الرجعه بعد الطلاق؟؟والنفسيات والماضي

زوجة منسيه
حبيبتي مشكورة نبهتيني مع العلم انه اهله انبسطوا من رجعتنا لبعض
تسلمين
 
هلا حبيبتي
كأنك تتكلين عن نفسي
انا صار لي نفس الموقف لكن نصيحه لك استغلي الحاجه هذي وخليها سلاح بيدك
الحين هو ندمان عالشي الي صار ويبي يرضيك بلي يكون عشان يكفر عن اخطاءه فأنتي استغلي الموقف هذا لصالحك
اول حاجه وضحي له انك انتي باقي مجروحه من الي حصل ويبيلك وقت عشان تنسين
وخليه يصلح الوضع قدام اهله بمعنى انه يقدرك ويحترمك قدامهم عشان يعرفون انه باقي يحبك ولو احد غلط عليك لازم يدافع عنك عشان محد يتمادى عليك من اهله
انا بصراحه لقيت صد من اهله بعد مارجعت وحسيت انهم متحاملين علي مرررررررره وكله بسبب الكلام الي قاله عني عندهم واجبرته يصلح الوضع طلبت منه يعاملني احسن معامله قدام اهله وهم لما شافو الوضع كذا صارو يحترموني بعد كذا
بس ماأكذب عليك صرت من اتفه مشكله اتذكر انه طلقني وابدا اكرهه الحين لي سنه من الرجعه وماني قادره انسى
بس اهم شي خلي الي بينك وبين زوجك بينكم وقدام الناس سمن على عسل
 
اكيد روحي وخليك اخر شياكه اضحكي وفرفشي اذا شافوك ناسيه الموضوع راح ينسون هم بعد بس لاتجيبين طاري زوجك نهائيا لا بخير ولا بشر
 
حياتي معك غير

مرحبا بك عزيزتي...............موضوعك يستحق النقاش ويستحق الثتبيت أيضا


ولكن أريدك الآن أن تستمتعي بالأجواء الحالية قدر المستطاع

وبعد أيام أو أسابيع ناقشيه بهدوء وأخبريه بأن نسيتي كل شيء لكن

هنا شيئ ما ينغص عليك فرحتك واستقرارك واطلبي منه أن لايقاطعك

اطلبي منه أن يسمعك فقط حتى بدون أن يرد

وقولي مافي خاطرك واحذري الكلام الجارح والانتقامي

قولي أنا فقط مجروحة فهل كل ماقلته هو من خلف قلبك ؟صحيح ذلك أم لأ؟


وبصراحة ليس ضروريا أن يرد عليك من الأصل فاستماعه لك يكفي

لأنك يجب أن تؤمني أن الرجل لايعرف يتحدث وبطلاقة إلا عند الغضب فقط

لكن الاعتذار هو أبعد شيء وآخر شيء يمكن أن ينسقه أو يقوله بسلاسة

فإن سمع فاشكريه بعمق واعتبريه اعتذار عميق منه لأنه لن يتجرأ ماذا يقول


فاعذريه واجعلي دفة الحياة تمشي بسكينة وحاولي كسبه أكثر

ولاتذكريه كل حين بفعلته لأنه قد يفعلها من كثر ترديدك لها


موفقة يارب
 
تصدقين اختي قصتك نفس قصتي
بس انا للحين مارجعت طلب يرجعني وراااح يعني يلعب باعصابي عنده بروووود
على فكره اختي انا مثلك اخاف يكون عندي نفووور منه
اختي وشلون وضحتي له انه غلطان في حقك وكيف خليتيه يعتذر
اتمنى تجاوبيني
 
المتجدده 37
حبيبتي اشكررررررررررررررررررك من كل اعمااااق قلبي على تثبيت الموضوع لعل بعض الاخوات يكتبن تجاربهن لاني فعلا محتاجه تعرفي كل يوم امسك نفسي اني اتكلم معه لحد الان انا انتظر وقت مناسب اتكلم معه
كلامك واسلوبك ان شاء الله بطبقه
 
اختي همس الاثير انا خليته كل الفترة اللي تركني فيها يتكلم عني وكنت ساكته حتى وانا اتكلم معه نفس الشي يوم جاء ياخذني بعد الشهرين ونص قبل ياخذني قلت له كل اللي في خاطري وشرطت عليه شروطي يعني طلعت حرة الشهرين ونص وطبعا هو كان هادي ومع ذلك يردني ويحاول يستفزني بس انا ماكاني اسمع وش يقول وكل الي في خاطري قلت له وبعدها شروطي والحمد لله وافق وجاء ياخذني بنفس اليوم ولما جاء وحنا راجعين لمديتنا لاني بعيده عن اهلي في الطريق قلت له قال فعلا انا ظلمتك تراك مو سهله علي اني طلقتك واني راح ابدلك بوحده ثانيه
طبعا انا في البداية الطلاق اعترفت له بالاخطاء اللي صارت مني واني مستعده اغيرها لكن مع ذلك حقي ونفسي غاليه علي والحمد لله حتى الان مستقر الوضع
 
ياعمري لاتقهرين نفسك الي راح راح​
 
أختي يوم طلقك كان زعلان وغضبان ولا ما كان طلقك
بغض النظر عن انك مظلومه ولا لا يعني كان واصل حده
طبيعي اللي يزعل بيقول كل شي واكثر
ولكن بعد ما هدي فكر ووضع الأمور في نصابها ورجعك
وحسب كلامك وضعه معك زين ولله الحمد
خلااااااص أسحبي على الماضي ولا تفكيرين فيه أرميه خلف ظهرك والأيام بثبت معدنك ولا يصح الا الصحيح
موفقه اختي
 
التعديل الأخير بواسطة المشرف:
ايييييييييييييييه حبيبتي همس الاثير لازم تحطين شروط واهم شي مايضربك
انا ماشرطت شروط بايخه سفر او غيره من اللي تخلص بسرعه لا شرطت عليه شروط طوول الحياة
وشوفي اذا شرطتي عليه لاتقولين غصب عنك تبي تسويها قولي له تراها شروط حتى ماترجع المشاكل مره ثانيه واصري عليه لكن بلطف لاتخافين اذا ردك قولي له فكر بشروطي وخلي شروطك واقعيه مهب زي ماقلت لك فترة وتنهي وبعدها ترجع المشاكل خليها شروطك حل للمشاكل اللي سببت الطلاق
والله يوفقك وانصحك بقراة سورررة البقره وقيام الليل والله وبالله انه مافرج كربتي ورد لي زوجي ردا جميلا الا الدعاء في قيام الليل جربي حبيبتي من اليوم تكفين ويوميا اقري سورة البقره وادعي ربك كثييير واحسني الظن فيه
واي شي انا حاضره حاسه بشعورك ياقمر
 
زي ماقالو الماضي وش تبين فية
خليك مستانسة وماعليك باحد
واستغفري وادعي بصلاتك الاتبين بحيتك ماراح تندمي
بالتوقيق
 
عزيزتي انا اقول حااولي انك تفتحين صفحه جديده مع نفسك ومع زوجك وانك تحاااولين تنسين الماااضي لانه ماااضي ولا يمكن تقدري ترجعي شي منه او انك تعااالجيه لكن ممكن تحاااولي تتجنبي اخطاء الماااضي
ياااستي عيشي حياااتك ترى ما فيه شي يستاااهل تقهري نفسك عليه
وسلامتك
تحياااتي يا غلاتي
 
اللي فااااااات .... ماااااات ..... وهذاانتي تقولين انه يعاملك كنك عااااااروسه واحلى عرروسه باذن الله

وش تبين اكثر خليك بليووووم وبس.....
 
التعديل الأخير بواسطة المشرف:
انا مريت بنفس التجربه بس ماطلقني قعدت عند اهلي شهري بعدين رجعت بشروط بس مازلت نافره منه الله يفرجها من عنده على الجميع
 
الله يوفقك يارب وكملي طريقك بس انسي الي كان طبيعي انك تكوني مجروحه بس المفروض بمجرد رجوعك لزوجك انك تنسي الي راح اسمعي قلبي انتي مجروحه انه سهله عليه كلمة طالق وان رجعتي له وماقدرتي تكسيره يعني كلها وساوس شيطان مفروض تقولي فترة وانتهت ولازم ماافكر فيها ومااخليها تأثر علي ولا بنفسيتي واخلي حياتي افضل من الي راح انسي وشوفي زوجك وكانك عروس جديد انسي الي راح وابي حياه صح
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل