الحل مع هالشخصية

[asma.a]

السلام عليكم ورحمة الله وبركاته

اخواتي انا عندي مشكلة وماعرفت كيف احلها


اتمنى اشوف استشاراتكم النيرة



مشكلتي هي:

انا موظفة وزوجي موظف بسيط ومن يوم تزوجت وانا شايلة مصروفي عنه
"عارفه بتقولون غلط" بس غلطتي انه يعرف كم راتبي ودايم يبين لي ان راتبك ممتاز ليش تحتاجين لي وان هو يالله يغطي المصاريف

اللي حصل ان قبل اسبوع تقريبا كانت ميزانيتي صفر وهو نفس الشي

خليت اهلي يبيعون شوية ذهب عندي مو محتاجته
بس ماقلت له ولا جبت له طاري
كنت خايفه لما اقوله يحز بخاطره انه مايقدر يعطيني

بعدها بكم يوم كنت ابغى اقضي لي شغله وقلت له ولما وصلنا المكان
قالي عندك فلوس قلت له ايه فقال من وين لك قلت خليت اهلي يبيعون ذهبي

هو عصب وانا نزلت خلصت شغلي ولما رجعت الا هو مرة معصب وصلني البيت وقال خلي اهلك ينفعونك ولما سالته ليش قال لانك ماقلتي لي وانا اخر من يعلم
انا تضايقت وبما اني اعرف زوجي تركته يومين ونمت في بيت اهلي لانه هو ماتصل علي ولما ارسل له يحقرني

وقتها ان ماكلمته بالموضوع لاني عارفه انه بيطنشني ولا يرد علي

لما رجعت البيت كلمته ونفس الشي طنشني وطلع
ولما رجعت كلمته اليوم فهمته ان انا ماادري ان هالشي بيضايقه مرة

وهو فهم ان انا رحت قلت لاهلي ان هو ماعنده فلوس وانا مستحيل اقولهم هالشي
دايم يشوفون صورة زوجي حسنة

وكمان قالي رحتي تنبسطين في بيت اهلك وانا مطنشتني وتوك تفكرين تتكلمين معه
لان انتي ماهمك الا الفراش :4:

تضايقت من كلمته مرة ولما وصلت الدوام ارسلت له مسج
وقلت له تركت العشرة اللي بينا كلها وماجيت الا بهالشي

وطبعا مطنشني ومارد علي
لما رجعت البيت نمت وريحت وهو كان متضايق ويبرر على نفسه والعزوبية احسن من هالعيشة

طبعا مايدري ان انا سمعت الكلام اللي قاله

انا قلت بطنشه مثل مايطنشني بس المشكلة اخاف المشكلة تكبر اكثر
تعبت منه


ارجوكم ساعدوني :4:

 

[دافئة القلب]

الله يعين ع هالرجال بس ماله داعي تخلينه يعرف انك بعتي ذهبي
يمكن بعدين يستغل هالشي كان قلتي هذي فلوس عندي مخليتها وقت الحاجه
مو لازم التفاصيل مع الزوج ابعدي عن التفاصيل وريحي راسك

 

[حزينه حد الجنون]

الله يفرج همك وييسر امرك بس نصيحه خلك غامضه في امرك الماليه عشان لاتندمي بعدين الله لايقدر

 

[الزوجة الصابرة]

الله يفرج همك

 

[احلا البشر]

الله يصبرك ويصبرني

 

[asma.a]

انا مشكلتي كل شي اقوله

مااقدر امسك نفسي
ومرات احس اني متوهقة فاقول الصدق

 

[الخط الفاصل]

اللي حصل انتهى
استعينوا على أموركم بالكتمان
مرة ثانية لا تخرجين تتقضين معه وإنت مفلسة..عشان ما يسألك من وين لك.
يا أختي نصيحة لا تكشفي أوراقك المادية لزوجك.
رجال هالزمن ماينفع معاه الصدق.لا تكذبين بس استخدمي المواراة..وخليه مايعرف عنك شي.

 

[حلاوه حلوه]

شوفي حبيبتي أمورك الماديه احسن لو ماتقوليها لزوجك خليك غامضضضه معه
بالتوفيق عزيزتي

 

[حضرموت]

سلااااام
أنا عكس ماسبق
لاتخفي شئ عن زوجك مطلقا لان يجي يوم ويعرف أنذاك إنك اخفيت عليه أمرآ فلا تستطيعي أن تبرري عن موقفك وساعتها مايفيد الندم ...
المهم إنت غلطااااااااااااانه مليون مررررره غلطانه
ليش تصرفي ؟؟؟؟؟؟
من المفروض زوجك هو اللي يصرف وهذه اكبر إهانه توجهيها لزوجك وتحرميه من ميزة من مميزات الرجوله ...
وماسألك إلا وممكن شك إنك لديك فلوس ولكن عندما عرف إنك بعتي ذهبك تنفس الصعداء وحمد الله على إن مصدر الفلوس حلال ولكن رجولته لم تسمح له أن تبيعي ذهبك ( لان الرجل لا يحب أن تبيع زوجته الذهب لان الذهب لا يباع إلا لليوم الأسوووود ) زوجي كان حالف على وقال لي : أنا مو راضي عليك لا دنيا ولا آخرة إذا بعتي ذهبك ..
المهم لازم تتأسفي لزوجك وبشدة وتأكدي أن زوجك يحبك لو لم يحبك ماكان زعل عليك كل هذا الزعل ...
وحسسيه إنه الرجل بالبيت ...
وبالنسبه لراتبك لا تصرفيه كله إدخري جزء منه في جمعيه مع صديقاتك واستلميه نهايه العام واشترى به شئ يفيدك أو استغليه في الصيف مع زوجك وابنائك وإجاااااازة سعيدة ياعمري

 

[انثى غامضة]

الله يفرج عليك
ويسخر لك زوجك ويرزقكم من حيث لاتحتسبون

 

[asma.a]

كلمته

فقال لي لازم اعرف بكل صغيرة وكبيرة تسوينها

مو اتفاجأ من احد يجي يقولي زوجتك سوت وسوت

لازم تقولين لي اي شي تسوينه بتشترين والا بتحطين شي

عشان يكون لي علم

فاللي عرفته منه

مايبغى يتفاجأ بأي شي انا اسويه

بحكم انه هو زوجي

 

[محب المعلومات]

الله يعينك يارب

 

[كحولة]

شوفي اختي ،،، انا زوجي شمالي غربي وطبعه عنيد وراسه ياااااابس ، لما يصير خلاف بينا يقعد ساكت وييروح ويجي ولا كاني موجوده ، واذا سكت عنه يتمادى ويستمر مثل اكثر الرياييل. لما صارت بيني وبينه مشكله قالولي البنات خليه وطنشيه بس زوجي ما ينفع معاه هالاسلوب يعند زياده ويتمادى في التجاهل ، ولقيت احسن طريقة اني اضغط عليه واواجهه واناقشه واخليه يطلع كل اللي في خاطره عشان يرتاح ويريح.
خلاصة الكلام قعدي معاه وفهمية ، انا ما اعزل نفسي عنك ، انا وانت واحد على الحلوة والمره والمرة قبل الحلوة، قوليله ما بغيت اضغط عليك بطلباتي وانا عارفه امكانياتك وجان الموقف هذا زعلك اذكر على الاقل زيني ومواقفي الطيبه ولا تحاسبني على موقف بسيط . وفي النهاية الذهب ذهبي واتصرفت فيه عشان اسد حاجتي مش عشان احرجك .
على العموم الله ييسر امرج ويفرجها عليج يارب ​

 

[المكروفه]

اولا سوي جمعيه بدون لايدري وطبعا ماراح يدري الا اذا زل لسانك واعترفتي هذا تعبك .ثانيا لاتروحين له غرفة النوم الا اذا اعتذر لك على سالفة الفراش .بعدين انتي من حقك انك تجمعين من مصروفك الخاص لليوم الاسود ترا الرجال مامنهم امااااان بالذات في ها الوقت وكلي احد من اهلك يشتري لك ارض بعد ماتجمعين طبعا عارفه ان نصيحتي جامده بس لمصلحتك الله يسخره لك