساعات ويكلمني اذ وصل وطبعا بديت حبه حبه معه
يعني اتضايق اتعمد اقعد بروحي بالبيت والحين انا عند اهلي والله ماصار يروح للبحرين لأني قلت لابوي واحد يروح البحرين وش ابي فيه انا وش يدريني وش يسوي هناك ومن هالقبيل ..
ياقلبي السفر مو مهم يعني لو في شي غلط بيسويه بيسويه سواء هو بديرة ولا خارجها بالعكس خليه يغير جو يجدد حياته وانتي بعد فرصتك اختباراتك يعني مراح تكونين فاضيه له استغلي عدم وجوده وخلصي امورك وقبل مايجي صيري له عروس جديده وغيري من اسلوبك وحاولي تسوين حركات يعني ممكن يوم يسافر ويرجع
تاخذين كروت وتنثرينها بالبيت ووفيها كلمات شوق ولهفه له حسسيه ان حياتك جحيم بغيبته ومن هالقبيل ..
ياقلبي لاتدمرين حياتك وتخلين السفر هو شاغلك بالعكس ممكن تقولين اوكي سافر بس بترجع وحنا بعد بنسافر
او ماتقولين له ويوم يرجع تقولين الحين دوري بسفره ودي اغير جو سوي حركات (نص كم )معه هههههههه
صدقيني بيتغير وبيصير شي ..
دام هذي مشكلتك فهي بسيطه ياقلبي والله يسهل دروبك

 

[رامااا2009]

مادري وش اقولك يا حبيبتي

 

[بلقيــس 2009]

بصراحه مدري شقولك بس اخاف اذا سكتي يتعود يروح والله هالرجال مدري شلون يفكرون اهم شيء وناستهم ....