السلام عليكم ورحمة الله
قوة أحلى ثانيات..أنامتابعة لكم من الملف السايق وتوني أشوف هذا الملف كنت أدور عليكم :sadwalk:
وبعد متابعة ملف الأوليات ..والحقيقة أنا ماعندي تطرف لأحد رغم أني ثانية ..بس ودي أستفيد منكم
صراحة وودي أشكي لكم ..فكرت حتى أكتب للأوليات بس خفت لايجيني كلمة وتجرحني وأنا مب فاضية
حق الطقاق..يادوب توني داشه المنتدى الرائع هذا ..وتوني ماأعرف شيء قريت مقالات استاذة ناعمة
يالله وريحتني في شيء ان الزوجة الثانية ماالمفروض عليها تطلب ماتطلب الأولى ؟؟
والحقيقة ماأعاني منه أن زوجي ربي لك الحمد يحبني وأنا أموووت فيه تعلقتت فيه لأني يتيمة
وصار لي هو الحنان والحب ..صار لي سنة وكم شهر متزوجة وتوني رادة من النفاس مع أول طفل لي.
السنة اللي طافت عشت أروع حياة وحب ورومانسية حتى بحمالي ..بس بعد مارديت حسيت أني مو الأولية ..ليه؟
زوجي الفترة اللي هديته فيها رد حق زوجته الله يهنيهم طبعا بعد ماصالحتهم ببعض:harhar1:
بس المشكلة يداري كثيرعشانها ..وانا الحكيمة اللي لازم اتحمل ؟؟!!
أنا موظفة وأهي لا ..الصرفية طبعا ع عاتقي إلا أغراض البيت ..كيف أوقف نفسي عن الصرف .!!
الشيء الثاني : شلون أفك عنه ..ماأبي ألحق وراه ..ولا ودي يكون أكبر همي..أحس بيتي أعتفس عن أول مو مثل قبل رغم أني حامل إلا أني ماأخلي ولاخيط وطول الوقت ريحة البخور والأكل الجنان والحلى
اللحين صرت زي العجوز معتفسه يدخل وأنا توني نايمة وأحيانا القهورة بعدها ع النار:surrender:
عندي دراسة ومو قادرة أركز فيها طبعا دراسات عليا والله ماكتبت ولاحرف ومدتي بتنتهي ودي ألتهي عنه فيها مو قادرة أحبه وأموت عليه وبس مقابلة وجهه..ودي ألتهي..
- يوم يكون عندي يطلع لاصرت بالمطبخ ويروح
حق عياله ع باله بيجيب شيء..!!
أنا ماكنت أرفض كنت آمره أنه مايحسسهم بفقده وأنه متزوج ع أمهم بس الله يهداها أختي الجارة صارت تزعل يوم يزورني بيومها وتقول بيومها لاتروح ولاتطل ..وانا معليش فصرت أسوي زيها !!
انقهرت أدري أهو يموت علي بس يداريها علي!!
قبل ماأهتم بس يوم شفت الدعوة صارت علي قلبت
وأنا الحقيقة ماأبي أصير زيها وواقفة له بالطالعة والنازلة..!!
أهي ساكنة فوقي وتطل علي يوم أطلع الحديقة والمشكلة هي حافظة كتاب الله وحرمة دينه بس أدري الغيرة ماتعرف أحد ..!!
قلت لها حبيبي لاتنفست عند أهلي شف لك صرفه على الشبابيك عشان ماتجرح شعورها صلحها وقت نفاسي وقول لها الجيران يطلون علينا وهذا صحيح ..وعطيته مبلغ من المال ليسد اللي عليه من دين
وهم يسوي حل للمشكلة رديت للبيت ولاشييييييييييييييء
وكل يوم والتالي يقول لي الحرمة تغار منك تدري أني أحبك موت .!!
ماقلنا شيء بس هم أنا أبي آخذ راحتي ..قمت سويت له عذر قلت أكيد ماكو فلوس معاك قال إيه.
قلت الشهر الجاي وجاء الللي بعده.
تعذر شو الطريقة اللي تسد الشباك لأنها تهوي الغرفة وتنظف دوم الشبابيك ولايبي مايشوه المنظر
سكت بعدها على أمل أنه يسوي لي حل وماكو فايدة .
طبعا أهي زارتني بعد النفاس وأنا لمحت لها أن الجيران يطلون علي وأني أتحسب عليهم وذكرتها بالله
والحق يقال : والله ماشفت شيء جديد لأني حتى ماأطلع لبرى إلا بالنادر مع الحر.
لكن ع الأقل ودي يقولي سوري حبيبتي ماأقدر .
أحسن من يسكت .
أنا أصلح وياه أشغاله .بس ودي اهتم بروحي واهده .لطلعته ودخلته
هم شغله ثانية اللي هو الموبايل أنا عمري مادقيت عليها يومها بس اللي ألاحظة أنها تدق بيومي ع أسباب أتفه من التفهان نفسه وريلي يهز براسه لاشاف اتصالها !!
وكان يرد لأني أقوله رد وأطلع من الغرفة بس بعدين صار تومتش..ومسجات آخر الليل
براحتكم بس مو عاد كل ماصار يومي .طبعا إحتسبت عند الله أحيانا أحتاجه والله ادز له مسج
ويجيني الرد بعد مايبرد الأمر وأحيانا ع طول حرام أظلمه .
بعد نفاسي اقتلبت حسيت الدعوة طولت ماكو مراعاة للشعور .طبعا أهو كان يحكي لي عنها ويشكي لي منها ومن غيرتها ومن ومن ومع كذا ماعمره زعلها أو ظلمها .
بس الله يهداها حاطه دوبها من دوبي رغم والله أني دوم أرده لها وأقوله هذي أم عيالك لاتزعل الغيرة
لازمة وكنت فعلا ماأغير منها والكل يستغرب لحد مارديت من نفاسي انقلبت رأس ع عقب لأن الدعوة
تمصخت وكبرت وصار فيه تعدي ع حدودي ..مواعيد بيومي روحات بيومي
بيومها أروح مع سايق اهلي ..المصروف لها وأنا لا .
الرد على الموبايل بعد ماتدق يقوم يطلع ويكلمها بعد ثواني حسباله ماكفشته أو يطلع عندهم ؟!!
وأنا لا ..
قمت أسوي مثلها ادق وادز لها مسجات ..بس بعدين مليت استعريتت حالي قلت انتقدها واسوي زيها
بس كان مو عشان أغيظها لا والله كنت بشوف زوجي يرد علي زيها وإلا حاقرني!!
وفتحت الموضوع له قلت يومي ماتدق تبي شيء تدز مسج زيي زيها !!
قال لي ابشري .بس اجزم أنه ماقالها لأنها مازالت على الموااااااااااااااال .
أنا ماأبي غير ألتفت لنفسي ولولدي ولبيتي ودراستي وعملي ..أخذت اجازة سنة بشوف كيف يصرف علي .
المشكلة أنا من النوع اللي يحط حرته بملابس البيت .
وأهو يحسبني أصرف ع فشووش
ومن النوع لو لبن العصفور يشتهيه بعت ماعندي عشان أجيبه له
أبي أثقل أبي أرد بالشعب كله ..أبي أضحك زي أول أبي اطنش طلعاته لها بيومي ومسجاتهم
والله أحلف لكم زوجي يرحمها ويبيلها لعيالها وبعد عشان أهلها مو مستقبلينها ..!!
والحب لي ..بس اللي أشوفه الكل لها ..وأنا مالي غير هذا الكلا
والله أحبك وأموت فيك وأنت الوحيدة اللي حبيتها وجيتي زي مأأبي ) .
وين أصرفها هذي
الله يوفقكم ويجعلكم قرة عين لأزواجكم دلوني ع حل مريح وروابط تفيدني في تكوين شخصية مستقله عنه
أنا أخاف عليه من بنات الحرام لأنه كان في الصبا راعي تزويغ الله يهديه
وأنا بملي عيونه متفتح لأقصى درجة تتصورونها .
دعواتكم لي وتحياتي لكل قلب وحدة منكم
