الحلف كفارته واحكامه

[راجيه الرضا]

- أنا حلفت متخلنيش اصوم تلت ايام !

= على فكرة كفارة الحلف مش الصيام

- ايه ده اومال ايه !!

= كفارة الحلف إطعام عشر مساكين أو كسوتهم
يعني يا تطعم العشرة دول أو تجيبلهم لبس
أو تعتق رقبة .. وده تعظيما لقدر الله عز وجل وإنك لا تحلف
على الفاضي والمليان

" فمن لم يجد فصيام ثلاثة أيام "
بعد ده كله لو مش معاك فلوس ومش مقتدر إنك تُطعم ولا تعتق وقتها يبقى الكفارة هي الصيام

- طب طعام المساكين إيه ؟

= ربنا قال " من أوسط ما تطعمون أهليكم " يعني طعام وسط لا هو قليل ولا هو عالي .. ممكن وجبة ارز بفراخ أو لحمة مع شئ من البطاطس ?

وخد بالك :
• مينفعش تحلف على حاجة حرام
• لو حلفت على حرام يجب عليك الكفارة ويحرم فعل الإثم
• لا تحلف على عدم فعل الخير
• لا تكثر الحلف ، ربنا قال " واحفظوا أيمانكم "
• الحلف على كذب من أكبر الكبائر والنبي سماها ( يمين غموس ) لأنها تغمس صاحبها في جهنم

✓ قال رسول الله صلى الله عليه وسلم :
الكبائر الإشراك بالله وعقوق الوالدين وقتل النفس واليمين الغموس. أخرجه البخاري


-د. أحمد العربي