الحيرانه

ام لــودي

ام لــودي

New member
إنضم
2010/05/30
المشاركات
1,332
السلام عليكم
انا اول مره اشارك
انا متزوجه ولي ولد وعمري صغير
ولا احب اخبر احد بأسراري
بس حبيت اقولكم واستشيركم
انا عند اهلي لي اسبوع ونص تاركني زوجي ولا يكلمني عشاني بس قلتله ودي اجلس عند اهلي اسبوع لاني انا بعيده عن اهلي انا قصدي نغير جو وعشان نشتاق لبعض بس هو رفض بس انا بكيت جاء راح وسافر وانا جلس عند هلي منقهره تحسفت اني جلست خفت يتركني والله بعض الايام اصييييح ومحد يدري عني حسيت انا الغلطانه ودايم ارسله اقول متى تاخذني بس هو مايرد علي سافهني بالمره
وش اسوي ماودي اتشحذه اخاف يرفع راسه ويصير مغرور
وماودي اتركه متى ماجاء اخاف يتعود يتركني
الله يعافيكم ردو علي :frown:
 
عادي اختي ليش ترسلين له متى تجي تاخذني كان خليتيه لما هو يدق

اكيد هو دامك رحتي بغصب وهو مايبي اكيد بيعلمك عشان ماتروحين مره ثانيه الا وهو مقتنع

عادي لاترسلين له فتره وخليك قويه واثقه من نفسك
وصدقيني بيدق عليك لانه اقلها ماراح يصبر عن ولده

مثلا اذا ارسلتي ارسلي انا بطلع لسوق عادي اروح على اساسا انك تشاورينه

وكنك مستانسه وموهامك

او مره انا بطلع مع اهلي لمطعم اروح معاهم يعني تاخذين شوره بس

اما تعال خذني قويه والله في حقك وحق اهلك
 
لا تسأليه متى بتاخدني

خلي مثلا حد من اهلك يدق عليه ابوه او اخوكي انه يسلم عليه

ويقولوا متى جاي تعال نتغدى سوا هيك شي

وانتي مثلا قوليلهم انه هو بدك اياهم يحكوا معاه عشان حابة تجتمعوا كلكم على الغدا مع بعض​
 
انا في القصيم وهو في الرياض يعني بعيده عنه
حتى اشوفه بالمسن حاط صورت ولده ويقول اشتقت لطلتك
بس هو يكابر انه يتصل علي ويقول اني اشتقتلكم
 
لا تسالينه لما يرجي بنفسه دامه مشتاق
وخليكي زي ماقالت الاخت واثقه من نفسك والله يوفقك
 
خلاص لا تترجينه بيرفع خشمه عليك انتي لا تدورينه واستانسي عند اهلك مو لا رجعتي عندزوجك قلتي ياليتني ما اهتميت خليه هو اللي يسال عنك وان شاء الله بيجي من نفسه
 
حطي بعد انتي اشتقنا للحبايب ههههههههههههه


وراح يجيك طيران ان شاء الله


الله يسخره لك
 
ليه تقسوون البنت على زوجها؟؟؟

حبيبتي مافكرتي ليه زوجك مايبيك تجلسين عندهم اسبوع؟؟اكيد لانه يحبك ويمووووت عليك ومايبي تبعدي عنه
احمدي ربك زوجك كذا ياما بنات يشتكو ازواجهم لاهين عنهم

لاتعودين زوجك ع غياابك
 
لا ياحبيبتي مو كل هذا حب لي
قسم بالله اجلس ايام و ولدي ماعنده حليب وهو عمره 7 شهور
يقهرني يجوع ولدي
والله اذا رحت للبيت مادرى عني مايجي الا في الليل
 
حبيبتي طالما انتي جالسه عند اهلك عيشي هالايام اللي انتي قاعد عندهم صدقيني راح يجيلك بس انتي اثقلي شوي ولاعاد ترسلين له شي انتي كنتي تبين اسبوع تغيرين جو خلاص عيشيه بدون ما تفكري فيه هو جاي جاي بس الثقل زين
 
فيه حاجه كمان انت صغيره يعني باقي تتعلمين كثير من الحياه وتاخذين درووووس
 
لاتدقين عليه بس ارسلس له رساله وبيني فيها انك مشتاقه له مو تقولي له متى تاخدني ؟؟ وحاولي تدخلين البيبي قولي له مشتاق لك ويبي يسمع صوتك مثل هيك يعني
 
اخرتها بيجي بس انتي استمتعي القعدة عند اهلك

و اذا شفتيه مصخها طرشيله مسجات شوق على دلع مو ترجي

واذا هو زعلان من حركتك خلاص اتاسفيله مرة وحدة بدلع وقوليله انك ماتقدرين على فراقه بس اشتقتي لاهلك من زمان عنهم

و خليه لين مايرد عليك وبعدها انتي تجاوبي معاه بدلع و بيجيك طيران

بس خلك بشوشة ولا تتذمرين ولا غيره

و مثل ماقلتي فرصة عشان تشتاقون لبعض

و يوم ترجعين لبيتك غيري روتينك واستايلك واسلوبك وكثري من الكلام الحلو

و الطلبات اطلبيها بدلع وابتسامة و اذا جابها اشكريه وامدحيه وبس​
 
الله يجزاكم خير
قسم بالله عشاني صغيره مدري وش اسوي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل