الحضانه

[segar_uae]

السلام عليكم خواتي ومبروك عليكم الشهر بنات ابا اعرف اذا الوحده اطلقت وعندها ولد وبعدين عرست الحضانه اتكون لمنو للام ولا للاب والام تبى الولد اي مايصير اتحول الحضانه لامها دخيلكم ردو عليه لان اربيعتيه في مشكله ويزاكم الله خير

 

[abeer abdulmohs]

فيه قانون وفيه مرجع ديني وفيه اتفاق. كل ديره على حسب قانونها وبالدين الولد عند ابوه اذا تزوجت الام. احسن شئ تتفق هي وابوه وزوجها الثاني لانه من الممكن ما يكون له رغبه ان الولد يكون معها. الله ييسر الامر.

 

[عيون عزيز]

حبيبتي على حسب القانون القطري ان الولد يروح لجدته أم امه اذا الأم تزوجت واذا ماقدرت الجدة او ميتة يروح الولد لأبوه.......

 

[مدري شسوي]

انا مطلقة وعندي ولد وقال لي الشيخ اذا تزوجت الولد لابوه قال ممكن يجلس عند جدته امي بس امي كبيرة وماتقدر على العيال بس نصيحة خلي علاقتها باهل طليقها زينة اقصد تتفق مع اهل طليقها ان لها حق الزيارة لولدها خليه يتربى مع ابوه احسن للولد وتتفق قبل الزواج على كل شي مع اهل طليقها ولو كانو سيئين تتحملهم عشان الولد الله يعينها والولد اذا كبر يروح ويجي على كيفة ممكن يزورها اي وقت مو مثل البنت واسفة اذا طولت عليك انا عندي نفس الحالة الله يوفقها

 

[ابداع الحياه]

اظن حسب العمر اذا صغير الحضانه للام واذا يقدر يعتمد ع نفسه يروح مع ابوه بس هم يعتمد اذا الاب صالح وما عليه اي قضيه