الزوج والزوجه تاركي الصلاه

[حلا وغلا**]

اخواتي اريد نصحكم واريد من كل واحده ان تضع نفسها مكاني وماذا كانت ستفعل لدي احد اخواني يصغرني بسنه متزوج وله طفله المشكله انني اراه تارك للصلاه كليا وحتى اذا اذن وقلنا يافلان الصلاه يقول شوي شوي ولايتحرك من مكانه والمشكله الكبرى ان زوجته ايضا لاتصلي يدخل الفرض ويخرج ولاتتحرك من مكانها وتاكد عندما كانت حامل لاتقوم للصلاه وهي ايضا تقوم بنمص حاجبيها وانا لاني احبهم واخاف عليهم اريد حلا بدون ان اجرحهم اعطوني الطريقه

 

[لميـــــس]

اعانكي الله وبارك فيك اختي

اتصحي زوجة اخيك فيما بينك وبينها بأنكي تلاحظين على اخيك التفصير في اداء الصلاة

وليس تركها وانه قد يلاحظه كل من حوله وربما ينفرون منه وان عليها نصحه وعدم السكوت عليه

قومي بنصحها على اساس ان تنصح اخيك وهي بدورها ستفهم انكي لاحظتي عليها ذالك ولكن دون اتصرحي لها يكفي ان تلمحي

حتى لا تكسبي عداوتها ونفورها منكي ومن النصيحه انصحيها بالليل والتذكير بالاجر

وماذا ستخسر عندما يقصر زوجها بالصلاهوانه تحمق البركه ويعم الحزن وتكثر المشاكل

انصحيها بلللين واحرصي على ان تسري بالامر فيما بينك وبينها

اهديها كتب عن الصلاة والتذكير لعل الله ان ينفع بها

هذا ما لدي وادعو العزيز الجبار ان يصلحهم ويهديهم

وجزاكم الله كل الخير

 

[كلي رقه واحساس]

اولي تسردين لها قصص عن فلانه مثلا تكون بالخيال وتقصيره بالصلاه وانتي وشطارتك من بعيد حاولي انك تلمحين لها الله يهديهم

 

[الدكتورة نبضة قلب]

في الويكند لما تجتمع العايله سووا جلسه صغيره درس ديني
وابدؤوا بالامور الاخرى مثل الصدق..بر الوالدين
الين شوي شوي تجون على الصاله


او ممكن تسوين توزيعات للجميع وتشملينها معاهم
على اساس انج ما تقصدينها هي بالذات
​

 

[وجوووود]

حاولي تذكرينهم باهميه الصلاه وتلمحيلهم عن عقاب تارك الصلاه...اذا مافي فايده...
حاولي تزعلين منهم وتقوليلهم ان من الحرام اني اجلس مع ناس ما يصلوون...
الله يهديهم...

 

[CANCRO]

عزيزتي انا اؤيد كلام الأخت (لميس)
ادخلي عليها من باب اخيك الله يصلحة ويهديه غصب عنه..
وقولي لها ان كل جيل مخلص بالعبادات مقارنة بالجيل اللي بعده
واذا كان هذا حال الاب وين بتوصل البنت بالتقصير
وكلمة منك على مثال من هنا وقصة من هناك
والله يصلحهم ويهديهم لما فيه صالح لهم ولذريتهم..

 

[ام الداعية]

ما قصرو البنات
واضيف جيبى لها شريط مؤثر عن الصلاة
وقولى لها شريط رووووووووووووووووووووووعة والوب رائع وقصص وامدحى الشريط وحمسيها قبل ما تعطينها اياه
انا سمعت شريط صلاتى نجاتى لعبد المحسن الأحمد جدا تأثرت به

 

[سماهر الحلوه]

فيه شريط روعة اسمه الصلاة تشتكي
ل خالد الراشد

مؤثر جدا جدا جدا ..حطيه بسيارة اخوك ..او اعطيه لزوجة اخوك

قولي لها في قصص حلوه ودي انك توسعين صدرك عليها

وقولي لها كمان هذا الشريط انا ما شريته جاني هديه من وحده

عشان ما تحس انك شاريته عشانها ..

ويارب يهديهم على يدك وباذن الله يكون اجرهم لك

وحاولي انك تعزمين وحده عندها قدره للحوار معكم مثلا وتتفقون انت وياها تفتحون مواضيع ل حد ما توصلون للصلاة وتتناقشون مثلا وحرمة اخوك تسمع ...ويارب يهديها يااااااااااااارب

 

[حبيبت رشيد1]

اهلين اختي الله يهديهم وينورعلى قلوبهم الايمان وطاعة الرحمان قوليها قصة ان مثل صديقتك ماتصلي وتاركه الصلاة وتنمص وانها ماتت على معصيه وقولي اني نصحتها انها ناتنمص وقولي لعن الله النامصه والمتنمصه والعن هو الطرد والابعاد عن رحمة الله وتارك الصلاة كافر

 

[ربي ارحمنا]

اختي اولا احييك لحرصك على الصلاة...........
ثانيا فيه قصص عن تاركين الصلاة عند الموت يقشعر لها البدن ....... اذا جلستوا جلسه عائليه حاولي تفتحون موضوع الصلاه وقصي هذه القصص واخبريهم ان تارك الصلاه لايغسل في المغاسل ولا يصلى عليه ولا يدفن في مقابر المسلمين........
الله يهديهم...........

 

[om alreem]

انصحيهم اختي تارة بالكلام وتارة بالاشرطة
ولا تنسي تدعيلهم
الله يهديهم