الحمد الله يآآآرب .. بنات ممكن تشوفون لي طريقه مع هـ الجنوبي الغربي

[آحتآج حنآنك]

مرحبا بنااااااااااااااات

شخباركم :27:

اممم بدخل بالسالفه على طول

انا مغتربه مع زوجي للدرآسه والحين اختباراته قربت وبعدها ببنزل السعوديه

انا حيل مستانسه اني بشوف اهلي ملييييييييت من الوحده هنآآ

المووهم انه قبل لا نجي هناا زوجي كان راعي استراحات وكوره وربع يعني طول يومه معآهم

ولما جينا هنا هجد مآعندهـ احد :39:

على فكره هو جنوبي غربي

المهم انو من الحين جالس يقولي انا لنزلت لا تكلميني ابصير مشغول

قلت له لنزلنا نتفاهم على هالموضوع يصير خير

رجع يوم ثاني قال شوفيني ترا مقابلك هنا طول الوقت في السعوديه بتفرغ لـ اصحابي وانتي خليك بيت اهلك

رجعت وقلت له طيب حبيبي ركز الحين انت بمذاكرتك وبعدها نتكلم

رجع يوم ثاني يعيد لي الاسطوانه زهقني ياربيييييييي

طيب ادري انه من زمان مشافهم طيب حتى انا ماشفت اهلي مده ماقلت بتركه وبروح لهم ولا تكلمني ومدري ايش

المهم اني طفشت وقلت الا ابنشب لك بكل طلعه وبكل روحه لربعك

وبزهقك ومابتروح لهم الا وانت متنكد

هو طالعني بنظره استغراب جا بيتكلم قلت له لا تخاف مابمنعك منهم بس عاد روح لهم بعقل

مو من المغرب للفجر زي اول تراك متزوج

ولا ابنشب لك مثل ماقلت لك

رجع قاالي اصلا اغلبنا متزوجين ماحد سوا مثلك

مارديت عليه

المهم شورو علي من جد طفشت من الحين بيرفع ضغطي شلون لنزلنا

انا والله افكر اروح بيت اهلي واخليه بكيفه هو وربعه ولا بسال ولا شي

والله حتى انا ولهانه على اهلي مو بس هوو

وبكيفه يسطفل هو واصحابه

هو متوقع اني انشب له عشان كذا يجي ويروح على هالسالفه فا انا بحاول اني اسوي العكس

مع اني مقدر اشوفه من المغرب للفجر طالع وغير روحته للملعب الي بالعصر واسكت

القهر اني بصير ملطوعه ببيت اهله

والله الا ماتطلع لي شياطين براسي واهدها عليه :8:

 

[اشراقه جديده]

يا سلام من اللحين يفكرر كذا
طنشي وماعليك منه ولا تعكري مزاجك كله كلام وانتي انفذي بعمرك من المناقر ومشاكل قولي روح مع السلامه وشوفي ردة فعله
ووقت الجد خليك حازمه معاه
وسلامتك

 

[ام متعب33]

لا تلقينه يقول كذا من زود الحماس بقلبه سوااالف وده يبربر ويتكي معهم للفجر عادي اذا قالك كذا قولي حتى انت ماعلي منك اذا رحنا بزور خالاتي وعماتي وخوالي ايه وصديقاتي خليه يعرف انك انتي بعد عندك ناس مشتاقتلهم طبعا غير اهلك
عشان ماينسى نفسه مع اخوياه ويطنشك

 

[غااااااايه]

خليه على راحته ، انتي اشغلي نفسك هالفتره، وخليه ، لين يشبع شوقه من ربعه، اكيد بيشتاقلك................ وبعدها بكم يوم ردي بيتك ، وحاولي تجذبيه للبيت بكل الطرق ، من تزيين ، ودلع ، وكلام حلو.............. يعني خليه يندم على الايام اللي قضاها مع ربعه ، وخلاك انتي بجمالك ، وزينتك ،وحبك له.

 

[أنامل أنوثه]

هههههه ياقلبي عليك طنشي قولي حتى انا مو فاضيه لك ابد
بقولك سالفة زوج وحده من صديقاتي بس هو جنوبي شرقي
يقولها بالاجازه بطلع وماراح اجي دبري نفسك وتتهاوش هي وهو وهواش
بعدين طنشته تقول يجي قبل موعده ايام الدراسه هو يكون متحمس بس ماراح يلقى احد فاضي له كلن عنده ارتبطات انتي قولي حتى انا مشتاااقه لاهلي وصديقاتي والله ماراح اجلس يوم فاضيه <هو بيغير عليك ويبي ينشب لك
الله يوفقك ويسعدك

 

[ساحرة العيوون]

قولي روووووووح خد رااااااااااحتك

اصلا انا كماان ماراح اكون فاضيه حبيبي بعيش حياتي واستمتع مع اهلي وصاحبااااتي وبس ..

بيني وبينك عادي لما تكوني عند اهلك فعلاً تقدرين تاخذين راحتك وتسوين الي تبغين

بس البلا كل البلا لاكانو اصحابه بديرة اهله وانتي جلستي عندهم وملطوووعة طول الوقت مو طايقة وتجاملين

وماتتقابلون الا وقت النوم ..صراحة نرررفزة

لكن اذا بيروح لاصحابه نصيحه خليك عند اهلك وفليها انتي كمان

وترى حلو البعد والاجازة بين الزوجين

ربي يسعدكم << زوجة جنوبي غربي

 

[آحتآج حنآنك]

يسلمووو بنآآت

آنآ قلت هذا الي بسويه بطنششه وبجلس عند اهلي

مابي اجلس عند اهله مايجيني الا حق النوم لا والله واصلا طفش ماحد حولي الا خواته الصغار ينفخون راسي بهذرتهم والكبار مايجون الا بالويكند واصلا علاقتي رسميه معهم يعني ملل من الكل النواحي

وخايفه مايرضى يخليني عند اهلي

بس ترا الي تقول راح يمل منهم او يشبع لالا مستحيل

مجربته كنا بالسعوديه 3 شهور خليته براحته قلت مرده بيزهق منهم الا زاد وربي

صار اذا جلس عشاني يوم يجلس يتحقرص وحالته حاله لين يروح

والله مآ آبآلغ بس مراح يمل منهم

الله يخليكم عطوني حل فتاك قبل لا انزل واتوهق

 

[آحتآج حنآنك]

بناااات حتى الانترنت الي مقابله هينآ 24 ساعه
بآلسعوديه مآيعرفه خير شر من كثر ماهو طاير طاير على الربع
وربي بنات مره رحنا الكويت قبل لنسافر عشان نقدم على فيزتي من هنآك
ورجعنا طبعا رايحين بباص يعني تععب طريق وغير زحمته
وربي كان هلكان حده انا قلت بس بنوصل بيحط راسه وينام الا اتفاجأأ انه نزلني وقالي باي بروح اسير
والله جاتني صدمه قويه
وهذا يقال لنا كنا عرسان
مو طبيعي فيه هوووس ربع
الله يعيني والله
اصلا يتغير بالسعوديه حييل يصير جاف
وماله خلقي
خلاص بيلقى له بديل عني
ماقول الله ربي يصبرني ويقدرني على اني اطنششه واطلعه من مخي
ولا مدري وش بيصير :4:

 

[صغيره بالعمر]

اذا هو بيطلع روحي جلسي عند اهلك احسن لك

واذا فتح معك الموضوع قولي له حتى انا ما ابيك وبنشغل مع اهلي وشبعت من جلستي معك ^،*

 

[حنيني2010]

يا حياتي،، خله يروووووووووووووووح و يستانس مع ربعه و انتي بعد عيشي حياتك​

استغلي فرصة انك عند أهلك و سوي اللي نفسك فيه،،​

أول شي: فرصة عشان تشوفي أهلك و تبريهم و تعرفي أخبارهم، أكيد متولهة ع حضن أمك و حنية أبوك!!!​

ثاني شي: دلعي نفسك، روحي جيم، اعملي ساونا و جاكوزي،تقشير جسم، حمام مغربي، غيري تسريحة شعرك ولونه كمان إذا تحبي، سوي كل اللي ما تقدري تسويه و هو مقابلك في بيتكم!!​

ثالث شي: مالك ربيعات؟ صاحباتك؟ :6:زوريهم، اطلعي معاهم، تسوق أو دردشة ما عليه!! استرجعي أيام العزوبية والحرية ،،
عيشي حياتك يا شيخة!:2:
" أنا ما لي شهرين متزوجة لكن لما أجتمع مع صاحباتي نستانس بالطول والعرض، أفضي بالي من كل المسؤوليات -أشتاق لزوجي وحبيبي- لكن بنفس الوقت أستاااااااااااااااااااااانس"​

إذا صار لك فترة ما قرأتي شي: اقرئي كتاب من النوع الي تحبيه، أو تفسير سورة من القرآن الكريم،،
استغلي وقتك، و زيدي معرفتك​

إذا لك هواية من زمان ما مارستيها :34:- بسبب الزواج- صار الوقت ترجعي لها شوية!!!​

المهم يا عزيزتي،، تعاملي مع الوضع على أنه فرصة تعيشي فيها حياتك - وما عليكي من كلام الناس:7:- أدري احنا الحريم نتضايق من اللي تقول: شوفو زوجها يقدر يستغني عنها ويبعد أياااااام!!!:icon1366:​

بس والله يا حبيبتي،،
يبعد و يرجع لك مستانس و مبسوط ومشتااااااااااااااااااق، ولا تضلو مقابلين بعض على ملل و هواش؟؟؟؟
- ما عليك منهن ترى وضعهن مهو بأحسن - ​

سياية متبعتها مع زوجي،، كل أسبوعين تقريبا يقابل خويه ويتأخر لما يرد البيت،، أنا استغل الوقت وأقشر جسمي ألعي رياضة ع راحتي، أقرأ، أحفظ وردي من القرآن أجرب تسريحة جديدة،
طبعا أخونا يرجع مستانس حيل ( جو الصحاب والأصدقاء يعدل المزاج، ما تنكري، حتى احنا البنات نفس الشي) ،، لما يرجع ألاقيه بابتسامة أو بلبسة غيييييييييييير، أكمل له جو الانبساط اللي كان فيه و نكمل الليلة سوا <<<< فهمتي علي أكيد،، ​

ووإذا صار و طول عليا،، أذكره فيني بمسج لا عتاب ولا سؤال: وينك ولا طمئني عنك،،،لاااااااااااااااا، أبعث له بما معناه إني قلبي محتار بين الشوق و الونس، مشتاقة لك نفسي فيك و ودي اياك تكون مبسوط مع ربعك،،
يرجع متشقق طبعاً،، ​

المهم: تحسسيه انك انتي كمان رح تعيشي حياتك بغيابه، قولي له بعض الأشياء اللي رح تسويها والباقي خليها سر،،:tongue:
إذا حن عليكي وسألك شو تسوين بغيابي، قولي له ما عليك، عندي وااااااااااااايد أشياء أسويها، زن عليكي و قال لك مثل شو: قولي له: سر، أو أدلع نفسي، ممكن أطلع مع صاحباتي، ومن هالكلام اللي يخليه يحس انك بتستانسين بغيابه وانك غامضة شوي (لك حياتك الخاصة)​

وهيك يضل يفكر انتي شو تسوين،، و شو قصدتي ب " أدلع نفسي" و من هالكلام،، ​

معلومة: الرجل يحس أن على عاتقه سؤولية كبيرة وثقيلة إذا أعطته المرأة الإحساس بأنه هو السبب الوحيد لسعادتها، فيشعر أنها حمل ثقيييييييييييييل وعبء عليه<<< فاهمتني؟؟​

وبالتوفيق عزيزتي ​

المهم،
خليه لما يشوفك ينجن عليكي​

 

[رونة مسقط]

حبيبتي بالاول ما كنتي تتكلمي نخليته ع راحته وهذا اللي يبغيه
لكن لما تيجي واتقولي له انا بعد ابغي اجعد عند مشتاقتلهم وماراح افضالك عاد تعرف الحريم سوالف ما اتخلص ...
انا بعد ما ابغيك تجعد لي وتنشب لي ..
ترا صج ما بكون فاضية مسوية جدول اعزم رفيجاتي بنات العيلة عند اهلي ولهانه عليهم موت

شوفي الغيرة اللي راح تنط لك فجاءة
وبتشوفيه لاطع لج بالبيت

 

[جميلة وجذابة]

حياتي اصلا ما رح تنتبهي بفلاته لانك رح تكونين وايد مبسوطة من شوفة اهلك وشفوتهم بحد ذاتها تهون كل صعب وتحلي كل مر اساليني انا اللي صاير لي ثمان سنوات تقريبا ونا عايشة بالغربة

الطير حبيبتي مهما طار بيرجع لعشه

لانه فيه بيلاقي راحته فاحرصي على انه يكون مرتاح معاك خصوصا لما يرجع لك

كوني ذكية وربي يسعدك حبيبتي

 

[آحتآج حنآنك]

بنآت مشكورين والله مآآقصرتو معآآي
الله يوفقكم ويسخر لكم آزوآجكم

حنيني2010
فديتك والله من جد تعبتك معآي
وآنآ بآحآول اسوي الي قلتيه والي قالوه البنات
صرااحه مآبي نصير مثل توم وجيري


جميله وجذآبه
آنشششاء الله يصير مثل ماتقولين
بس احنا بنجلس من شهرين الى ثلاث شهور بالسعوديه
انا اقدر اتحمل بس عاد مو كل هالمدهـ



بنآت آنآ خلاص قررت بسوي الي قلتوهـ
خصوصا انه متوقع اني بصير لصقه له ابوريه العكس
وهو اليوم فتح هالسالفه وقلت له
طيب انت ليه تستبق الامور
ماتدري يمكن لنزلنا انا اصير مشغوله ومو فاضيه حق اسالك وين رحت ووين جيت
هو سكت الظاهر انه مستانس
وانا لنزلت بسجل بمعهد لاني هنا ادرس لغه وللحين باقي لي كثير فا مابيضيع هالثلاث شهور بكمل بالسعوديه
يعني بطلع لي اي شي يشغلني
ويسلموووووووووووووو