الحقوني زوجي بيتزوج علي

[ليه العتاب]

السلام عليكم..هذي اول مشاركه لي في هذا المنتدى الأكثر من رائع
وبصراحه استفدت أشياء كثيره من البلقيسيات الله يجزاهم كل خير ويجعله في موازين حسناتكم
حبيت أستشيركم في موضوع قاهرني ..
أنا لي ست سنوات متزوجه وعندي بنتين الله يحفظهم لي ، وأمس فتحت جوال زوجي ولقيت رسائل من وحده
ولماسألته قال هذي من وحده خطبتها وبتزوجها بعد شهرين !!! أنا بصراحه ماصدقته وقلت له احلف ،،وحلف
وأخذت الرقم من جواله بس مادقيت عليها..
ايش رايكم يالحكيمات أدق عليها واهددها ؟؟؟
وكيف اخليها ترفض زوجي ؟ او أكره زوجي فيها؟
مع العلم ان زوجي شمالي شرقي**

 

[عابرة في الحياة]

اناا لله وانااا اليه لرااااجعون مع التعدد هذا ..!

المهم ما علينا .. اقطعي عليه الموضوع

وحسسيه انه بخطر . .

قولي له لو تزوجت بحذف البنات بوجهك وبتطلقني وننهي اللي بيننا .. وشوفي يقدر يسويها او لا ..

تحياتي^^

 

[حلمي ما أكتمل]

ماخصلنا من الخيانه يجنا التعدد
يالله انك تفرج لنا همومنا ياالله
اهدي واذكري الله وخزي الشيطان
وماانصح تدقين عليها خوفي لادقيتي
عليها تقلب الطاوله عليك وزوجك يوقف
بوجهك ويجرحك ونتي منتي ناقصه
الله يفرج همك​

 

[لؤلؤة البيان]

كان الله في عونك

 

[رازيا]

اتركيه خليه يجرب غيرك والله الا يرجع لك ندمان ويبكي بدل الدمع دم
عزيزتي اذا كان موفر لك كل شي خلاص اتركي يتزوج بالحلال ولا يروح للحرام
ويجيب لك امراض طبعا هذا في حالة اذا شوفتيه مصر على موضوع الزواج
اشرطي شروطك يوفر لك بيت محترم واضمني حقوقك وحقوق بناتك
واطلبي منه لا تشوفيها ولا تشوفك خليه يحترم شوي مشاعرك
واهم شي وصيه بالعدل بينكم
صدقيني ما ادري احس زوجك راح يتورط ورطة وما راح يعرف كيف يطلع منها
واذا كتب الله له الزواج مرة ثانية من هذي الانسانة ابشرك ما راح يستمر معها
صدقيني نزوة وراح يتركها قريب
اصبري واحتسبي الاجر وانت اول استعيني بالله والدعاء يرد القضاء
ادعي الله وثقي بالله وتوكلي عليه
واستخيري في امر زواجه

 

[جوري موف]

توكلي على الله

الجئي الى الله واكثري من الاستغفار ليلا ونهار والصدقه وقول لاحول ولا قوة الا بالله وغيري في شكلك وحركاتك وتعاملك للاحسن

 

[نضوج أنثى]

انا مع رازيا واضيف لاتكلمينها إنتي الخسرانه بتشتكي زوجك وتعرفين الشمالي بيعاند اكثر وحتى لو الفكره في باله الحين بيتمسك فيها أكثر وأكثر لا تدخلين في مواجهه انتي خسرانه فيها عشان لاتعطين فرصه لها تشوف إنها انتصرت عليك وقهرتك وزوجك راح يجرحك إنتي في غنى عن هذا كله صح الضره مره على قولتهم والموضوع مره صعب لكن انتي حبيبتي احتسبي الأجر من الله واعتبريه ابتلاء واصبري صدقيني ربي راح يعوضك كل خير وماتدرين يمكن مايحصل نصيب إنتي ادعي وان شاءالله يصرف الفكره عن باله بس في كل الأحوال اتيقني إنه بصالحك كل الأمور اذا اتزوج او لا لأنه كل شي قدر من الله ومايضيع شي عند رب العالمين

 

[أم ميسوـوـو]

نضووووووووووووووووووووج انثى

ماقصرت

ولايهونون الباقين

~ْ~​

 

[ابتسم وعيش دنيا]

الله يصبرك

 

[ام ديما وبس]

الله يعينك ويصبركي

 

[رندا كووول]

عليك بالدعاء والاستغفار وربي يصرف عنه فكرة الزواج
ولاتتصلي عليها او تهدديها
غيري معاملتك مع زوجك....واذا كان مصر ع الزواج هدديه بالطلاق ..طبعا تهديد بس مو جد
وانا حاسه انه يمزح بس يختبر ردة فعلك.. وانتي ادرى بزوجك هو كان يفكر بالزواج او لا
وربي يوفقك وتكوني ملكه في عيونه ولا يرى ف النساء غيرك

 

[ليه العتاب]

مشكورين كل اللي ردو علي ونصحوني..
الله يسخر لكم أزواجكم ومايشوفون غيركم

 

[الحامي الله]

الله يبعد عنه عيااال الحرااام
اسمعي ممكن يقول كذا علشان يكسر راسك فهمتي علشان ماتشووفي نفسك عليه
بعض الأزواج كذا انتي ادعي الله انه يبعدها عنه ويعيده الا رشده ولك مني الدعووووات
وبرضوا بيني نفسك منتي مهتمه ولا شي عيشي حياتك تزيني انبسطي
لكن راقبيه من بعيد لبعيد لاتشيلين هم الخيره فيما اختاره الله لك
لعل اذا تزوج الله لايقولها يعرف قيمتك من جد ويتمسك فيك اكثر ويعرف ان بنات العالم والناس
مهما يصير مايسون ظفرك
موفقهـ قلبي

 

[Miss Baskoota]

الله يعينج بس انصحج لاتدقين عليها
و خليه يتزوج باالحلال و لاا يروح للحرام ودامه مامقصر وياج و في بناتج لاتعترضين
و الشرع محلل 4
الله يوفقج

 

[حلااميرة الزوق]

ادعى ربك واهتمى بنفسك اكثرى دعاالحاجة اسالى الله باسمة الاعظم استخيرى فى اى قرار تتخزية

 

[اكرمني ربي]

يااااختي
والله الذي لا اله الا هو مافي حل من هالمشكله الا الصبر اصبري تعالي معااااي وشوووفي كيف النتائج اذا سويتي مثل ماقالت الاخت عابره في الحياة واجهي ورمي عليه بناتك وخيريه هههههه قسمن قلة دبره وتصرف طيب تخيلي سوا اللي تبين واخذته العزه وهو رجل وكأنك تلغين رجوليته وتحكمين فيه ووووربي لو مابراس زواج كان اصررررر وتحمل مايجيه يمكن تطلع الزوجه الثاني ماتصلح له راح يصبر عليها عشان مايجي كسيييلر لك يااااعاقله يااااذكيه موب هالطريقه تحلين مشااااكلك
طيب ولو فعلااا نجحت طريقة عابره ف الحياة وطلع زوجك خرررطي وكسرته كلمته وخاااف منك راح يرجع لك كااااره للحياة وللعيشه معك يتخيلك عدوة له ولو تحاولين تكسبينه بعد ماكسرته هيبته صدقيني ماهوب حل الحل؟؟؟؟
الصببببرررر والدعاء والقناعه بما اعطاكي الله انتبهي تسوووووين حركاااات الحريم وتنكدين عيشته رااااح ينتظرررر متى يطلع من بيتك ويروووح للجنه هناااااك عند زوجته الثاااانيه حاااااااولي قدر المستطااااع تصبرررررررررررررررررررررررررين مالك الا الصبررررر بس قبل ما يتزووووج ادعي واستخيري وثقي بالله لو كان شررر لك بيصرفه رب العالمين عنك....
ادري الكلاااام قووووي ومو كل احد يقدر عليه بس هذا الحل السهل المؤدي لأفضل حل بنسبه لحالتك

 

[اكرمني ربي]

اكمممممممممل كلامي
استخيييري اذا كان شر بيصرفه رب العالمين لك يمكن ينتقدن الحريم بالكلمه هذي شرررر لك بنظرتهن ان التعدد شر لأي حرمه...
انا اقصد اذا استخرتي رب العالمين بيصرفه لك اذا كان شر لك وتهديد لحيااااتك يمكن تتطلقين ويتدهورون بناتك وينهدم بيتك لكن اذا كان مافي كل هالاموووور ان شاااءالله تضبط امووووكم بعد ذلك...
يمكن موب مقتنع بك وبعد ماجرب غييييرك اقتنع بك وبعدين انتي سلااااحك بناتك خلييييييييه يشتاااق لهن وتضبطي وكسبيه وربي بعدها مايقدر يصبرررر عنكم خصوووصا هالحين التعدد مسؤليات تكسر ظهر الرجااااال وربي يندم لأنه جاب لنفسه شي هو غني عنه لكن اصبري وشووووفي النقص اللي عندك وحاااولي تتناقشين معااااه وخليك ذكيه حاوريه بهدوء وشوووووفي ليش يبي يتزوج؟؟؟؟

 

[حنين احمد]

فوضي امرك لله و لن يصيبنا الا ما كتب الله لنا
لا تفتحي الموضوع معاها بالخالص
و الله يكتب اللي فيه الخير

 

[gooomr]

ايش الساااااااااالفه ؟؟

 

[رازيا]

يمكن فعلا يهدد فقط