الحمد لله ع كل حال ..........

[المشـ صمت ـاعـر]

السلام عليكم ....

ودي اكتب لين تنشل اصابعي ... ودي افضفض لين اتعب ... ودي ابكي لين تجف عيوني ...
ودي ودي ودي .... ليه يصير معي كذا ؟؟؟؟ ادري لأني مقصره بديني كنّه ما على المسلم غير يصلي وبس ...
ادري علاجي بالقرأن وذكر الله والإستغفار والدعاء ....
بس ليه ما اسوي كل هذا ؟؟؟؟ انا مب صغيره 28 يا بنات 28 وبعد شهور بدش 29 ................
احاول واحاول بس ما استمر بالكثير يومين ثلاث وبعدها احس روحي مخنوقه وتعبانه ..
تعبت نفسيتي وتعبت من شكلي وتعبت من كل شي ....
ايامي صارت روتين قاتل ... من البيت للشغل ومن الشغل للبيت .....
اطالع خواتي اشوف الروح مشعه بوجيههم واتحسر ع عمري وانا اللي اكبر منهم ....
وانا اللي تشتغل ودارسه وهم جاعدين بالبيت ... صرت اكره شغلي احياناً ...
مع ان راتبي حلو واخواتي يتمنون يشتغلون بس شهاداتهم ما توظفهم وانا درست واشتغلت بشهادتي ...
تعبانه يا بنات وما ادري وش اسوي بروحي تعباااانه حيل .................

 

[صرخة انثى]

هلا فيك ياعسوووله،،~ليه هالتعب ياغااليه هذه حاال الكل يتعب شوووي من هالدنيا وبعدين يرجع للنشااط
وبالنسبه للصلاه ودينك حطي لك جدول،،~عشااان ترتاحين بالنسبه للااستغفار والاذكار وقراءه القران وصل الرحم
وكل هالاموور رتبيها بجدول،،{
حااولي ترفهين نفسك شوووييعني يوم خذي خوواتك روحوا اكلووا ايس كريم واستاانسي،..حااولي تغيرين انتي من روتين البيت ،،حتى ادخال البهجه في نفس المسلم اجر وصدقيني لابديتي رااح حتى خوواتك يتغيرووون وينكسر الروتين ويحل البهجه والوووناااسه،،والله يسعدك ويفرج همناا وهمك يااااارب،،~
تقبلي مرووري*_^​

 

[مسس سويت]

حبيبتي ليه النكد ..؟ انتي قاعده تنكدي نفسك بنفسك بكلامك اللي تسمعيه نفسسك
لاتحطي ببالك ابدا.. انتي حاولي ترتبي وقتك بس وسوي اشياء جديده ماقد سويتيها
عشان تكسري الروتين ومن هالاشياء اهتمي بجمالك وبشرتك وشعرك منها تضييع وقت ومنها تستفيدي لنفسك عشان لما يجي ان شاء الله ابن الحلال الا وانتي جاهزه ومن غير الزوج انتي لنفسك سويها عشان تحسي بالتغيير وترى الاستغفااار راحه وانت ماشاء الله عليك عارفه
اذا حاسه انك ماراح تواظبي خوذي سبحه وخليها بيدك مثل الاسواره وبكل وقت استغفري
اصلا الاستغفار سبحان الله يريح النفس لو ان ع قلبك جبال من الهموم
وماشاء الله تقولي عندك عمل وراتب حلوو اجل اعزمي اهلك يوم بمطعم كتغيير
انزلي انتي واخواتك وصديقاتك للسوق ..زوري صديقاتك سووا جمعات اسبوعيه
واعيد واكرر الاستغفار وطريقة السبحه مبدئا وبعدين راح تتعودي على الذكر
ان شاء الله تتحسني بس اهم شي لاتحطي ببالك هالافكار انو نكد وطفش وروتين قاتل
اسفه ع الاطاله ياقلبي بس وددي اساعدك

 

[ريهاااام]

سلامتك ياقلبي الف سلامه
اولا..رددي دائم طول اليوم ((الهم اعني على ذكرك وشكرك وحسن عبادتك )))
الي فيك وسوسة ابليس يبي يحزنك والله ويبعدك
عن الدين ..
القران فيه شفاء دااومي على القراءه وحتى لوتعبتي ....((واستغفري كثير لانه فيه فرج باذن الله)))
((الرسول عليه الصلاة والسلام يقول عن الصلاة ))
ارحنا بها يابلال .......
الصلاة راحه وسكينه بس الشيطان بيقنعك بغير ذالك
الزمي اذكار الصباح والمساء والدعاء الي قلت لك
مع قراءة القران والاستغفار
((بأذن الحي القيوم راااااح تحسين بتغيررر
كبييييرررررر
وقلبي معك ودااعي لك وبالتوفيق

 

[دفء]

حبيبتي(صمت المشاعر):
ليه ياقلبي تحطمين نفسك؟
ليه اليأس؟
صدقيني ..
كل هذا من الشيطان..
يبغى يدخل لقلبك اليأس والحزن..
حتى يحسسك إنك ولاشي..
إنتي مميزة..
والشيطان يلاحقك حتى يعذبك في كل شي..
الحمدلله ..إنتي في نعم محد حصلها ..
وظيفة..وفيه شي تشغلين نفسك فيه..
والفرق بينك وبين أخواتك إنهم مبسوطات..
عايشين يومهم..
رتبي وقتك..
لاتخلين شي عندك أهم من ربك..
صلي..
واجلسي بعد الصلاة إستغفري..
رددي (الله..الله..ربي لاأشرك به شيئا)
كل ماحسيتي بالضيق..والا القلق والا الكآبة..
اتعوذي من الشيطان..والجأي للوضوء..
أنتي اللي تقدرين بفضل الله تغيرين حالك..
لكن ..إصبري..
وانظري للمميزات اللي عندك..
الشيطان عدو المسلم..
يحب يحزنه..
يوسوس له ..
لحد مايوصله للجحود والكفر..
كوني على يقين إنك الأفضل..
والحياة حلوة..
بس نعيشها مبسوطين..
اتذكري مواقف صارت لك تضحك وتبسط..
عيشيها..واضحكي من قلب..
إمزحي..فرفشي..
ولاتعطين نفسك فرصة للتفكير..
أول ماتسمعين الآذان..
هاتك ياجري..
وعلى دورة المياه..
وضوء..
وبعدين..
هاتك ياجري ..
على الغرفة..
افرشي سجادتك وصلي..
في البداية تكون ثقيلة عليك..
حاولي تعودين نفسك..
وعليك بالرقية..
واذا كانت صعبة عليك وتتثاقلينها في البداية..
إقري على صدرك سورة الفاتحة..7مرات
وآية الكرسي..3مرات
وسورة الإخلاص..3مرات
والمعوذتين..3مرات
ولاتنسين أذكار الصباح والمساء..
يا الغالية..
إن كنتي تسمعين أغاني ..أتركيها..
والله أقوى سبب للضيق..
ولا تجلسين فاضية..
دوري لك أي شغلة..
لأن الشيطان بيفرح ويدخل عليك..
ومن تفكير لتفكيرلحد مايطفشك..
عيشي ياعسل ..الوضع اللي تبغينه ولاتحطين يدعلى يد..
ماراح تستفيدين شي..
أسأل الله أن يفرج همك..
وأن ييسر أمرك وأن يسعدك في الدارين..
آمــــــــــــــــــــــــــــــــــــــــــــين..
ومن قلبي..
يالغالــــــــــــــــــــــــــــــــــــــــــــــــــــــــــــية..

 

[H.M.S]

هلا فيك حبيتي ..

انا انصحك بسماع هذي المحاضره بإذن الله راح تغير فيك اشياء كثير .. 8 اجزاء المحاضره اتمنى تسمعيه كلها عشان تستفيدي ..
هذا الجزء الاول لها ..
http://www.youtube.com/watch?v=nVmvp7-m7dE&feature=related

 

[المشـ صمت ـاعـر]

الله يجزاكن الجنه وشاكره وقفتكن معي .....
والحمد لله انا محافظه ع صلاتي و ان شاء الله بتغلب ع الشيطان اللي
مبعدني عن القراءه والإستغفار وانا صابره ومحتسبه و ربي بيفرجها ان شاء الله ..........

فديتكن ..