الحضرميات والعناية ببشرتهن بفصل الصيف؟(جهد شخصي متجدد)

[اغلى بشر]

 

[ورود مبعشره]

طيب لو ممكن حبيبتي انا ابي اسوي نظام عنايه لبشرتي يومي

ممكن تساعديني

اخترت الحلبه وابي شي ثاني معاه

وياليت لو شي يفكني من بشرتي الدهنيه

 

[همس وانس]

ان شاء الله تكوني السبب في انهاء معاناتي

حبيتي فدوة اهلها الله يجعلني فدوتك اسعفيني بخلطة للكلف لي تسع سنوات اعاني بشرتي حساسة ماعليك امر لا تقولين ارجعي وتلقينها اكتبيها انا فداك
واسأل الله العظيم ان يرزقك من حيث لا تعلمين انتظر ردك ياقلبي :32:

 

[لمعةعيون]

شكرررررررررر ويسلموو علي هذا المجهود الحلووو وانتظر جديدك

 

[الحان البحر]

السلااام عليكم ورحمة الله وبركااته
تسلمي والله ياأختي والله اني استفدت من كل كلمة كتبتيها ربي يجزاش خير حبيبتي

حاولت اجمع للبنات الخلطات واكتبها هنه برد واحد عشان الكل يستفيد

بسم الله :


خلطة لبياض البشرة

بنفس الكمية واختاري الكمية اللي تناسبش

اخلطي فول مطحون (مو الفول السوداني) عرفتوه الفول وبس ههه
اخلطي الفول المطحون مع حليب بودرة و عدس مطحون (العدس اللي يسوونه شوربة زين؟)

اخلطيهم بماي دافية اشوي لين تتجانس مع بعضها
حطي الخلطة على ويهش نصف ساعه واغسليه بعدها بماي عادي
---
) نخلط السدر المطحون مع ماي ورد لين يصير بقوام الكريم ونحطه على البشرة (الوجه او كامل الجسم) حسب الظروف

وبعد مايجف نغسله بماي فاتر وبعده ماي معتدل

ذا بيعطي البشرة نعومه ولمعان بتلاحظينه من اول مره
===========
اخلطي ملعقة صغيرة هرد ( كركم جسم + بودرة تلك) واخلطيهم بماي معتدل لين تصير خلطه متماسكه حطيها على وجهش
لين تنشف وتحسين ان ويهش بيطلع منش هههههههههههههه

اغسليها بماي عادي برضه مو فاتر ولا بارد

وروحي كملي شغل بيتش يعني مايبيلها استرخاء وضياع وقت



زين؟

وش تسوي هالخلطه؟

هالخلطه تصفي البشرة ولو عليش حبوب تشيلها وتمنع تكون العلامات السوداء بعد الحبوب

======

عشان تحصلين على خدود وردية سوي الخلطة هاي



حلبة
+
حليب

أو
حلبة
+
زبادي

يعني ملعقة من كل نوع
وتخلطين لين يصير قوام متماسك وتفردينه على وجهش

ويصير وجهش يلقلق بياض وخدود حمرة

======
للمناطق الحساسة
ورس
+
نيل
تخلطينهم بماي لين يصير خليط قوامه زي الكريم

خلطة ثانيه :
طيب هاي العلبة حطي بيها نصفها كركم جسم
والنصف الثاني اخلطي زيت سمسم مع زيت زيتون

واخلطي الهرد فيهم لين تصير عندش عجينة زي الكريم

===========
لصفاء الاكواع والركب


اولا الصنفرة ضرورية لهالمنطقة
طيب بعد ماتصنفرين الاكواع والركب

حطي عليها الخلطة السابقه عرفتيها

( كركم جسم + زيت زيتون + زيت السمسم)

===========
للسواد تحت العين استخدمي زيت اللوز المر

=======
خلطات العروس


الخلطة الاولى :

4 ملاعق كبار هرد ( كركم جسم)+ كوب زيت زيتون+ كوب زيت اللوز المر+
صابون الكركم + صابون الغار السوري (حلب)+ علبه ماي ورد
ابشري صابون الغار وصابون الكركم وحطيهم بعلبه تكفي لهاي الخلطة
وحطي عليهم ماي الورد
وخليهم منقوعين فيه 24 ساعة
في اليوم الثاني اخلطي باقي المكونات مع الصابون المنقوع بماي الورد ونحطهم بالخلاط زين؟
وبعد الخلاط نحط الخلطة بعلبه محكمة الغلق

حطي من الخلطة على جسمش كفايته من الليل وخليها ليل كامل
والصباح اغسليه بماي وصابون الكركم
تمام؟
هذه الخلطه راح تظل معاش فترة طويله موحق مره وحده ههههههه
ويوميا سويها او يوم ورى يوم اتفقنا؟
.
.
.
.
.
.
.
.
.


الخلطة الثانية :

صابون غار سوري + نشاء + ماي ورد + زيت زيتون
بنفس الطريقة السابقه
ابشري صابون الغار وحطيه بعلبه وصبي عليه ماي ورد وخليه 24 ساعه
بعدها حطيه بالخلاط وحطي باقي المكونات
واخلطيهم وحطيه بعلبه مناسبه
والليل استخدمي الخلطة على جسمش كاااامل
والصباح اغسلية بصابون الغار

هاي الخلطة تنفع للعرايس العاملات اللي يستحن يروحن الدوام واثار صفرة الكركم على اجسامهن
لاتخبن عليا اي تتضايقن من الاصفرار ترى افهمكن عدل ههههههههه

.
.
.
.
.
.
.


الخلطة الثالثة :

حطي على كامل الجسم تمام ياعرايس مملكة بلقيس ياحلوات؟
والكسلانه مافي مانع تحطها على وجهها وبس
طيب
جيبي ملعقة حبة سوداء مطحونه بعضكم يسموها حبة البركة عرفتوها ؟ حنا نسميه الحبة السوداء
واخلطيها مع ملعقة حليب بودرة وكمان ملعقة سدر
يعني
ملعقة اكل حبة سوداء(حبة البركة)مطحونه + ملعقة اكل حليب بودرة + ملعقة اكل سدر
اخلطي المكونات بماي فاتر اشوي لين تصير عجينه خفيفة حطيها على ويهش ولو تبغين لكامل جسمش
زودي الكمية ياعمري تمام؟
هذه الخلطة تنحط عالجسم بس نصف ساعه ( فرحتو مو؟ تبغون الفكة ههههه)
وبعدها يغسل الجسم بماي فاتر عقبه بارد اشوي عشان يغلق المسام

الخلطات الثلاث هذه راح تنفع العروسة بشكل واااضح وبتشوف كيف بشرتها تكون
صافية وناعمة

ترى هاي الخلطات خاصة بالعرايس بس برضه اللي تبغى تظل عروسه للابد تستخدمها
وين الوقت قولو؟هههه ويلا ايام الخطوبة وبس اي اي اي على ذكر سالفة الخطوبة
اشوفكم مادعيتولي تتم خطبتي اهئ اهئ اهئ محتاجة للدعواااااااااااات خطوبتي في خطر

يارب تكونو استفدتن اخواتي
=======
هاي خلطة لازالة حب الشباب
.
.
.

ملعقة اكل هرد(كركم جسم) + ربع الملعقة كبريت

بودرة + فنجان زيت سمسم

اغلطيهم مع بعض وحطيه بعلبه صغيرون

لما تكوني بتنامي ادهني المنطقة اللي بيها الحبوب

انتبهي لا تقربي الخلطة من عيونش

لان الكبريت حار وضر للعيون تمام ياعيوني


استخدميها يوميا في الليل والصباح اغسلي بصابونة

الكبريت ولو مالقيتي استخدمي اي صابونه

بس ماتكون عطرية اوكي؟

واستمري 3 اسابيع يوميا وباذن الله راح تروح كل

الحبوب من ويهش

ربنا يوفق الجميع
=====
كلنا نعرف ان بالحمل تصير للبشرة مشاكل جمه مثل الكلف والنمش والتصبغات الجلدية
وبعض الامهات تصير بشرتهن جااافه وبعضهن تصير مرهقه بالمره مو؟

خليكم معايا واني راح احطلكم البرنامج بالايام عشان اخواتي البلقيسيات اللي بيولدن
يسيرو عليها بالضبط ويطلعو احلى امهات بعد فترة النفاس
تمام؟
فترة النفاس المتعارف عليها 40 يوم غالبا
طيب

العشرة الايام الاولى : جيبي زيت سمسم وادهني كااااامل جسمش تمام؟
طبعا في الليل وسيبيه على جسمش الليل كله والصباح اغسليه بالصابونه المفضله عندش
لاتنسين بان الزيت يريح العضلات وطبعا بعد الولادة تحس المره بالتعب صح؟
راح يفيدش وااااايد الزيت صحيا كمان مو بس لجمال بشرتش
يوميا ها؟
زين؟


العشرة الايام الثانية : اخلطي الكركم مع زيت السمسم او زيت الزيتون وخليه عجينة شبه ساايله
وحطيه على جسمش الليل كله سمعتي الليل كله ماراح تستفيدي من الخلطه بقوة الا لو خليتيه
الليل كامل
والصباح طبعا نفس العشرة الايام الاولى اغسلي باللي يريحش
والخلطة يوميا

ماراح نكدر عليش بيكفيش وجع الولاده ههه



العشرة الايام الثالثة :

اخلطي ورس بطريقة الدوف لين يصير عجينه متماسكه افرديه على جسمش كااامل
الورس : قد فسرته لكم من قبل بودرة تجي لونها بني ولما تنخلط بماي تصير زي كركم الجسم
عرفتوها؟
اسألو العطار قولوله ورس ويارب يعرفه
طريقة الدوف : حطي على ايدش او على اي وعاء بتخلطينه فيه
حطي عليه شوية موية قدر نصف كمية الورس تمام؟
وحاولي تدعكي بودرة الورس في بعضها لين تصير عجينه متماسكه
بعدها حطي قليل ماي للعجينه بحيث تكون قابله لتنفرد على جسمش
وحطيها على جسمش من الليل كللله لين تكملي عشرة ايام
يعني الخلطة راح تضل على جسمش عشرة ايام ولا تغسليها بماي ولا غيره
اتحملن العشرة ايام هذه بس بعدها راح تشوفن العجب على بشرتكن يالغاليات

.
.
.
وبعد العشرة الايام الثالثة
العشرة ايام الرابعه والاخيرة :

هنا خلاص انتهينا ومابقى غير المرحلة الاخيرة وهي الصنفرة
صنفري جسمش بالطريقة اللي انتي متعودة عليها
وبعد الصنفرة غسلي جسمش بالصابون المعتاد
ويوميا الصنفرة بالوقت اللي يعجبش وباقي الوقت خلاص ارتاحي وريحي بشرتش من الخلطات
بهالعشر الايام
وبعدها
راح تحسي بالفرق وان بشرتش زانت بالمره

وعيشي حياتش طبيعيه وحاولي ياقلبي تحافظي على النتايج اللي حصلتي عليها بالمحافة على بشرتش
======
خلطة للبشرة المسمرة من الشمس

و

للبشرة التعبانه

مممم الله يبعد عنكم التعب

ملعقة صغييييرة نشاء + ملعقة صغييييرة دقيق ابيض + ملعقة صغييييرة حليب بودرة + ليمونه
==================
الحلاوة الطحينية اكليها على الريق يوميا يعني في الصباح الباكر قبل الفطور هاي تزيد الوزن بسرعه
=======
حنا نستخدم مجموعة زيوت نخلطها مع بعض
يارب تنفع معاش لتطويل الشعر
زيت زيتون +زيت السمسم + زيت النارجيل الاصلي اللي علبته معدنية مو بلاستيك +زيت الجرجير
حطيهم بعلبة زيت مع بعض واستخدميهم لمدة ساعتين يوم اي يوم لا
==============

وأكرر شكري على هذي الخلطات الراائعة حفظتها عندي بالجهاز ووربي ماقصرتي والله لادعيلش

 

[كابتشينوو]

مشكوووووره اختي...........وعاااااااااااااشووووووو الحضاااارم

 

[مطيحه غترهم]

يعطييييييييييييييييييييييييييييييييييكم الف عاااافية في من ها لوصفات انا بعد جربتها رووووووووووووعه

 

[uae_forever]

شكراااا الحان البحر على تجميع

 

[Patol11]

Thank you very much