الزواجات جت..........,المشكلة كبيرة ...فستاني

[دمعة الاقصى]

انا منذ تزوجت تقريبا 10 سنين لم احضر زواج قط الا زواج اسلامي واخوات زوجي 6 تزوجو 3 ...فقط اسلم على الحضور واطلع مع العلم اني البس افخم فستان وتسريحة :2:ومااحد يشوفن في الزواج واذا رجعت اتحسر على الخساير اللي ماحللتها وفي هذي العطلة فيه زواج لاخت زوجي مدري وش اسوي يا احضر زي الناس والا لا"(زوجاتهم طق عادي بدون موسيقى ومحتاره المشكلة هم يشرهون علي مرة وبرضه اذا سلمت جلست في غرفة القصر احس شكلي يفشل مره ثم دقيت على زوجي ثم اذا طلع ما رجع يقول انتي تحرميني الجلوس مع العالم ايضا هو ملتزم بس يقول اجلسي مدام ما فيه موسيقى ....ارشدوني الله يسعدكم ويوفقكم ويحقق لكم امنياتكم :35:

 

[انثى تعشق رجل]

غاليتي احضري مادام مافيها موسيقى
وخليك من الناس اللي تؤمر بالمعروف وتنهى عن المنكر باسلوب لبق جميل محبب
يدخل للنفوس
يعني خليك من الناس اللي تغير المنكر
وانا اول امس سمعتها على اذاعة القران في برنامج الفتاوى ان القادر على تغيير المنكر
باذن الله
من الافضل له الذهاب لهذه الاماكن لنصح الناس

 

[جروح الامس20011]

الله يصلح حالك وين المشكلة اذا الدق مافية موسيقى ايش اللى يحلى الاجازة الاالزواجات والافراح



البسى واكشخى واحضرى الدين واضح ياعيووونى على قول الداعية غرم البيشى

 

[دمعة الاقصى]

اشكرك حبيبتي على تفاعلك مع موضوعي بس المشكلة اخاف يقولون وش طرى لك وحضرتي

 

[احساس صعب]

أختي الدق بالدف فقط وبعيد عن الموسيقى هذا من أساسيات إعلان الزواج في الإسلام لأن النبي صلى الله عليه وسلم أمر بإظهار وإعلان الزواج وقال (( نكاح لاسفاح)) ومعلوم ان الدف ليس محرم فقد استمع إليه النبي صلى الله عليه وسلم من جارية يوم عيد , وبالنسبة للمنكرات أنكري على من تفعلها أفضل وتأجرين بدل ماتقعدين منزوية عن العالم والناس ولا تستمتعين فمن يخالط الناس ويصبر على أذاهم خير ممن يبتعد وإذا قالوا لك أهل زوجك وش طرالك قولي أروح عن نفسي ولا تلقين بال للكلام أنتي لم تفعلي شيء سيء .
وزوجك صادق ما تخلينه يستمتع في الجلسة ومقابلة الناس لأن بعض الأحيان يحضر أشخاص له فترة ما شافهم وفي المناسبة هذه فرصة للتواصل الإجتماعي .
​

 

[تشكرات]

الله يثبتك حبيبتي ويهدينا جميعآ ....

( اذا دعيتم فلبّوا ) ...الحديث ..

أختي أنتي أدّي الواجب ولا تلتفتي ولا تشغلي بالك بالدق

بل ( حاولي تتكلّمي وتسولفي مع أهل الخير من المعازيم

وأسألي عن أحوالهم وأخبارهم وأبتسمي وفرفشي ( وصمّي

اذنك عمّا يزعجك ) ......وهي كلّها كذا ساعه ( قومي بالواجب

فيها ...وأرجعي بيتك ..) ..من دون ( لا أحد يزعل منك ولا أنتي

زعّلتي أحد ....) ....والله يهدي أمّة ( لا اله الا الله ) ..

 

[دمعة الاقصى]

الله يوفقكم جميعا ويخليكم لعين ترجيكم ااااانا احبكم في الله

 

[صدمتيز]

يا اختي احضري والامر عادي بعدين انتي وش عليك من الناس طالما ادق ما فيه موسيقه خلاص
بلعكس الدين يقول تحضري و تشركيهم فرحتهم هذول اهلك

 

[دمعة الاقصى]

قسم بالله بنات اني ودي اشاركهم فرحتهم بس اخاف يصير علي ذنب حتى بنتي صغيرة تناظرهم وهم يلبسون تقعد تبكي اشكركم على ردودكم

 

[احساس صعب]

ان شاء الله ما فيه ذنب ولا شيء أنتي ما فعلتي أمراً محرماً أختي ان رأيتي منكراً فغيري بيدك فان لم تستطيعي فبلسانك فان لم تستطيعي فبقلبك , وإجابة الدعوة من الأمور التي فيها حقوق للمسلم على أخيه وتقرب بين النفوس فأنتي تصلين أهل زوجك بذلك وتتقربين منهم وهذا يعود عليك بالنفع في حياتك مع زوجك لأنك إذا لم تشاركيهم في أفراحهم وأتراحهم وتندمجين معهم فسوف تغيرين نظرتهم إليك ولربما ظنوا أن ذلك كبراً منك ونفروا منك فهل هذا يعجبك مع من صاروا أهلاً لك؟؟
اذهبي وافرحي ابنتك لا تحرمينها الفرحة والأنس وما دام ان شاء الله مافيه منكرات في الزواج فما فيه شيء ترى الدين وسط يا أخيتي والمباحات فيه أكثر من المحرمات والترويح عن النفس بين فترة وأخرى من أفضل المعينات على طاعة الله
وفقني الله وإياك لكل خير
ومن ثم الفستان والتسريحة ما تنتهي وظيفتها إذا رجعتي خلي لزوجك نصيب فيها فهمتي عليه وان شاء الله ماتكون خسارة ​

 

[ام غـيـث]

الله يجزاك خير ويسعد قلبك وينور دربك وييسر امرك قولي امين

 

[دمعة الاقصى]

الله يوفقكم اخواتي اجمعين ولا يوريكم مكروه اااااامين ودمتم على الطاعة