((( الزوجه الأولى وكلام الناس )))

[أبرار سالم]

اختي علامات الاستفهام على البيت اللي فوق؟ ترى انا اقصد فيه ان اي وحدة جاية تكلمك عن شماتة الا ماتلاقي نفس الوضع في نفسهااو بناتها

مشكوره أختي على التوضيح ..مرات الأبيات لها معاني كثيره وسلاح ذو حدين
والحمد لله على كل حاااااال

 

[أبرار سالم]

طنشيها تبي تصيد في الماء العكر وبينيلها ان ما في احسن منج وليش تبينيلها هذا واقع ما شاء الله عليج اجتماعية والدليل ع كلامي موظفة يعني تشوفين اجناس والالوان واكيد بدل الربيعة عندج اكثر من وحدة شوفي نفسك غاليتي وان شاء الله يرجع لك ويرجع لبيته وطمنينا عليج....

مطنشتها والله ومنطشه غيرها ولا قاموا ولا قعدوا عندي .. هذه خطوات الشيطان اللي
الله سبحانه حذرنا منها .. يجي الواحد بنصيحه والقصد منها شي ثاني .. ولا طاح الفاس
بالراس قالوا ما قلنا لج شي ... شدعوه كل هذا ما قلتوه شنو يستفيدون اذا تطلقت ولا سويت
شي حرام مثل السحر .. خلاص الريال تزوج وعنده عيال أكبر من ولدي ولو يبي يطلقها ما يقدر
الحين شي أكبر مني ومنه .. من سنين ينطر العيال والحين أقوله قط عيالك اذا تغليني>> مو صحيح
صج أغار منها وأحتر وأنفعل وأبكي والله العالم بحالنا بس هذا كفايه ما يحتاج الناس تزيد وتعيد
بالكلام والملام .. الكلام والله يجرح بس يقول المثل ما يحس بالجرح الا صاحبه والله يعييييين

 

[احلى اثنين]

الله عليج وعلى عقلج الكبير

مرحبا ابرار
شدني وايد اسلوبج انا اشوف انه الناس بترمس في ها الموضوع لين يملون لانه جديد وتوه صاير اصبري وكل حد بيسكت خلاص حتى انتي بتملين من هاي السالفه وبيصير عندج كل شي عادي وما دام زواج زوجج له سبب وانتي راضيه طنشي اي حد ثان ومسيرهم يسكتون والسالفه اتعدي يا قلبي وعشان عيون ولدج كل شي يهون صح؟؟:blush-anim-cl:

 

[عبق الياسمين]

يا حبيبتي حلوج الناس عمرها ما تتسكر وأنت ما عليك الا انك تسوي نفسك مو فاهمه أو مو مهتمه ومعهم معاهم بيسدوا حلوجهم والله بيسكتهم بس انت لا تحطي ببالك

 

[NO women NO cry]

يا الغاليه........... خليج كووووووووول .......
وكل ما كنتي كوووووووول يموتون من القهر....
لكن اللي يدوس لج على طرف ويتكلم بكلمه
لا تسكتين له .......... وخلي ثقتج بنفسج
كبييييييييييييره......

 

[ا روان]

أبرار طبيعة الحريم تختلف من وحدة لثانية
بعض الحريم فضوليات وجريئات تتدخل في حياة غيرها
في المقابل بعض الزوجات من يوم ماتسألينها عن شي بسيط على طول تقول كل اللي عندها وأحيانا تقول شي ماكنت تتوقعينه منها تتكلم عن خصوصياتها وزوجها وحياتها وحياة أهلها بالزين أوبالشين
عشان كذا تلاقين قدامك الفضولين بيسألونك وهنا يجي دورك أنت إذا ماحبيتي أحد يتدخل بخصوصياتك صرفي الموضوع نهائي حتى لو بشي تافه
مثلا تسأل عن زوجة زوجة أنت إقلبي عليها السؤال كيف حالك أو أي شي تفهم منه إنك ماتحبين أحد يسأل عن خصوصياتك
قريبتي زوجها تزوج بالسر وهي عارفة وبعض الناس عرفوا وفي مناسبة وحدة جلست بجنبها وقالت لها إنه هو زوجك تزوج ؟؟طبعا هاي المره من باب الفضول وليس الشماته فقريبتي قالت أنت سمعتي أنه تزوج أنا ماسمعت طبعا المره إنحرجت قالت لالا أكيد أنا سمعت غلط وقامت من مكانها وقريبتي بكل ثقة جالسة ولا همها أحد
فمن الأفضل لكل أخت ماتحب أحد يسألها عن خصوصياتها إنها ماتعطي أحد وجه بالكلام وزيادة القيل والقال وخليكي على شياكتك ولاتعطين الناس اللي عندك أبد وبكذا هم أنفسهم بيهابونك ويعملون لك ألف حساب
الله ييسر أمرك ويشرح لك صدرك​

 

[أبرار سالم]

