الحقوني اهل زوجي بيجننوني

[زهوووور الريف]

طيل انتي جربي روحي وياهم يمكن تنبسطون ببركة رضى امه معاكم .. جربي بحسن نيه وخلها لله وماراح يضيع عند الله شي .

وعليك بالاستخارة ووكلي امرك لله ترى سبحانه ما يكتب الا الخير . بس انتي. استخيري و توكلي وادعي باخلاص وشوفي كيف الله سبحانه بيرضيكم جميعا .

 

[تشكرات]

أقصد ..

مو حلوه تقولي لزوجك :

مـــا أبغى اروح معكم ....

 

[ℓάⓝόό]

قلت السالفه لجدتي تقول نوميهم وبالليل اسري > يعني هجي سافري ههههههههههه

تقول الله يفشل العدووو

الله يعينك وان شاء الله تجي منهم ومايروحون

حاااله الوحده تبي تاخذ راحتها مع رجلها فجأه يصيرون جماااعه

 

[دموعي شي معتاده]

الله يفرج همك
هذا هم اهل الزوج ملاقيف

 

[كلمتها مسموعه]

الله يعينك يارب وربي انا زيك بس استحمل علشان زوجي ومااجيب مشاكل لاهلي دعواتكم

 

[عروس مستحية]

اي والله الله يفرجها ويعقل خالتي اللي ناشبه لي

 

[اوراق الماضي]

فهمي زوجك مو كل شي يقوله لامه عيب بعدين تصير مشاكل بسبب زوجك

 

[ام فيصل و دانه]

والله النشبه الله يعينك روحي معهم وخليك مبسوطه على الاخر تغصبي على الوناسه علشان مايحسون انهم قهروك ويستانسون يعني خربي عليهم بيني لهم انك مبسوطه بجيتهم ورحبي فيهم وخليك المعزبه للرحله كلها

الفائده من هذا كله رقم واحد ماحققتي لهم مقصدهم وهو المطابن معك والفائده الثانيه راح تكبري في عين زوجك

طيعيني يابنت ترى هذي حركاتي وزوجي يطير فيني بزياده وهم خخخخخ رايحين وطي دخان يطلع مع اذانيهم خخخخخخخخخخخخخخخخخخ

 

[ام جنى12]

ياعسل فهمي زوجك موكل سفره يروحو معاكم بس قوليها بعد ماترجعو
من السفر

 

[الخنساء المعاصر]

ليه مايسافر معهم وانتي تداومين علشان يعذروك ويستانسوا مع ولدهم واذ ا بدت اجازتك تسافري انتي وياه بس ويكون ارضى الجميع وما راحت عليك الاجازه

 

[شمعةامل]

معانتك زي معاناتي اهل زوجي دايما يسافرون معي تخيلي اخر مرة كنت ابروح انا وزوجي لماليزيا يوم درت اخته قالت ابروح معكم هي وعيالها السته وافق زوجي نكدت علينا سفرتنا خساير على الفاضي المهم نصيحتي انك ماتروحي معهم ولا صدقيني بينشبون فيك دايم وما راح تتهنين في حياتك

 

[الشتاء الدافئ]

ياعمري امه مسكينه فرحانه فيكم وبتحقق امنيه لها انها تصير مثل جارتها فلانه او قريبتها علانه اللي سفرها ولدها البار هو وزوجته وماتغير عليها بعد الزواج ..ام زوجك تبغى تطمن نفسها ان ولدها مازال يحبها ..طمنوها وخذوا اجرها وسفروها وانبسطوا واذا رجعتوا سافروا لحالكم والاجازه طويله والعمر قدااامكم ان شاء الله ..اكسبي اجر ام زوجك واكسبي حب وتقدير زوجك وشجعيه على السفره مع امه وخواته وماتدرين يمكن الله يعطيك على قد نيتك وييسر لك سفره حلوه مع زوجك والله يوفقكم ..

 

[الشتاء الدافئ]

على فكره مازلتي عروس جديده وبعيده عنه اغلب الوقت فلا تجبريه على الاختيار بينك وبين امه لانه بكل اقتناع وسهوله سيختار امه ..كوني حكيمه ولاتتسرعي فزوجك لك طول العمر وبتجي ايام تملين منه ..هوني الموضوع ويهون وكوني ايجابيه ولاتكوني نكديه فيكره زوجك اخلاقك وتكبر بينكم المشاكل التافهه ويبعد عنك اكثر ..ومادام اهله ماراح يكلفون عليكم ماديا فهذه ميزه ايضا ويستطيع زوجك يسافر معك مره ثانيه لوحدكم ..صدقيني السفر مع الجماعه امتع وزوجك بيراقب تصرفاتك فاكسبي نقاط تزيد محبتك عنده فستحتاجينها مستقبلا لو غلط عليك لاقدر الله ..اهم هذه النقاط ..تقدير امه ومعاملتها باحترام ..خفة الدم والضحك وعدم التذمر ..مدحه امام اهله وشكره وتقديره ..صدقيني المفروض تستغلين هالموقف لصالحك وتكوني السباقه لفعل الخير والتفضل على زوجك واهله وفوائد هالشئ ستحصدينها مستقبلا ..وكل نصيحتي لك عن تجربه ..موفقه

 

[- جنون أنثى]

انا رأيي من رأي الشتاء الدافئ

عديها هذي المره و العمر قدامك

و لا تخلينهم يفرحوا انهم قدروا ينكدوا عليك

خليكي عادي

الله يوفقك

 

[هلا الرياض]

الله يصبرك ويكون في عونك

 

[الغيوره جدا]

انا مع الاخوات

 

[الجده الصغيره]

اتفقي مع زوجك يجي وتسافروا بدون ما يخبر امه وبعدين اذا عاتبته امه يوعدها بسفره ثانية معكم مثلا عمرة او اي مكان حلو المهم سافري بدون ما يخبر زوجك امه
وعليك بالدعاء يرد القضاء ويوميا اقرئي سورة البقرة وباذن الله امورك تزين
توكلي عليه وطيب ليش ما تروحي تعيشي عند زوجك خصوصا انك لسه جديد متزوجة يعني عروس يعني زوجك اكيد بيكون محتاجك معاه تنازلي شوي وخذي اجازة 6 شهور وروحي عيشي معاه

لاااااااااااااا هذا مو حل سوي أبدا...انتبهي تقولين له وربي ماتنساها لك امه وهو لو ما طاعك تكون في خاطره ويذكرك فيها دااايم.....

الا احتسبي الاجر واستخيري بالسفره وربك يدبرهاااااااااااا

 

[الجده الصغيره]

ياعمري امه مسكينه فرحانه فيكم وبتحقق امنيه لها انها تصير مثل جارتها فلانه او قريبتها علانه اللي سفرها ولدها البار هو وزوجته وماتغير عليها بعد الزواج ..ام زوجك تبغى تطمن نفسها ان ولدها مازال يحبها ..طمنوها وخذوا اجرها وسفروها وانبسطوا واذا رجعتوا سافروا لحالكم والاجازه طويله والعمر قدااامكم ان شاء الله ..اكسبي اجر ام زوجك واكسبي حب وتقدير زوجك وشجعيه على السفره مع امه وخواته وماتدرين يمكن الله يعطيك على قد نيتك وييسر لك سفره حلوه مع زوجك والله يوفقكم ..

هذا الراي الصح...تسلمين يالشتاء الدافي على هالدرر...

 

[بدايات]

قلنا أمه ممكن بس خواته شو دخلهن

 

[غاده 2]

ياحبيبتي الدور على زوجك انتي خليك برى الملعب ...
زوجك لازم يفهم امه انه مو زينه بحق الحرمه توها عروس وتسافرون معها بعدين شوفتي لها قليله ....
وبعدين مو على ذات السفره الموضوع ومافيه لازم يحطون لك اعتبار ...اذا سافروا معكم هذي المره ماراح يحسبون لك اي احساب ..لا تغلطين غلطتي وانا اختك .. اهم شي عندي هم لازم يفرحون وانا لاحقه على الوناسه حتى صاروا مايحترموني ابد وصرت اروح واجي معهم كأني سلة زمزميات .... ومافيه احد غلطان بالموضوع غيري ...لانه لازم وانا اختك الوحده تعلم زوجها وشلون اهله يحترمونها ويظربون لها احساب .... وبالمعروف مو لازوم هوش وهويش لا بالتفاهم يفتح قلبه لامه ويكلمها باسلوب المشوره مثلا يقولها انا شايف يمه انه الحرمه توها على السفره الجماعيه وبعدين حنا قليل نشوف بعض انا اشوف انه مهب زينه بحقها وبحقكم اننا نسافر جميع والا انتي وش رايك يايمه ؟؟
بكذا تبدى تحترمك وتضرب لك حساب هي وبناتها ... وناستك اولا ثم وناسة الاخريين .
فتك بعافيه