الخيانه من جديد ليه يا بو.......؟ بموووووت يابنات شفت صورها؟؟؟

[السنيوره نونو]

والله يا بنات توني اكتشفت من اربع ساعات خيانه جديدة لزوجي ..:no:بموت يا بنات ..القولون ضرب عندي وطحت ومحد حولي..من القهر ..​

ليه يخونون قولوا لي ليه....انا ما قصرت ...احس بيصير فيني شيء ..​

تمنين اني ما مديت يدي على الكاميرا ..اااااااااااه اه اه اه​

كنت ارتب اغراضه ..دايمن يرسل ملابسه وهي في الشنط باللي فيها للمغسلة وكنت عادي احترم رغبته..
هالمره ارسلها كالعاده بس السايق خذ اغراض اللي فيها من كاميرا واحزمه وشواحن وحطها بكيس وعطها الشغاله لقيتها بالمطبخ وسألت الشغالات قالوا حق بابا فلان..خذيتها ووديتها لغرفتي(انا عايشه في بيت عمي)..​

يوم جات الساعه 2 وزتني نفسي اني اشوف الكاميراا ..لاسف احسنت الظن ما توقعت بلاقي شيء ابدددد..
شغلتها ..في البدايه ما شتغلت خذيت بطارية كاميرتي وحطيتها فيها واشتغلت..كنت اتذكر دايم انه ماكان يجيب الكاميرا ابدد..واذا جابها يحاسب كثير انها ما تطيح في يدي او تكون بطاريتها مفضيه..
الحين فهمت ليه ما يبيني اطلع اغراضه من الشنطه قبل لا يوديها للمغسله..​

المهم ..فرفرت عاااادي مالقيت الا كم صوره ..عاديه ..والميموري تقريبا فاضي ..سبحان الله لقيت ميموري ثاني مخشوش بجيب الكاميرا ..فتحته وحطيته بالكاميرا ..صور ربعه صور المعزب وياه ..صور تخرجه (كان يدرس بلندن)..​

وعقب صور وحده ..هني طاح قلبي ...متتتتتتتتتتتتتتتتتتتتتتتتتتتتتتتت..لان الصور بسيارته..​

قلت لا يمكن رفيجه مصورها ..لازلت احسن الظن..مشيت الصور ..ولقيت صور له مع رفيجه وعقب في نفس المكااااااااان بلندن الززززززفت ..​

صورته معها اللي لقيت صورها بالاول بروحها ..لقيته مصور وياها حاطه يده على كتفه وهو لامها بيده:tears::tears::tears::tears::tears:..المشكله بعد انها خليجيه..​

بنات الصور للي لها بروحها بتاريخ 16 ديسمبر 2005
وصوره وياها :tears::tears:كانت قبل يوم ميلادي اللي نساه ب3 ايام يعني كانت بتاريخ 12يناير 2006 وكلهم بالليل الساعه 1 ونص ثنتين ونص وثلاث وكلها في لندن​

هل اواجهه شاسوي بموت ...هاذي ثاني خيانه ...يابنات هل اكلم اخوه اللي ساعدني في خيانته الاولي وحل المشكلة ووقف اخوه عند حده...​

ساعدووووني بموت من القهر ...ماني عارف كيف اتصرف ...هل اواجهه يا بنات ..عمري ما واجتهت بحياتي ..احس اني دايمن ضعيفه قدامه...ساعدوني ابي حل ..​

يا د ناعمه ويا د موزة انقذوني بللللليز واللي يعافيكم..احس بتصيدني ازمة قلبيه من هالسالفه ..مانمت صارت الساعه 6 الا ربع ومانمت راسي يعورني وجسمي ..​

هو بيسافر بكره في مهمه رسميه ...هل اقابله عادي ..ومتوقع شاي ثاني ..هل امشي الامور بسلاسه والا احسسه اني دريت ..​

هل امسح الصور من كاميرتها حتي يفهم اني عارفه واعطيه فرصة ثالثه؟؟؟؟؟​

ساعدوني .....قبل لا يصير فيني شيء...​

 

[زهرة البوادي2006]

اختي امسحي الصور ولا كأن صار شئ وخلي نفسك مو عارفه وليش ما تروحي معه بدل تخليه بروحه لانه في هذه الحاله بيحس انك معه وما يقدر يسوي شئ والله الموفق

 

[ليل الشتا]

ســــــــــــــلامتك يالغاليه من أزمة القلب..
أنا شوري تمسحي الصور وعيشيه في شك وأكيد بيجي يكلمك
ودعيه عادي ولكن إذا أتصل فيك لا تردي عليه في سفره وإذا رديتي ردي بكلام رسمي..
سؤال..
كيف تعامله معك؟
ولي رجعه للمشكله..
أقري سورة الشرح والضحى فيهن تفريج الهموم

 

[مستغربه]

اختي قبل كل شي وقبل ما تتهورين
الصور قديمــــــــــــــــــــــــــــــــــة
من اكثر من سنة ونص....
هذا اولا....
ثانيااا...
لازم تتاكدين هل هو بعده مستمر بهالعلاقة؟؟؟
اوو لا...
او يمكن في علاقة ثانية ....
التهور والزعل والعصبية والنكد كلها اشياء بتضرج انتي قبل اي حد...
خانج...
طلع وياها...
ركبها سيارته...​

اوكي ​

وبعدين...​

بتمين تفكرين بهالشي وايد؟؟؟​

ركزي معاي....​

الحين اباج تفكرين بشي واحد..
الياي...
شووو بتسوين...
تحبينه؟؟
عندج عيال منه؟؟
تبين تخلينه يرد يحبج ويموت فيج؟؟
اذا لا...
واجهيه وقوليله مع السلامه...
واذا هيه..
لازم تحاربين...
وانتبهي انتبهي انتبهي تواجهينه..
انا ما اعرف قصتج وياه ولا اعرف اذا هو من نوع الرياييل المتعدد العلاقات يعني مب حب بس علاقات او يدور عن الحب...
لازم تشرحين قصتج عشان نساعدج...
بقولج همسه في اذنج
زوجج ما فكر فيج يوم خان فلا تكونين انتي وهو عون على نفسج وتحملينها فوق طاقتها من هم وحزن وضيق...
محد يستاهل نهتم ونتضايق عشانه...
اللهم نفسي نفسي....​

فلا تصيحين ولا تضايقين ولا تهتمين وايد
وخلج قد التحدي...
واتذكري زين...
كلنا اتعرضنا للخيانة ...
واسوأ من اللي شفتيه ..
وانا عن نفسي شفت اسوأ بواااااااايد عن اللي شفتيه
انتي شفتي ايده عكتفها..
انا شفت اشياء افضع..
ومع ذلك...
شوفيني ما انكسرت...
صرت اقوا من قبل ...
واجمل من قبل...
واروع من قبل...
ويبته لين عند ريولي يبوسها عشان اكمل حياتي معاه...
اتذكري..
اول شي قوة الايمان...
وثاني شي ركزي مع نصايح الدكتورة ناعمه....
وثالث شي اتذكري انج مب بروحج اللي تعرضتي لهالشي بس في فرق بين اللي طلعت منتصرة واللي طلعت خايبه وردت بخفي حنين...
الله يفرج همج ويفك كربج انه ولي ذلك وعلى كل شي قدير...
آمين...​

 

[um elyas]

الله يساعدش اختي اتحلي بالصبر وقوة الايمان

 

[السنيوره نونو]

زوجي ولد عمي وتزوجني وهو يبيني ..وكان خاطب وياه واحد من الاهل بعد بس انا وافقت له..

انا صار لي الحين مكمله خمس سنين من تزوجت ولي منه ولد عمره 4 سنوات

زوجي كان يدرس برا وبحكم ظروفه وظروفي ماقدرت اروح وياها ..

انا احبه واشتاق له واعبر له ..بس هو قليل التعبير ..اعاتبه كثيرا لاني ما احسه مثل كل الريايل يشفق على شوفتي والقعدة معاي ...

واللي عقد حياتي اكثر انه عقب ما خلص دراسه ..اشتغل مرافق ومشرف على امور واحد من الشخصيات المهمه بالبلد..يعني كملت سالفة الغربه زيادة لانه داااايم مسافر..بحكم هالوظيفة ..

انا الحين نفسي موعارفه مشاعره كيف صايره ..احس مثل ماقلت لج مو مثل كل الريايل يكلم دايمن وانه مشتاق لاء..

كرهة الحياه حزات احس انوا حياتي دام مافيها مشاعر حيه مالها داعي مسالة الزواج..حزات افكر بالطلاق..

وودي اعرف ليه هو بارد......بمشاعره

انا جميله والكل يشهد لجمال ..طيبه واخلاق الحمدلله الكل يعرفه في مجتمعي امه مد حاطها على راسه مثلي ..حتي واهله ..
تنازلت عن اشياء كثير من حق كل متزوجه ان تحظي بها لان الاخ عاملي فيها معقد وعيب ..مثال مانظهر مع بعض للمطاعم ..الطلعات وياه يمكن من يوم تزوجته وبدون مبالغه 1% والله يشهد..لا ناقشته بموضوع وسكره حتي لو ما سمع وجهت نظري يتسكر..خلاص ..

البس واكشخ واطبخ والمكان الزين والنظيف والكلام الحلو يالبيه وإن شاء الله وش عاد يبي قولوا لي ...قولوا لي .....؟؟؟؟؟؟؟؟

يالله فهموني
وش فيني ..​

 

[السنيوره نونو]

اختي المستغربه

المشكله انها قديمه... بس للللللللللللللللللللليه ما مسحها؟؟؟؟

ليــــــــــــــــــــــــــــــــــــه؟؟؟​

 

[حبيبتي]

هلا حبيبتي الله يعينج أنا ماشوف الحين الوقت المناسب أنك تواجهينه
إذا قدرتي تاخذين نسخ من الصور بدون ماتمسحينها ( جمعي الأدلة)
بعدين حبيبتي لازم تنتبهين لنفسج مافي رجال يجب المرأة السلبية
غيري من أسلوبج
لاتكونين سلبية
أخذي حقوقج
أخذي حقوقج كاملة
جربي أدخلي في دورة التعامل مع الزوج الخاين
أنا أشوف لو واجهتيه بدون ماتكونين قوية
بتخسرينه

والله يعينج

 

[السنيوره نونو]

حبيبتي
انا خبيت نسخ من الصور بجهازي وخليتها من الملفات المخفيه ..
وقررت اني اقابله اليوم عادي ولاكن شيء صار وباجهز له شنطته لانه بيسافر مثل ماذكرت..وبيسافر ولا كنو صاير شيء ..وبدخل الدورة ..والله يزينها .. وش رايك..معي اني مقهوووره وودي اقهره مثل ماقهرني..ومسألة امسح الصور والله راودتني بس خايفه..انا اخاف منه..
الله يزيل همي ويفرجها على ..

 

[حبيبتي]

أقري سورة البقرة
أكثري من الأستغفار
تقربي من الله
أنا أدري انه اللي تمرين فيه مش سهل
بس نصيحة حبيبتي أصبري ولا تواجهينه
هذا إبتلاء من ربي
ولك أجر إن شاءالله
وبعد مايرجع من هالسفرة حاولي تفتشين شنطته قبل لايوديها المغسله
واذا قدرتي فتشي سيارته اذا سافر

والله يعينج ويقويج ويهدي زوجج

 

[قلم اخضر]

زين العقل يا نونو لا تمسحين اي شي ونسخي كل شي تمسكه ايدج مسجات صور كالمات تسجيلات اي شي وسويلج ملف وبعدين شوفي نفسج ورتبي امورج يوم بيكون برع البلد
وفي فرصه مناسبه واجهيه بالموضوع
بس الصراحه احس انه مشكلة ريلج بسالفة السفر وانتي ادرى بالسفر وبلاويه خاصه مع بعض الشخصيات الي لها وزنها
والله يهديج ويهدي زوجج لج آمين

 

[روبينا1]

الله يهدي لك زوجك
قبل كل شيء تقربي إلى الله وأدعيه في كل وقت بأنو يوفقك مع زوجك
فكري في نفسك وفي تعاملك مع زوجك مو شرط تكوني مقصرة في اهتمامك بنفسك
لكن ممكن زوجك يكون محتاج لتجديد في العلاقة الخاصة وفي المشاعر وتغيري من أسلوب تعامل معاه
والشيء الأهم خلي دايما في بالك
الله ثم نفسي ثم الطرف الآخر
أتمنى أكون أفدتك ولو بشيء بسيط

 

[Mermaid_q8]

الله يصبرج ويكون بعونج حبيبت قلبي فديتج​

 

[بنوتة 911]

عمري حبيبتي اذا انت بالامارات ليه ماتشوفي الاستاذة وانا لو منك مااخلي دوره ما احضرها واونس دام هو مشغول عني :sly::icon31:وانظم اوراقي واهم ما علي نفسي وصحتي ترى الدنيا فانية وطنشيه ولا تبيني انك زعلانة:no: وخططي وارسمي :idea:وخلي اهله بصفك واحرصي على صحتك ترى اللي مثل زوجك ما تاخذي حقك الا بالحلية والله يسخره لك ويجعلك قرة عينه :icon26:​

 

[غنج غرام]

أسأل الله الذي تجلت قدرته أن يهون مصيبتك
ويعمي أعين زوجك عمن سواك
إنه ولي ذلك والقادر عليه

 

[وميض البرق 10]

أنا مع بنوته كلامها عين العقل
الرجال ما يحبون غير الي يطنشهم

 

[ميرو]

لاتنسين كلام الدكتوره ان اغلب الزوجات اللي يخونونهم ازواجهم متنازلات عن حقوقهم

 

[بيونه]

أنا كلامي مثل ما توصي الدكتوره ناعمه الله يحفظها ... وهي ان تكون المرأه قويه بتجميع الأدله التي تدين زوجها بالخيانه ... لربما يعور لعادته وهكدا ستتنوع خياناته ... لذلك يجب عليكي غاليتي ان تجمعي الأدله لحين المواجهه لكي لايكون مظلوم ولا يهتمكي انش تتبلين عليه ....
والله يمسح على قلبش ترا هذا الشي مو هين وانتي معاش القولون تحملي بنفسش ترا المردود النفسي عليش صعب لغايه
دعائي لكي بأن يسخر الله قلب زوجكي لكي ويرجع الأمور

 

[غاردينيا]

سلامتك ياقلبي
انتي صارلك نفس الي صار لي بالظبط وانا حابه انصحك خليك من المواجهه وصدميه مدام انه بيسافر وعكري عليه واذا سافر بيهتم من الموضوع اكثر انا مثلك انسانه ضعيفه ويمكن اكثر بمراحل بس الي انا سويته اني ماواجهته لا اخذت الدليل ةارسلت له ايميل اذا تحبين تعرفين اكثر زوري موضوعي بتشوفين نسخه من الايميل الي كتبته وخليته يموت بس قراه

 

[goldenhony]

يا بنات والله طفشناااا،،،
خيانه خيانه خيانه،،،،،،،،،،،،،،،زهق:smoke1:
خل نعلن الثوووره ونعيش حياتنا بلا نكد المهم بس نحافظ على صحتنا وهم يتفلأوووووووووووو،،القولون ما جاج ألا منه كفايه تعب ،اهتمي بنفسج وصحتج ،،
وهو مرده لج ،،،ألفتي النظر دايما بلبسج وكشختج خاصه أذا كان موجود وأحطي سعادتج رقم واحد ،،،