الرجاء المساعده العاجلة

[eesad]

بنات الله يخليكم شوروا علي انا والدة جديد وخلصت الاربعين وبعدها اجتني الدورة وقعدت عشر ايام على غير عادتها انا بالعادة بتجي 6 ايام واليوم طهرت وابي اخد حبوب منع حمل يصير اخدها الحين ولالا ولو ابي احط لولب متى بحط ؟؟؟؟؟؟؟ انا الحين ابي طريقة لمنع الحمل ياريت تفيدوني لاني اليوم خلصت من الدورة وخايفة يصير حمل

 

[القاسية الحنونة]

انا سمعت ان الحبوب مايصير تاخذينها بعد الولادة الاولى والله اعلم

 

[مهره قطر]

حبيتي
اذا تبين تركبين لولب لازم تركبينه في اليوم السادس او السابع من ايام الدوره وانا اشوووف اللولب احسن وسائل منع الحمل مااياثر على نفستج مث الحبوب الحبوووب تاثر على النفسيه ولازم تاكلينها بانتظام وتخليج عصبيه اشلج بهالمشاكل ركبي اللولب في دورتج الجااايه ان شالله وبتفتكين

 

[ღ لحن الحياة ღ]

استخدمي حاليا موانع طبيعية !!!!! واذا جت الدورة الجاية تكونيني حددت اذا بتركبين لولب ركبيه في اليوم الرابع
واذا بتاكلين حبوب تبدين فيها مثل ماهو مكتوب بالروشته حقتها مع اني ماانصح تاخذينها بعد طفلك الاول لانها خطيرة
وفيه حبوب خفيفة ((مايكروجين 30%)) كرتونها اخضر وابيض حلوة ولها اعراض خفيفة .....​

 

[أم أحلى ريما]

مين قال ان حبوب منع الحمل خطره؟؟؟؟؟
قاعدين يستخدمونها اول الزواج يعني قبل لاتجيب اطفال عادي جدا
انا بالعكس قالت لي الدكتوره لاتحطين لولب بعد اول الحمل يعني الحبوب افضل
مالك الاتصبرين الى الدوره الثانيه وانتي براحتك تختارين سواء حبوب او لولب

 

[شتتنيــ غيابهــ]

اممممم عااد تدرووون انه الللولب في حاال نحفتي او تخنتي ممكن تحملي لان مكاانه يتغييير
حماااتي حملت والحيين عرفت قبل يووومين لو تعرفوون قد اييه مصدوومه الحمدلله اني مااستخدمته

 

[فجروغروب]

حبيبتي الحبوب اذا بتاخذينها لأول مرة لازم تاخذينها في اول يوم تجيك الدورة و الشهر اللي بعده تاخذينها خامس يوم للدورة وكل المرات اللي بعد بتكون تاخذينها خامس يوم في الدورة وحبوب ياسمين جدا خفيفه وأول ماتتركينها تحملين على طول بس أنتي اذا خايفة أومحتارة روحي لدكتورة نسائيه وهي تعمل لك تحاليل وتقول لك أيش المانع اللي يناسبك وبالتوفيق يالغلا

 

[YOYA]

حبيبتي الوحدة لما تكون لسا صغيرة تستخدم الحبوب افضل وبعد سن ال30 -35 يفضل عمل اللولب
مشاء الله عندي 5 اولاد وكلهم اخذت من بعد الأربعين حبوب منع الحمل الخاصة بالرضاعة الطبيعية (بإستشارة طبيبة طبعاً) وبعد ماعديت 35 ركبت لولب والحمد لله هاذي 3 سنة لي
روحي للطبيبة أفضل وأستاشيريها لأنه من وحدة لوحدة الوضع مختلف
وموفقة

 

[أحمر شفاه]

اللولب مايركب إلا بعد سادس شهر بعد الولاده كذا قالت لي الإستشاريه رفضت لحد ماكملت ست اشهر بعد ولادتي وتحطينه وتنسين همه مو زي الحبوب ولحد ماتكملين ست شهور جربي الموانع الي تقدرين عليه حبوب ولا واقي ....الخ
وعلى فكره طالع تحميلات تحطينه قبل الجماع بعشر دقايق بس مادري عن اضراره ونتايجه أسألي أنا ماجربته

 

[ورد الخليج]

ما عندي علم

 

[eesad]

اشكركم جزيل الشكر ربي يوفقكم ويحفظكم

 

[بووسي]

والله ياقلبي انا ركبت اللولب على الاربعين بالظبط

اما عن الدورة اعتقد اخر يوم دورة تركبيه ماني متاكدة اسالي دكتورتك احسن شي