السحر الحــــــــلالــــ•√

ميرسي حبيباتي على ردودكم

ححاول دحيين اكملكم عن الميك اب جزئية كبيره

وسوري مره تااااانيه لاني حسافر كماااااان مره عارفه اني زودتها وحتضربوني

بس ميمي حبيبي حيكمل 30 بعد 4 ايام ولازم اجيب له هديه فظيييييييييعه
وفكرت فكرت فكرت ولقيت انه سفره + سيارة انسببب شييييييي

حكيت قصه حياتي بس ان شاء الله حكملكم دحيين والسفرة 5 ايام يعني محااطول عليكم

وروني ردوووووووووووووووووودكم الحلوة
ولو عندكم اي سؤال او شي تبغوه قولولوي
​
 
البيــــــــس:
Base، قاعدة الاساس ،أو الاساس التمهيدي ، المرطبات الملونه، التينتد موسشترايزر tinted moisturizer
، البريمر primer ، الكريم المصحح ، كريم السحنه . كلها مصطلحات لمنتج واحد تقريبا ​

فوائده :
يغني عن الكريم المرطب ويعطي تغطيه خفيفه للبشره .
2ـ يشكل طبقه عازله بين البشره والأساس وبالغالب يحتوي على مرشحات شمسيه ( نسبة وقايه من أشعة الشمس )
3ـ يصحح البشره او بالاحرى يمنحها السحنه المطلوبه ، سواء كان المرغوب اضاءه ، او اخفاء الاحمرار او البهتان . أو حتى تحكم بدهون البشره .
4ـ يساعد على ثبات الماكياج .
5ـ يعطي للماكياج رونق ومظهر صحي أقرب للطبيعي.
طريقة استخدامه :
يستخدم بعد تنظيف الوجه ويدهن مثل الكريم والافضل تجنب منطقة العين خاصه إذا كان بلون معين .ويترك خمس دقائق قبل نشر الساس . ويمكن استخدامه لوحده يعطي تغطيه خفيفه ومشرقه خاصه في الصباح ولذوات البشره الخاليه من العيوب وممكن ايضا الاكتفاء بنثر البودره السائبه بعده لمظهر نهاري مشرق ​

في منه شفاف وده اللي انا استخدمو وفي الوان زي​

البيس الاخضر : يغطي الاحمرار .
البيس البنفسجي : يغطي الاصفرار والشحوب .
البيس الابيض : يفتح لون البشره .
البيس الزهري : يغطي البهتان خاصه للبشره المائله للبياض .
البيس البرتقالي : يعطي رونق للبشره السمراء.
البيس الاصفر : يستخدم في الاضاءه القويه ويمتص الضوء.
البيس الازرق: يستخدم للبشره الشديدة البياض الباهته .​

وفي كمان بيس للعيون​

اغلب الماركات عندها بيس​

واحسنها ميك اب فور ايفر​
 
يعطيك الف عافية و مشكووره على ا لموضوع الحلوو
 
ميمي حبيبي اهنييييييييك ماشاء الله تبارك الرحمن بصراحه موضوعك خيااااااال ويستحق التثبيت وسبع نجوم كمااااان

مره مره مره استفدت الله يسعدك ويوفقك ويسخرلك زوجك وأولادك ويخليكم لبعض ويكفيك شر الحسد والعين

صحيح اني مو متزوجه بس قاعده ادرس منكم 
 

ميرسي لكل اللي ردو

وسوري على التأخييييير

دحين حكملكم جزئية الميك اب​
 
طيب دحين حنتكلم عن كيف تحطي المكياج

بالترتيب اول شي البيس تاني شي الاساس تاالت شي الكونسيلر ورابع شي البودرة والاخير احمر الخدود في ناس ماتحتاج بودرة اوكي مافي مشكلة

دي الصورة توضح فين تحطي الغامق وفين الفاتح بس في شي صغير الي عندها فوق عيونها غامق تحط فاتح والمقصود بالغامق والفاتح الاساس اللي هوا الغامق والكونسيلر اللي هوا الفاتح

ونصيحه يابنااااااااات لاتشترو درجات فااااااااااتحه بالمره في كتير بنات يعملو كدا قصدهم يفتحو بشرتهم بس شكلهم يطلع مرررررررررره مو حلو كانهم حاطين دقيق



eIT51077.jpg



اه انا شكلي نسيت اقولكم كيف تختاري كريم الاساس سوري سوري

هوا المفروض انك تحطي تلاته الوان وتدمجيهم على بشرتك وتشوفي الاقرب وتختاريه على المنطقه الي ولا اقولكم وعلى ايه شوفو

neck4.JPG


دي مدري ايش حصلها حاطة على رقبتها اتجننت المهم هوا المفروض على طرف الوجه عشان تشوفي يناسب الوجه والرقبه ولالا لو قدرتي كوييييييييس ولو ماقدرتي ودا الاغلب اعملي نفس الحركه في يدك بس شوفي اقرب حته في يدك لونها يشبه للون وجهك وجربي واختاري كريم الاساس وبعدها خدي الكونسيلر افتح بدرجه او درجتين حسب درجة الغامق عندك والبودره نفس الاساس

دحين حطيتي البيس زي اي كريم بيدك عاااادي

بعدها الاساس

طبعا لو شرحت قد ماشرحت ماحتفهموني ومااعرف نظام الفيديو هنا بس شوفو دا

للناس اللي تستعمل فرش وانا اايييييييييييد وبشده الفرش

شوفو ده

http://www.youtube.com/watch?v=08cpVB5ChiY
والناس اللي تعمل بالاسفنج


شوفو دا

http://www.youtube.com/watch?v=fiyG0QECOto​
 
ااااااااااه

سوري سوري سوري كمان نسيت اقولكم اشياء عن الاي شادو

في ناس عندها المطفيه وتحط عليها لمعه وفي ناس عندها اللي بلمعه

انا عندي الاتنين

بس اكتر شي اقتصادي جيبي المطفيه واللمعه وبالنهار حطيها مطفيه وبالليل حطي عليها اللمعه​
 
لاتنسو تردو حزعل منكم لو مارديتو

حتوحشوووووووووووووووووووونيييييييييييييييييي

لو عندكم اي سؤال او اي شي قولولي هوا لاتستحو

يالله سي يو​
 
هلا الغلا ....
اريد اسأل إن كان في كريم تفتيح مناسب للبشرة الدهنية (يعني يمكن استخدمة اغلب اليوم) بس يعطي نتيجة طبيعية مثل اولاي بالتوت(ما حصلته في المحلات حاليا) لان بشرتي حساسة جدا و تطلع معي حبوب إن استخدمت كريم الأساس و احسه ثقيل ع البشرة..

و في بعد سؤال كيف ازيل المكياج بشكل كامل ايش المفترض استخدم..

عاد اعذريني اسألتي كثيرة ... بس بعد بالنسبة للبخار للبشرة كم مرة اعمله و الطريقة إن امكن (لبشرتي الدهنية)

و بالنسبة للإستشوار عادي اعمله كل اسبوع مثلا او كثرته تخرب الشعر..؟

مشكورة جدا الغلا ..الله لا يحرمنا منك
 
حبيبتي الابداع

في كريم اسمه SENSIQUIN مره كويس للتفتيح مع واقي شمس

كمان بالنسبة للمكياج افضل شي الحليب مزيل المكياج من كلينك

وكمان تونيك الرز انقعي اي نوع رز نص ساعه وخدي الموية وضيفي لها ماء ورد مررررررررره كويس للبشرة

والبخار انتبهي تكتري يفتح مسامات الوجه ويشوه منظره مره في الشهر ولو نظفتيه مرتين باليوم وقشرتيه مره بالاسبوع مع منشفه فيها موية دافيه مايحتاج الا كل 4 شهور مره لانه مررررررره يفتح مسام الوجه واكتر ناس يحتاجوه اللي عندهم حبوب وبقع ومشاكل بالوجه

طريقته :

تغسلي وجهك وتنشفيه بعدين بتعرضيه للبخار وبعدها بتفركيه بمنشفه وبعدها تحطي عليه المقشر وتفركيه بعدين تغسليه بمويه داافيه وتجففي وتحطي ماسك للبشرة الدهنية انا عني استعمل الطين وتحطي خيار على عيونك بعدين تغسليه بمويه بااااااارده وتلج وتجففيه وتدهني كريمك اللي متعوده عليه وبس

وبالنسبه للاستشوار عادي بس انتبهي للسيروم قبل وسيروم بعد وماسكات التغذية والفرشاه والشامبو واكلك اهممممم شي

وعادي حبيبتي لاعذاب ولا شي انا بالخدمه

ان شاء الله اكون افدتك​
 
مشكورة الغلا ما قصرتي ... بس الكريم SENSIQUIN وين ممكن احصلة؟ موجود في الصيدليات؟ و يناسب البشرة الدهنية لأن تعبت كل ما حطيت كريم جديد ع وجهي يعملي حبوب و الحين فقط استخدم فيراند لافلي .
 

ايوا حبيبتي موجود بالصيدليات

ويناسب البشرة الدهنية

تحطي مرتين قبل النوم ولما تصحي قبل ماتروحي الدوام
او حتى لو كنتي بالبيت​
 
الغلا بعد السيروم ايش افضل ماركه (شعري دهني نوعا ما )...
و المقشر ايش افضل استخدم اي نوعية ؟ ..

مشكروة حبيبتي
 
السيروم افضل شي لوريال قبل الاستشوار وبعد كريستال

والمقشر افضل شي كلينك
 
انا اقولك عقلك وين ,عقلك عند ميمي حبيبك ^_*

حبيبي عندي كم سؤآل

الفرش اللي بااول يوتيوب مآعندك خلفيه مآركة ايش لانو مرررررره ختيره

الشي الثاني اش الافضل منتجات باث اند بودي ووركس ولا فكتوريا سكرت

جد جد مرررررررررررررررره شكرا ع الموضوع من الا ول للاخر كلو ذوق

وبث ^^
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل