الحكيمه تدخل توني عروس لي خمس شهور :(

[الانسكاب]

السلام عليكم ورحمة الله وبركاته


بدخل على طول بمشكلتي لاني ماحب المقدمات

البارح قاعده العب بجوال زوجي المهم وادخل على المسودات اللي بالرسايل والقى
رساله مكتوب فيها الا ياليتني اشوف تتنكسين ( يعني ياليتني اشوف ترقصين )
بس المصيبه انو الاسم رجالي
وزوجي قداااامي مو راعي حركااات مغازل ولا شي بالعكس يسمي الشباب اللي يغازلون بالخرفان ..

الحين وش رايكم اقوله وش هالرساله ولا اسكت
تكفووون ترى من اليوم وانا اجامل فيه احس ودي اذبحه​

 

[حلمي ما أكتمل]

حنا مو ذابحنا الا تفتتيش بجوالات رجالنا

انا مره فتشت بجوال زوجي وشفت رسايل

كنه من بنت لبنت وانهبلت وقلت وش ذا شافني

انهبلت ماهتم فيني ولاعبرني : (

اقولك ونصيحه مني لك ... لاتفتشين ورى زوووووجك

ترى وربي بتتعب نفسيتك وانسي الرساله ولاتواجهينه ولاشي

امسحي الرساله انتي وبس وانسي كل شي ورمي كل شي ورى ظهرك

الله يهدي سرك يارب

 

[الانسكاب]

ياختي وش اسوووي اسكت الحين لمتى ؟!
مااافيني صبر
انا عطيت الرقم وحده من زميلاتي تتاكد اذا بنت او ولد
بس اذا صارت بنت وش اسوووي احس اني متشتته ...​

 

[نوره _]

لا تسأليه
ولا تفتشي جواله لانها مجرد رساله يمكن طنازه على احد من ربعه او مزحه مع احد
لا تجيبي لنفسك مشاكل ولا تفتحي باب للشيطان يوسوسلك

والله معك........​

 

[نوره _]

وإذا كان الرقم لرجل بتحقرين عمرك

وإذا الرقم لبنت بتحقرينه وتكرهينه

نصيحه لا تخلين احد يتصل على الرقم

وانسي الموضوع وابدئي حياة جديده معه

ودمتي لزوجك بسعاده......

 

[أم سدين]

ترا بس تمرضين ولو واجهتيه ما راح تطلعين بنتيجه بينكر ويقول من عند صاحبي طنشي وعيشي حياتك وفوضي امرك لله

 

[Bounty~]

عسى يكون بس فهمتي السالفة غلط

 

[الانسكاب]

اهلين صبايااا
طلع الرقم رقم بنت وقسسسسم نفسيتي صارت زفت
فيني الصيحه احس باي لحظه بتطلع
وش اسوي اسكت وبس .. معليش ماقدررر
من عندهااا كيد لان مخي وقف

ونمط زوجي شمالي غربي ...​

 

[نوره _]

قلنالك وش ذي اللقافه

لاتتصلي ولا تبحثي وراى زوجك

بس تقدري تسولفي لزوجك وقوليله :
في وحده من زميلاتتي فتحت جوال زوجها و....................

بس عاد مو نفس الرساله مثلا لقت رسله ودنا نلتقي و..........كملي القصه

وإسأليه وش تنصحها تسوي

والله يكون في عونك

 

[الانسكاب]

يانوره مو لقافه هذا زوجي ويحق لي اغار عليه وانا مافتشت الرساله طلعت بوجهي

مابي هالاسلوب طفشت وحتى هو بيدري اني اقصده
ابي احرق دمه ياختي مادري وش اقول بس حييييييييل منقهره
حسبي الله عليهم بنات الشوارع الله ياخذهم ...

 

[النعوووومه]

وش تقولين عني ..
انا ورب البيت اكتشفت خيانه زوجي وانا لسسسسسسى بشهر العسل

 

[أنها أنا]

انا ماااالخبط علاقتي بهالشمالي الا تفتيشي بجواله .. لين حلف علي بالطلاق ان مسكت جواله وتبت لأني لاعت كبدي وانا احرق اعصابي .. ياكم شفت وشفت .. قومي واقعدي ورددي: اللهم لا تجعل الدنيا أكبر همي.

 

[نوتيلا لمار]

الله يكون معك ~
حاولي تطنشي مؤقت يمكن نزوه بسيطه ويندم

 

[ليالي محبة]

السلام عليكم ورحمة الله وبركاته
يعلم الله ويشهد علي الله ماسجلت الا بعد موضوعك
شوفي حبيبتي ابد لاتشكين بزوجك
ممكن كان مسجل إسمك اسم رجل من قبل لايسجلك باسمك
عشان ما أحد يدري عن رقمك
وتذكري عمرك غيرتي رقمك يمكن رقم لك قديم ويمكن يكوون غلط برقمك
لاتشكين ابد
واكبر خطأ إنك عطيتي الرقم زميلتك عشان تتأكد
ويمكن اللي رد عليها رجل بس صوته نااعم >>وربي يسير بنت جيراننا صوت رجلها كأنه بنية

اطردي الشيطااان عنك

يمكن كان يبيك إنت ترقصين له ومستحي ليش لا؟؟
وممكن بعد انرسلت لخويه بالغلط من قبل,وكان بيرسلها ثم هوون؟؟
وربي دامك وااثقة فيه ووهو زوجك لاتفتشين ورااه بيتعب راسك

واتمنى لك التوفيق من اعماق قلبي

 

[мīŜs.7aŘķaŦ ••]

والله استغرب من بعض البنات اللي تقول لاتفتشين و لاتدورين وخليه لييييييييييه ان شاء الله انا متزوجته عشان يخون واقعد انا زي المغفله ... ولا اللي تقول يمكن رقم لك قديم او كان بيرسلها لك و لخبط مسكين مع احترامي الكبير لصاحبة هالرد بس هي مو طفله ينضحك عليها بكلمتين !!!

شوفي حبيبتي انا انقهرت على موضوعك لاني اتخيلت نفسي مكانك لاني بعد متزوجه لي 6 شهور واحس لو هالشي صار لي لاسمح الله راح اواجهه و اشوف تبريراته لانه في البدايه راح يكذب بس برضو راح اواجهه ولااخليه يفلت من عقاب حتى لو اني اربيه واروح عند اهلي كم شهر يمكن انا متهوره وتفكيري مو عقلاني بس هذا اللي راح اسويه لو صار معي هالشي ..

انا اقول واجهيه ببرود وشوفي وش يقول اهم شي لاتبكين ولاتصيحين خليك قويه و ياليت تصبرين يعني شوفي مدى العلاقه اللي بينهم وهي قديمه ولا جديده يمكن علاقه قديمه وتركها بعد الزواج وفي هالحاله مايحتاج تقولين له شي امسحي المسج وانسي الموضوع واذا شفتي علاقتهم جديده ومستمره الله يعنيك وتصرفي التصرف اللي يناسب شخصية زوجك بس انك تسكتين على الوضع وتخلين الرجال يضيع منك لا والف لا خاصه ان معزتك الحيين غيررر لانكم في بدايه الزواج يمكن الرجال يبغى احد ينبه ويصحيه من اللي هو فيه ويخليه يبطل حركات العزوبيه ...

اسأل الله ان يربط على قلبك ويهديه ويسخره لك ..

 

[سموذاتي]

فرررررررررررررررررررررررررج الله همك

 

[زنقه زنقه]

لاحولا ولا قوة الا بالله ،،

 

[همس الفيافي]

هذا مثل دارج وحكيم طنش تعش تنتعش

 

[آنثـى خ ـرٱفيه✿]

واجهييه ولاتسكتين عن حققك

الى متى وحنا طنش طنش ونكتمها بصدورنــآ

الله يسخره لك ,,طمنينـآ عنكـ

 

[حكيمة زمانه]

غالبا مااقرأ مشكلة وحده من الاخوات الا احاول اساعدها بالي اقدر عليه
الا مشاكل الخياااااااااااانه لاااااااااا استطيع
الله يكون بعونك ويدلك على الخير