الزوجه الثانيه

انا اعطيك الجواب الشاافي
زوجي اذا كان عند زوجته الاولى هو يبدأ يرسل لي وارد علي
ومايحلى له الكلام الحلو الا اذا كان عند الاولى
ويعاتب او يرسل لي كلام حب او يعلق على تصرفاتي
ونتراسل لين ينام

اتوقع زوجك هو اللي يبدا بالرسائل
 
خافي ربك وانتي معجبك الوضع ترا الدنيا ماتصفا لاحد ،،،،
ياعيني كل هذا حب وغرام لو كنتي راقيه ومحترمه نفسك كان نبهتيه ان في الليله هذي مو ملكك (حب لأخيك ماتحب لنفسك)
وتراه مثل مايراسلك بليلتها اكيد انه يراسلها بليلتك لين ينام ،،،،،
 
واثقة بنفسي قال:
حبيبتي

أول شئ انصحج فيه اهو تغيير اسمج
ليش كل هذا التشاؤم
مجروحة بضره
خليها اتولييييي
لا تؤثر على حياتج
تقبلي الامر الواقع
ولا تعتبرينه جرح
تراها ما تسوى
حبيبتي خلي ثقتج بالله كبيره ومن ثم ثقي بنفسج
عيشي حياتج
وحبي ربج
ثم حبي نفسج
ذابحه روحج على شنو؟؟؟
على ريلج
وضرتج؟؟؟؟
كلش ما يسوى
اهي اعرفت تستفزج بمسجاتها
خلج ثلجه
والدليل اسمج بالمنتدى مجروحة بضره
حبيبتي
خليها صفر على اليسار واذا دزت مسج غرامية بليلتج
انتي دزي عشر بليلتها المنتدى متروس مسجات
ولا تزعلين ولا تنجرحين
أوكي
شرحي قلبج ووسعي صدرج
وان شاء الله نسمع منج احلى الاخبار​
أنقر للتوسيع...


مشكوووره اختي واثقه من نفسها

كلامك برد خاطري

ماراح ارسل بليلتها لاني اراقب من هو فوقي وفوقها

حسبي الله على الظالم
 
قطـــــريه قال:
انا زوجه ثانيه واشوف الموضوع عادي اشدخل المسجات بالليله عندج ولا عندها .. يعني زوجها عندها بيومها تدز له مسجات شولا ؟ الطبيعي انها تدز مسجات في اليوم الي ماراح تشوفه فيه .. وعن نفسي عادي لو دزت له الاولى مسج ولا دقت عليه بعد ما يضرني بشي عادي سهالات .. والي تقول ان الزوج لمن يتزوج بيرد لمرته الأولى .. خواتي ترى مو دايما يرد لبيته ومرته الأولى خاصه ان بعض الحريم ماتعرف تتفاهم مع زوجها وهملت فيه ولا بدت تهتم بنفسها شوفوا انا شقلت " بنفسها " مو بزوجها الا بعد ما يجيب على راسها ضرة .. لان الزوج يحب الي تهتم بنفسها .. مو تخلين ريلج كل شي وتقعدين تركضين وراه وتلاحقينه وطول عمرج وانتي تخططين بقميص نوم مغري بليله حمرا .. وشموع وغيره .. انا ماقول هالاشياء مب مهمه ومالها دور .. بس هالاشياء وقتي يعني الي بتطلعين فيه منها ليله مع ريلج وبتمر ولا كأنج سويتي شي .. لانها وسيله واضح منها الجنس فقط .. والرياييل الحين تفكيرهم مو كله بالجنس .. انا متزوجه وزوجة ثانية ولا افكر اسوي له حفله مادري ليله حمرا ولا خرابيط وشموع .. بس السر الي عندي اني فهمــــــــت زوجي عدل .. وفرضت عليه شخصيتي بطريقه راقيه .. وحسسته اني انسانه راقيه واتعامل واعامل الناس برقي ..
أنقر للتوسيع...

ما شاء الله عليج وعلى واقعية كلامك
:c011:​
 
خليها على راحتها وقوليله انا يوم تكون عندي ماريدك ترد على مكالماتها او مسجاتها الا اذا ضروري بالحاجه القويه اما دلع لا مش عندي لييلتي تكون لي وحده وامسكي التيلفون وخليه على الصامت او اقفليه او ابعديه عنه

انا زوجه ثانيه لكني ما اتصرف بالطريقه هاي الا اذا كنت محتاجه في شي مهم ابعد عنه اخليه يشتاق يفكر شو اسوي انا الحينه وليش ماازعجته صدقوني ياخذ اي فرصه بس يتصل يكلمني حتى لو داخل او طالع برع او في الميلس حتى لو مسجات المهم يتواصل لاني مازعجه واذا انزعجت مثلا اقوله كلمتين بالمسج وابعد عنه ووعده بالاتصال به لكني ابتعد ماتصل فقط عندي استقلاليتي
 
صح كلامج يالقطريه مليون بالميه الحريم الاوليات تفكيرهم انه اذا تزوج عليها بيرد نادم ليش طيب قولي الاسباب ليش كل التركيز لما تزوج عليج طيب وينج قبل وينج لما يلمح عليج بعاطفه اهتمام وينج لما يبغي مساحته

الرجل يبغي وحده تفهمه تفهم كل خطوه فيها مب تراقبه وتهدد وتخوف ولا تصارخ وليش تكلم وليش اتسوي

الله كتب في كتابه (( ان كيدهن عظيم )) استعملي الكيد ووشوفي
 
السلام عليكم ورحمة الله وبركاتة
أختي الحبيبة أسأل الله العظيم رب العرش العظيم أن يمسح على قلبك ويصبرك ويرضيك عن ما كتبة الله عليك
من رض فله الرضا ومن سخط فعلية السخط
غاليتي أنا أرى أن المخطأ في الموضوع هو:santa_1:نعم هو زو جك ....
يجب أن يضع حد لهذه المسألة حتى لاتزيد المشاكل :busted_red:
يجب أن يأمرها بعدم إرسال الرسائل أبدا في يومك
على فكرة غاليتي أنا زوجة ثانيةولكن من فضل الله أنا وأختي نحترم بعض وليس بيننا أي مشاكل من فضل الله علينا وهذا كله بفضل الله ولأن زو جي الحبيب وضع حد لكلينا فما هو ممنوع ممنوع
لا اتصال ولا رسائل هذا اليوم من حقي فهو حقي ويومها هو حقها
عزيزتي تكلمي مع زوجك بهدوء وأخبريه أن هذا الامر يضايقك وأنك تستطيعين عمل ذالك مثلها ولكنك لاتحبين المشاكل وأن عله أن يكون حازما في الأمر
وأخيرا عزيزتي أسال الله ا، يمسح على قلبك ويسخر لك زوجك:icon26::icon26:
 
طرايف قال:
صح كلامج يالقطريه مليون بالميه الحريم الاوليات تفكيرهم انه اذا تزوج عليها بيرد نادم ليش طيب قولي الاسباب ليش كل التركيز لما تزوج عليج طيب وينج قبل وينج لما يلمح عليج بعاطفه اهتمام وينج لما يبغي مساحته

الرجل يبغي وحده تفهمه تفهم كل خطوه فيها مب تراقبه وتهدد وتخوف ولا تصارخ وليش تكلم وليش اتسوي

الله كتب في كتابه (( ان كيدهن عظيم )) استعملي الكيد ووشوفي
أنقر للتوسيع...

حبيبتي ..... عندما يتزوج الرجل بإمرأة أخرى
وهو ينتظر أن تقصر معه زوجته .....فهذا من
وجهة نظري (رجل نااقص ) .... فالرجل إذا
اراد الزواج لا يحتاااج إلى وجود سبب في
زوجته ... فالشرع قد اباح له ذلك بدون
شروط .... طبعاا مع وجود الإستطاعه والعدل
فالرجل الذي يرمي على زوجته أسباب
زوااجه من الأخرى .... فهو ليس برجل .....​
 
لا تنكدي ع ريلج وتتصارخين عسبت مسج

بهالشكل راح يكرهج خليج رلكس وحاولي تمثلي هدوءج

تراها هدفها النكد فلا تحققي هدفها

وانتي اقهريها بهدوءج ...
 
عزيزتى انا زوجة ثانية ولكن يشهد الله انى ما حاولت اتصرف كذا واحاول دائما اراعى شعور ام العيال ولا تعتقدين ان كل زوجة ثانية جاية تاخذ منها زوجها ولكن ذى قدرةالله وحكمتة التى يجب ان نرضى بها والله يصبرك يا حبيبتى
 
الي يدخل على الموضوع يرد على استفسار الاخت مو يزيد الطين بله

اتمنى يكون الرد محترم ومراعاة لمشاعر اختنا

اختي الجروحه ادعي ربك هو اعلم بحالك ادعيه يصرفها عنك في ليلته واتركيها اخالقها يحاسبها

لابد بتنشغل عنه في يوم من الايام انتي عيشي يومك مع زوجك مهما اتصلت او ارسلت طنشي

ولاكأنها اتصلت كأنه واحد من ربعه المهم انك توكنين واثقه من نفسك ولايهمك الا رضى ربك
 
هي بتحرج فحريها وعناد عليها تضحكي لما تدق عليه جنه قاعد يتغشمر وياج واذا بليل قوليله تبي عصير فريش حبيبي حياتي وبمياعه خل تسمع وتحتر وبليلتها طرشيله مسجات غزل وحب وغرام خل تفتر هي بتفرج فريها
 
والله ياقلبي انا مع واثقه بنفسي بكل كلمه قالتها كفت ووفت صراحه
اذا رسلت رسائل غزل وغرام عاااااااااااااااااادي طننننننننننننننننشي
وسوي نفسك ولاشي هي تسوي كذا تبي تخرب ليلتك حبيبتي
انتي خلك ثلج ولاتعلقين
ومن يصير زوجك عندها
ارسلي له بدل والوحده 10 مسجات وخليك ريلااااكس
واهي بكذا بتنقهر وليلتها بتتكدر
وانتي خليك مبسووووطه على الاخر
البادي اظلم
 
حياتي مجروحه كلمة حسبي الله ونعم الوكيل
تكفيك والله فانا من يوم اقولها تثور بينهم مشاكل
ولا تفتحين جواله ابدا وخلي يومك يوم حب وهيام ولاتسوين زيها ابد لانك بتكونين اخذتي حقك لكن خلي لي ياخذ حقك الله سبحانه
وتعالى
 
بعتذر كتير
عندنا ما بيتجوزا الرجال وحدة تانية يمكن بلمية واحد بكون زوجتين
ولكن رايي انك تجاهليها وخليها تموت بغيظها ولا تخربي ليلتك عليك ودلعي جوزك وهنيه وغنجي كتير
 
الوحده فينا تراعي زوجها عشان ما يتزوج عليها بس دامه تزوج خلاص شدي وخذي حقك منه واذا بغيتي شي جبيه غصب عنه واذا على الرسايل قولي له اذا لك شخصيه عندها امنعهاااااا

ولا داويها ورسلي لها رسايل في ليلتها

اووووووووووووووف اكره اي رجل يعدد وحرمته مهب مقصره معه حسبي الله ونعم الوكيل في كل زوجه ثانيه ما تخاف الله في زوجته الاولى وصدقني كل طير مارده لعشه هو الاصل

والله يكون في عونك ويثبتك ويخلي لك عيالك هم الي راح يدمون لك احرصي عليهم ولا الرجال ما راح يقوم فيك اذا كبرتي ويسعدك وين ماتروحين
​
 
ردي لها الكيل بمكيالين ارسلي رسايل افضع من رسايلها مثلا تذكرحبيبي ايام شهر العسل وانت بعز شبابك
تذكر ايام زاجنا الاولى وكنت انا اول حرمه عرفتها ساعتها تحس انها التاليه ومالها من باقيه وتحرم ترسل وجع بوجها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل