الحلقة المهبلية لمنع الحمل vaginal ring

[سمو الأميرة]

سؤالي عن الحلقة المهبلية المستخدمة لمنع الحمل .. هل هي متوفرة في الامارات ؟
و هل لها أضرار جانبية ؟
و هل هناك طريقة او فحوصات معينة أستطيع القيام بها لأعرف نوع مانع الحمل المناسب لي .. خاصة و ان أغلب موانع الحمل تعتمد الهرمونات؟

 

[طمطوجه طرباخ]

اممممم مانفع معك العــزل ..

تخوف هالاشيـآء .. سمعت عنهـآ بس ماتحمسسست ..

والله انـآ متوهقه هالحين عندي نونو صغنون ومدري وش اسسوي

بس الله يعيين وييسر

 

[سمو الأميرة]

للتوضيح
- تعريف الحلقة المهبلية:
هى إحدى وسائل منع الحمل المستخدمة من جانب المرأة، وهى عبارة عن
حلقة رفيعة شفافة ومرنة تقوم المرأة بإدخالها فى المهبل لمنع الحمل. تُترك
الحلقة المهبلية بداخل المهبل لمدة ثلاثة أسابيع حتى تقوم بإفراز هرمونى
الإستروجين والبروجيستين فى جسم المرأة.

 

[سمو الأميرة]

اممممم مانفع معك العــزل ..

تخوف هالاشيـآء .. سمعت عنهـآ بس ماتحمسسست ..

والله انـآ متوهقه هالحين عندي نونو صغنون ومدري وش اسسوي

بس الله يعيين وييسر

انا حالياً استخدم حبوب منع الحمل المناسبة للرضاعة .. و ابو الشباب :santa_1: راااافض طريقة العزل لأنه ما يحبها .. و حبيت اعرف شو ممكن أجرب بعد ما تخلص عندي الحبوب .. و الله انها صدق وهقة حتى انا ولدي صغير و اريد أأجل الحمل سنتين ع الأقل .. :sad_1:
على فكرة .. سمعت في ابرة للرجال تمنع الحمل :icon30: بس ما عندي معلومات عنها يعني لو ما تأثر على الرغبة عند الزوج و ما لها أعراض جانبية أظن زوجي ممكن يوافق عليها.. ياريت لو حد يفيدنا في هالموضوع .. :sadwalk:

 

[rawiah]

اللولب وبس

 

[سمو الأميرة]

اللولب وبس

اللولب يسبب التهابات .. لاااااا ما أقدر أجازف .. و بعدين مش مضمون .. انا أعرف واااايد حريم يحملون على اللولب ..و بعدين ممكن يسبب حمل خارج الرحم .. اسبب البلا لنفسي ليش ..
بصراحة انا أشوف الحبوب أريح .. لأن للحين الحمد لله مرتاحة على حبوب البروجسترون .. ان شاء الله اني ما أعاني من مشاكل مع الهرمونات ..
بس الحلقات المهبلية سمعت ان الهرمونات اللي فيها تكون قريبة جداً من الهرمونات الطبيعية اللي في الجسم .. يعني ما تسبب أعراض جانبية كثيرة .. و هذا اللي حابه أتأكد منه .. و الحلو فيها استخدامها لمدة 3 اسابيع لكل حلقة و بعدين بروحي اقدر اركبها و اشيلها ما يحتاج زيارات للدكتورة كل مرة ..
و هي مشهوووورة جداً في أمريكا ..
ما ادري ليش عندنا الكل يتفق على اللولب .. مع انه يسبب مشاكل و نزيف اذا تحرك من مكانه .. و انا بسافر بعد شهر مع زوجي ان شاء الله و السفرة متعبة و بكون شالة ولدي طول الوقت ما اقدر اجازف يصير شي و أتوهق ..

 

[*judy*]

والله انا محتارة بينها وبين اللولب بس الدكتورة حكتلي انها زي لحبوب

 

[ندى الحياه]

سالت الدكتوره عنها قالت مضمونه بس هي تبغي تستقلني قالت لازم اعملك تحاليل
هي صحيح تحتاج تحاليل

 

[**بحر الأمل**]

اللولب مو مضمووم انا مرت اخوي حملت فوووقه ومااشااء الله جااابت توم

وحبوب الرضااعه ضعيفه زي ما يقوولون

رووحي للطبيبه واستشيرهاا افضل

 

[lulucaty]

ماعندي اي معلومه عنها !!!!!!!

 

[جنون بيبي]

انا استخدمه مراااا حلوه ودكتورتي مراااااااااااا تمدحها

 

[دلع الخليج]

قلبوووو والله مابعرف الحلقة المهبلية سمعة فيها بس مارتحت لها وهم اللولب فكرة اركب بس يقولون تييب التهابات
انا عن نفسي حبوب المنع وااايد مرتاحه عليها اهي صج بعض الاوقات تعكر نفسيتي وتعصبي هههههههههههههه بس شي مضمون وبوصفه طبيبة
ههههههههه ياريت فيه حبوب منع للريايل جان زين ونرتاح ههههههههه منهم ​

 

[انوار المحبه]

والله انا قريت عنها وتحمست لها بس مادري استصعبت طريقه استخدامهاااا

ودكتورتي تمدحهاااا مرررررررررااا بس فضلت اللصقات عليها قلت اسهل في الاستخدااام وربنا يكتب اللي فيه خير

 

[قلبي وفي]

إحدى الأقارب تأخذ إبرة كل سنة مرة وحدة بس في أمريكا

وتقول فيه أبر للرجال بس الرجل عندنا مستحيل يجازف في عمره حتى البندول يخاف منه


وأعرف أختي تسوي مانع وقوي جدا وغير ضار
وهو :
تشرب ( ماء زمزم ) بنية منع الحمل , استشعارا لحديث النبي صلى الله عليه وسلم :

( ماء زمزم لما شُرِبَ له )

ويُروى عن الإمام البخاري أنه شربه ودعا بأنه يرزقه الله العلم فألف بعده صحيح البخاري

 

[بحورصمت السنين]

مرحبا اختي
والله صديقتي تمدح بالحلقه مره وتقول كل اقاربي يستخدمونها وانصحتني فيها والحين مسويتها لي اسبوعين مرتاحه عليها