الحقووووووووووووووووووني اختي...اختي

ح

حياتي تساهيل

New member
إنضم
2009/05/22
المشاركات
12
بسم الله الرحمن الرحيم
كيفكم عزيزاتي ان شاء الله تمام
حبيت اطرح مشكلتي هنا واتمنى القى عندكم الحل والحضن الدافئ يااااارب
ابختصر الموضوع لأني من الحين ودموعي ع الكيبورد نااااازله
انا عمري 29 سنه ومتزوجه اكبر اولادي عمرة 7سنوات الحمدلله....
لي اخت غاليه ع قلبي وهي القلب الحنون علي لأني اخر العنقود وابوي مااااات ماشفته ولا اعرفه كنت صغيرة...فكانت الصديقة والاخت والرفيقه حتى ف غرفة النوم كنا سوى.....
وباقي اخواتي سوى....المهم
اختي هذي عمرها الحين تقريبا 39 سنه (ع) اوصف لكم صفاتها باختصااااار والله ع مااقول شهيد..
حنونه طيبه اللي ف يدها مو لها هي موظفه وراتبها يروح كله اما صدقات واما تفريج لكربة احد ما الله يفرج كربهاااااا ياحي ياقيوم....قولوا امين
تعرفون معنى كلمة (تصرف علي) قليله ف حقها ووالله اني استحي اروح لها او اسولف معها عن الفلوس لأنها ماتخليني اكمل لو اقولها قصة عن وحدة فكرت انها انا وعلطول ارسلت بناتها وحطو ف شنطتي المقسوم....بصراحه هذا اسلوبها مع اخواتي كلهم ...فهذي فرجت لها وعطتها فلوس تصلح اسنانها وهذي تتقضى لعيالها ووووووو
لكن فيه وحدة من اخواتي بختصر وش سوتلها....
اختي الثانيه عمرها تقريبا 37 سنه او اكثر شوي (و) طبعا كلهم متزوجات عندهم عيال...
اختي الطيبه (ع) سوت اشياء لا تعد من جد والله لأختي الثانيه (و) منها وباختصار فصلت لها كنب لمجلس الرجال حقها خيييييال وخلتها هي اللي تختار اللون والموديل وووووو...
اشترت لبناتها احلى واغلى الملابس الماركه....لبست اولادها اشيك اللبس.....حطت ف يدها المبالغ اللي ماتحلم فيها...اذا جت عندها جابت البقاله كلها بدون مبالغه حتى السكروالشاهي...اذا مشيتي في بيتها تقولين هذي تحفة من (ع) وهذي مرايه وهذي جلسه وووووو...كللللل شي ....
المهم وش تتوقعون ان اختي (و) تجازي اختي (ع) به؟؟؟؟؟؟؟؟؟؟
انا ماراح اطول السالفه اكثر من كذا وبعلمكم وش جازتها به.....
اكتشفت اختي (ع) ان اختي (و) تغااااااااازل زوجها ولهم شهوووووور واكثر ع هذه الحال....
بصرف النظر عن زوج اختي (ع) الخائن ....لييييييييييييييييه اختي تسوي كذا لييييييييييييييه...
مع ان زوجها كل وحده تحلم فيه مدللها ومدلعها بشكل مو طبيعي...الفلوس في يدها زي المويه....كل يوم عند كوفيرا مرة مكياج مرة تسريحه مرة صبغه ووووو....
يعني مبسوطه ع الاخر ...تخيلوا معاي تكلم اختي وتقولها تروحين لأمي ودي اروح بس مافيه احد يوديني على طول اختي تقول خليك جاهزه نمر عليك ...تخيلو تركب مع اختي وزوجها وهي خبيثة سااااكته وهو سااااكت واختي من طيب قلبها مادرت عن شي.....
هذي احد المواقف اما ماخفي اعظم،،،،،
اختي هذي (و) لها اسلوب اذا شافوها الناس ماصدقوا كلمه من اللي قلت....
تبكي وتتمسكن وتسوي حركات وتروح لكل واحد يعزمها وكل عزا وتبكيييي ....والله ان مرة راحت لعزا طفل ميت وتبكي بشكل هستيري حتى ان ام الطفل مابينها وبين اختي هذيك المعرفه والله ان الأم بعدين تكلمت فيها ف المجالس تقول انا اللي ولدي هو اللي مات مابكيت هالبكاء غريبه....
وعن حمولتها بعطيكم مثال واحد لأنهم كثييييييييييييييييير ....تخيلوا تصادق مرت اخو زوجهاالاولى بعدين تصادق الزوجه الثانيه وتعطيها كللللللل اسرار الأولى!!!!!!!!!!!!!!
تخيلتو؟؟؟؟؟؟؟
اما عن زوجات اخوالي او اعمامي فتجلس مع كل واحد وتسوي مشكله تصل الى الطلاق ليش مااااادري....مره خلت عمي يحبس زوجته ف البيت والثاني خلته يغير عباية زوجته والثالث خلته يتشكى من زوجته ع الناس والرابع تستقبله ف بيتها بدون علم زوجته ؟؟؟؟؟
لأنها اذا درت بتنجن!!!!!لييييييه تنجن؟؟؟؟؟مليون علامة استفهام؟؟؟؟؟؟؟؟؟؟؟؟؟
ووصل بها الامر ان تطاولت على امي التي ربتنا بعد وفاة ابوي وقالت لها انتي ساااارقه فلوسي وورثي!!!!!!!!ووالله ان مافيه وحدة مننا تمتعت بورثها ودنياها كثرها....
اما انا وما ادراكم وش سوت فيني !!!وصلت بها القذارة الى ان طعنت ف شرفي!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ووالله الذي لااله الا هو اني ماسامحتها الى اليوم...ولن اسامحها...
تخيلوا اجبرتني ان اكشف عورتي لطبيبة النساء لتكشف ع بكارتي!!!!!!!!!!!!!!!!!
حسبي الله ونعم الوكيل.........لها بنات ..............
خلت اخوي الكبير يرفع علي السلاح وانا لله بريييييييئه كبراءة يوسف عليه السلام......
وبعد سنوات يأتي اخي ويبكي امامي ويقول حلليني ماادري كيف صدقتها!!!!!!!!بهذه البساطه احللك؟؟؟؟؟؟؟؟؟؟سبحان الله
المهم طولت الموضوع اعذروني.....
مرة من المرات طلعت من بيت امي بتركب السيارة وصادف ان زوجي مع زوجها عند السيارة...ووالله جاني ولدي ذو 7 سنوات واللي مايعرف اي شي عنها بل يحبها قالي ماما ماما...شفتي خالتي (و) تو عند باب الشارع الى ان ركبت السيارة وهي تناااااااااااظر بابا!!!!!!!!!!!!!!!!!!!ويلف رقبته كأنها بتنكسر يوصفلي كيف تناظر زوجي!!!!!!!!!!!!
سؤالي /
وش الحل بها؟؟؟؟؟؟؟؟؟تعبت والله تعبت منها........
اخاف توصل لزوجي بكرة احس انها مرييييييييضة بمرض اسمه قلة ادب وقلة حياء...
انتظر حلولكم وكلي ثقة بالله ثم بكم وجزاكم الله خيرا
 
والله مدري وش اقول الله يعينكم عليها
وربي مصيبه
ادعو لها باصلاح وحاولو تودوها لطبيب نفسي
هذي بجد مريضه تحب كل شي فيد غيرها
والله يعينك حصني بيتك وزوجك منها
 
//

الله لايبلانا اختك مرييييضه وفاقده شي يبيلها علاج نفسي
لازم تمسكونها زي الناس انتم اخواتها واخوك برضو خليه يجلس معها ​
 
شكلها عندها عقد وحالات نفسيه لانو مو طبيعي اللي تسوي ولا شكله غيرانه من اختك وحاسدتها ع زوجها واستغلت طيبتها مادري الله يعين زوجها واولادها هادي الا مايجي يوم وتندم على اللي سوته ...
استغفر الله الله لايبلانا ولايسلط علينا وحده زيها ....الله يعينكم
 
اللهم صلي على سيدنا محمد
عليكم بالدعاء لها وانصحكم تاخذونها طبيب نفسي
او انكم تقاطعونها كلكم لفتره معينه عشان تحس بغلطها
لا اله الا انت سبحانك اني كنت من الظالمين
 
استغفر الله اختك ماينفع معها معروف والسكوت عنها قامت تتمادى وقفوها عند حدها باسرع وقت وباكورة باتشي وقهوه الذهبيه مو شينه ماعني مدري وش معناتها لاني نجديه ههههه
 
لا حولا ولا قوة الا بالله

مريضه ويبالها من يوقف في وجها بقوه


وين اخوكي وين زوجها
 
هذي انسانه مريضه ولو اتفقت العائله جميعها على مقاطعتها حتى هاتفيا بعدم الرد على مكالماتها وعدم استقبالها فهنا راح يكون درس كبير لها . الله يصلح احوال المسلمين والمسلمات ولا يبتلينا
 
اختك مريضه مرض نفسي قبل ان يككون مرض اخلاقي وهذا هو اللي دفعها لقلة الادب وقلة الحياء
استغفرالله واتوب اليه...ضروري تروح لدكتور نفسي او ع الاقل انتو بنفسكم خذو الاستشاره من اي دكتور.
 
لماذا لاتواجهينها باسلوب حنون وتقدمي لها النصح ؟
بس اخاف تلصق لك تهمه
اجتهدي بالدعاء الخالص لها وعسى ربي يستجيب دام فيها خصال جميله في شخصيتها
تحيتي لك
 
مررررررررررررررررررررررررررررريضه
حسبي الله ونعم الوكيل
هاذي تامفروض الكل يقاطعها ومايعطيها وجه
لانها بجد تستاهل
واختك الله يعطيها على قد نيتها
والحمدلله انها مظلومه ماهيب ظالمه
وربي يسعدها ويوفقها ويبرون فيها عيالها
 
اختي تصدقي اش اول شئ جاء على بالي..

لو انها اختي لامسكها انا واخواني وهاتك يا ضرب الين تتأدب!! لكن طبعا مو حل منطقي انما حل من الشيطان..!

الحل الصحيح .. اولا الدعاء لها

ثانيا .. تاخذونها معاكم لمحاضرات ويا كثرها .. عن النميمة الخيانة ووووو اشياء كثيييرة..

رابعا .. تعطوها اشرطة تسمعها .. فيها قصص وعبر..

تسمعوها قصص وعبر عن خيانات وكيف انقلبت حياتهم,, وتفهمونها عاقبة من لا يشكر النعم.. طبعا كل هذا بطرق غير مباشرة,,

والله يهديها .. حالتها صعبة لكن مع المثابرة والدعاء ان شاء الله تتعدل والتسامح طيب يا اختي.. سامحيها وارضي عنها وادعي لها بالهداية,,لان المسألة نفسية وسلوكية ويبغا لها صبر,

اما زوج اختك خلي اختك تأدبه بطريقتها ,, واذا نفعت مع المواجهة تجربها

او تجرب حلول اخرى,, اقراي في المنتدى وستجدي الكثير من قصص الاخوات ونجاحهم في تجاوز الازمات,

الله يستر عليكم ويهدي الجميع,,​
 
بصراحه
كُتفت يداي
وحار عقلي
عن ايجاد
اي حل
اعانكم الله​
 
مشكورات غالياتي/
اخواتي الثانيات خايفين منها بس ماادري ليش ساكتين عليها........والله وحده منهم تقول ماابيها تلبس لبس فاضح عند عيالي...بس ماقالت لها شي!!!!!!!
واخواني الرجال وصلهم شرها
بعدين كيف اواجهها باسلوب حنون وغيرة.......
تعبت كل شي سويته ترد وتقول يوووووووووة صدق مادريت وكأنها بريئئئئئئئئئئئئئئئئئئه
وزوجها ماااايرد على اي احد كلمته امي مرة سكت!!!!!!!!
وبعدها كل مادقت امي عليه عطاها الجوال وقال امك داقه.....لاتعليق...
 
لازم تكلموها وتحذروها او تكلموا اخوكم خلوه يحط لها حد لمسخرتها
 
حبيبتي هموسا/ياقلبي انتي.....هذي يوميا تعرفين يوميا تروح تصلي مع زوجها الملتزم ف جاااامع الراجحي وتكلم امي وتقول تونا مصلين على العدد الفلاني من الامواااااااات
عاااااادي وتشبع صييييييييييياح قدام زوجها
على فكرة هي دايم تحضر ف مسجد البواردي اللي معروووف كل يوم شيخ افضل من الثاني
ولا نفع ابي حل...........
 
الله يشفيها ويكفيكم شررررها قولي امين
اذا زودتها قاطعوها عسى بس تتأدب هذا حل ناس عااااقلين
بس لو انا قسم لمسك الخيزرانه ولا العقال واسوي سكك وشوارع في جسمها
لاخليها تحرم تطالع يمين ولا شمال>> هذا حل مانصحك فيه بس كلماته تحوس
بصدري من القهر **
 
لا حول ولا قوة إلا بالله
الله يصلحها
ويكفيكم شرها يارب
احترت شنو اكتب
بس لازم توقفونها عند حدها لانها تمادت كثير وراح تتمادى اكثر
يبي لها موقف قوي يصير لها عشان تصحى من اللي فيه
الشيطان عاميها
الله يعينكم عليها
جد شي يعور اقلب
لا جا الأذى من البعاد يعور لكن لا جا من القراب يذبح​
 
قاطعوها يمكن تحس وتتأدب
لاتحضر اجتماعاتكم ..وامك ايضا تقاطعها ولا تكلمها وتزعل عليها..الله يهديها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل