الحقير حقييير ... ابي اعلمه قدره كيييييف

[زوجة الناظر]

الله يعينك ويهون عليك

 

[حسبي ربّي]

قبل سنه قلتى حقير هذا دليل ان ماعندك صبر خلى نفسك ارقى منه واذا غلط لاتنزلى لمستواة عامليه باخلاقك مو باخلاقه يعنى السب غلط
انا لى 6 سنوات ولله الحمد عمرى ماغلطت على زوجى بكلمه رغم ان مشاااكلنا لاتعد ولاتحصى بس مااعرف اسب واغلط وهو نفس الشى لانى حافضه لسانى عنه مايغلط على ابدا صح نتناقش نقاشات حادة بس بدون سب وغلط
الله يسخرة لك يااااارب

صدقيني يا اختي عمري بحيااااااتي ماغلطت عليه والله العظيم وكله كلام زين وصبر
بس اذا اكرمت اللئيم تمرد
انا ليش تشوفين حالتي كذا من قهرررري تخيلي عمرك يضيع تتأملين وتشترين حياتك في المقابل ولا شي ّ

هو بشهاده نفس يعترف فيني وباخلاقي .. احيان يقولي انا بلوه يعني عاااااااارف نفسه
انا اصبره اعلمه اقول ترى اول سنه مشاكل لازم نصبر وهو يقول لا

 

[رحاله 33]

صدقيني هالحاله جات كل ام في بدايه زواجها الي بانصحك فيه فكري زين يابنت الحلال وش طلاقه وانتي حامل بعديين لا جا البيبي بتشوفين زوجك يتغير بشكل ماتصوريينه وبعديين تفاهمو قولي الي في خاطرك لك وهو كمان اهم شي التفاهم في الحياه الزوجيه والحب صدقييني يجي مع الاولاد والاحترام بعد صلي ركعتين وارسلي رساله انك بتفاهميين لحالكم وبالنسبه للفيس بوك الله ياخذ الي مخترعه المشكله في كل بيت راقبيه من تحت لتحت واحذفي الحريم سويلهم بلوك مثلي اسوي كذا ولا اسمع منه ولا كلمه ومن نفسه عاف الفيس المهم لا يعرف انك عارفه والحياه ياختي صبر ثم صبر واخرتها بتعقل بس شوي صبر والله يوفقك

 

[مـلاك الصغيرة]

حبيبتي قال الله تعالى لقد خلقنا الانسان في كبد
وبعدين اصعب سنة هي السنة الاولى من الزواج
الرجل يريد ان يثبت رجولته والمراة تظن انه يحتقرها
وووووو
فنصيحتي لك لاتهدمي بيتك وتشردي طفلك ترى كل الكلام اللي ذكرتيه
عادي ببداية الحياة الزوجيه وماراح تفهمون بعض وتهدى اموركم الا بعد سنتين ثلاث
لاتكابري وتخربي بيتك اصبري والله ماراح يضيع صبرك
واسلوبك وحنكتك وتعاملك تستطيعن جعل زوجك كماتريدن
وفقك الله لكل خير

 

[همس الغمآم]

أعطي نفسج فرصــه أنج تقديرين تنجحين في هذا الزواج
جربي حاولي تقرين عن نمطــه
حاولي بكل طرق تكسبينه صدقيني انتي قويه وتقدرين تكسبينه لصفج بس أدرسي شخصيته صح ،
كلنا بأول سنه تعبنا وكرهناهم ، أول سنه أصعب سنه كرهته لدرجه فضيعه بس بعدين لما فهمته وقريت عن شخصيته أكتشفت أنه أسلوبي غلط في تعامــل اكتشفت أني لما أسكت تكون نظراتي حاده عليه وهذا غلط لازم تكون نظرات حب واذا غلط نظرات عتب .
يا أختي عامليه لله واحبيه لله ، وأبدي صفحه جديده لله ، حتى أذا تطلقتي تكون مرتاحه نفسيا أنج سعيتي في الصلح .
الله يوفقج واطلبي من الله أن ينور بصيرتكِ

 

[التحدي صعب]

سامحني لو ردي زعلك

بس انتي بالتاسع وماكملتي سنة متزوجة ماشاء الله

ولك عند اهلك سبع شهور يعني جيتيهم وانتي بالثاني ياقلبي



فهمتي ليش اقول لك يمكن عشان الوحم

لكن الله يسخركم لبعض ويهديكم لكل خير

 

[لاتخون الصدق لا]

اولا لا تستعجلي كل شيء حطيه لانك حامل
بعد ماتولدي يجيك اصرار غريب على التغيير
سواء في نفسك او زوجك ويمكن طبيعة حيااتكم كلها
أظن هذا 50‏ ‏%من اسباب نفسية الحامل
لكن اذا انتي عند اهلك لك فتره طويله
لاتحاسبينه لانك ماقدرتي تكسبيه وشكلك مافكرتي
لان الرجل له رغيه وله شهوه
انتي املي لي وقته لانو لو كان جالس معك مارح يروح لغيرك

 

[حنين األصمت]

وين الصبر قي حريم صبروا سسنين وتحملوا الين بنوا بيوتهم
تحملي توك اول بيبي
اول ماتولدي راح تتغيري انتي وهو
دعواتي لك بالتوفيق
دمتي بحب

 

[دلوعةزوجي]

سؤال
وش الفايدة من اخذ حقك بيدك وتعرفينه بقدرة
اتذكري بينكم بيبي بالطريق وممكن يحرمك هو
ابيك تتذكرين رب العباد وهو قادر على اخذ حقك وحق كل مظلوم​

​

​

 

[شموخ البنات]

حبيبتي الله يصبرك بس صدقين اول سنه زواج لزم كذا يعني تحملي ويمكن يتغير كل شي بعد الولاده والمفروض ماقلت لاهلك اني ابي الطلاق لان الحين لو بعد الولادة تغير كل شي الاهل ماراح ينسون وتصبري وخلي كل شي بعد الولاده وبعد الحامل لزم اشوي ضغطه يرتفاع علي اي شي يعني تحملي وكل معصبتي حولي تتعوذين من ابليس وصلي ركعتين علشانك وعلشان الي الي في بطنك لانه اهم شي الحين 000000
وعلي فكره انا مات لي طفل وهو في بطني وكان السبب الحبل السري ومن اسباب التفاف الحبل السري رافع الضغط والعصبيه في فترة الحمل يعني خافي علي الاقل علي الي في بطنك 00000
واسفه علي الاطاله بس لاني مجربه000000

 

[المتأملة خيراً]

السلام عليكم ورحمة الله وبركاته

مشكلتج مشكلة سمعتها مرات كثيرة ومن ناس مختلفة في حياتي

مع اختلاف بسيط بالتفاصيل

نفسية الحامل تلعب دور كبير في حياتها

وصدقيني بعد الحمل راح تتغير نفسيتج و اهتماماتج

وبعدين ربي مفضل عليج بأهل مخليتج على راحتج ما رجعوعج له أو على الأقل قطوا عليج كلام بالطالعة والنازلة​

 

[فاطمه احمد]

بصراحه كل اسباب الطلاق غير كافيه الكذب كل الرجال كذابين الامارحم ربي انازوجي فهمته حاجه واحده ان صدقت في القول لنفسك وان كذبت سيئه تكتب لك بالعربي مايهمني تعبت وانا معاه مثل المحقق ليش متى مين مع السلامه انا اهم حاجه في حياتي عباداتي ثم نفسي وعيالي الله يخليهم ذخر لي ولاابوهم بكره لاجاك اضنى بتعرفين معنى يعيش ابنك مع ابوه وان كان على الفيس يمكن يبي وريك انه مشغول وموهامه الموضوع

 

[ملهمة النجوى]

كم مره نقول لا تسبون رجالكم في النت لا ومن وراهم بعد

أولا : غيبه إغتبتي زوجك وقلتي عنه كلام مو زين في حقه قدامنا حتى لو وش سووى يعتبر زوجك وأبو طفلك اللي في بطنك
ثانيا : يدل على اخلاق الزوجه

تقبلي انتقادي للموضوع ​

 

[معلمة متألمة]

صباحج ورد اختي..

اول شي ادعي لج ربي يمدج بصبــر لاينفذ... وقوة لاتحيجك لاحد وسعة بال تشمل زوجك وحياتك والطفل اللي جاي ..
انا معاج.. وحاسه فيج... بس الانسان ف الدنيا لايتوقع انه بيعيش بدون هم وحزن... ومشاكل... سواء مع زوج او اهل او صديق او قريب او حتى عياله...
انتي متزوجه... وحامل.. لازم تتحلين بالصبر ثم الصبر ثم الصبر.. زوجج مايسكر... ومب مدمن... زوجج يغازل.. ماقولج مب عيب... صح بس اغلب رجالنا كذا ربي يهديهم...
ليه انتي اللي ضقتي... ليه مب غيرج اللي يضيق ويفارق.... ويروح عن زوجج... انتي بلسااانج قلتي ان زوجي ضايف بنات ..ليه البنات مايدرون انه ضايف غيرهم ومازعلوا...؟؟ ليه عادي عندهم وعايشين حياتهم.. لان كل وحده تدور وناستها..مايهم اي شي ثاني... عكسج تماما.. خليتي نفسج وزوجج واللي ف بطنج وحياتج وقلبج آخر شي.. تفكرين فيه.. .. اي نعم اخر شي تفكرين فيه .. لاتفكرين انج بطريقتج هذي انج حاطه نفسج اهم شي عندج.. لا والله ياغاليه...
تعوذي من بليس.. قسم بالله بليس قاعد يحشيج ع زوجج وماراح يرتاح الا بطلاقج... كل واحد منا يعرف هالشي.... بس مانفكر فيه..!!
الزمي القرب من ربي وشوفي بعين تسخير زوجج....
العصبيه تشوّه انوثتج ونعومتج... وغير هالشي تاخذ من صحتج واعصابج.. وانتي وزووجج واللي ف بطنج اولى بها..

هدي روحج واهتمي بصحتج... واذا زوجج يبي يصالحج ... لاتردينه... كلميه و وضحي له اللي بخاطرج.. بكل ثقه وخليج قويه والمفروض انج اقوى منه خير ان شاء الله؟ و غلطان بعينج وبعين الكل... والمفروض تبينين له هالشي... فاهمه علي؟ يعني بيني له ش قد صورته انهزت بعينج... طبعا بدون تحقير... لا تحقرين منه لانه زوجج وابو ولدج..
ياغاليه...
وربي اعرف وحده سعوديه ( ربي ياربي ياحبيبي يسعدها سعاده تنسيها ما مر بها من حزن وهم.. وصب عليها من المال الحلال ماينسيها الحاجه والوظيفه ...يارب تخلي حياتها جنه بأرضك وتطول بعمرها وتعطيها العافيه وتخي ليه زوجها وعيالها وتبارك لها فيهم..آمين.. تكفون أمنوا)..هذي ياغاليه وحده تزوجت..واحد وماتعرف عنه الا كلام اهله . والاهل لو ولدهم فيه اللي فيه ماراح يفضحونه.. يبون حاله ينصلح بالزواج.. المهم حملت منه ع طول.. وجابت ولد... وحملت وولدها عمره 4 شهووور وجابت ولد.. وهي بالنفاااس اكتشفت ان زوجها مدمن ... وضاقت عليه الدنيا بما وسعت... وبكت وصلت ...ش سوت؟؟ ماعلمت اي احد من اهلها.. ولا علمت اهله انها تعرف.... كتّمت ع الموضوع.. وماكانت بوظيفه كانت تسوي اشياء يدويه وتبيعها... لان راتب زوجها ماكان يسدهم... ولا طلبت من اهلها ريال مع حالهم ميسوور جدا... وكانت تزورهم والضحكة ماتفارقها..ومحد منهم حس بأي شي.. تجمع فلووووس من يوم ماطلعت من النفااااس الين ماصار ولدها عمره 5 سنين.. يعني 5 سنين تحط الريال ع الريال وتجمع وحارمه روحها وعيالها من كل شي الا الضروريات... وش سوت بالفلووووس؟؟ عالجت زوجها بها.. شهرين كامل... وهي تعالجه .. وكانت ماتفارق السجاده... ولا الدعاااء.. وربي فك زوجهااااا من البلا اللي كان ياخذه.. وصار امام مسجدهم وصار عندهم خير... احسن من قبل.... وزوجهاااا ما درى عن علاجه حتى اهله.. وشافوا التغيير فيه الين صارامام مسجد حارتهم..
شفتي صبر الحريم...!! صبروا ع سكارى ومدمنين.. وبعضهم مثل اللي ذكرتها لج مب بس صبرت.... لا صبرت وشالته من المستنقع اللي كان فيه...!! وش اجرها عند ربي ؟؟ صبـــر لايمكله الا قليل.. ووفاء لا يملكه الا قليل.. وعزم لايملكه الا قليل.. وحب لحياتها وزجوها وابناءها.. لايملكه الا من اراد ربي سبحانه..
حبيبتي... وربي حاس بخاطري همج ودي لو انتي قريب مني... وربي وربي ماراح اتركج الين تهدين ع الآخر.... واشوفج بعيني تدافعين عن زوجج بكل قوة وعزم عندج...
حبيبتي هذا زوجج .. حلالج... حبيبج... ليه تبين تركينه للي مايستاهله!! محد يستاهله غيرج.. محد اولى به غيرج... انتي زوجته وام ولده وان شاء الله حبيبته وعشيقته وكل شي... الحب يجي مع الوقت والعشرة الطيبه... مايجي بيوم وليله.. ولا بعصا الساحر اللي بالكرتون... ولا ينشرى من السووووق.. الحب انتي الي تصنعينه..

انا كنت متزوجه من واحد يحب وحده!!!!! شرايج!! ماعرفت الا عقب العرس... والحمدلله ربي عانني ع الصبـــر..

تعوذي من بليس واثبتي وجوده لاتصيرين ضعيفه وتنهزمين عند اول مشكله مع زوجج... ليه البنات مايملون... ليه زوجته اللي تمل وتكره وتمنى له الشر... ( وبخصووص كرهج وانتي تتمنين له الشر. هذا من الوحم.... بتولدين وبتتغير مشاااعرج كلهاااا... استغفري ربج وادي ربي يحفظه ويهديه ويخليه لج انتي واللي ف بطنج..)

صدقيني لو لزمتي القرب من ربي(( انا اقول لزمتي القرب من ربي ماقول لو قربتي من ربي لان اللزوم بقربه هو الاستمرار بقربه... لان مهما ابتعدنا مردنا له..)) .. سعادتنا ياغاليه مرتبطه بلزوم القرب من ربي ولو ملكتي قلب من تحبين وملكتي كنوز الدنيا بأسرها فلن تسعدي الا بالقرب من ربي....

حطي لج جدول يومي... ورد قرآن وذكر... وكل ماضقتي توضي وصلي وادعي ربي.... ادعيه ربي يسخر زووجج ويملجك قلب من ملّكه امرج ...
مالج الا زوجج ... والحمدلله مايسكر ولا فيه علوم شينه تخليج تفكرين بالطلاق..

اهتمي بصحتج وولدج واذا يبي يصالحج لاتردينه ولا تخلينه من اول مشكله واجهتهج!!! الحياه مايعيش فيها الضعيف... ومافيه زوج بتعيشين معاه بسعاده.. حتة اللي يحبون حريمهم موت. لابد من هالمشاكل... عاد فهالشي يبين دور الزوجه الذكيه... الشاطره اللي ثباتها وثبات الرواسي واحد..

مابي اكثر حكي...... اتمنى تكبرين عقلج... وصيري قويه ترى الضعيف عمره ماراح يعيش ولايتهنى.... سعادتج انتي تسوينها... حبج انتي اللي تأسسينه بقلب زوجج.. واهم شي ثقتج بروحج...(انتي غير.. لان اللي معاه كلهم مجرد تسليه... خلي وحد تقول له تعال تزوجني... وشوفي ش بيقول... وانتي راضي بج ويبيج زوجته والدليل انه ماطلق.. معطيج اسمه ويبيج زوجته وحبيبته وام عياله.. ترى هالاشياء مو سهله.. ودليل حبه .. وربي لو مايبيج محد يجبره..)

وبالاخير اعيد واقول لج...

الزمي القرب من ربي تتسخر لج الدنيا باللي فيهاااااا وينزاح عنج اي هم....

ادعيه تفيدج بعد ربي... ( يقينج بربي لازم يكون حديد يعني تتيقنين وتتأكدين ان سعادتج بيد ربي ورزقج بيد ربي وتسخير زوجج وكل شي يخصج بيد ربي سبحانه وحده... ادعي وانتي متأكده ان فرجها عليه وحده سبحانه..مع اجتهادج بالدعاء..)

لا اله الا انت سبحانك اني كنت من الظالمين

اللهم يامسهل الشديد ويا ملين الحديد ... ويا منجز الوعيد . ويا من هو كل يوم ف امر جديد.. اخرجني من حلق الضيق.. الى اوسع الطريق بك ادفع ما لا اطيق.. ولا حول ولا قو الا بك..
<<هالدعاء مو بس للولاده حتى للكربات والمشاكل انا مجربته.. وربي ما ادعيه الا وتنفرج علي..
وأكثري الاستغفار.. والقرآن.. والدعااااء..
خليج قويـــــــــه لاتنهزميــــــــــن هذي مملكتج وهذا الملك اللي انتي زوجته... والملكه عمرهها ماكانت ضعيفه وعمر ما احد جا من برا قصرها وطلعها منه!!!


ربي وقلبي معااااااااااااااج.. وطمنينا عليج...

معلمة
​

 

[غااااااايه]

مع بقايا امراه............................................. استخيري ،وردي لزوجك ، وحاولي تغيرينه ،ممكن تستفيدي من خبرات المتزوجات فالمنتدى من خلال نمطه...........صدقيني الرجل ممكن يتغير ،،، والحرمه ماشاء عندها قدره عجيبه على تغييره ............... ساسيه ،تقربي منه ، اعرفي شخصيته ،وشو يحب ، وشومايحب..............صدقيني من تعرفينه عدل ....بتعرفي كيف تتعاملين معه............ ولاتيأسين ، وشوفي ...ان شاء الله.الله بيكون في عونك

 

[غااااااايه]

ونسيت أقولك نقطه مهمه .................. الفتره اللي جلستيها مع زوجك غير كافيه انك تعرفيه ،وتقيميه................ كم جلست معه ؟؟؟؟؟؟؟؟؟؟ وانتي تقولين صارلك 7 اشهر فبيت اهلك .......... وانتي لسه ماكملتي سنه؟؟؟؟؟؟؟؟؟؟؟؟

عجيبه كيف عرفتيه بهالفتره القصيره جدا،،3 شهور،،؟؟؟؟؟؟؟؟؟؟؟ حرام ..ردي لزوجك ... يمكن فيه صفات ،وميزات لسه ما اكتشفتيها

 

[معلمة متألمة]

اقري عن نمط زوجج شخصيته عشان هالشي واجد بيساعدج..... يمكن الطريق اللي اتعاملينه فيها معاه غلط...

ثقفي روحج... اهتمي بكل شي... و وسعي الخاطر... وهدي بالج...
ترى مع الزعل والعصبيه وبليس قاعد يزيدج.. ماراح يتغير بوضعج اي شي.... بس وقتج اللي بيضيع ووضعج بيتدهور...

بعدين توج بألو سنة زواج.... تونا نقول ياهادي....

الصبـــــــر ياغاليه مفتـــــــــاح كل ضيــــــــــقه والاستغفااار مفتاح لأبواب فولاذيه عجز الكل عن فتحها .. فقط الاستغفاااار والصبر....​

 

[دموعي شي معتاده]

الله يفرج همك

 

[رندا كووول]

عزيزتي 3 اشهر غير كافيه لاستكشاف زوجك
مو معقوله مافيه ايجابيات..راجعي نفسك ولاتفكري بالطلاق..بعد الولاده سيتغير وضعك وفكري بهدوء
كثير بنات غيرك انصدموا بالواقع ولكن استمروا وتعايشوا مع وضعهم الحالي وبفضل الصبر تبدلت حياتهم للافضل
وعليك بالاستغفار وربي يفرجها
ويكتبلك اللي فيه الخير

 

[رازيا]

عاملة كل هالضجة علشان قالك كذابة والفيس بوك الله يرحم نسوان زمان كانت الوحدة تتحمل الفقر والقرف والتعب والخيانات والامراض والعيشة الصعبة
ما فيه صبر ابدا
انصحك لا تتخذي ولا قرار الا بعد ما تولدي بالسلامة واهدي شوي ولا تعقدي المسئلة كل البيوت فيها مشاكل ولو كل وحدة عملت اللي انت عملتيه عز الله ما بقت وحدة في بيتها
الله يرضى عليك اعقلي واتركي موضوع الطلاق وبعدين كلنا حملنا وكلنا تعبنا وتوحمنا وصارت مشاكل الدنيا لكن ما تركنا بيتنا ما ادري احسك دلوعة اهلك ولازم موقف صارم من ابوك يعني يكلم زوجك ويجي يتفاهم معاه وحطي شروط لرجعتك
الطلاق في حالتك ما يجوز لانه لا يشرب ولا يسكر ولا يزني ولا يخون ولا يعاشر بالحرام ولا يضرب
بالله تقولي لي ليش طالبه الطلاق بس لانه يكذب والفيس بوك