القلب الجميل
New member
- إنضم
- 2010/02/09
- المشاركات
- 65
السلام عليكم يا بلقيسات
راح ادخل بالموضوع على طول
قربت استخف يا بنات من اللي اجوفه تخيلو يا بنات توني ما صار لي 3 شهور زواج وانه ساكنه عند اهل زوجي بس عن حسب مستقله بس والله مااجوف نفسي مستقله اولادهم كل شوي يجون ويعفسون مكان عفسه ما كانه شقة عروس جديده
والله انه يدخلون غرفه غرفه ويفتحون الثلاجات وكل شي وما يخلون شي والله اهلهم ولا كلمة ينطقونها
لمتى يعني اصبر تعبت واني اكتم بقلبي وزجي الله يحفظه ويخليه ما يقول لهم شي يخاف على مشاعرهم
والله اكتب لكم وانه طفشت وانتو بكرامه يرمون نعلتي بكل الصاله ويلعبون بالعابهم وما يفعلون فعل والله صرت اتعب يوم اللي يقول زوجي بخلي اخوه مثلا يسوي له شي اتعب لانه اعرف اولاده راح يجون لا واحد لا اثنين لا ثلاثه طفشت مااحب الوساخه ياناس ماتعودت على بيئه جذي
سااااااااااعدوني يا بلقيسات احس قلبي بيوقف من هالحركات واهلهم ما يسون لهم شي
انه ما تعودت بيتنا جدي تعودت على الهدوء والراتبه والنظافه والادب
الحمدلله على كل حال ادعوو لي بالصبر والثبات ويهديه عياالهم الاربعه
عطووووووني حلوول بنات ارجوكم طفشت وغير الاشياء اللي ما كتبتها لهم وامهاتهم ما يقولو ولا كلمة وكل يدعون انهم معلمينهم على النظافه واحنا ااولادنا كذا وكذا ليش بمكان يوسخون ولا ينقطقون بكلمة
