الزوجه الشكاك شنو دواها ؟

[ام اللين]

السلام عليكم اخواتي العزيزات ابي منكم مشوره اونصيحه لعل تصلح حالي انا انسانه شكاكه وغيوره على زوجي واخاف انه يشوف غيري واولع اذا شفته مدح غيري واحس اني ودي اضبحه ودايما انا وياه هوش على شان هالموضوع والله تعبت كل يوم افتش جواله وايميله وحتى بوكه وسيارته واذا شرى له جوال جديد خاصة اللي نازلات جديده اسوي سالفه واخليه يعاف حتى الجوال مع اني ماشفت شي يثبتلي شكوكي بس مجرد افكار وساوس تجيني اني لازم اظل وراه ولا بيضيع مني والله يابنات اني لما اقرا قصص الخيانه ولاوحده تقول زوجي تزوج علي احس قلبي يعورني وابكي واخاف انه يجيني يوم ويرميني ولايعترف بي ريحوني ولو بدعوة الله يعطيكم لين يرضيكم ​

 

[LoLo CaTi]

السلام عليكم ورحمه الله وبركاتة

أختي العزيزة

مادام انت أعترفتي ان الي تسوية غلط فهذا شي كويس

وشوفي الحرص الزيادة هو الي حيخلية يحس انو مخنوق منك ويطفش

وزي ماتشوفي قصص الحريم الي يخونوهم أزواجهم شوفي قصص الحريم الي كسبو قلوب أزواجهم

وصاروا أزواجهم يجرو وراهم

عزيزتي لا تخلي زوجك والحفاظ علية أكبر همك وأشغلي نفسك بشي مفيد فيه طاعة لله

وشيلي زوجك من بالك وحاولي تستمتعي معاه بالحياة مو تخليها نكد

خاصة وانت تقولي ماشفت علية شي

استهدي بالله وأتعوذي من الشيطان ولااااااااااااااااا تخربي بيتك

أحذري ثم اااااااااااااااحذري

أتمنى لك السعادة النفسية دنيا وأخرة​

 

[يالوردي]

انتبهي ترى الشك بينقلب ضدك لان محديتحمله

 

[حلمي ما أكتمل]

الي تسوينه غلط × غلط
نرى زوجك راح يمل ويتعب
من شكوك وراح يتذمر منك
ويمكن يبتعد عنك ..
فاخليك ذكيه وارزعي الثقه بنفسك وبزوجك
والله يوفقكم ويهنيكم ببعض يارب ..
دعواتك لي بتفريج همي

 

[حبيبته لحـــالي]

سوي اي شي اهم شي انتي ترتاااح نفسيتش

 

[نووووفه]

وشيلي زوجك من بالك وحاولي تستمتعي معاه بالحياة مو تخليها نكد

خاصة وانت تقولي ماشفت علية شي

استهدي بالله وأتعوذي من الشيطان ولااااااااااااااااا تخربي بيتك

أحذري ثم اااااااااااااااحذري
مثل ما قالو البنات لاتطيرينه منك بالنكد والشك

 

[نوود موود]

طيب ما سألتي نفسك انت ترضين يعاملك بنفس طريقتك معه ؟
ماسألتي نفسك متى بترتاحين إذا هذا اول حياتك ؟؟ وإلى متى ؟؟
عزيزتي
اول الحلول هو الاعتراف بالمشكله .. وانت اعترفتي بها ليش الاستمرار عليها ؟؟
تعوذي بالله من ابليس .. الشيطان بيخرب حياتك ..
وش رايك إذا حصل وفتشتي بوكه او جواله او ايميله تروحين تصلين لك ركعتين .. وبكذا بتحاربين الشيطان ومع الوقت رح تنسين التفتيش والشك بإذن الله تعالى
اتمنى ما تتضايقي من كلامي بس حبيت تفكري بالموضوع من ناحية ثانيه ..
الله يوفقك ..​