الزواج يكون بمدينة العريس.. ؟ أم العروس.؟؟

وحبيت اقولك.. انت ذكرتي بمعنى كلامك انك ماتحبين تعقدين المسأله... هذي الكلمه لاتقولينها حق اي احد الا اذا كان اهلك.. عشان لا يستغلك احد بهذي الكلمه...
 
انا اعرف وحده مثل حالتك
وسوت الزواج بمدينتها ..
 
اكرم لك صراحه بمدينتك
وانتي حبيبتي اصلا عارفه ايش تبغين بس تحتاجين شوي تشجيع
اثبتي على رأيك حتى لو زعل ..
 
اهم شئ راحتك النفسيه وين بعدين من خبرتي من عرايس العائله انهم من ثاني يوم طيران عند امهاتهم مدري شووووووق او شئ ثاني

عموماً حبوبه كل شخص له اسلوبه ونفسيته مثلاً انا ماتطمن انه احد يشرف على اشياء احسها تخصني حتى لو ثقتي فيه توب
وربي يوفقك وييسر لك كل صعب قولي امييييييييييييييين
 
ياحبيبتي هذي نصيحه لاتولدي حقد بينك وبين زوجك ولاتكلفيه مكان مايقدر هو سويه والله ليله تعدي بس اذا عارضتي والله راح يذلك فيها ودايم يذكرك فيها

انا ساكنه بمكه وزوجي بجده واصريت زواجي بمكه وفعلا سوى زواج الرجال بجده وزواج الحريم بمكه وبقاعه صغيره جدا وفوق كدا نكاده دايم يتذكرها..

ويقول الله يسامحك كلفتي علي ومن هالكلام

انصحك ماعليك من اللي يحضرون اشتري زوجك ورضاه
 
اللي تتفقي عليه انت وخطيبك هو الراى الصحيح
واشوف لو يكون في بلدهم تكون ترتيبات الزواج اسهل عليهم لانهم يعرفواالبلد
 
أنا نفس وضعك حبيبتي

صاار زوواجي في المدينه اللي ساااكن فيهاا زوووجي لان اهله واهل ابوي كوولهم هناا وجمااعتناا كوولهم في مدينه زووجي وحنا تقريباا مو كثااار في مدينتي عشاان كذا تناازلت وسويته في مدينت زووجي
بس انا شرطت انه ملكتي تكوون في مدينتي وتكووون كبيرره عشاان زميلاااتي والناس اللي يعزوو علي

والله يووفقك يااقلبي
 
حرام قللي مصاريفهم وتزوجي مع اخوه بليله وحده

بالعكس بتكوني كبيره في عينه لما توافقي

خلي اهتمامك بشكلك ليلة الزواج والناس بتدري انك ماتدخلتي فرضا لو طلع الزواج مو حلو

.
.

انا تزوجت بمدينتي والله لايوريك تبهدلت لما رحت شقتي وهي تبعد عن مدينتي ساعتين

انا من رايي تزوجي عند اهله

واهلك خليهم يسووا لك عشا بسيط بعدها بكم اسبوع واعزمي صديقاتك

.
.

وبعدين لاتعتبري نفسك بتتنازلي لان هالشي مايدخل ضمن التنازلات
 
هو صح الزواج لازم في ديرة العروسة لكن..
ليش الاشراف والتعب..
كلفيهم بكل شي وروحي وانتي مريحة راسج ..
احسن مايصير شي ومايعجبهم وانتي تتحملين مسؤليتة ..
وخلج على اتصال بزوجت حماج وانتي ماعليج الاتتشيكين واتطلين عليهم وانتي مرتاحة ...
ربي يوفقج معى زوجج..
وصدقيني بتكبرين بعينة ولاعليج من احد ترى هذي مصلحتج ومصلحتة ارضية وقدمي رضاة على الكل ..
تقبلي مروري..
 
والله حبيبتي هووونيها وتهوووون يعني اهم شي تبدائي حياتك الجديده وبالك مرتاح
خليهم يسوووها بمدينتهم والله راحه لكي ياعسل يعني في وجههم الزواج سواء حلو ولا لا
انتي اهم شي طلتك هيا اللي بتحلي المكان
يعني انا زواجي بيصير بمدينة زوجي وماقلت شي بالعكس لان ملكتي سويتها بمدينتي ومااعترضو والله جووو لعندي
بالرغم ان مالي احد هناك اهلي كلهم بمدينتي
بس محد عارض خلاص انا وزوجي مرتاحين هذا المهم
وزميلاتي كان ودهم يحضرووو بس لمن عرفو والله باركولي ودعولي
ومانصحوني زي زميلاتك لان بصراحه هذي مايعتبر من التنازلات هي كلها كم ساعه بس وتروحي بيتك هناك صح تبدائي تقولي تنازلات ومدري ايش لانها حياتك وتخصك
وجهة نظري ياعسل واتمنى انك تتقبليها
وربي يسعدك ان شاءالله
ارضي زوجك ولاتشيلي هم بدرررررري عليك ياعروووسه
الله يتمم لك على خير
 
الله يعينك يااارب
بس من عاداتنا انو الزواج يكون على اهل العريس واهل العروس مايتدخلوا الا بس بالكوشه
شوفي قلبي ماراح اقولك سوي كذا او كذا اللي اقوله لك شي واحد اذا سويتيه مليااار بالميه راح تختارين اللي يريحك
قومي توضي وصلي ركعتين استخاااره
وكل يووم عالحال حتى تحسي انك تبين تسوين شي معين والله لا كلامي ولا كلام البنات راح ينفعوك اللي بينفعك ربك وبس
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل