الحمد لله والشكر سويت العمليه

[حبي الابدي yy]

حمد الله ع سلامتك

وانشاالله شوفين النتيجة وتستانسين عليها بإذن الله ​

 

[أتعبني الفراق]

عنودة حبيبتي الف حمدالله عالسلامة وماتشوفين بأس

بس حبيت اسالك وين سويتي العملية باي مستشفى او عيادة ؟ وكم كان وزنك ؟ وكم كلفتك العمليه مع العلاجات ؟

وهل يحددون نوعية الاكل ؟؟

انا اعاني من كرشة مو طبيعية كني حامل بتوام ودي اخفيها وعجزت !!!!! :8:

 

[عنوده123]

حبيبتي اتعبني بقولك شي انا كان وزني في الثمانينات بعدين سويت رجيم لنفسي ومشي وحالتي حاله لمده اربعه شهور الحمد لله صح بدايه الرجيم النزول صعب بس بعد الشهر الاول الوزن صار ينزل لين وقفت على 65وبعدها قلت للكرشه الصغنونه هذي لازم اشوفلها حل كل شي فيني نحف الا الكرشه وفوق الخصر قلت يالله بسوي دراسه حشى كني اسوي مشروع المهم توكلت على الله في رمضان ودرست الموضوع وسالت عن كذا دكتور او عياده ورحت فتحت ملافات عند كذا عياده وتوكلت على الله ورسيت على عياده بنان الي في طريق الملك عبد الله واستغربت كنت ابي دكتور فواز قالو زحمه بس رشحولي دكتور سوري اسمه البرت توكلت على الله وقلت استشيره وسويت الكشف وقالي انتي يبي شفط بطن ونحت الخصر قالت يالله كم تكلف قال 18الف ريال من غير المشد 400 والحمد لله سويتها واللحين راضيه عن النتيجه بس يبيلي اصبر على نفسي صح بطني خف وخصري حلو بس يبيلي عشان الشكل النهائي بعد شهرين وقالي اسوي دايت خفيف وامشي بعد ماسويت العمليه باسبوعين والحمد لله على كل حال اختي ارجع واقول كل وحده تختلف عن الثانيه وحده تظبط العمليه وحده لا والتوفيق بيد رب العالمين انتي استخيري واستشيري اكثر من وحده وتوكلي على الله وعلى فكره الاااامها بس اول 3 ايام وبعدها تخف وكل يوم تخف واي سؤال انا حاضره

 

[رووحي فدآآآه]

الحمدلله على سلامتك حبيبتي طيب عمليتك مالها ضرر يعني لو بتحملين "" او لازم تجلسين فتره بعد العمليه وماتحملين

 

[عاشقةالكوثر]

اختي الله يوفقك كيف اذا كانت الوحده عندها فتق بسيط في السره بيأثر .وتأثر العملية على الحمل
بارك الله فيك واتمنى لك الشفاء

 

[عنوده123]

السلام عليكم ورحمه الله وبركاته اخواتي احب اشكركم جميعا والله يسلمكم ويوفقكم
انا بصراحه مبسوووطه مره النتائج روعه اليوم كملت 19 يوم والنتائج تجنن تخيلو الخصر منحوت ومشدود انرسم جسمي بصراحه
والبطن مرررره خاااااااف عن اول باللبس روعه جسمي الحمد لله ومشاءلله تبارك الله البارح كانت عندنا عزيمه واغلب الموجودين ياربي سؤالهم نحفتي وش مسويه بطنك خاف وتعرفون سوالف الحريم عاد انا وش اقولهم ايه رجيم ومشي والمشد مانزله عاد اغلبهم يعرفون اني اسوي رجيم من زمان ويعرفون اني محافظه على وزني بس كانو يقولون كل شي اوكي الا البطن والخصر عاد قلت وقتها اعلن الحرب واتوكل على ربي واشفطهم والنتيجه روووووووووووعه اسفه طولت عليكم بس وربي من الفرحه

 

[عنوده123]

نسيت اقولوكم شغله انا لما شفطلي الدكتور سوالي الليزر يوم سالته قالي هذا الي يشد الجلد ويخليه مايترهل تصدقون بنات قبل لاشفط كان جلد بطني مو مترهل مره بس خفيف ورب الكعبه طلع جنااان مجدود صح وهو يمرر الليز احس بحرارته تقولون نار وتلسع وصوته وذبذباته براسي اسمعها بس عرفت انو هو السبب في شد البطن

 

[نجوى العلي]

السلام عليكم...حمدا لله على سلامتك...وربي يتم عليك بالصحة والعافية...بس ممكن ترديلنا بخصوص موضوع الحمل...ولك منا كل الامنيات بالبقاء رشيقة

 

[رسيل5]

الله يتمم عليك فرحتك
بس سمعت انه اللي تسويها ماتحمل بعدها
وانه الاطباء يوقعونها على تعهد انها ماتحمل ويخلون مسؤوليتهم

 

[jasman flawar]

الحمد الله علي السلامه والله يتمم عليك الصحه