الدورة الشهرية منقطعه عني ليش ؟؟؟

[كيان إمرأة]

اما عن سني

فأنا في ال 17 من عمري

وغير متزوجة ولا مخطوبة

والحمد لله واعية اخلاقيا ودينيا ..


كانت العادة او ما تسمى بالدورة الشهرية تأتيني شهر وتنقطع عني قرابة الشهرين او الثلاثة ..

وظليت هكذا

وبعدها الله كتب لي بزيارة بيته الحرام ..

وشربت حوالي ال 4 او 5 حب لتوقيفها ..

ولكنها بعد ما رجعنا للبلاد نزلت علي من جديد

ومن ذاك اليوم للآن ما تنزل وصار لي حوالي ال 6 او 7 اشهر

قالو لي لازم اروح للمراخة .. عشان تعدل موضع الرحم لانه يمكن يكون منعوج او شي ..

رحت وكانت ثلاث جلسات وقالت لي اشرب ماي مطبوخ مع نقضة وشبة وزعتر وماي ورد

ولكن بعد ما فاد ..

رحت للمستشفى

وسحبو مني دم :tears:

وبعدها النتايج كانت كلش مضبوطة

وقال لي لي الدكتور لا تحاتين لان 80% من البنات تنقطع عندهم الدورة وبعدين تجي لهم مرة ثانية وهذا بسبب خمول الهرمونات ..

علماً بأني لست سمينة وطعامي صحي وما اكثر من شرب الشاي او القهوة او اكل الشوكلاتة وغيره

انما احب شرب الماء بكثرة وهذا مفيد جدا ..

فإلي عندها حل او نصيحة او سمعت بهالحالة من قبل

تفيدني واللي يعافيكم ، :exclamationpoint:

يمكن ان شاكة فيه ان الظروف العائلية والتوتر والاحساس بالحزن والحالة النفسية عندي كلش متوترة ..

ولكن انا دايما ما اكابر وانسى اللي تصيدني من مشاكل وأجابه كلشي عشان صحتي .. :icon1366:

فاللي تقدر تساعدني

اطلب منها تجي وتكتب لي ولو همسة ، :sad_1:

في الإنتظار ...
​

 

[some1]

حبيبتي راجعي طبيبة شاطرة ،، وكل الأمور بتصير على خير باذن الله ، هذا شيء طبيعي ولا تخافي ،،،

 

[كيان إمرأة]

بالعكس لازم اخاف ...

مع ان الكل قالي لا تحاتين وعليج بالصبر ..

وراح نشوف دكتورة ثانية

 

[الرباب]

حبيبتي انا حالتي مثلج ..
بلغت وعمري 15 جاتني الدوره بس ثلاث ايام وبعد 5 اشهر جاتني 7 ايام وهذي حالتي كل 5، 6 ، 7 اشهر تجيني ومدتها متغيره
بعض المرات تجيني 10 أيام

رحت لاختصاصيه امراض نساء ، طلبت مني تحاليل وعطتني منظم للدوره

بعد زواجي ب7 اشهر تأخر علي الحمل لان الدوره مااجتني غير مرتين ، راجعت عياده خاصه وطلبت حل لمشكلتي
طلبت مني الدكتوره تحليل كامل للهرمونات وعملتلي سونار للمبايض ، تبين معاي ضعف حاد بالمبايض ، وعطتني علاج اسمه الكلوميد وانا في بداية علاجي حاليا والله كريم ...

لازم تراجعين طبيب متخصص قبل ماتتزوجين ويتأخر حملج .

 

[كيان إمرأة]

والله خفت اكثر ..

لازم اراجع طبيبة ثانية

مشكورة

 

[همس بلقيس]

عزيزتي الله يشفيج لو كنتي في ابوظبي روحي عند الدكتوره ناديه وايد شاطره عندها مركز اسمه مركز ناديه الطبي

 

[كيان إمرأة]

رحت الى طبيبة ثانية

وقالت لي مابي اوصف لج اي دوا

لاني بنت وما تبي تصير لي مضاعفات بعدين وانا بهالعمر

وقالت لي صبري هذا دواج الحالي

والله ييسر امورنا

 

[شذا التونيكا]

حبيبتي اشربي كل يوم عصير رمان على الريق فهو ينظم ويعدل الهرمونات بالجسم واخذي 100 غرام عشبة المردقوش واطحنيها واخلطيها في ( 1 كيلو من العسل الطبيعي ) واخذيه ملعقتين أو ثلاث يوميا فهذا لتعديل هرمون الغدة الدرقية وخفض هرمون الحليب اذا كان مرتفع لأنه له سبب في تأخير الدورة وتأخير الحمل للمتزوجات

 

[كيان إمرأة]

سلمتِ والله

سألت عن عشبة المرقدوش

وقالو لي انه كلش حار على المعدة ..

بنشوف عصير الرمان

مشكورة

 

[مساء الحب]

حبيبتي كيان امراه
انا نفسك اخذت حبوب ترفع الدوره علشان ماافطر برمضان بس بعدين انحاست دورتي وصارت عشر ايام نزيف حتى شكيت اني حامل واسقاط
وبعد التحاليل والمواعيد طلع عندي كيسين ماء ع المبيض انزعجت بس سالتني الطبيبه انتي اخذتي حبوب لرفع الدوره قلت لها ايه علشان ماافطر في رمضان قالت سبحان الله لو تشوفون شلون يعانون اللي دورتهم ماهي منتظمه علشان ينظمونها وانتي تاخذين حبوب تسبب لك لخبطه بنظام الجسم الطبيعي
وقالتي لي بما انها اكياس ماء بتروح من نفسها وتعالي بعد فتره هذا بسبب الحبوب اللي ترفع الدوره
الحمد لله راحت الاكياس ومن بعدها حرمت اخذ اي شي يمنع او ياخر الدوره على قوله الطبيبه هذا نظام الجسم فيه تتجلى عظمه الخالق كيف تبي تلخبطونه بالحبوب
فرايي مثل الاخوات اذهبي الى طبيبه متخصصه والله يكتب لك الشفاء

 

[كيان إمرأة]

مشكورة اختي

بس شلون راحت اكياس الماء .؟؟

 

[مساء الحب]

راحت من نفسها 000 هي قالت لي من الاول ان اكياس الماء سهله وممكن تروح من نفسها بدون ادويه بس زي

ما قلت لك هي اكياس ماء احد اسباب تكونها هي تناول حبوب رفع الدوره

ولله يشافيك يارب

 

[كيان إمرأة]

الله يخليكِ ويحقق اللي في بالج ..


والله ييسر امورنا :no:​