الحضرميات والعناية ببشرتهن بفصل الصيف؟(جهد شخصي متجدد)

[فدوة اهلها]

السلام عليكم ورحمة الله وبركاته​

كيفكم بنات؟
راح اقدم لكم ملف اجمعه من تجاربي ومن تجارب من حولي من الاقارب والاصدقاء في حضرموت
للعناية بالبشرة في فصل الصيف
الموضوع جهد شخصي وخاص لمملكة بلقيس
وراح يكون متجدد وكل ما الاقي معلومة وفائدة راح احطها لين يصير ملف متكامل عن فصل الصيف وكيف تعتني الحضرمية ببشرتها واللي يبغى يستفيد
اوكي؟​

ببدأ​

1) نخلط السدر المطحون مع ماي ورد لين يصير بقوام الكريم ونحطه على البشرة (الوجه او كامل الجسم) حسب الظروف​

وبعد مايجف نغسله بماي فاتر وبعده ماي معتدل​

ذا بيعطي البشرة نعومه ولمعان بتلاحظينه من اول مره​

........................​

وروني ردودكم وانتظرو المزيد​

مستعدة لاي سؤال بهالمجال بس بحدود بو حضرم هههههههههه
----------------------

كلمة لحفظ الحقوق

بنات ممكن اطلب منكم طلب؟
؟
بليز لما احد ينقل اي خلطة من خلطاتي لاي منتدى كان او لاي قسم ثاني

رجاء اذكرو انها خلطة حضرمية وكمان اذكرو انها من منتدى مملكة بلقيس

ذا اقل شي ممكن نسويه في حق منتدانا الرائع

ما اسامح احد لاعضو ولا زائر





​

 

[فدوة اهلها]

2) اخلطي ملعقة صغيرة هرد ( كركم جسم + بودرة تلك) واخلطيهم بماي معتدل لين تصير خلطه متماسكه حطيها على وجهش
لين تنشف وتحسين ان ويهش بيطلع منش هههههههههههههه

اغسليها بماي عادي برضه مو فاتر ولا بارد

وروحي كملي شغل بيتش يعني مايبيلها استرخاء وضياع وقت



زين؟

وش تسوي هالخلطه؟

هالخلطه تصفي البشرة ولو عليش حبوب تشيلها وتمنع تكون العلامات السوداء بعد الحبوب



يارب اكون افدتكم

بس ما اشوف الردود؟

يعني خلاص معاد اكمل؟ والا وش؟

المهم حتى لو مارديتو منتدى مملكة بلقيس يستاهل مني


انتظرو المزيد


ممممممممممم اجبرو خاطري ردو عشان اتحممممس

اهئ اهئ اهئ

 

[ليالينا3]

مشكوره عيوني
فعلا الحضرميات لهم عنايه خاصه
وحتى اكلهم صحى عشان جارتي حضرميه
اشوف بشرتها حلوه تقول الحلبه وماادراك ما الحلبه​

 

[تامار]

يعطيكى الف عافيع على المعلومات الحلوة ....
لش مسعده هههههههههه

 

[هلوسات]

لله يعطيك العافيه
طيب سوري يعني فيه خلطه مفيده للمنطقه الحساسه

 

[فدوة اهلها]

هلا اختي ليالينا3 مشكورة على الرد الحلو
اي والله انتي صادقة وراح احط لش خلطات من الحلبة ولا يهمش

 

[فدوة اهلها]

نورتي صفحتي اختي تامار وانتي مسعده معايا بعد هههههههه

 

[فدوة اهلها]

غاليتي هلوسات اشكر مرورش

وبالنسبة للمنطقة الحساسه ولايهمش الحين جدتي جنبي تشخر بس تقوم من النوم بسألها

وانتظري الرد ياقلبي

 

[فدوة اهلها]

3) عشان تحصلين على خدود وردية سوي الخلطة هاي



حلبة
+
حليب

أو
حلبة
+
زبادي

يعني ملعقة من كل نوع
وتخلطين لين يصير قوام متماسك وتفردينه على وجهش

ويصير وجهش يلقلق بياض وخدود حمرة



وهاي الخلطه اسويها شخصيا والا مو شايفين خدودي حمراء
هههههههههههههههه


ترى كل الخلطات اللي احطها قد سويتها من زمان ولسه مستمرة

يعني خلطات مجربة ومضمونه

دمتم بود

اختكم الحضرمية

فدوة اهلها


انتظرو المزيد

 

[فدوة اهلها]

اي نسيت ما اخبركم ترى خلطة الحلبة خليها على ويهش تقريبا بس ربع ساعه يعني لاتخليها تجف مره

لانها لو جفت ماراح تنزل من ويهش بسهوله وبتطرين بتستخدمين سلك المواعين ههههههه امزح معاكم

يعين راح تتعبش في نزلتها بالماي وكمان راح تاذي بشرتش لانها تلصق لصقة محترمه هههه

بس ربع ساعه اتفقنا؟

 

[روضة سدير]

صادقة مجربه السدر وماء الورد يجنن

 

[تماني المتفاني]

يعطيك العافيه خيتي بس كنت يسالك متى تبان النتيجه في كل خلطه
وانا نفسي يفتح وجهي ويصفى لان جسمي لون وجهي لون غير
مو عارفه افتح لون وجهي مثل جسمي

 

[ذبحني التفكير]

الله يعطيك العافيه ويسعدك
كملي متابعين لك ياقلبي
​

 

[قطعة جالكسي]

مشكوووورة يالغاليه على هالجهود

بجد الحضرميات معروفات بالاهتمام ..

ممكن طلب صغنون يالغاليه ؟؟ اذا ما عليك امر ابغى خلطة تصفي لون الجسم وتوحد لونه وكمان تفتح السواد

تعرفين الوحده بعد الحمل تكون وحده ثانيه << تتغير البشره

فابغى خلطه مضمونه منك ...

 

[احلام الغلا]

الله يسعدش ويسعد اهلش وكل قبيلتش هههههــ

وش بغيتي بعد من دعوه لش ؟؟


وه بس ع الحضرمياااااااااات الله يسعدهم

مشكور حبيبتي وكثري من الخلطااااااااات

 

[فدوة اهلها]

ولايهمكم راح اعطيكم خلطات لين ترضون

بس باقي عليكم الدعوات والردود ماتخلون موضوعي فاتر

مممممممممممم

 

[فدوة اهلها]

هلا اختي روضة سدير تسلمي عالمرور والتأكيد لخلطاتي

لاني ما احط حاجة الا وقدني مجربتها واللي مو مجربته وبس اسمع عنه راح اخبركم للامانه اني مو مجربته وسامعته من هلي او قريباتي جربو
تمام ؟
اتفقنا؟
هييييييييييييييييييييييييي قالو اي اتفقنا
ممممممم

 

[فدوة اهلها]

اخيتي هلوسات سألتيني عن المنطقة الحساسه
وسألت جدتي قالت وش بغت تتوله بنفسها ذي؟
هههههههههه عرفتي وش معنى كلامها؟
ماراح اقولك

امي تقول انهن يسون هالخلطه للمنطقة الحساسه وتصير فاتحه وناعمه مره

الخلطه مكونه من


ورس ( مادري وش تسمونه انتو لو عندش حضرمية قريبه راح تدلش عن اسمه بمنطقتكم)يجي لونه بني ولما يخلط يصير اصفر غاااامق يارب تعرفينه
+
نيل (مادري برضه وش تسمونه المهم لونه اما اسود او ازرق غامق يعني نيلي مشتق منه اسم اللون النيلي)
تخلطينهم بماي لين يصير خليط قوامه زي الكريم وتحطية على المنطقه بالكامل وكمان للمؤخرة لان هالخلطه بتعمل عجايبها

وخليه تقريبا 3 ساعات بعدها اغسليه بالمايه لين يخرج بالفرك


راح تصير المنطقه ماخذه نفس اللون يعني لاتخافي راح يروح اللون مع الايام والتغسيل المستمر


وبعد ماتغسلينه حطي كريم مرطب لان المكونات حارة اشوي على المنطقة بس مفعولها رهييييييييييييييييييب


اي لاتنسين انتبهي تدخلي المكونات داخل يعني المنطقة الظاهرة بس والبشرة الحساسه مره تنتبه لاتسويه فيها

استمري على الموضوع اسبوع وشوفي الفرق راح بتدعينلي العمر كله



ردو عشان اكشف اسرارنا في العناية ببشرتنا

والله اكتبلكم من قلبي
انتو بجد اخواتي والله

 

[فدوة اهلها]

غاليتي تماني المتفاني سألتيني عن مدة الخلطات عشان تبان النتيجه
افضل ان الخلطات تكون يوميا عشان تبان النتيجة اسرع واني استغرق غالبا في الخلطه عشان تبان النتيجة تقريبا اسبوع على الاقل وتبان

يارب اكون افدتش

اي سألتيني عن توحيد لون الويه مع الجسم

استخدمي نفس الخلطات لويهش وبس دون جسمش دامه قده فاتح لين يصفى الويه

اني سويت نفس الشي لما تعرض ويهي لحساسية خلته سمر مره خليت هالخلطات للويه بس بالذات الخلطة اللي حطيتها بالصفحه الاولى الي بيها هرد وبودرة تلك

قريتيها؟

هاي الخلطه ياقلبي نفعتني بهالموقف لين الحمد لله رجعت لوني الحنطي زي باقي جسمي


تمام قلبي ؟

 

[فدوة اهلها]

اختي ذبحني التفكير
رسالتش تعطيني قوة للمواصلة مادمتي متابعه ليا ياقلبي

تسلمي عالرد