مرحبا ابرار
شدني وايد اسلوبج انا اشوف انه الناس بترمس في ها الموضوع لين يملون لانه جديد وتوه صاير اصبري وكل حد بيسكت خلاص حتى انتي بتملين من هاي السالفه وبيصير عندج كل شي عادي وما دام زواج زوجج له سبب وانتي راضيه طنشي اي حد ثان ومسيرهم يسكتون والسالفه اتعدي يا قلبي وعشان عيون ولدج كل شي يهون صح؟؟:blush-anim-cl:

صح ........ تسلمين على الكلام الطيـــــــــــــب

 

[أبرار سالم]

يا حبيبتي حلوج الناس عمرها ما تتسكر وأنت ما عليك الا انك تسوي نفسك مو فاهمه أو مو مهتمه ومعهم معاهم بيسدوا حلوجهم والله بيسكتهم بس انت لا تحطي ببالك

مشكوره أختي على النصيحه الحلوه .. والله كريم ويبعدنا عن القيل والقال

 

[أبرار سالم]

يا الغاليه........... خليج كووووووووول .......
وكل ما كنتي كوووووووول يموتون من القهر....
لكن اللي يدوس لج على طرف ويتكلم بكلمه
لا تسكتين له .......... وخلي ثقتج بنفسج
كبييييييييييييره......

مشكوره أختي على كلامج المشجع والله يصبرنا على البلاء والفتن

 

[أبرار سالم]

أبرار طبيعة الحريم تختلف من وحدة لثانية

بعض الحريم فضوليات وجريئات تتدخل في حياة غيرها
في المقابل بعض الزوجات من يوم ماتسألينها عن شي بسيط على طول تقول كل اللي عندها وأحيانا تقول شي ماكنت تتوقعينه منها تتكلم عن خصوصياتها وزوجها وحياتها وحياة أهلها بالزين أوبالشين
عشان كذا تلاقين قدامك الفضولين بيسألونك وهنا يجي دورك أنت إذا ماحبيتي أحد يتدخل بخصوصياتك صرفي الموضوع نهائي حتى لو بشي تافه
مثلا تسأل عن زوجة زوجة أنت إقلبي عليها السؤال كيف حالك أو أي شي تفهم منه إنك ماتحبين أحد يسأل عن خصوصياتك
قريبتي زوجها تزوج بالسر وهي عارفة وبعض الناس عرفوا وفي مناسبة وحدة جلست بجنبها وقالت لها إنه هو زوجك تزوج ؟؟طبعا هاي المره من باب الفضول وليس الشماته فقريبتي قالت أنت سمعتي أنه تزوج أنا ماسمعت طبعا المره إنحرجت قالت لالا أكيد أنا سمعت غلط وقامت من مكانها وقريبتي بكل ثقة جالسة ولا همها أحد
فمن الأفضل لكل أخت ماتحب أحد يسألها عن خصوصياتها إنها ماتعطي أحد وجه بالكلام وزيادة القيل والقال وخليكي على شياكتك ولاتعطين الناس اللي عندك أبد وبكذا هم أنفسهم بيهابونك ويعملون لك ألف حساب

الله ييسر أمرك ويشرح لك صدرك​

كلامج عين العقل .. الناس فيها طبع الفضول والانسان هو اللي يقدر يوقف الفضوليين
عند حدهم ... وأستفدت حيل من كلامج تسلمين حبوبه والله يوفقج

 

[محبة القلب]

حبيبتي الله يكون في عونج ترى العمر يخلص وكلام الناس ما يخلص

 

[أبرار سالم]

حبيبتي الله يكون في عونج ترى العمر يخلص وكلام الناس ما يخلص

تدرين حتى الأموات ما يسلمون من حجي الناس ،، تسلمين على الكلام الحلو

 

[جنـــــــان]

الله يعينك بس خلك قويه وواثقه من نفسك وما عليك منهم
واهتمي نفسك ولا عليكمنهم هذا شرع وهذا حلال مو حنا احسن من عائشه زوجة الرسول واللي يحبها ولا ينكر ذلك وتزوج عليها حفصه وهي ما فيها عيب انتي يا ابرار قلتي فيك عيب شرعي وغيرك ريايلهم تزوجوعليهم ولا فيهم عيب بس متعه لا بعد سوريات او غيره بدون سبب شرعي يعني حره
شوفي مصايب الناس تهون مصايبنا زوجك ما يبي يحرك لكن هذا مكتوب علينا لا انا ولا انتي نقدر نرده لكن الدعاء ان الله يصبر نا ويربط على قلوبنا وكلام الناس ما يخلص وبيني لهم انك مرتاحه وما عليك (الناس مالهم الا الظاهر )
الله يوفقك ويخليك عزوز ويسخر لك زوجك ويعينك على هالدنيا اللي ما تسوى والله

 

[أبرار سالم]

رغد يوسف جزاك الله خير على الكلام الطيب