الخيانه الخياته اف قرفت حياتي

  • بادئ الموضوع بادئ الموضوع toot22
  • تاريخ البدء تاريخ البدء
toot22

toot22

New member
إنضم
2008/05/31
المشاركات
19
االسلام عليكم ورحمه الله
بالبدايه يوم اكتشفتها بحياتي كانت مصيبه
بكيت لين جفت دموعي مابكيت عليه بكيت على نفسي
والله اني كنت احبه اكثر من نفسي
مااقول اني ضحيت واجد بس ممتازه ماقصرت بشي اقدر عليه
كنت اغار عليه من الهواء الطاير
اموت اذا مدح وحده حتي لوكانت متزوجه مابيه يشوف غيري
ابي اكون له كل شي
انا عملت بالاسباب
ربي ارسلي رساله حب منه يبيني انتبه لنفسي ولعيالي هم اهم منه
والاهو مايستاهل شي
_____________
طبعا هو
صرت له بالبيت المحقق كونان

سبحان الله اشتغل مخي 180 درجه ههههههههههه
بعد ماكان خارج التغطيه
وصرت اعرف كل صادره ووارده وعرفت كل شي عنه جوالاته ا ايميلاته
والمواقع المشترك فيها ومواقع الزواج كل شي
واتابعه اول باول
باليوم بالساعه بالدقيقه
كل شي كنت اسجله
عرفت ان مافيه امل الرجال خربان خربان
طبعا انا صرت ماواجهه لاني اكتشفت النقاش بهالموضوع انا الخسرانه
يطلعني انا الغلطانه من راسي لرجليني كرهني بنفسي
بس والله طاح من عيني يالله كنت احسبه ملاك مابدنيا مثله اخلاقه عاليه طبعا كانت عاليه
اخر موقف صار لي معه تاخر علي بالسوق قلت وينك قال معزوم انا كنت معصبه عليه وقلت ادري فيك قاعد على ماسنجر والاالبالتوك والامع وحده
قام قال لحظه لحظه انتي على بالك اني خايف منك
والله انك ماتهميني وعمري ماراعيت مشاعرك ومن هالكلام
_______________________
طيب انا لي هاللحين سنه وشهرين بالظبط ماقدرت اتاقلم مع هالوضع الجديد
انا اشوف كل شي وساكته واموت قهر ابي اعيش بسلام معه
انا قريت كل شي والتعامل مع الزوج الخائن وكل شي بس مازلت اتالم جرح داخلي
​
 
مخي مو مستوعب حاجه بس
سوال ذابحني مو عارفه الجواب زوجي مسجل بمواقع زواج كثير
هو مستحيل مستحيل يتزوج وحده برا العائله
فما بالك برا السعوديه وعن طريق النت بعد طيب ليه يسجل والماسنجر مليان عنده والاسكايبي والابالتوك

(.اللهم ارزقني وده وحبه وارزقه ودي وحبي
اللهم اجعل زوجي حبيبا حليما كريما هيناً لينًا معي.
اللهم اجعلني عونا لزوجي على طاعتك واجعله عونا لي.
اللهم يا مؤلف القلوب الف بين قلبى وقلب زوجى برحمتك يا ارحم الراحمين


اللهم حببني الى قلبه وجملني في عينه واستر عيوبي عنه واستر عيوبه عني وألف بين قلوبنا واجمعنا في الفردوس الأعلى من الجنة.
اللهم أرزقني بره وأرزقه بري .
اللهم باعد بينه وبين رفقاء السوء كما باعدت بين المشرق والمغرب فأنهم لايعجزونك ولا تسلط علينا من لا يرحمنا ولا يخاف منك يا الله يا الله يا أحد يا صمد يا رب يا غفور يا شكور
اللهم اجعل غضب زوجى على بردا وسلاما كم جعلت النار بردا وسلاما على سيدنا ابراهيم.
اللهم حببني الى قلبه وجملني قي عينه واستر عيوبي عنه واستر عيوبه عني وألف بين قلوبنا واجمعنا في الفردوس الأعلى من الجنة.
يارب العالمين اللهم يا مؤلف القلوب الف بين قلبي وقلب زوجي على محبتك وطاعتك برحمتك يا ارحم الراحمين.
اللهم انت الحمد الحنان المنان بديع السموات والارض انت الله الواحد الاحد الفرد الصمد اسألك باسمك الاعظم ان تهديني وتهدي زوجى وابنائي وتجعلنا من عبادك الصالحين المتقين المفلحين وان تحسن خاتمتنا وتظلنا تحت ضل عرشك يوم لاظل الا ظلك..اللهم حنن قلبه علي.
اللهم بحولك وقوتك تضع مودتي في قلبه انت ولي ذلك والقادر عليه برحمتك يا ارحم الراحمين اللهم الف بين قلوبنا واصلح ذات بيننا اللهم اني اشكوا اليك ضعف قوتي وقلت حيلتي اللهم اني لا حول ولا قوة لي الا بك يا رب .

وفق الله الجميع لما يحبه ويرضاه مع تمنياتى لكم بحياه زوجيه وهادئه ومستقره ....​
 
تحية طيبة أختي الحبيبة
غرض زوجك من هذه العلاقات هو المتعة و الحصول على الجنس فقط و ليس الزواج ، ومواقع الزواج من أسهل الطرق للحصول على البنات
حاولي أختي تكسبينه و متعيه قدر الإمكان ..
و قبل كل شيء أستعيني بالله و لاتفقدي الأمل أعانك الله
 
ايه لو ناوي يتزوج مايدخل هالمواقع كان خطب من السعوديه
بس هالمواقع يقدر يصيد البنات ويسولف معاهم ويتسلى
مشكله وربي يعني سنه وشهرين مامل من البنات مصيبه
طيب تقربي له تغيري عشانه حاولي تسوين اي شي تقربينه منج
طيب انتي عندك الرقم السري تبع ايميله لو عندك غيره واذا سالك قولي مااعرف
حاولي تبعدينه عن النت وعن البنات
ادعى الله في كل صلاه انه ربي يهديه يارب
 
ياعمري مواقع زواج ومسيار هذي حقه الزواج كل البنات الي فيها نصابات يبون رجال وبس على بالك انها صدق زواج وحياه لالالالالالالالالالالالالالالالالالالالالا
واغلب الرجل الي يخونون مسجلين بالمواقع هذي لانهم يصيدون بسهوله فيها ويدور على كيفه المواصفات الي يبيها ...اغلب الريايل مسجلين فيها
 
اااااااااااه من الرجال


زوجي نفس الشي ماسنجر وقلة حياء

وكم مره اقوله تكلم بنات هاا يعني ابيه دقه له

يقولي انا والله ما احب الحركات هذي

واسألي خواتي كثير بنات يدقون علي واتفل في وجيههمم

واخر مره كان على الماسنجر ودخلت الغرفه ابببببببكي وجاء شافني قلت عشان الكمبيوت والبنات اللي فيه

عصب وهاوش

وقالي لو ابي اسوي بسوي وما يهمني انتي

بلعت لساني وسكت

لجأت لربي ان يصرفه عن بنات الحرام

بشوف نهايتها
 
الله يهديه لنفسه اولا ثم يهديه لكي
اختي اكثري الاستغفار في كل وقت وصلي بالليل اللي تقدري عليه وادعي ربنا انه يبعد عنه الحرام ويسخره لكي ويوفق ما بينكم
 
بارك الله فيكم على هالردود ريحتوني الله يريحكم
اختي صبيه شقيه وش ابعده عن النت النت وين مايروح يلقاه تخيل خبيت اللي عنده بالبيت وانا اعرف
ان عنده بالعمل واحد بس قلت يمكن يخف تخيلي وش سوى جاب واحد بس يقعد فيه بالسياره قبل يوصل عمله
الله يعين ويجعل مصيبتي برد وسلام على قلبي
ويعين كل وحده مرت بهاالتجربه الصبر مرررررررررررررررر
 
انتي امتعيه عشان اما يخونك برى
سوي له كل شي كوني انتي له كل شي الزوجه والصديقه والعشيقه
تقربي منه اشبعي حواسه كلها
 
نصيحه حبيبتي عيشي حياتك وخليه لاتهتمين في تصرفاته البايخه اهتمي في عمرك واهتمي في شكلك ووناستك
ولاتنبشين من وراه تراها مصيبه التنبيش وطالما صار وعرفتي ادعيله ومهما كانت نظرتك له حسسيه بالامبالاه ولاتوضحين اه انك عارفه شي لانها اهانه بالنسبه لك يعني عرافه وساكته صدقيني بيتمادى وانا ما اقولك تصرفي بقوه بس خليه منه لربه ولو شافك نكديه بتصير التسليه جد وساعتها ما يفيد الندم والرجال ما يخاف من زوجته ولا من اي احد طالما ما فكر في خوفه من ربه فلا يهمه احد اصلا
عشان كذا خليه وادعيله واقري سوره البقره واكثري استغفار والله هو الحل
وانتبهي لاتهملين نفسك لانك لو اهملتي نفسك كانك تسمحين له انه يهملك وخليك واثقه من نفسك ترى الدنيا فانيه
الله يهدينا جميع
 
والله كنك تتكلمين عن زوجي لكن صدقيني المواجهة ماتنفع معاهم لانهم بيحاولون يخبون اكثر عليك لكن طنشيه

وتحملي بالدعاء والصبر واذا كان عندك اولاد اشغلي نفسك بيهم تكشخي وتزبطي وكوني انتي العشيقة والخ ....

ومالنا في الاخير الا الصبر والدعاء والله يعينك
 
الله المستعان
هذي آفة العصر الله يطلعنا منها على خير
وقليل من الرجال من سلم منها
بس حبيبتي هوني على نفسك
انا معاك انه شي يقهر
بس الخيانة درجات - يمكن الماسنجر وتوابعه أهون من الزنا وبلاويه
طبعا زي ما قالوا لك الأخوات زوجك يتسلى ما في نيته زواج ولا علاقات جادة
المهم كلامك معاه ما يفيد لو اذنتيه أذان واسألي المجربات
انا أختي زوجها له ست سنين ما تشوفه غير وقت الأكل
وما قدرت تغير فيه شي
بالأخير طنشته تقول مصيره يمل
وبعدها ارتاحت وخفت المشاكل بينهم
عاد انتي الله يعينك ويصبرك ويهديه ويسخره ويشفيه من هالداء
ودايما ادعي ان الله يصرفه عنه
 
الله يكون بعونك ويسخر لك زوجك هذا اللي اقدر اقوله لك لاني مثلك مبتلاه الله يفرج همي وهمك وهم كل المهمومين يارب
 
الله يعينك ويصبرك عليه

طنشي حياتي طنشي

والله راح تتعبييييين

خليه يولي لاتراقبينه عشان لاتنقهريين

بس مممكن اسال عن شي

البالتوك ؟؟ هل هو موقع سيءء ؟

خطيبي يدخله لاكن مدرري ماعرف شنو هذا

يعني وش الي فيه ؟

بنآت ؟؟ دردشه ؟ ؟

ولا شوو
 
الله يهديه الخيانه مرض وادمان اللهم اعصم ازواجنا عن الحرام
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل