الحكيمه والخبيره تدخل بليييييز

[رجائي بالله80]

حبيباتي بدش بالموضوع سيده انازوجي فيه صفات الشمالي الشرقي ابرزصفاته الحنان وبنفس الوقت عصبي وكريم بس كتوووووووم وهالمشكله مسببتلي مشاكل معاه يروح ويجي ولايعطي خبرويتصرف بمواضيع تخصني اناوولده ولا ادري الا من اهله وخواته اللي مكيفين على هالوضع حتى سفرات يسافرمعاهم وبنفس اليوم يقول اذاعاتبته زعل كم اسبوع لماانا اكلمه وارضى هوشهادته عاليه وموظف كبيربالدوله وانارابعه ثنوي وجالسه بالبيت مع اهله واخوانه المتزوجين وحياتي ملل اقول ابي اخذدورت كمبيوتريقول توظفي احسن اناابي شهاده للزمن وبعدين الوظيفه تحسفت عالجامعه لاني اهملت دراستي وفصلوني وهويقول انتي مومال دراسه وللحين قاعده اقنعه عالدورات انامتملله طلعات مع اهلي مايرضى ولايطلعني الابالحسره والسوق من وين لوين وحتى الصالون مايبي اروح يقول انتي سوي نفسك ليش هالمصاريف مع انه اكثرالوقت مايقصر بس اغلب معاشه علئ اهله واخوانه وحتى خواته المتزوجات اللي بكل شي ياخذون منه ويطلعهم ويوديهم وادري منهم لما يسمعوني وطبعآهم جزءمن المشكله اذاشافوا تصرف يفسرونه بكيفهم ويشيشون امهم علي وماتقصربالنغزات عندزوجي علي اذاقعدت عندها تقول سولفي ليش طرمه بس ساكته وتوم وتخليني مع اني اسولف لانهامومشتهيتني وانااذاقعدت معهااسولف بس تخلص سوالفي انالااروح ولااجي حياتي روتينيه من البيت لاهلي وصديقاتي من وين لوين وهوضاغط علي ويقول اقعدي مع امي سولفي خليج دايم عندها،،الله يسخرهالي واضح منتصرفاتها ماتبيني اجلس وحتي كلامهالي ولحريم عيالها3نفس الشي اماالرابعه سبحان الله معطيتهاجوهاوتنافق وتحش والسوالف الحلوه لهاوتعدل المجلس اذاشافتهاوزوجي يقول صيرس مثلهااكسبي امي انامابي امه تطيح من عينه لان مجلسهاكله حش وتنتقص من الناس مااقدراشاركهاوالله وبناتهاهم اللي خلوها بهالشكل باختصاراحس حياتي مشتته مع زوجي موحاسه بامان اي مشكله اوسألته عن شي وعاتبتها زعل مثل مره سافريودي ولدخاله الصغيرلاهله وانامادري كم ساعه ولمازعلت هددني وقط علي كلام وصل للضرب علي اي شي وسبحان الله اذاسافر وصرنابروح ماكواحن منه ماكانه اللي خليته احترت وتعبت ساعدوني صرت انسى وكئيب مجلسي بس معاه اضغط على نفسي واتغاضى واعذروني عالاطاله والكلام الغير مرتب**

 

[حياتي بناتي وبس]

الله يعينك خلي شخصيتك قويه اطلبي الشئ واصري عليه

 

[ام صبا الاموره]

دامه عندك الكبيوتر ثقفي نفسك وتكلمي عن قصص منه
تكلمي مع ام زوجك عن ايامها زمان
مع زوجك خليك ملمه بكل شي من الموضيع

 

[رجائي بالله80]

مشكورين اللي ردوا حياتي بناتي وبس وام صبا الاموره
والله يسامحكم ياللي تقرون وماتردون

 

[السحابه الثلجيه]

مانت مجبوره تسولفين لامه السوالف الي تحبها
انت تروحين لها ابتغاء الاجر موصح
روحيلها بقهوتك وسولفي معاها بحدود اما الحش فالناس لاالله ولاخلقه بيرضاها
وزوجك اقراي عنه وادعي ان الله يالف بينكم
الحمدلله

 

[رحيق]

أختي الغالية ..
الشمالي من طبعه الكتمان والعمل بصمت هو لايتعمد تهميشك ولكن هو يفكر بهذه الطريقة
ولكن إذا أثرتي إعاجابة سيتغير قليلا للأفضل بإذن الله
وهناك تلميحات في حديثه تخبرنا أنه لايعجب بالفشل مثل لما قال إنتي مو مال دراسة ..
والشماليون دائما يقدسون الإنجاز والإجتهاد أولا حملي دورات تنمية الذات للدكتور طارق السويدان ود. الثويني..
ودورات تربوية للخليفي و وداد العيسي ..
وثقفي نفسك بنفسك ..
ولاتملين من طلب الدراسة لا تجين تقولين أبي أدرس كمبيوتر لا قلبي
تعالي وقولي له المعهد الفلاني عندهم دورة في قيادة الحاسب مدتها من تاريخ .... إلى تاريخ ...
وسعرها ........ تصدق أبي أدخلها بقووة أبي أستفيد ومثل ماتعرف إذا أبي وظيفة زينه لازم أتعب على نفسي ..
وطبعا أحسني لأمه قدامه ومن وراه جيبيلي لها هدايا لو صغيره كل ما نزلتي السوق مرة شيله ومرة معطر جو ومرة بخور ومرة دهن عود
ووريه أول قولي شوف هالشي عجبني وتنغصته لخالتي تتوقع يعجبها .. ووجبيها واذا جاو حريم خلج معاها
واللي مايرضي الله تركيه لا تتكلمين معاها بأعراض الناس عشان تحبك واستعيني بالله على هالشي
وحطيها قاعده بين عيونك من أصلح مابينه وبينه وبين الله أصلح الله مابينه وبين الناس
كيف صلاتك عبادتك حجابك قلبك كل هذولا إنتي مسؤوله عنهم عند الله
إذا كان كل شي زين زيدي اجتهادك عند رب العالمين واطلبي منه أن ينزل لك القبول في الأرض ..
والله إذا أحب عبدا حببه إلى خلقة ...
.................................................
وصدقيني إذا شافك زوجك عارفة ايش تبين وهدفك واضح وحاطته قدام عيونك
بساعدك ويوقف معاك بس اذا كنت زي الحريم تفكرين بصوت عالي قدامه أبي وأبي وأبي ولا عزمتي ولا بحثتي
بيقولج جابلي أمي أحسن
.................................................
الله يوفقج

 

[قصه عشق]

اهلين يااختي اولا لازم تكوني قويه بينك وبين نفسك اهم عامل لكي
تانيا امه اذا زرتيها شيلي معاكي قهوتك واتصلي على حريم اولادها قبل ماتروحي وشجعيهم على الذهاب معاكي قوليلهم ايش رايكم نتقهوى عند خالتي منه تكسبيهم ومنه تمشين وقتك وتضيعي تركيز خالتك عليكي
وقوليها احيانا ايش رايك خالتي نروح عند فلانه جارتنا او ايش رايك اكلم زوجي يودينا عند فلانه واذا رضيت قولي لزوجك انا اتصلت على حالتي وتسلم عليك وفكرنا انك تودينا عند خالتك او اي احد من الجماعه
اما زوجك الشمالي يموت بشي اسمه امه يعتبرها ملائكه ودائما اذذا بغيتي شي امدحيه وكلميه قبل الموعد بوقت علشان لو رفض تقدري تتحايلي عليه ويكون الافضل وقت العشاء تكلميه وانت متعطره ومتشيكه
ولا تحسسينه انه هذا المشوار مهم لك ترى يمسكها اذا زعلان منك ويرفض على طول والله يكتب كل خير لك ولنا

 

[الحياه وقفات]

شوفي لاتركزي كثير على غموض الشمالي ترى غموضه بيجيب لك جلطه بعد الشر فهو دائما غامض وهذا جزء من شخصيته لاتدققي فيه كثير .....اذا مره صار موضوع وماكنتي عارفه عنه وسمعتي من اهله وانتي ماعندك خبر لاتبيني انك مو عارفه بيني لهم انك عارفه مشان يبطلو حركات ترى هم يروقو لما يحسو ان الزوج مهمش زوجته لاتعطينهم وجه وكوني غامضه معاهم وعامليهم بما يرضي الله اولا ويرضي زوجك ثانيا اما امه بسهوله تكسبيها هدايا لو كانت بسيطه مساعده وقت يكون فيه ضيوف عند عمتك اما عند زوجك بيني له انك تحبي امه كثير وانك تعتبريها كامك لاتظهري له ابدا حتى لو انتقاد بسيط لامه كي يتاكد من حبك لامه وحتى لو صار غلط بيوم من الايام واشتكيتي له يعرف انهم غلطانين عليك اما لو كنتي كثيرة الشكوى من اهله بيقول هذا طبعك ماتحبي اهلي من يومك ترى اهله وامه خاصه فوق الكل ,,,,اما عن الدراسه اكيد بيقول مصاريف بدون فائده هو مو معترض على الدوره بس متوقع انك ماراح تستفيدي منها وهو بيقولك اتوظفي اضمن لك من الدراسه ,,,,,,,اما عن الخرجات فهذه علامه مميزه في الشمالي الشرقي انو مابيحب يخرج اهله ينبسط كثير لما يكونو في البيت انا زوجي يقولي ماتدري قد ايش اكون مرتاح لما تكوني في البيت اما لما تكوني خارج البيت ماارتاح هذا طبع انا ما اسكت اقولو ترى راحتي لما اخرج ولو شوي ورفه عن نفسي بس ماوصلنا لنقطة التقاء في هذه النقطه بالتمام ,,,,,ومن صفات الشمالي الشرقي الروتينيه الممله والقاتله ايضا مااعرف هو كيف راضي عن وضعه بهذه الروتينيه كل الشماليين الشرقيين مملين بهذه الصفه الممله....ولما يقولك زبطي نفسك يعتبر ان روحتك للصالون شئ مالو داعي وانو من الاسراف انا اقول عن هذه الصفه بخل مبطن بالحرص وممكن يشوفك لما انتي تزبطي نفسك احلى من الصالون ,,,, واما صرفه على اخواته مادام انو مو مقصر عليك حاجه طيبه منه ممكن يحتسبها صدقه على اخواته لاتدققي في صرفه على اخواته لانو فيه مال ولازم بيصرفه فيصرفه على اخواته من صالحك انتي ,,,,,,,,,استهدي بالله ليه مو حاسه بامان فوضي امرك لله ترى هذا الشمالي انتي متوقعه انو بسبب امه واخواته حياتك صايره بهذا الشكل لا ياحياتي انا وحدي مع زوجي وصفات زوجك تشبه كثيرا صفات زوجي يعني راح تكوني بهذا الوضع حتى لو كنتي لوحدك وبعيدا عن اهله الله يعينك ويصبرك مالنا الا الصبر نحن زوجات الشماليين الشرقيين

 

[رجائي بالله80]

حياتي كلكم جزاكم الله خير عالرد بس احس مشكلتي كل مالها تكبر هاليومين اولااناساكنه عندهم بنفس البيت وحريم اخوانه كلهم وخواته كل يوم عندنامع جهالهم ماشاءالله كل وحده معاها4 فتخيلوا شكل الجهال من مضاربات وهم الله يسخرهم من يقعدون وهم يحشون فينا وفيني انا لان كذا مره اسمعهم صدفه واعرف من اسلوب عمتي ام زوجي معاي ولما اقول لزوجي حطلي بس هيبه وقدر اذا تكلموا علي اوقطوا كلام سكتهم بمايرضي الله ولما اقوله ان جهالهم يضربون ولدي اللي عمره3سنوات يقول عادي مع انهم اكبر منه كل يوم طق ويرشون عليه ماي او يخمشون وجه عادتخيلوا لعب الاطفال اقول بس كلمه قط عليهم عشان يحطون اعتبار ويخافون الجهال يقول انتي شريره ومو زينه وتفتنين وانتي ليش ماتقعدين مع اخواني مع اني اقوله عيب الحموالموت ولاراح اخذ ذنب بس يفهمهااني ما ابيهم مع ان خواته كل وحده لهاشقه فبيت ازواجهم ويتغطون تعبني شلون اتصرف معاه لاني كرهته وكرهت نفسي من معاملته لانه قام يمد ايده علي وصرت ما احاجيه لهالسبب بس عنده الوضع عادي وقبل كم يوم قال شرايك تروحين عمره قلتله مايخالف والحين ما اشوف طاري ما اقدراكلمه لان اسلوبه يمد الايد اويظل ساكت واذا تكلم بلامبالاه اشوف مو محترمني من اسلوبه وانا تعبت ماعرف شلون اتصرف معاه احسه حتي هو كرهني من كلام امه الله يهديها يشوف قدامه انها ماتحترم ويدري احسه مرات يستحي من فعلها هي وبناتها وانا كنت انبهه على افعالهم ولما تفتح عليهم احسهم كرهوني وشيشوا امهم علي فصار ضغط علي وكل شي اعلم زوجي فيه وهو صدق لان يسمعهم ويشوف بس يتحاشا ونايبي يتعب نفسه بالمناقشات واذا عصبت وتهاوشت قال روحي اهلك احنا ماننفع لبعض والله اني تعبت من هالوضع صار راسي شيب وبس مشغولة البال وتعبانه من التفكير لان هم جزءمن المشكله تكفون شنواسوي معاه ابي اتغير معاه تعبت كم سنه اسكت وارضى ولاتغير معاي واسفه لازعاجكم**

 

[رجائي بالله80]

نسيت لا اخبركم بشي مهم حسيته من سوالفهم معاي ومع الناس انهم مايبوني لولدهم لان مركزه العلمي اعلى مني وفوق هذا هو شخصيه مرموقه وخدومه للناس ودايمآ يلمحون لمستواي التعليمي واني عاطله ويقول قدامي وقدامه فلان اخذ فلانه نفس المركز ونفس الشهاده للعلم كل اخوانه وحريم اخوانه نفس المستوى الا انا وانا الحين حامل بالشهر الرابع ونفسيتي معدومه ما اشكي لاي احد الا لكم وراجيه المساعده لان لااطلع ولا اجي واذا طلعت بعدمشاكل كثيره

 

[نسيم الرياض]

أهلا أختي أولا حبيبتي كم وحده مممتعلمة وشوفي زوجها كيف يغليها وحاطها بعيونه وكم دكتورة مطلقه او بمشاكل مع زوجها عمره ماصار ابسبب المستوى بس ممكن بسبب الجهل وأنت ماشاء الله عليك متعلمة ومانت جاهله بس يبيلك ثقة بنفس ثم طوري نفسك من اهتمام بالشكل والثقافه والكل بكل خليك ملة بكل شيء واخيرا ادعي ربك يسخر لك زوجك والله يعون عليك حملك

 

[منار الخيرات]

............

وعليكم السلام ورحمة الله وبركاته


الله ييسر حالك أختي

شوفي حبيبتي /

- أولاً : بالنسبة لأم زوجك دام كلامها -الله يصلحها- حش [ من حكالك حكا بك ] فاحذري !!،
وخلي دووووم لسانك معها طيب وكلام عام << من غير غيبة وحش ..
تكونين أرضيتِ ربك قبل كل شي بترك الغيبة ، وبعده يكون أسلوبك راقي مافيه انتقاص من أحد ،
<<^^^ صدقيني الكلام الراقي المفيد منك بعــــــــيد عن الحش : جدًا يرفع نظرتهم
مثلاً الأحاديث العامة مثل الأخبار أو حتى مواعظ .. فوائد صحية غذائية وكذا ... أي شيء تقرئينه من التويتر الإخباري ولا الجرايد

والتمسي رضاها فــــــــقط في [ الأفعال ] اللي تخليكِ ترتفعين بعينهم >> صبي القهوة / كوني مرتبة / خلك ذوق
ولو قالت لك ( سولفي !! ) .. ابتسمي واذكري الله وقولي : والله ياقلبي لو عندي سالفة ما ببخل عليك بها .... << تصريفة وتبين انك واثقة من نفسك

واصبري عليها لين ربي يفرج على زوجك وتطلعون بيت جديد


-ثانيًا: وهو الأهـــــــم [ زوجـك ] اتخذي معه [ الإصرااااااااااااار ] والتكرار للشي اللي تبينه
لكن اصرارر بهدوووء وعقلاااانية ، لا بزن ودوشة وخصام << الهدوء والعقلانية الظاهر هي اللي تمشي مع الشمالي

+ اختـــــــــــــــــــــــــــــــــــــــــــــــاري الأوقات اللي يكون فيها رايق <<< هذا أهم شي نحن يالحريم نغفل عنه
يعني لاكنتم جالسين جلسة شاي أو قهوة لحااالكم ولا شفتي هادي ورايق << ارجعي افتحي معاه الموضوع اللي انتي مصرة عليه بكلمتين حب ودلع

أهــــم شي يا قلبي تخبرينه بخصوص [ القرارات ]

<<< برأيي هذا أول شي تحيطين به
وفكري بمليون طريقة إقنااااع توصلين له انك زووووووجته ونصصصصصصصصصه الثاني لاااااازم تدري عن كل شي له
حكيه حكاوي حريم أزواجهم سافروا والحرمة مسيكينة مادرت وزوجها اتصاله بصديقه بس مطنش حرمته وهي وأولااادها قلقانين ذذذ
يعني لو حسيتيه ممكن يحس فعلاً بكذا !

ممكن تدخلين له من باب انك تحبين تستعدين له

..
يعني (( ماودي انك زي دايم ترجع وانا بحوستي مادريت ولااستعديت لك حبيبي كنت بعمل نيولوك

ذذذذ ))
وكمان ممكن تستغلين الشي اللي يحبه فيكِ أو يتمناه انك تسوينه في غيابه مفاجأة
قولي : عاد خبرني حبيبي لو سافرت عشان ابدأ ::: << نادي ولا ريجيم ولا لوحة .... <<< انتي أبخص بزوجك ونفسك

أقصد انه قـد يكون ماشي بسياسته معك انه مايعلمك وماهمه
لكن لو تحمس بشيئين منك ولا كلمتين بيصير يحسك مهمة وفي شيء بتجننيه به

>> عندك مثلاً تلاقين متزوجات أزواجهم يسافرون عنهم وكل ماسافروا عملوا نيولوك ولا غيروا ديكور الغرفة أو عملوا شي يمووووت عليه زوجها وانتي أبخص به

بس انتي تستغلين هالنقطة في انك تحمسينه انه يـاحبيــــــبي علمني متى تروح

/


وبالنسبة للدراسة يا عمري ماتودي ولا تجيب
والله بنااااات ياكثرهم ببكالوريوس وجالسين بالبيت وعقولهم أصغر من الثنوي !
فمهم جدًا انك ما تتوقعين ان الشهادة هي مطلبك
إلا إذا لاحظتِ ان زوجك من يوم ما خطبك وهو وده بوحدة جامعية وتتحسسين من كلامه انه تكبر بعينه المتعلمة بدرجات عليا
فممكن تكون اصراراتك ع اكمال الدراسة : تخليكي تكبرين بنظره
فأصري انك تكملين [ جامعة ] فقط في هذه الحالة
أما الدورات فما أنصحك بها يا حبيبتي عندك الانترنت يكفي ويوفي في المعلومات والدروس والدورات التدريبية
في ( أنا مُسلمة ) مقر انترنت لحفظ القرآن الكريم عبر الانترنت !! فأخذ العلم سهل والحمدلله


أعتذر طولت عليك
واتمنى من كل قلبي انه أمورك تتيسر
الله يسخر لك زوجك ويرزقك بر ولدك
ويسخر لنا أزواجنا جميعًا ويجعلنا قرة أعينهم

................
​

 

[منار الخيرات]

~

نسيت أذكرك قبل كــل شي حبيبتي أوصيكِ :

بـ الدعــــــــــــــــــــــــــــــــــــــــاء ثم الدعاء

ان الله يحنن قلبه عليكِ ويسخره لكِ ويدفع شر أمه عنك

اثبتي على طاعتك فتصرفك سليــــــم انك ما تكشفين على أخوانه << الله يثبتك ويكون في عونك ويحنن قلوبهم عليكِ

[ .. نحن هنا قلوبنا معك ونوصيكِ لكن الله وحده بيده زمام الأمور .. ]

اعملي بالأسباب اللي ذكرتها والأخوات قبلي الله يسعدك ويسعدهم

و [ ثقي بنفسك ] معهم تمامًا

/ لاتخلين أي شي منهم يهزك قدامهم ويربكك
واذا جرحوكِ ولا ضايقوك من يوم تدخلين غرفتك ادعي ،
خذي سجادتك وصلي ركعتين اسجدي وخرجي بكــــــاء قلبك لله << هو وحده اللي بيفرج لك ويعلم حالك ()

/

طمنينا عليكِ الله يسعدك

..
​

 

[ضحكة الدنيا**]

اختي الفاضة
ركزي على النقاط الاساسية لمشكلتك المتشعبة لحكاياتك وسردك خلال تفاصيل اليوم الواحد وهي
(مللك من الروتين وقلة اعجاب زوجك بك لتفريطك في الدراسة عدم راحتك مع سكنك مع اهل زوجك وعدم حبهم لك ام زوجك ماتحب جلستك والاسوالفك وحاسة ان ماعندك سالفة تسولفين فيها رغم وحدة من حريم عيالها تحبها جدا وانت اللي عايشة معاهم مايحبونك او بالاحرى يحشون فيك من وراك وزوجك ايضا كثير يكرر لك موضوع الفشل الدراسي وان ليس لك مركزاجتماعي واحساسك بالضيق من حياتك )
اجيب لك بناء على ماسبق ان السبب ولا تزعلين مني حبيبتي منك فبحثي عن السبب وطوري نفسك غيري من اسلوب حياتك الممل جددي في نفسك وان زوجك لو يرضى تروحين لكوافيرة ابحثي لك عن اسلوب يناسب شخصيته تجعله يوافق على ذهابك الصالون ان كنتي غير مهتمه قوليله علشانك انا بابهرك وان رفض رفضا قاطعا اتصلي على كوافيرة تحضرلك في المنزل واخرجي تواصلي مع صديقاتك وان استطعتي ان تكملي الدراسة بالانتساب فاكمليها لان زوجك يظهر عليه والله اعلم ينبهر بالزوجة ذات المنصب والمكان الاجتماعي المرموق او ابحثي لك عن وظيفه ولو بسيطه وبيني لزوجك انك مهمه بالنسبة لصديقاتك في العمل واحسسيه انك مشغوله وايضا ركزي على شخصية مرة ولدهم اللي يحبونها وحاولي تعرفي الفرق بينك وبينها من طريقة الحديث والمواضيع اللي تتطرق لها واسلوب تعاملها معهم وترى شيء طبيعي بيطفشون منك ويملون النك عندهم ومعاهم على طول وغير جالسة في البيت لاشغل ولامشغله روتينك ومللك جعل من حولك يمل منك ايضا وسامحيني على صراحتي واي سؤال انا حاضرة

 

[قصه عشق]

~

نسيت أذكرك قبل كــل شي حبيبتي أوصيكِ :

بـ الدعــــــــــــــــــــــــــــــــــــــــاء ثم الدعاء

ان الله يحنن قلبه عليكِ ويسخره لكِ ويدفع شر أمه عنك

اثبتي على طاعتك فتصرفك سليــــــم انك ما تكشفين على أخوانه << الله يثبتك ويكون في عونك ويحنن قلوبهم عليكِ

[ .. نحن هنا قلوبنا معك ونوصيكِ لكن الله وحده بيده زمام الأمور .. ]

اعملي بالأسباب اللي ذكرتها والأخوات قبلي الله يسعدك ويسعدهم

و [ ثقي بنفسك ] معهم تمامًا

/ لاتخلين أي شي منهم يهزك قدامهم ويربكك
واذا جرحوكِ ولا ضايقوك من يوم تدخلين غرفتك ادعي ،
خذي سجادتك وصلي ركعتين اسجدي وخرجي بكــــــاء قلبك لله << هو وحده اللي بيفرج لك ويعلم حالك ()

/

طمنينا عليكِ الله يسعدك

..
​

هذا هو الجواااااااااااب الصحيح ترى عشت نفس حياتك بس بدون طفل والله ثم والله ثم والله كنت اصبر على امه وحريم اخوانه وااظهر تضايقي امامهم علشان مايقولوا مسكينه او حظها عاثر وفوق هذا كان يتكلم هو وامه عن اهلي بكل نذاله رغم انه اهلى ماجرحوهم باي شي بس كذا لعانه والله عندما يدخل غرفته ادخل معاه واقرب نفسي له مو علشان علشان اخذ الاجر من الله واقول في نفسي ابغى احصنه من اجل اكسيب رضاك واتوضاء واصلي في الليل وهو نايم وتعالي ياعيني صبي اشكي لله وكاني اشكي قدام احد اقول يارب انت تشوف ايش يسوي هو وامه وانا مااطلع هذا الشي قدام لااهلي ولا اهله وانا ماابغى احد يشمت فيني فارضني بفرج من عندك لا من عندي فانت ربي لي اسالك انت القادر على كل شي اجعل السعاده لي والنصر من حظي اقسم بالله 6 اشهر ونخرج من عندهم وانا مااخذوا فكره بطاله عني بال بالعكس يذكروني وتقول ياريته عندي احسن منكم كلكم ماقصرت وكانها بنتي استعيني بالله