الحقوني بنهار

[ام تويتي]

السلام عليكم اخواتي -
انا متزوجه صارلي سنه وستة اشهر :32:مشكلتي مع زوجي ان اول زواجنا كان دايم يعيرني في جسمي على اساس اني سمينه :29: والله ماكنت سمينه كان جسمي حلو بس تعقد من جسمي وصرت امتن بزياده ولما جبت بنتي الله يحفضها صار وزني 75 كيلو بس ماتتخيلو قد ايش تاثرت المعاشره الزوجيه بذي الزياده صرت استحي زوجي يشوف فيني ولا جزء من جسمي وصرت مقصره واجد معاه بس والله مو بيدي - حتى هو صار متملل مني وماعد طلبني للمعاشره لاني ما استمتع طول الوقت وانا افكر لا يشوف جسمي ويشوفني دبى - من كرهي لجسمي شكلي اخسر زوجي -قولولي لو وحد منكم مكاني وش تسوي:24: الله يسعدكم

 

[الوردوالياسمن]

انازيك ياحلوه بس اقول والله كل من شافني يقول بسم عليك تجنني وجسمك يجنن واقول له احمدربك تبغى المركب الهني وش تبغى بالعظم والله حس ان كلامي صح بس مش من اول مره تياسي لازم تكرري دائم

 

[هم و غم]

طيب من الان رجمي ومارسي رياضه وتمارين
بختصار تحركي لا تتفرجين
وتذكري :
رحلة الف ميل تبدأ بخطوة واحد
ابدي يالله يالدبي لو بخطوه


الله يحفظكم ويجمع بينكم​

 

[ام تويتي]

لا تقولين دبى - بزعل ترى - امزح معك بس والله هاذ انا احاول

 

[نسيم الكتبي]

روحي نادي رياضي ولا تقصري في عمرك وخليه يدفع رسوم النادي
واكثري من الخضروات والفواكه
واشربي ماي لترين في اليوم لانه احتمال يكون عندك املاح في جسمك وحابسه الماي وهو اللي زايد وزنك منه واهم شي اشربي على الريق قبل الفطور بساعه
لانه خالتي اتحاول اتسوي رجيم بس بدون فايده وقالها الدكتور اشربي ماي لانه عندها املاح في جسمها
واتعدلي كل يوم وغيري استايلك

والله يوفقك ان شاء الله​

 

[سكابا]

اولاً.. كوني واثقه من نفسك امامه وبينك وبين نفسك ايضاً
لاتتأثري بتعليق الرجال وانتقادهم وكلامهم..لأن كثير يكون بين الزوجين تعليقات وانتقادات على اللون او الجسم او الشكل او الشعر اي عيب يجيه وقت ويتطرق له احدهم كنوع من المزح او لفت الانتباه اذا كان مما يمكن تعديله وتطويره ..!

وردي عليه نفس كلامه بعيب فيه كنوع من رد المزاح والضحك .. اذا قالها لك
وبعدين قولي له اذا قال عن نفس الوزن..
انه جدا ممتاز وانك رويانة العود وهذا طلب الكثير
وحاولي تنقصين من وزنك بالمشي والتقليل من الحلويات لفتره
ولاتتعبين نفسيتك على توافه ..!!!
الحياة الزوجية أكبر من أن يؤثر فيها وزن أو شكل او غيره
الأخلاق هي الباقية وماعداها زااااائل
وبعدين ياغاليه أنسيه شيء اسمه وزن ابدعي وجددي
ولاتبالغين باللباس اللي يبين عيوبك بعد زيادة وزنك
كل وزن وله طريقة في اللباس الخاص وكل مرحلة في الزواج يتغير اللبس بحسب الوزن والظروف الطارئه .
والله يسعدك،،
أنتي ردي عليه بضحك وبكلمات مزح وخفة دم وقولي اللين مطلوب بكل شيء ههههه

 

[الجده الصغيره]

ههههههههههه

عاااااادي الحال من بعضه..بس انا سويت ريجيم ونحفت وفرحت بجسمي بس ما أعجبه يقول لي شكلك اول احلى ....ورجعت كيلواتي اللي خسرتها...بس أقول لك أنا وااااثقه جدا من نفسي ودايما امدح جسمي عنده...عااادي شلخي عليه..