الحق مع مين {زوجي وانا}

والله أنا اضم صوتي لأخواتي وخلاص اذا طاح الحطب بينكم زوريهم وهم بعد الله يؤلف بينكم يارب
 
والله انا اقول حسب حجم المشكله اللي كانت بينكم كان المنع
لازم نعرف المشكله علشان نقدر نحكم
لامن فيه اشيااااء ما يرضاها الرجل وما ينساها بسهوله
ممكن يكون رجع متل اول معاك لكن المشكله لسا بقلبه ما نسيها
وعلى حسب المشكله ووقعها على الرجل نقدر نحكم
؟؟؟؟؟؟
 
الله يبعد عنكم كل شر ويسخركم لبعض
بصراحه المفروض ريلج يبادر ويعزم هلج
لان هالشي ينعكس ع سمعته وجوده واصله الواحد يعمر بيته بالكرم والسمعه الطيبه ما يهدم بيته بالقطيعه ووالريال الكريم ينعرف والبخيل ينعرف من تصرفه
والريال نخوه زمانه وزوجته وعياله ما يناقش في هالالمور
باجر ينعكس لعياه هو قدوة لعياله شو يعلمهم القطيعه مثلا حتى ممكن يتاخر نصيب بنته والسبه ماشي تواصل
الواحد يقصر الدوووب ويفتح بيته لكل قريب وغريب حت الواحد يستحي يرد الغريب كيف بالقريب
غير جي باحر بتكبرون ووبيشيب بيحس ان البيت عدم ما معمر وبيحس انه غلط غلطه العمر
والبيت مغلق ما تدحخخله البركه والملائكه جي االشياطين لاعبه ف اعصابكم
ويمن كنت ثقيله بي حبيت اوضح المعاني
 
زوجك غريب!! ليه انتي طفله يخاف عليك من الناس لا يغيروك !!
وبالذات اخواتك مو من حقه يمنعك تزوريهم >> وبيته هوه حر يسمح للي يسمح ويمنع اللي يمنع!!
وصديقاتك اذا طيبات وما يجي من وراهم مشاكل برضو مو من حقه يمنعك هذا استعباد منتي سفيهه عشان يقولك تكلمي مين وتزوري مين !!ايش الانانيه هذي والله مايرضاها لنفسه ولا لخواته !!!
 
الله يهديه ليش مانع احد يجي يزورك الوحد ه في البيت مب زينه ولا تبي يجيها اكتئاب

لا لازم يتفهم هو رجل وعاااقل وهذ شئ تافه وصلة الرحم والتواصل بين الاقارب والاحباب لازمه ربي يسعدكم ويبعد عنكم كل شر
 
دحين الوحده تتزوج عشان تنبسط ويكون لها بيتها ملكها مملكتها تحط فيه اللي تبغى وتشيل اللي ماتبغى وترتبه وتخليه احسن بيت بالدنيا وتستقبل فيه حبايبها وتحس انها انسانه متزوجه وصار عندها بيت << والله احساس حلو ليش تنحرمي منه ..

وبعدين على قولة وحده من البنات قالة الخاله ام .. ومحد يضمن الزمن بكرا تنفسي تحملي .. حتروحي تقعدي عند اهلك وتباااتي .. وفي نفس الوقت هما ممنوع يدخلو بيتك .. والله فشيله .. وبكرا تحتاجي احد منهم يمسك اولادك .. كيف اح تطلبي منهم وتموني عليهم واذا انتي منتي مأمنتهم على بيتك ..

وبعدين لو اخواتك راح يأثروا عليكي ويخربو حياتك .. بالتلفون ممكن يصير دا كلو ولما تزوريهم مو بس لما يزوروكي .. وما اعتقد ان في انسانه تحب زوجها وبيتها ومتمسكه فيه انها راح تسمح لاحد ي\أثر عليها او يتدخل في حياتها حتى لو كانت امها ..

والاهم من هدا كله .. منظر زوجك قدام اهلك .. يعني بالله كيف يزورهم وهو ما يبغاهم يزوروه ..

وحتى لو ما يزورهم .. احنا البنات الوحده مننا تبغى زوجها يكون مافي منه قدام الناس .. وتبغاه يكون لما ينذكر اسمه تكون له هيبه وما ينذكر الا بكل خير .. <<< اذا اخواتك ممنوعين من بيتك اكيد مارح يصير هدا كله ..


وبعدين بسالكم سؤال انتو الاتنين.. اش تحسووو فيه لما انتو اتصالحتو وحابين بعض وعايشين حياتكم بالطول والعرض وليالي رومانسيه وشغلات ... وفي نفس الوقت قدام الناس بينكم مشاكل لدرجة ان اهلك ممنوعين من بيتكم ... يعني اللي اقصده .. كيف تكونو صادقين مع بعض وتحبو بعض بصدق وتسعدو بعض ادا انتو في فينفوسكم شي على بعض (( هوا ما يبغى اهلك وانتي زعلانه منه ومتضايقه عشان كدا )) كيف تعطووو بصدق ..

وبعدبن حتى لو في مشاكل .. المفروض يكون العكس .. يعني حتى لو كنتو في البيت متخاصمين وحالتكم حاله .. المفروض بمجرد ماتطلعو من باب البيت .. ماكأنه في شي .. عشان الناس لا تدرى عنكم هدي خصوصيات ..

والله اننا اوقات انا وزوجي نكون في السياره متخاصمين والشيطان بيننا بس بمجرد ما نوصل عند اهله او اهلي .. خلاص متضطرين نتناسى المشكله .. ونطلع عندهم ونضحك ونمزح ونتريق وعاااادي جدا .. ولما نرجع نركب السيارة .. نرجع نمد البووووز خخخخخخخخخخ .. بس خلاص يكون الزعل خف والتوتر راح ونتناقش ونتصالح ونمشي .. ترى الحياة حلوة بس احنا اللي نعكرها ...



صلو عالنبي .. وعيشو حياتكم بالطول والعرض وانبسطووو.. وابدأوو صفحه جديده ..
ترى الايام اللي تروح ماترررررررجع..

اول شي سوو عزومة صغيرونه واعزمو اهلك واهله وانبسطو وطاح الحطب .. وحبو بعض بصدددددددق مو بامجاملات..


الله يجعلك قرة عينه ويجعله فرة عينك .. ويصلح حالكم ياااااااااااااااارب
 
ياحليله شكله متفاهم وطيبوب وحنون عليك لانه جالس يقرا معك
شكله يهتم فيك مره
خلاص اذا المشكله انحلت ورجعت المياه لمجريها ليش يمنع اهلك وصديقاتك
بس احس انه بعد مايقرا الردود بيشيل الفكره من راسه انه مانع اهلك من الزياره لك
باين عليه فاهم
الله يسخره لك ويسخرك له
 
اشكركل من ردت علي واعطني من وقتها
وزوجي قرا كل الردود وان شاء الله يفكر زين
ويوافق يااارب
 
لا تنسي تبشرينا بالنتايج ..


الله يحنن قلوبكم على بعض يااااااااااااااارب
 
إذا كانت المشكله بسبب خواتك فالموضوع إنتهى زي ماتقولين وعفى الله عما سلف ، ليش الحقد؟ ليش الإستمرار في العقاب ؟ أعتقد أنه نوع من التسلط ألا يسمح لك بدخول أخواتك لأن هذا بيتك أيضاً ويحق لك إستضافة من ترغبين فيه . ومو حلوه في حقك يصغرك قدام أخواتك بهالشكل، بالعكس إن كان مايبغى مشاكل من وراهم فهو الآن قاعد يفتح لهم مجال لإنتقاده والتقليل من شأنه قدامك ومو بعيده يجرحونك بكلامهم عنه .
 
جراده شياكه .. راح اجي اعضك :busted_red:

طمنينا اش صار معك :21:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل