الحمد لله الذي لايحمد على مكروه سواه 00 وش اسوي

السلام عليكم ورحمة الله وبركاتة
اعانك الله على مصيبتك وانا اايدك في عدم انزالة اختي انا حملت العام في بنت واكددوا لي انها مشوهه وانا في الثامن قالوا ان ما عندها كلى؟؟؟ تدرين وش سويت قعد اصلي وادعي ربي ليل ونهار ان الي فية الخير يسير وفعلا بعد اسبوع ويجيني طلق وانا في الثامن ؟؟؟وولدت لكن البنت طبعا ماتت انشاء الله انها طير من طيور الجنة
 
ألله يفك كربك ويلهمك ما فيه خير لك ولجنينك
 
اختي العزيزه انا صار معي نفس الكلام وقالي البروفيسور ان الطفل عندي في مخه ماء ودم وطلب مني ان احضر عنده الشهر السابع واسوي عمليه وانزل الطفل ويحطونه في حضانه ويشفطون الماء والدم طبعا وعطاني موعد ومحضرت الموعد وفوضت امري الى الله
والحين عندي بنت عمرها 11 سنه عروسه وجميله ولا فيها شئ وهذا من فضل ربي
اللهم للك الحمد والشكر مارحت للدكتوره الاوانا عندي الطلق طبعا الجميع انصدم لكن الله قادر على كل شئ
 
نصيحة من قلب محب ...

اكثري من الاستغفار واجعليه كل وقتك ...

وتصدقي (داووا مرضاكم بالصدقة)

ولايعلم في الارحام الا الله ...

ماتدرين يمكن ربي يشافيه ويطلع سليم بقدرته سبحانه...
 
جزاكم الله الف خير00
اختي الجهري ارسلت لك ايميلي على الخاص ..... انتظر رسالتك
 
توتة حبيبتي ...لا تخافين

انا صديقتي في اول طفل صار لها نفس الشي

اخذت طلق صناعي في الخامس ونزلتة

والحمد لله عندها الان ثلاث اطفال يهبلون

توكلي على الله واحتسبيها خيرة

والحمد لله على كــــــــــــل حال​
 
الله يفرج همك ياااارب ويسعدك وكون الجنين سلييييم يااااااااارب
قادر على كل شيء
انك تشفيه يارب العالمين
 
هلا والله اختي

سبحان الله ذكرتيني بحالتي اول طفل ليه وانا في غربه وماعندي احد الا الله
الي صار معي قالوا انه الراس فيه ماء والقلب لم تكتمل المهم واشعه وفحص واخذو من موية الجنين وهو لسع
ماكمل ال3 شهور عن طريق ابره في البطن وما ظهر شي ونعيد مره ثانيه وحاله المهم بعد كل هذا
يظهر التحاليل بوجود مشكله وفعلت مثلك بسؤال المشايخ عن حكم الاجهاض لكن مادام انه كمل ال120 يوم
ومافي خطر على الام فلا يجوز انزاله هكذا كانت اجابتهم

توكلت وكمات حملي واراد الله ان يجعله شفيعا لي ولوالده والحمدلله على كل حال

نصيحة لوجه الله توكلي واكملي الحمل وماجاء من الله فالحمد له والشكر
وتذكري بان الله هو ارحم الراحمين وهو احكم الحاكمين
ولن يحملك الله فوق طاقتك واستعيني بالله وكفى
 
يا اختي توكلي على الله واكثري من الدعاء والصدقه والاستغفار انا حصل لي مثل حالتك لكن ما اكتشفوا الحاله الى بعد الولاده عملوا لولدي عمليه براسه بعد عشرين يوم من ولادته ووضعوا له انبوب ينزل المويه من الراس والحمد لله ولدي طبيعي جدا كاي طفل وهوالان عمره 12سنه وللهالحمد والمنه
 
الله يفرج همك ياااارب وتوكلي على الله واكثري من الدعاء والصدقه والاستغفار
انا شفت وحده تقول ان اختها كانت حامل وقالوا لها الجنين مشوه وله راسين ولازم ننزله ورفضت وقالوا لو كمل الحمل سيموت بعد الولاده
وسبحان الله تم الحمل وولدت وجابت بنت مثل القمر وكان شعرها طويل ومتجمع فوق راسها وصار كانه راس ثاني فوقه وهذا الي شافوه وتقول شعرها كان طويل والبت تهبل
وحده من اقاربنا قالوا لها ان الجنين مشوه وماله وجه وكانت على اعصابها طول فترة الحمل ويوم ولدت كان على الوجه طبقه وشالوها مثل الغشاء وشالوها بلحظتها وما شاء الله ما فيه الا العافيه
بس اكثيري من الدعاء والاستغفار والله يخيب ظنهم ويطلع سليم معافى
 
خواتي الي ردوا الله يجزيكم الف خير ولا تشوفون مكروه يارب00
اختي هنودي الله يحفظ لك ولدك يارب ...بغيت اسالك هم قالو لك وقتها ان المخ في جزء منه ناقص من مؤخره الراس ولا بس قالو مويه ردي علي الله يسعدك يارب0
 
مشكوره اختي هنودي وصلني ردك على الخاص........... الحمد لله توكلت عليه ولا خول ولا قوه الا بالله . الهم اجرني في مصيبتي واخلفي خيرا منها يارب.
 
اهلين عزيزتي توته الصغيره انا ارسلت رساله على الخاص بس ماادري ليش مارضت تروح المهم انا قبل 5 سنوات حملت وقالوا كل الدكاتره بمختلف المستشفيات ان الطفله دماغها وقلبها وامعاءها فيها مويه والرحم مافيه مويه علشان كذا طلبوا اني انزل الجنين فرفضت فقالوا خلاص تعالي في الشهر السابع نولدك بس ترا بتطلع معوقه ولا فيه امل تعيش فاتكلت على الله واستخرت وصرت اقرا سورة البقره يوميا وامتنعت عن زياره المستشفيات ولما صرت في الشهر الثامن رحت كشفت بمستشفى جديد بدون مااخذ ملف الحمل الي فيه نتيجه الاشعه والتشخيص الطبي وقلت لهم ابي اسوي اشعه اطمن على الجنين فاخذوااشعه وقالو كل شي تمام والطفل بنت في الشهر الثامن فجلست ابكي فقالو ليش تبكين ماتبين بنت تبين ولد فضحكت وهم مايدرون وش السالفه ولله الحمد ولدت طبيعي وبنتي عمرها 5 سنوات وزي العسل وكل اللي يشوفها يقولو سبحان الله هاذي اللي يقولون عنها مشوهه وانا اقول سبحان الله هو على كل شي قدير يحيي العظام وهي رميم فنصيحه مني اتكلي على الله واقراي سورة البقره يوميا واحسني الظن بالله وطمنيني عليكي
 
اختي الجهري الله يحفظ لك بنتك وتفرحين فيها يارب ,,,, كلامك ريحني المشكله لو بس المويه الي بالراس كان هانت لكن المشكله الاكبر ان في جزء من المخ ناقص وهذا الي مخوفني ....
اختي احب بناتي الله يحفظ لك بناتك ويرزقك الولد الصالح.
 
ادعوا لي يابنات.............بالله ادعوا ان الله يفرج همي ويكشف كربتي ويرزقني جنين سليما كامل من غير زياده اونقصان..............والله نفسيتي تعبانه .. الوساوس بتذبحني..
 
ما عليج من الدكتور .. في دكتور قال لبنت خالتي انه ولدها فيه ورم و خرعها و طول حمالها تحاتي و تبكي ..
و الحين ولدها اسم الله عليه عمره سنة ما فيه شي ...

شربي ماي زمزم و كثري الدعاء .. و ما تدرين شنهي الخيرة سبحان الله ..
 
بكيت عندما قرأت موضوعك

ببساطه انا ام لطفل مصاب بمرض داندي ووكر كم هو مؤلم هذا المرض

وكم احب طفلي شفاه الله عمره الان خمسه اشهر يبتسم دائما رغم الامه اللهم اني ادعوا لولدي بالخيره وادعوا لاختي بالله توته ان يرزقها جنينا معافى


اختي بحثت ومازلت ابحث عن اي علاج لهذا المرض ولعل الله يريد لنا الاجر بهؤلاء الاطفال ابحثي عن كل مايتعلق بهذا المرض وهيئي نفسك لما ترينه

مازال طفلي بالمستشفى منذ ولد الله المستعان اسال له الشفاء
رغم ان الاطباء يقولون لاشفاء له وله عمر محدد لكن الاعمار بيد الله والله كريم
 
اختي جروح...........الله يصبر قلبك ويشفي طفلك ويكنب لك الاجر..ويصبرني على ماابتلاني..
احمدي الله على كل حال..اللهم لك الحمد الى ان يرضى وجهك الكريم يارب.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل